Quran with Burmese translation - Surah Al-Ma’idah ayat 72 - المَائدة - Page - Juz 6
﴿لَقَدۡ كَفَرَ ٱلَّذِينَ قَالُوٓاْ إِنَّ ٱللَّهَ هُوَ ٱلۡمَسِيحُ ٱبۡنُ مَرۡيَمَۖ وَقَالَ ٱلۡمَسِيحُ يَٰبَنِيٓ إِسۡرَٰٓءِيلَ ٱعۡبُدُواْ ٱللَّهَ رَبِّي وَرَبَّكُمۡۖ إِنَّهُۥ مَن يُشۡرِكۡ بِٱللَّهِ فَقَدۡ حَرَّمَ ٱللَّهُ عَلَيۡهِ ٱلۡجَنَّةَ وَمَأۡوَىٰهُ ٱلنَّارُۖ وَمَا لِلظَّٰلِمِينَ مِنۡ أَنصَارٖ ﴾
[المَائدة: 72]
﴿لقد كفر الذين قالوا إن الله هو المسيح ابن مريم وقال المسيح﴾ [المَائدة: 72]
| Ba Sein ၇၂။ အကြင်သူတို့က အလ္လာဟ်အသျှင်မြတ်သည် မရယမ်၏သား မေရှိယာခရစ်တော်ဖြစ်၏ဟု ဆိုကြ၏။ သူတို့သည် မိစ္ဆာဒိဌိစင်စစ်ဖြစ်ကြ၏။ အမှန်ပင် မယုံကြည်ကြပေ။ မေရှိယာကိုယ်တိုင်ပင်လျှင် အို-အစ္စရာအီလ်အမျိုးသားအပေါင်းတို့ အကျွနု်ပ်၏အသျှင်သခင်၊ သင်တို့၏အသျှင်သခင် အလ္လာဟ် အသျှင်မြတ်ကိုသာလျှင် ကိုးကွယ်ကြလော့။ မှတ်သားကြလော့။ အကြင်သူသည် အလ္လာဟ်အသျှင်မြတ် ၌ ဘက်စပ်တွဲဖက်သော ဘုရားများရှိသည်ဟု ပြောကြားအံ့။ ထိုသူသည် ဂျန္နတ်သုခဘုံသို့ မဝင်ရဟု အလ္လာဟ်အသျှင်မြတ် ပိတ်ပင်တားမြစ်ထားတော်မူ၏။ သူ၏ ဗိမာန်သည် ငရဲမီးဖြစ်၏။ ဒုစရိုက် မကောင်းမှုကျူးလွန်သူတို့၌ ကူညီရိုင်းပင်းသူ တစ်ဦးတစ်ယောက်မျှ ရှိမည်မဟုတ်ပေ။ |
| Ghazi Mohammad Hashim မလွဲဧကန် ကာဖိရ်ဖြစ်သွားကြသောသူတို့က “ဧကန်စင်စစ် အလ္လာဟ်အရှင်မြတ်သည် ‘မရ်ယမ်’ ၏သားတော် ‘မစီဟ်’ (အီစာ) ပင် ဖြစ်တော်မူသည်” ဟု ပြောဆိုခဲ့ကြကုန်၏။ အမှန်သော်ကား မစီဟ် (ကိုယ်တိုင်) ကပင် “အို - အစ္စရာအီလီမျိုးနွယ်အပေါင်းတို့ အသင်တို့သည် ငါ၏အရှင်နှင့် အသင်တို့၏အရှင်ဖြစ်တော်မူသော အလ္လာဟ်အရှင်မြတ်ကိုပင် ခဝပ်ကိုးကွယ်ကြလေကုန်” ဟု ပြောဆိုခဲ့လေသည်။ စင်စစ်ဧကန် မည်သူမဆို (တစ်စုံတစ်ရာကို) အလ္လာဟ်အရှင်မြတ်နှင့် တွဲဖက် (ကိုးကွယ်) ပါလျှင် အလ္လာဟ်အရှင်မြတ်သည် ထို (ကဲ့သို့သော) သူ၏အဖို့ ‘ဂျန္နတ်’ အမတသုခဘုံကို မုချဧကန် ပိတ်ပင် ထားတော်မူအံ့။ ၎င်းပြင် ထိုသူ၏လားရာဌာနသည် ငရဲမီးပင်ဖြစ်လတ္တံ့။ ထိုမှတစ်ပါး (ယင်းကဲ့သို့) မတရားကျူးလွန်သောသူတို့အား ရိုင်းပင်းကူညီ စောင်မမည့်သူဟူ၍ကား တစ်စုံတစ်ယောက်မျှ ရှိလိမ့်မည်မဟုတ်ပေ။ |
| Hashim Tin Myint “အမှန်စင်စစ် အလ္လာဟ်အရှင်မြတ်သည် မရ်ယမ်၏သားတော်မစီဟ်(အီစာ)ပင်ဖြစ်သည်“ဟု* ပြောဆိုခဲ့ကြသောသူများသည် အမှန်ပင် ကာဖိရ်ဖြစ်သွားခဲ့ကြပြီဖြစ်သည်။ ထို့ပြင် မစီဟ်(အီစာကိုယ်တိုင်)ကမူ “အို- အစ္စရာအီလ်မျိုးနွယ်အပေါင်းတို့၊ အသင်တို့သည် ငါ့အား ဖန်ဆင်းမွေးမြူတော်မူသောအရှင်နှင့် အသင်တို့အား ဖန်ဆင်းမွေးမြူတော်မူသောအရှင် ဖြစ်တော်မူသည့်အလ္လာဟ်အရှင်မြတ်ကိုသာ ကိုးကွယ်ကြပါ“ဟု ပြောဆိုခဲ့သည်။ အမှန်မှာ မည်သူမဆို အလ္လာဟ်အရှင်မြတ်နှင့် တွဲဖက်(ကိုးကွယ်)လျှင် အလ္လာဟ်အရှင်မြတ်သည် ထိုသူ့အတွက် ဂျန္နသ်သုခဘုံကို အမှန်ပင် ဟရာမ်ပြုလုပ် တားမြစ်ထားတော်မူမည်။ ၎င်းပြင် သူ၏နေရာထိုင်ခင်းသည် ငရဲမီးပင်ဖြစ်သည်။ ထို့ပြင် မတရားကျူးလွန်သောသူများအား ကူညီမည့်သူ တစ်ဦးတစ်ယောက်မှရှိမည် မဟုတ်ပေ။ |