Quran with Burmese translation - Surah al-‘Imran ayat 112 - آل عِمران - Page - Juz 4
﴿ضُرِبَتۡ عَلَيۡهِمُ ٱلذِّلَّةُ أَيۡنَ مَا ثُقِفُوٓاْ إِلَّا بِحَبۡلٖ مِّنَ ٱللَّهِ وَحَبۡلٖ مِّنَ ٱلنَّاسِ وَبَآءُو بِغَضَبٖ مِّنَ ٱللَّهِ وَضُرِبَتۡ عَلَيۡهِمُ ٱلۡمَسۡكَنَةُۚ ذَٰلِكَ بِأَنَّهُمۡ كَانُواْ يَكۡفُرُونَ بِـَٔايَٰتِ ٱللَّهِ وَيَقۡتُلُونَ ٱلۡأَنۢبِيَآءَ بِغَيۡرِ حَقّٖۚ ذَٰلِكَ بِمَا عَصَواْ وَّكَانُواْ يَعۡتَدُونَ ﴾
[آل عِمران: 112]
﴿ضربت عليهم الذلة أين ما ثقفوا إلا بحبل من الله وحبل من﴾ [آل عِمران: 112]
| Ba Sein ၁၁၂။ အလ္လာဟ်အသျှင်မြတ်အထံတော်မှသော်လည်းကောင်း၊ လူသားများထံမှသော်လည်းကောင်း ကာကွယ်စောင့်ရှောက်မည်ဟု ပဋိညာဉ်ရရှိသူတို့မှတစ်ပါး သူတို့အနက် အခြားသူတို့ သူသည် သွားလေရာတိုင်း၌ပင် အရှက်တကွဲဖြစ်ကြရမည်။သူတို့သည် မိမိတို့အသျှင်သခင်၏ အမျက်တော်ရှခြင်းကိုခံရပြီး သူတို့သည် အတိဒုက္ခဆင်းရဲခံကြရ၏။ ယင်းသို့့ဖြစ်ရခြင်း၏ မူလ အကြောင်းရင်းကား သူတို့သည် အလ္လာဟ်အသျှင်မြတ်၏ ဗျာဒိတ်တော်များကို မယုံကြည်ခြင်း၊ မိမိတို့တမန်တော်တို့ကို မတရားသတ်ဖြတ်ခြင်းတို့ကြောင့်ဖြစ်၏။ သူတို့သည် ထောက်ထားခြားနား ခြင်း၍ တရားတော် ကျူးလွန်ချိုးဖောက်သောကြောင့်လည်းဖြစ်၏။ |
| Ghazi Mohammad Hashim ထိုသူတို့သည် မည့်သည့်နေရာ၌မဆို၊ အလ္လာဟ်အရှင်မြတ်နှင့်သော်လည်းကောင်း၊ လူတို့နှင့်သော်လည်းကောင်း၊ ပဋိညာဉ်ထားရှိသည်မှအပ နလေရာအရပ်တိုင်းတွင် ယင်းသူတို့အပေါ်၌ ဂုဏ်အသရေ သေးသိမ်ခြင်းသည်အတည်ပြုပြီးဖြစ်သည့်ပြင်၊ ယင်းသူတို့အား အလ္လာဟ်အရှင်မြတ်၏ အမျက်တော်သည် သင့်ခဲ့ ချေပြီ။ ထိုမျှမက ယင်းသူတို့အပေါ်ဝယ် ဒုက္ခဆင်းရဲခြင်းသည်လည်း အတည်ပြုပြီး ဖြစ်ချေပြီ။ ဤ(ကဲ့သို့ ဂုဏ်အသရေ သေးသိမ်ခြင်း၊ အမျက်တော်သင့်ခြင်းနှင့် ဆင်းရဲခြင်းဒုက္ခခံစားရခြင်းတို့) အကြောင်းကားထိုသူတို့သည် အလ္လာဟ်အရှင်မြတ်၏ အမိန့်ဗျာဒိတ်တော်များကို မယုံမကြည်သွေဖည် ငြင်းပယ်လေ့ရှိခြင်းကြောင့် လည်းကောင်း၊ နဗီတမန်တော်များအား (မည်သည့် နည်းနှင့်မျှ) သတ်ဖြတ်ပိုင်ခွင့် မရှိဘဲလျက် မတရားသဖြင့်သတ်ဖြတ်လေ့ရှိခြင်းကြောင့်လည်းကောင်း ဖြစ်ချေသည်။ (တဖန်) ဤ(ကဲ့သို့ ပြစ်မှုဒုစရိုက်များကျူးလွန်ခြင်း) အကြောင်းကား ယင်းသူတို့သည်အမိန့်တော်ကို မနာခံခဲ့ခြင်းကြောင့်လည်းကောင်း၊ စည်းကမ်းဖေါက်ဖျက် ခဲ့ကြခြင်းကြောင့်လည်းကောင်း၊ ဖြစ်ပေသတည်း။ |
| Hashim Tin Myint သူတို့ကို မည်သည့်နေရာတွင် တွေ့ရှိသည်ဖြစ်စေ သူတို့အပေါ်တွင် သေးသိမ်မှုသည် ကျရောက်ခဲ့ပြီဖြစ်သည်။ သို့ရာတွင် အလ္လာဟ်အရှင်မြတ်ဘက်မှ ကတိကဝတ် တစ်စုံတစ်ခု (အီမာန်ယုံကြည်မှု ကတိကဝတ်)ကြောင့်ဖြစ်စေ*၊ လူများဘက်မှ ကတိကဝတ် တစ်စုံတစ်ခု (လူခွန်ပေးခြင်း ကတိကဝတ်)ကြောင့်ဖြစ်စေ* သူတို့သည် ခိုလှုံမှုရရှိခြင်းမှလွဲ၍ (အမြဲသေးသိမ်လျက်ပင်ရှိသည်)။ ထို့ပြင် သူတို့သည် အလ္လာဟ်အရှင်မြတ်၏အမျက်ဒေါသကို ခံကြရပြီဖြစ်သည်။ ၎င်းပြင် သူတို့အပေါ်တွင် ဒုက္ခဆင်းရဲမှုသည်လည်း လွှမ်းမိုးခံရပြီဖြစ်သည်။ ထိုကဲ့သို့ခံရသည်မှာ သူတို့သည် အလ္လာဟ်အရှင်မြတ်၏ အာယသ်တော်များကို ငြင်းပယ်ကြသည့်အပြင် နဗီတမန်တော်များကိုလည်း မတရားသတ်ဖြတ်သောကြောင့်ဖြစ်သည်။ ထိုအရာသည် သူတို့အနေဖြင့် အမိန့်တော်ကို မနာခံကြဘဲ စည်းကမ်းဖောက်ဖျက်ခဲ့ကြခြင်းကြောင့်ဖြစ်သည်။ |