Quran with Burmese translation - Surah An-Naml ayat 40 - النَّمل - Page - Juz 19
﴿قَالَ ٱلَّذِي عِندَهُۥ عِلۡمٞ مِّنَ ٱلۡكِتَٰبِ أَنَا۠ ءَاتِيكَ بِهِۦ قَبۡلَ أَن يَرۡتَدَّ إِلَيۡكَ طَرۡفُكَۚ فَلَمَّا رَءَاهُ مُسۡتَقِرًّا عِندَهُۥ قَالَ هَٰذَا مِن فَضۡلِ رَبِّي لِيَبۡلُوَنِيٓ ءَأَشۡكُرُ أَمۡ أَكۡفُرُۖ وَمَن شَكَرَ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ رَبِّي غَنِيّٞ كَرِيمٞ ﴾
[النَّمل: 40]
﴿قال الذي عنده علم من الكتاب أنا آتيك به قبل أن يرتد﴾ [النَّمل: 40]
| Ba Sein ၄ဝ။ အလ္လာဟ်အရှင်မြတ်၏ ကျမ်းတော်၌ တတ်ကျွမ်းလိမ္မာသူတစ်ယောက်က အို-တရားမင်းမြတ်၊ ထိုပလ္လင်ကို မျက်စိတမှိတ်လျှပ်တစ်ပြက်မျှနှင့် အထံတော်သို့ ရောက်အောင် အကျွနု်ပ်ယူဆောင်ဆက်သပါမည်ဟု တင် လျှောက်၏၊ ထို့နောက်ရာဇပလ္လင်တော်ကို မိမိရှေ့တော်တွင် ချထားသည်ကို မြင်ရသောအခါ ဤအရာသည် ငါ၏အရှင်သခင်၏ ကောင်းကြီးမင်္ဂလာတော်ဖြစ်၏၊ ယင်းသို့သနားတော်မူခြင်းမှာ အကျွနု်ပ်သည် ဂုဏ်ကျေးဇူး တော်ကို ချီးမွမ်း၊မချီးမွမ်းကို စုံစမ်းဖို့ရဖြစ်သည်၊ အကြင်သူသည် ဂုဏ်ကျေးဇူးတော်ကို ချီးကျူးအ့ံ၊ ထိုသူသည် မိမိအကျိုးရစေဖို့ရာ ချီးကျူးသည်မည်၏၊ အကြင်သူသည် ကျေးဇူးကန်းအ့ံ၊ ထိုုသူသည် မိမိအပြစ်ရစေဖို့ရာ ကျေးဇူးကန်းသည်မည်၏၊ အကြောင်းမူကားအကျွနု်ပ်၏ အသက်သခင်ကျေးဇူးရှင်သည် ဇာတိပကတိအားဖြင့် ကုံလုံပြည့်စုံတော်မူပါ၏၊ အနန္တကောင်းကြီးမင်္ဂလာသခင်မုချအမှန်ဖြစ်တော်မူပါ၏ဟု ဆို၏။ |
| Ghazi Mohammad Hashim ကျမ်းဂန်၏ အသိပညာရှိသူတစ်ဦးက ကျွန်တော်မျိုးသည် ထိုရာဇပလ္လင်ကို ကိုယ်တော်၏မျက်စိ တစ်မှိတ်အတွင်း၊ ကိုယ်တော်ထံသို့ ဆောင်ကြဉ်းခဲ့ပါမည်ဟု လျှောက်ထားခဲ့လေ၏။ ထို့နောက် ထိုစုလိုင်မာန်သည် ထိုရာဇပလ္လင်ကို မိမိအနီးတွင် တည်ရှိနေသည်ကို တွေ့မြင်ခဲ့သောအခါ (ဤသို့)ပြောကြားခဲ့လေ၏။ ဤသည် ငါ့အား ဖန်ဆင်းမွေးမြူတော်မူသော အရှင်မြတ်၏ ကျေးဇူးတော်တစ်ရပ်ပင်၊ ငါသည် ကျေးဇူးတင်လေသလော။ သို့တည်းမဟုတ် ငါသည် ကျေးဇူးကန်းလေသလောဟု ထိုအရှင်မြတ်သည် ငါ့အား စမ်းသပ်တော်မူခြင်းငှာ ဖြစ်ပေသည်။ စင်စစ်သော်ကား မည်သူမဆို ကျေးဇူးတင်ခဲ့လျှင် မိမိအကျိုးငှာ ကျေးဇူးတင်ခဲ့ခြင်းသာ ဖြစ်ပေမည်။ သို့ရာတွင် မည်သူမဆို ကျေးဇူးကန်းခဲ့လျှင် ဧကန်မလွဲ ငါ့အား ဖန်ဆင်းမွေးမြူတော်မူသော အရှင်မြတ်သည် လိုလားတောင့်တခြင်း ကင်းမဲ့တော်မူသော၊ အလွန်တရာ ရက်ရောတော်မူသော အရှင်မြတ်ပင် ဖြစ်ပေသတည်း။ |
| Hashim Tin Myint ကျမ်းဂန်၏အသိပညာရှိသူတစ်ဦးက ကျွန်ုပ်သည် ထိုပလ္လင်ကို ကိုယ်တော်၏မျက်စိတစ်မှတ်အတွင်း ကိုယ်တော်၏ထံသို့ ယူခဲ့ပါမည်ဟု ပြောဆိုခဲ့သည်။ ထို့နောက် ၎င်းသည် ထိုပလ္လင်ကို ၎င်းအနီး၌ တည်ငြိမ်ရောက်ရှိနေသည်ကို တွေ့မြင်သည့်အခါ ၎င်းက ပြောဆိုသည်- ဤသည် ငါ့အား ဖန်ဆင်းမွေးမြူတော်မူသောအရှင်မြတ်၏ကျေးဇူးတော်ထဲမှ တစ်ခုဖြစ်သည်။ ငါသည် ကျေးဇူးတင်သလော၊ သို့မဟုတ် ငါသည် ကျေးဇူးကန်းသလောဆိုသည်ကို အရှင်မြတ်က ငါ့အား စမ်းသပ်တော်မူရန်အတွက် ဖြစ်သည်။ ထို့ပြင် မည်သူမဆို ကျေးဇူးတင်ခဲ့လျှင် သူ၏အကျိုးအတွက် ကျေးဇူးတင်ခဲ့ခြင်းသာဖြစ်သည်။ ထို့ပြင် မည်သူမဆို ကျေးဇူးကန်းခဲ့လျှင် အမှန်စင်စစ် ငါ့အား ဖန်ဆင်းမွေးမြူတော်မူသောအရှင်မြတ်သည် လိုလားတောင့်တခြင်းကင်းပြီး ပြည့်စုံကြွယ်ဝတော်မူသောအရှင် အလွန်ရက်ရောတော်မူသောအရှင် ဖြစ်တော်မူသည်။ |