Quran with Burmese translation - Surah Ghafir ayat 16 - غَافِر - Page - Juz 24
﴿يَوۡمَ هُم بَٰرِزُونَۖ لَا يَخۡفَىٰ عَلَى ٱللَّهِ مِنۡهُمۡ شَيۡءٞۚ لِّمَنِ ٱلۡمُلۡكُ ٱلۡيَوۡمَۖ لِلَّهِ ٱلۡوَٰحِدِ ٱلۡقَهَّارِ ﴾
[غَافِر: 16]
﴿يوم هم بارزون لا يخفى على الله منهم شيء لمن الملك اليوم﴾ [غَافِر: 16]
| Ba Sein ၁၆။ ထိုနေ့တော်ကြီး၌ လူသားအားလုံးထွက်လာကြရမည်၊ သူတို့နှင့်စပ်လျဉ်းသည့်အမှုအခင်းတစ်စုံတစ်ရာကိုမျှ အလ္လာဟ်အရှင်မြတ်အထံတော်မှ ဖုံးကွယ်၍ မထားနိုင်ချေ၊ ထိုနေ့တော်ကြီးကို အဘယ်သူစိုးပိုင်သနည်း၊ တစ်ဆူတည်းအထီးထီး တည်တော်မူသောအရှင်၊ အနန္တတန်ခိုးတော်အရှင်၊ အလ္လာဟ်အရှင်မြတ်သာလျှင် စိုးပိုင် တော်မူ၏။ |
| Ghazi Mohammad Hashim အကြင်နေ့တွင် ၎င်းတို့သည် (မိမိတို့၏သင်္ချိုင်းများအတွင်းမှ ထိုအရှင်မြတ်၏)ရှေ့တော်မှောက်သို့ ထွက်လာကြရပေမည်။ (ထိုနေ့တွင်) ၎င်းတို့နှင့်ပတ်သက်၍ မည်သည့်တစ်စုံတစ်ရာမျှပင် အလ္လာဟ်အရှင်မြတ်၌ ဖုံးကွယ်၍ နေမည်မဟုတ်ပေ။ (ထိုနေ့တွင် ထိုအရှင်မြတ်က) "စိုးမိုးအုပ်ချုပ်သည့် အာဏာသည် ယနေ့ မည်သူ၌ ရှိချေသနည်း"(ဟုမိန့်ကြားတော်မူပေမည်။ တစ်ဖန် မိမိကိုယ်တော်တိုင်)တစ်ဆူတည်းဖြစ်တော်မူသော၊ အလွန်တရာ နိုင်နင်းလွှမ်းမိုးတော်မူသော အလ္လာဟ်အရှင်မြတ်၌သာရှိသည် (ဟု မိန့်ကြားတော်မူပေမည်)။ |
| Hashim Tin Myint ထိုနေ့တွင် သူတို့သည် (ဖန်ဆင်းရှင်ရှေ့၌) ပေါ်လွင်ထင်ရှားလာမည်။ သူတို့နှင့်ပတ်သက်၍ အလ္လာဟ်အရှင်မြတ်အပေါ်တွင် မည်သည့်အရာမျှ ဖုံးကွယ်နေခြင်းရှိမည် မဟုတ်ပေ။ “စိုးမိုးအုပ်ချုပ်မှုအာဏာသည် ယနေ့ မည်သူ့ထံတွင် ရှိသနည်း“(ဟု မိန့်ကြားတော်မူမည်၊ ထို့ပြင် အရှင်မြတ်ကိုယ်တိုင် မိန့်ကြားတော်မူမည်) တစ်ပါးတည်းဖြစ်တော်မူသော အဖန်ဆင်းခံအားလုံးအပေါ် လွှမ်းမိုးထားတော်မူသော အလ္လာဟ်အရှင်မြတ်၌ပင်ရှိသည်။ |