Quran with Burmese translation - Surah Ash-Shura ayat 24 - الشُّوري - Page - Juz 25
﴿أَمۡ يَقُولُونَ ٱفۡتَرَىٰ عَلَى ٱللَّهِ كَذِبٗاۖ فَإِن يَشَإِ ٱللَّهُ يَخۡتِمۡ عَلَىٰ قَلۡبِكَۗ وَيَمۡحُ ٱللَّهُ ٱلۡبَٰطِلَ وَيُحِقُّ ٱلۡحَقَّ بِكَلِمَٰتِهِۦٓۚ إِنَّهُۥ عَلِيمُۢ بِذَاتِ ٱلصُّدُورِ ﴾
[الشُّوري: 24]
﴿أم يقولون افترى على الله كذبا فإن يشأ الله يختم على قلبك﴾ [الشُّوري: 24]
| Ba Sein ၂၄။ အို-တမန်တော်၊ ထိုမိစ္ဆာဒိဋ္ဌိတို့သည် သင့်အား အလ္လာဟ်အရှင်မြတ်အကြောင်းကို မဟုတ်မမှန်လုပ်ကြံသည်ဟု စွပ်စွဲသလော၊ အလ္လာဟ်အရှင်မြတ်အလိုတော်ရှိခဲ့ပါလျှင် သင်၏ စိတ်နှလုံးကို ချိတ်တံဆိပ်ခတ်နှိပ်ထားနိုင်ခဲ့ လေ၏၊ ထို့အပြင်အရှင်မြတ်သည် အဟုတ်အမှန်မိစ္ဆာတရားကို ဖယ်ရှားပစ်တော်မူလတ့ံ၊ အရှင်မြတ်သည် သမ္မာတရားတော်ကို မိမိဗျာဒိတ်တော်အားဖြင့် တည်ထောင်တော်မူလတ့ံ၊ အလ္လာဟ်အရှင်မြတ်သည် စိတ်နှလုံး တို့တွင် ဖုံးကွယ်လျှို့ဝှက်ချက်ဟူသမျှတို့ကို အကြွင်းမဲ့သိတော်မူ၏။ |
| Ghazi Mohammad Hashim ၎င်းတို့က ထို(မုဟမ္မဒ်)သည် အလ္လာဟ်အရှင်မြတ်အပေါ်၌ မုသားကို လီဆယ်စွပ်စွဲခဲ့သည်ဟု ပြောဆိုကြလေသလော။သို့ဖြစ်လျှင် အကယ်၍ အလ္လာဟ်အရှင်မြတ်သည် အလိုရှိတော်မူပါလျှင် အသင်၏စိတ်နှလုံးပေါ်၌ တံဆိပ်ခတ်နှိပ်တော်မူပေမည်။ စင်စစ်သော်ကား အလ္လာဟ်အရှင်မြတ်သည် မိမိ၏အာယတ်တော်များဖြင့် အမှားကို ဖျောက်ဖျက်တော်မူ၍အမှန်ကို အခိုင်အမာဖြစ်အောင် ပြုလုပ်တော်မူလေ့ရှိ၏။ဧကန်မလွဲ ထိုအရှင်မြတ်သည် ရင်များ၏အတွင်း၌ ရှိသည်များတို့ကို အကြွင်းမဲ့သိတော်မူသောအရှင် ဖြစ်တော်မူပေသတည်း။ |
| Hashim Tin Myint သူတို့က ၎င်း(တမန်တော်)သည် အလ္လာဟ်အရှင်မြတ်အပေါ်တွင် မုသားကိုလုပ်ကြံစွပ်စွဲခဲ့သည်ဟု ပြောဆိုကြသလော။ သို့ဖြစ်လျှင် အကယ်၍ အလ္လာဟ်အရှင်မြတ်အလိုရှိတော်မူလျှင် အသင်(တမန်တော်)၏စိတ်နှလုံးပေါ်၌ တံဆိပ်ခတ်နှိပ်တော်မူလိုက်မည်ဖြစ်သည်။ ထို့ပြင်အလ္လာဟ်အရှင်မြတ်သည် အရှင်မြတ်၏ အာယသ်တော်များဖြင့် အမှားကို ပပျောက်စေတော်မူပြီး အမှန်ကို ခိုင်မာအောင်ပြုလုပ်တော်မူလေ့ရှိသည်။ အမှန်စင်စစ် အရှင်မြတ်သည်ရင်(စိတ်နှလုံး)များထဲတွင်ရှိသည်များကို အကြွင်းမဲ့သိတော်မူသောအရှင်မြတ် ဖြစ်တော်မူသည်။ |