Quran with Burmese translation - Surah Al-Ahzab ayat 6 - الأحزَاب - Page - Juz 21
﴿ٱلنَّبِيُّ أَوۡلَىٰ بِٱلۡمُؤۡمِنِينَ مِنۡ أَنفُسِهِمۡۖ وَأَزۡوَٰجُهُۥٓ أُمَّهَٰتُهُمۡۗ وَأُوْلُواْ ٱلۡأَرۡحَامِ بَعۡضُهُمۡ أَوۡلَىٰ بِبَعۡضٖ فِي كِتَٰبِ ٱللَّهِ مِنَ ٱلۡمُؤۡمِنِينَ وَٱلۡمُهَٰجِرِينَ إِلَّآ أَن تَفۡعَلُوٓاْ إِلَىٰٓ أَوۡلِيَآئِكُم مَّعۡرُوفٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا ﴾
[الأحزَاب: 6]
﴿النبي أولى بالمؤمنين من أنفسهم وأزواجه أمهاتهم وأولو الأرحام بعضهم أولى ببعض﴾ [الأحزَاب: 6]
| Ba Sein ၆။ ယုံကြည်သူတို့သည် တမန်တော်ကို မိမိတို့ကိုယ်ထက် သာလွန်ချစ်ခင်မြတ်နိုးကြ၏၊ တမန်တော်၏ ကြင်ယာ တော်တို့သည် သူတို့၏အမိအရင်းသဖွယ်ဖြစ်၏၊ ထို့အပြင်ဆွေမျိုးရင်းခြာယုံကြည်သူတို့သည် တစ်ဦးနှင့်တစ်ဦး အခြားယုံကြည်သူများထက်သော်လည်းကောင်း၊ သာလွန်ချစ်ခင်စုံမက်ရာသည်ဟု အလ္လာဟ်အရှင်မြတ်၏ ကျမ်း ဂန်တော်၌ လာ၏၊ သို့သော်သင်တို့သည် မိမိတို့အဆွေခင်ပွန်းများကို ထောက်ထားညှာတာကျေးဇူးပြုကြလော့၊ ကျမ်းတော်မြတ်တွင် ထိုသို့ရေးတင်မှတ်သားထား၏။ |
| Ghazi Mohammad Hashim နဗီတမန်တော်မြတ်သည် မုအ်မင်န် သက်ဝင်ယုံကြည်သူတို့နှင့် ၎င်းတို့ကိုယ်တိုင်ထက်ပင် ပိုမို၍နီးစပ်၏။၎င်းပြင် ထိုနဗီတမန်တော်မြတ်၏ ကြင်ရာတော်များသည်မုအ်မင်န် သက်ဝင်ယုံကြည်သူတို့၏ မိခင်များပင် ဖြစ်ကြကုန်၏။ ထိုမှတစ်ပါး အလ္လာဟ်အရှင်မြတ်၏ကျမ်းဂန်၌ သွေးရင်းသားရင်း တော်စပ်သူတို့မှာ အချင်းချင်း တစ်ဦးနှင့်တစ်ဦးအခြား မုအ်မင်န် သက်ဝင်ယုံကြည်သူ တို့ထက်လည်းကောင်း၊မုဟာဂျိရီန် မိမိတို့၏အိုးအိမ်စည်းစိမ်များကိုစွန့်ကာ (မက္ကာမြို့မှ) ရွှေ့ပြောင်းခဲ့ကြကုန်သော သူတို့ထက်လည်းကောင်း၊ပိုမို၍နီးစပ်သူများ ဖြစ်ကြကုန်၏။ သို့ရာတွင် အသင်တို့သည်မိမိတို့၏အဆွေခင်ပွန်းများအား တစ်စုံတစ်ရာ ကျေးဇူးပြုလိုကြသည်ရှိသော်(ပြုနိုင်ခွင့်ရှိ၏)။ ဤသည်ကား အလ္လာဟ်အရှင်မြတ်၏ မှတ်တမ်းတော်၌ ရေးသားပြီးဖြစ်ချေသတည်း။ |
| Hashim Tin Myint တမန်တော်မြတ်သည် အီမာန်ယုံကြည်သူများနှင့် သူတို့ကိုယ်တိုင်ထက်ပင် ပို၍နီးစပ်သည်။* ထို့ပြင် ၎င်းတမန်တော်မြတ်၏ကြင်ရာတော်များသည် အီမာန်ယုံကြည်သူများ၏မိခင်းများပင် ဖြစ်ကြသည်။* ထို့ပြင် အလ္လာဟ်အရှင်မြတ်၏ကျမ်းဂန်တွင် သွေးတော်စပ်သူများသည် အချင်းချင်း တစ်ဦးနှင့်တစ်ဦး အခြားအီမာန်ယုံကြည်သူများနှင့် မုဟာဂျရ် စွန့်ခွာပြောင်းရွှေ့သူများထက် ပိုမို၍ နီးစပ်သူများဖြစ်ကြသည်။* သို့ရာတွင် အသင်တို့သည် အသင်တို့၏မိတ်ဆွေများအား တစ်စုံတစ်ရာ ကျေးဇူးပြုလိုပါက (ပြုပိုင်ခွင့်ရှိသည်)။ ဤသည် အလ္လာဟ်အရှင်မြတ်၏ မှတ်တမ်းတော်တွင် ရေးသားပြီးဖြစ်သည်။ |