Quran with Burmese translation - Surah FaTir ayat 43 - فَاطِر - Page - Juz 22
﴿ٱسۡتِكۡبَارٗا فِي ٱلۡأَرۡضِ وَمَكۡرَ ٱلسَّيِّيِٕۚ وَلَا يَحِيقُ ٱلۡمَكۡرُ ٱلسَّيِّئُ إِلَّا بِأَهۡلِهِۦۚ فَهَلۡ يَنظُرُونَ إِلَّا سُنَّتَ ٱلۡأَوَّلِينَۚ فَلَن تَجِدَ لِسُنَّتِ ٱللَّهِ تَبۡدِيلٗاۖ وَلَن تَجِدَ لِسُنَّتِ ٱللَّهِ تَحۡوِيلًا ﴾
[فَاطِر: 43]
﴿استكبارا في الأرض ومكر السيئ ولا يحيق المكر السيئ إلا بأهله فهل﴾ [فَاطِر: 43]
| Ba Sein ၄၃။ ဤမကောင်းသောတရားကို သူတို့၏ မာန်မာနကြီးခြင်းနှင့် မကောင်းမှုကြံစည်ခြင်းက ထင်ရှားစေ၏၊ သို့သော် မကောင်းသောအကြံအစည်သည် ကြံစည်သူကိုသာ ဘေးပေး၏၊ ထို့ကြောင့်သူတို့သည် ရှေးလူဟောင်းများကို ကွပ်မျက်စီရင်တော်မူသကဲ့သို့ စီရင်ခြင်းမှတပါး အခြားစီရင်တော်မူခြင်းကုုိ မျှော်လင့်နိုင်ကြသလော၊ အို--တမန်တော်၊ အလ္လာဟ်အရှင်မြတ်စီရင်တော်မူသောနည်းလမ်းတော်သည် တစ်မျိုးတစ်ဖုံပြောင်းလဲသည်ကို အဘယ်အခါမှ သင်တွေ့ကြံုရမည်မဟုတ်၊ ထို့အပြင်၎င်းနည်းလမ်းတော်ကို ပြောင်းလဲနိုင်သည့်စွမ်းရည်သတ္တိ ရှိသူကို သင်တွေ့နိုင်မည်မဟုတ်ချေ။ |
| Ghazi Mohammad Hashim မိမိတို့ကိုယ်ကို ကမ္ဘာမြေ၌ အထင်ကြီးခဲ့ကြသောကြောင့် ထိုမှတစ်ပါး မကောင်းသော ကြံစည်မှုကို(လည်းတိုးပွားစေခဲ့၏)။ အမှန်စင်စစ်သော်ကား မကောင်းသောအကြံအစည်၏ အကျိုးသည် ယင်း မကောင်းသောအကြံအစည်ကိုကြံစည်သောသူတို့၏ အပေါ်၌သာလျှင် သက်ရောက်ပေသည်။သို့ဖြစ်ပေရာ ၎င်းတို့သည် ရှေးသူဟောင်းတို့၏ ကျင့်ရိုးကျင့်စဉ်ကို သာလျှင် စောင့်မျှော်၍နေကြကုန်၏။ စင်စစ်မှာကားအသင်သည် အလ္လာဟ်အရှင်မြတ်၏ ကျင့်ရိုးကျင့်စဉ်၌ မည်သည့်ပြောင်းလဲမှုကိုမျှပင် အလျဉ်း တွေ့ရှိမည်မဟုတ်ပေ။ ထိုမှတစ်ပါး အသင်သည် အလ္လာဟ်အရှင် မြတ်၏ ကျင့်ရိုးကျင်စဉ်၌မည်သည့်လဲလှယ်မှုကိုလည်း အလျှင်းတွေ့ရှိမည် မဟုတ်ပေတကား။ |
| Hashim Tin Myint (သူတို့သည် အမှန်တရားကို လိုလား၍ ထိုသို့ ကျိန်ဆိုခဲ့ကြသည် မဟုတ်ပေ၊ အမှန်စင်စစ် သူတို့သည်) သူတို့ကိုယ်ကို ကမာ္ဘမြေပေါ်တွင် အထင်ကြီးခဲ့သည့်အတွက်ကြောင့် (ကျိန်ဆိုခဲ့ကြခြင်းဖြစ်သည်)၊ ထို့ပြင် (သူတို့သည် ထိုကျိန်ဆိုမှုနှင့်)မကောင်းကြံစည်မှုကို (ပြုလုပ်ကြရန် လူများအား လှည့်စားကြရန် ရည်ရွယ်ခြင်းဖြစ်သည်)။ ထို့ပြင် မကောင်းကြံစည်မှု၏အကျိုးဆက်သည် ထိုမကောင်းကြံစည်မှုကို ကြံစည်သည့်သူများအပေါ်၌ပင် သက်ရောက်သည်။ သို့ဖြစ်ရာ သူတို့သည် ယခင်က လူများ(အပေါ် အရှင်မြတ်၏)လုပ်ထုံးလုပ်နည်းကိုပင် စောင့်မျှော်နေကြသည်ဖြစ်သည်။ ထို့ပြင် အသင်သည် အလ္လာဟ်အရှင်မြတ်၏လုပ်ထုံးလုပ်နည်းတွင် မည်သည့်ပြောင်းလဲမှုကိုမျှ လုံးဝတွေ့ရမည် မဟုတ်ပေ။ ထို့ပြင် အသင်သည် အလ္လာဟ်အရှင်မြတ်၏လုပ်ထုံးလုပ်နည်းတွင် မည်သည့် လဲလှယ်မှုကိုမျှလည်း တွေ့ရမည်မဟုတ်ပေ။ |