Quran with Burmese translation - Surah Al-Qasas ayat 15 - القَصَص - Page - Juz 20
﴿وَدَخَلَ ٱلۡمَدِينَةَ عَلَىٰ حِينِ غَفۡلَةٖ مِّنۡ أَهۡلِهَا فَوَجَدَ فِيهَا رَجُلَيۡنِ يَقۡتَتِلَانِ هَٰذَا مِن شِيعَتِهِۦ وَهَٰذَا مِنۡ عَدُوِّهِۦۖ فَٱسۡتَغَٰثَهُ ٱلَّذِي مِن شِيعَتِهِۦ عَلَى ٱلَّذِي مِنۡ عَدُوِّهِۦ فَوَكَزَهُۥ مُوسَىٰ فَقَضَىٰ عَلَيۡهِۖ قَالَ هَٰذَا مِنۡ عَمَلِ ٱلشَّيۡطَٰنِۖ إِنَّهُۥ عَدُوّٞ مُّضِلّٞ مُّبِينٞ ﴾
[القَصَص: 15]
﴿ودخل المدينة على حين غفلة من أهلها فوجد فيها رجلين يقتتلان هذا﴾ [القَصَص: 15]
| Ba Sein ၁၅။ ထို့အပြင်မူစာသည် မြို့သူမြို့သားတို့သတိလစ်နေကြသောအခါ မြို့တွင်းသို့ အမှတ်မဲ့ဝင်လာရာ အချင်းဖြစ်ပွား စကားများနေသူနှစ်ယောက်ကို တွေ့၏၊ ထိုနှစ်ယောက်အနက် တစ်ယောက်ကား မူစာ၏အမျိုးသားထဲမှဖြစ်၏၊ ကျန်တစ်ယောက်ကား မိမိ၏ ရန်သူအမျိုးသားထဲမှာ ဖြစ်၏၊ သူ၏အမျိုးသားက မူစာအား သူ၏ရန်သူအမျိုးသား မှ ကယ်တင်ရန် တောင်းပန်၏၊ ထို့ကြောင့်မူစာသည် ရန်သူအမျိုးသားကို လက်သီးနှင့်ထိုး၍ သတ်ပစ်လေ၏၊ ထိုအခါသူက ဤလူသတ်မှုသည် ရှိုင်တန်မာရ်နတ်၏အလုပ်တည်း၊ ရှိုင်တန်သည် ရန်သူအမှန်ဖြစ်၏၊ အမှားသို့ သာ သွေးဆောင်ပြသူဖြစ်၏ဟု ညည်းညူ၏။ |
| Ghazi Mohammad Hashim ၎င်းပြင် ထိုမူစာသည် (အရွယ်ရောက်ပြီး နောက်တစ်နေ့သ၌) မြို့တွင်းသို့ ထိုမြို့သူမြို့သားတို့ အမှုမဲ့အမှတ်မဲ့ဖြစ်နေချိန် ဝင်ရောက်ခဲ့ရာ ယင်းမြို့တွင်း၌ စကားများရန်ဖြစ်နေကြသော လူနှစ်ယောက်အား တွေ့ရှိခဲ့ပေသည်။ (ထိုနှစ်ယောက်အနက်) ဤသူတစ်ယောက်မှာ ထိုမူစာ၏အုပ်စုထဲမှဖြစ်ပြီး၊ အခြားတစ်ယောက်မှာကား ထိုမူစာ၏ရန်သူတို့အနက်မှ ဖြစ်ခဲ့ပေသည်။ သို့ဖြစ်ပေရာ ထိုမူစာ၏အုပ်စုမှဖြစ်သောသူက ထိုမူစာ၏ရန်သူတို့အနက်မှ ဖြစ်သောသူနှင့်ဆန့်ကျင်၍ အပူတပြင်း အကူအညီတောင်းခံခဲ့လေသည်။ ထိုအခါ မူစာသည် ၎င်းရန်သူအုပ်စုမှ ဖြစ်သောသူအား လက်သီးဖြင့်ထိုးပြီး ၎င်းအား အဆုံးစီရင်လိုက်လေသည်။ ထိုမူစာက ဤသည် ရှိုင်တွာန်မိစ္ဆာ အပြုအမူပင်ဖြစ်သည်။ ဧကန်မလွဲ ထိုရှိုင်တွာန်မိစ္ဆာကောင်မှာ ထင်ရှားစွာ လမ်းလွဲစေသော ရန်သူပင်ဖြစ်သည်ဟု ပြောဆိုခဲ့လေသည်။ |
| Hashim Tin Myint ထို့ပြင် ၎င်းသည် မြို့ထဲသို့ သူတို့အမှတ်မထင်ဖြစ်နေသည့်အချိန်* ဝင်ရောက်ခဲ့သည့်အခါ ထိုမြို့ထဲတွင် စကားများရန်ဖြစ်နေကြသော လူနှစ်ဦးကို တွေ့ခဲ့ရသည်။ (ထိုအထဲမှ)ဤတစ်ယောက်သည် ၎င်း၏အုပ်စုထဲမှဖြစ်ပြီး အခြားတစ်ယောက်ကမူ ၎င်း၏ရန်သူများထဲမှ ဖြစ်ခဲ့သည်။ ထို့ပြင် ၎င်း၏အုပ်စုထဲမှသူက ၎င်း၏ရန်သူအုပ်စုထဲမှသူနှင့် ဆန့်ကျင်ပြီး အကူအညီ အတင်းအကျပ်တောင်းခံခဲ့သည်။ သို့ဖြစ်ရာ မူစာသည် (၎င်း၏ရန်သူအုပ်စုမှဖြစ်သည့်)သူကို လက်သီးနှင့်ထိုးလိုက်သည်။ သို့ဖြစ်ရာ ထိုသူသည် သေဆုံးသွားခဲ့သည်။ ၎င်း(မူစာ)က ဤသည် ရှိုင်သွာန်၏လုပ်ရပ်*ပင်ဖြစ်သည်။ အမှန်စင်စစ် ထိုရှိုင်သွာန်သည် ထင်ရှားစွာ လမ်းလွဲစေသော ရန်သူပင်ဖြစ်သည်ဟု ပြောဆိုခဲ့သည်။ |