Quran with Burmese translation - Surah Al-Qasas ayat 73 - القَصَص - Page - Juz 20
﴿وَمِن رَّحۡمَتِهِۦ جَعَلَ لَكُمُ ٱلَّيۡلَ وَٱلنَّهَارَ لِتَسۡكُنُواْ فِيهِ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ ﴾
[القَصَص: 73]
﴿ومن رحمته جعل لكم الليل والنهار لتسكنوا فيه ولتبتغوا من فضله ولعلكم﴾ [القَصَص: 73]
| Ba Sein ၇၃။ အလ္လာဟ်အရှင်မြတ်သည် မိမိ၏ကောင်းကြီးမင်္ဂလာတော်အနန္တများအနက် ညဉ့်နှင့်နေ့ကို သင်တို့အဖို့အရာ ဖန်ဆင်းတော်မူ၏၊ ညဉ့်သည် သင်တို့အိပ်စက်အမောဖြေရန်အတွက်၊ နေ့သည် သင်တို့အရှင်မြတ်၏ ကျေးဇူး တော်ကို ရှာမီးရန်အတွက်ဖြစ်၏၊ ယင်းသို့စီရင်ခြင်းသည် သင်တို့ကျေးဇူးသိကောင်းသိဖို့ရာဖြစ်၏။ |
| Ghazi Mohammad Hashim စင်စစ် ထိုအရှင်မြတ်သည် မိမိကရုဏာတော်ဖြင့် အသင်တို့အဖို့ ညဉ့်နှင့်နေ့ကို၊ အသင်တို့သည် ညဉ့်၌ အနားယူကြအံ့သောငှာလည်းကောင်း၊ အသင်တို့သည်(နေ့၌)ထိုအရှင်မြတ်၏ ကျေးဇူးတော်တည်းဟူသော စားနပ်ရိက္ခာ ဖွေရှာကြအံ့သောငှာလည်းကောင်း၊ ပြုလုပ်ဖန်ဆင်းတော်မူခဲ့ပေသည်။ သို့မှသာလျှင် အသင်တို့သည် ကျေဇူးသိတတ်ကြရာသတည်း။ |
| Hashim Tin Myint ထို့ပြင် အရှင်မြတ်သည် အရှင်မြတ်၏ကရုဏာတော်နှင့် အသင်တို့အတွက် ညနှင့်နေ့ကို အသင်တို့သည် ည၌ အနားယူကြရန်နှင့် (နေ့တွင်) အရှင်မြတ်၏ကျေးဇူးတော် စားနပ်ရိက္ခာကို ရှာဖွေကြရန်အတွက် အသင်တို့ ကျေးဇူးသိတတ်ကြရန် ပြုလုပ်ဖန်ဆင်းထားတော်မူခဲ့သည်။ |