Quran with Burmese translation - Surah Ghafir ayat 28 - غَافِر - Page - Juz 24
﴿وَقَالَ رَجُلٞ مُّؤۡمِنٞ مِّنۡ ءَالِ فِرۡعَوۡنَ يَكۡتُمُ إِيمَٰنَهُۥٓ أَتَقۡتُلُونَ رَجُلًا أَن يَقُولَ رَبِّيَ ٱللَّهُ وَقَدۡ جَآءَكُم بِٱلۡبَيِّنَٰتِ مِن رَّبِّكُمۡۖ وَإِن يَكُ كَٰذِبٗا فَعَلَيۡهِ كَذِبُهُۥۖ وَإِن يَكُ صَادِقٗا يُصِبۡكُم بَعۡضُ ٱلَّذِي يَعِدُكُمۡۖ إِنَّ ٱللَّهَ لَا يَهۡدِي مَنۡ هُوَ مُسۡرِفٞ كَذَّابٞ ﴾
[غَافِر: 28]
﴿وقال رجل مؤمن من آل فرعون يكتم إيمانه أتقتلون رجلا أن يقول﴾ [غَافِر: 28]
| Ba Sein ၂၈။ ဖွာရောဘုရင်၏ သားချင်းဆွေမျိုးတို့အနက် ယုံကြည်သူတစ်ယောက်ရှိ၏၊ ထိုသူတော်ကောင်းသည် မိမိ၏ ယုံကြည်မှုကို လူမသိစေရန် လျှို့ဝှက်ထား၏၊ သူက အချင်းတို့၊ အကြင်သူသည် ငါ၏အသက်သခင်ကျေးဇူးရှင် သည် အလ္လာဟ်အရှင်မြတ်ပင်တည်းဟု ပြောဆိုရုံမျှနှင့် ထိုသူကို သင်တို့သည် သတ်ဖြတ်မည်ကြံသလော၊ ထိုသူသည် သင်တို့၏ အသက်သခင်ကျေးဇူးရှင်အထံတော်မှ ရှင်းလင်းထင်ရှားသောသက်သေသာဓကတော် များကို ဆောင်လာ၍ သင်တို့အား ပြသပြီး ဖြစ်ပါ၏၊ ထိုသူသည် မဟုတ်မမှန်လုပ်ကြံပြောဆိုအ့ံ၊ ထိုသူသည် သူ၏ မုသားကံ၏ အပြစ်ကို သူပင်လျှင် ခံစားရလတ့ံ၊ သို့မဟုတ် သူသည် ဖြောင့်မတ်မှန်ကန်သောစကားကို ဆိုပါအ့ံ၊ ထိုတမန်တော်ခြိမ်းခြောက်ဟောပြောသောအပြစ်ဒဏ်သည် သင်တို့ကို ထိလတ့ံ၊ အမှန်မှာ အလ္လာဟ် အရှင်မြတ်သည် တရားတော်ကို ကျူးလွန်၍ မုသားစကားဆိုသူအား မည်သည့်အခါမှ လမ်းညွှန်တော်မမူချေဟု ဆို၏။ |
| Ghazi Mohammad Hashim ထို့ပြင် "ဖစ်ရ်အောင်န်" ၏ ဆွေမျိုးသားချင်းတို့အနက်မှ မိမိ "အီမာန်" ယုံကြည်မှုကို လျှို့ဝှက်၍ ထားရှိလေသော "မုအ်မင်န်"ယောက်ျားတစ်ဦးက (ဤသို့)ပြောဆိုခဲ့လေ၏။ "အသင်တို့သည် လူတစ်ယောက်အား ထိုသူက ငါ့အား ဖန်ဆင်းမွေးမြူတော်မူသော အရှင်မြတ်မှာ အလ္လာဟ်အရှင်မြတ်ပင် ဖြစ်တော်မူသည်"ဟု ပြောဆိုမှုကြောင့် သတ်ဖြတ်ကြမည်လော။ အမှန်စင်စစ်သော်ကား ထိုသူသည် အသင်တို့ထံ အသင်တို့အား ဖန်ဆင်းမွေးမြူတော်မူသော အရှင်မြတ်အထံတော်မှ ထင်ရှားစွာသော သက်သေအထောက်အထားများကိုလည်း ယူဆောင်လာခဲ့လေ၏။ စင်စစ်သော်ကား အကယ်၍သာ ထိုသူသည် မုသားဝါဒီဖြစ်မူ ထိုသူ၏မုသားဝါဒသည် ၎င်း၏အပေါ်၌သာ ကျရောက်ပေမည်။ သို့ရာတွင် အကယ်၍ ထိုသူသည် သစ္စာဝါဒီဖြစ်လျှင် အသင်တို့အား ထိုသူ ကြိုတင်ဗျာဒိတ်ပေးလျက်ရှိသည်တို့အနက် (ပြစ်ဒဏ်) တစိတ်တဒေသမှာ အသင်တို့၌ သက်ရောက်မည်ဖြစ်၏။ အမှန်စင်စစ် အလ္လာဟ်အရှင်မြတ်သည် စည်းကမ်းကျူးလွန်သော လွန်စွာ မုသားပြောဆိုသောသူအား တရားလမ်းမှန်ကို ညွှန်ပြတော်မူသည် မဟုတ်ပေ။ |
| Hashim Tin Myint ထို့ပြင် ဖိရ်အောင်န်၏ဆွေမျိုးများထဲမှ သူ၏အီမာန်ကို လျှို့ဝှက်ထားသော အီမာန်ရှင်တစ်ဦးက ပြောဆိုခဲ့သည်၊ အသင်တို့သည် လူတစ်ယောက်အား ထိုသူက ငါ့အား ဖန်ဆင်းမွေးမြူတော်မူသောအရှင်သည် အလ္လာဟ်အရှင်မြတ်ပင် ဖြစ်တော်မူသည်ဟု ပြောဆိုသည်နှင့် သတ်ဖြတ်ကြမည်လော။ ထို့ပြင် အမှန်စင်စစ် ၎င်းသည် အသင်တို့ထံသို့ အသင်တို့အား ဖန်ဆင်းမွေးမြူတော်မူသော အရှင်မြတ်ထံတော်မှ ထင်ရှားသော သက်သေအထောက်အထားများကိုလည်း ယူဆောင်လာခဲ့သည်။ ထို့ပြင် အကယ်၍ ၎င်းသည် လိမ်လည်သူဖြစ်လျှင် ၎င်း၏လိမ်လည်မှုသည် ၎င်း၏အပေါ်၌ပင် ကျရောက်မည်ဖြစ်သည်။ ထို့ပြင် အကယ်၍ ၎င်းသည် မှန်ကန်သည့်သူဖြစ်လျှင် အသင်တို့ကို ၎င်းကြိုတင်ပြောခဲ့သော (ပြစ်ဒဏ်)အချို့သည် အသင်တို့အပေါ်တွင် သက်ရောက်မည်ဖြစ်သည်။ အမှန်စင်စစ် အလ္လာဟ်အရှင်မြတ်သည် စည်းကမ်းကျူးလွန်သည့်၊ အလွန်လိမ်လည်သည့်သူကို တရားလမ်းမှန် ညွှန်ကြားပြသတော်မမူပေ။ |