Quran with Burmese translation - Surah Al-An‘am ayat 12 - الأنعَام - Page - Juz 7
﴿قُل لِّمَن مَّا فِي ٱلسَّمَٰوَٰتِ وَٱلۡأَرۡضِۖ قُل لِّلَّهِۚ كَتَبَ عَلَىٰ نَفۡسِهِ ٱلرَّحۡمَةَۚ لَيَجۡمَعَنَّكُمۡ إِلَىٰ يَوۡمِ ٱلۡقِيَٰمَةِ لَا رَيۡبَ فِيهِۚ ٱلَّذِينَ خَسِرُوٓاْ أَنفُسَهُمۡ فَهُمۡ لَا يُؤۡمِنُونَ ﴾
[الأنعَام: 12]
﴿قل لمن ما في السموات والأرض قل لله كتب على نفسه الرحمة﴾ [الأنعَام: 12]
| Ba Sein ၁၂။ တဖန် ဟောကြားလော့။ မိုးမြေပေါ်ဝယ်ရှိရှိသမျှတို့ကို အဘယ်သူစိုးပိုင်သနည်း။ သင်ဟောပြော လော့။ အလ္လာဟ်အသျှင်မြတ် စိုးပိုင်တော်မူ၏။ အသျှင်မြတ်သည် ကောင်းကြီးမင်္ဂလာပေးသနားတော် မူရန် မိမိအပေါ်၌ တာဝန်သတ်မှတ်ထားတော်မူ၏။ အသျှင်မြတ်သည် ၎င်းနှင့်ပတ်သက်၍ ယုံမှား သံသယမရှိသော နေ့တော်ကြီးသို့ သင်တို့အားလုံးကို အတူတကွ စုရုံးယူလာတော်မူနိုင်ရန် ယင်းသို့ သတ်မှတ်ထားတော်မူ၏။ ထိုနေ့တော်ကြီး ဆိုက်ရောက်လာမည်ကို ယုံမှားသံသယ လုံးဝမရှိနိုင်ချေ။ မိမိတို့ဝိညာဉ်များကို မိမိတို့ ဖျက်ဆီးသူတို့သည် ယုံကြည်ကြမည်မဟုတ်ပေ။ |
| Ghazi Mohammad Hashim (အို-နဗီတမန်တော်) အသင်သည် (ထိုသွေဖည်ငြင်းပယ်သောသူတို့အား) မိုးကောင်းကင်များနှင့် ပထဝီမြေကြီး၌ ရှိရှိသမျှသောအရာတို့သည် မည်သူပိုင်ဆိုင်သော အရာများဖြစ်သနည်းဟု မေးမြန်းပါလေ။ ( ထိုသူတို့သည် ပဌမသော် အမှန်အတိုင်း ဖြေကြားကြမည်ဖြစ်သည်။ အကယ်၍အကြောင်း တစုံတရာကြောင့် အမှန်အတိုင်း မဖြေကြားခဲ့သည်ရှိသော်) အလုံးစုံတို့သည် အလ္လာဟ်အရှင်မြတ် ပိုင်ဆိုင်တော်မူသော အရာများသာဖြစ်ချေသည် ဟု အသင်ကပင် ဖြေကြားပါလေ။ ၎င်းပြင် ထိုအရှင်မြတ်သည် (သတိတရားရရှိ၍ရှစ်ရ်က် မှ ဝန်ချတောင်းပန်သူတို့အား) ကရုဏာပြုတော်မူရန် မိမိအပေါ်၌ တာဝန်အဖြစ် သတ်မှတ်ထားတော်မူပြီးဖြစ်သည်ဟုလည်း ပြောဆိုပါလေ။ ၎င်းပြင် ထိုအရှင်မြတ်သည် အသင်တို့အား ကိယာမတ်နေ့တွင် မုချ စုရုံးတော်မူမည်။ထိုနေ့၏ (ဆိုက်ရောက်ခြင်း) ၌ အလျင်း ဒွိဟမရှိပေ။ အကြင်သူတို့သည် မိမိတို့ကိုယ်ကို နစ်နာ ပျက်စီးစေခဲ့ကြ၏။ ထိုသူတို့ကား အီမာန် ယုံကြည်ကြမည် မဟုတ်ပေ။ |
| Hashim Tin Myint “ကောင်းကင်များနှင့် ပထဝီမြေတွင် ရှိသမျှကို မည်သူပိုင်သနည်း“ဟု (ထို ငြင်းပယ်သောသူများအား) အသင်ပြောဆို (မေးမြန်း)လိုက်ပါ။ (သူတို့မဖြေလျှင်လည်း) အသင်ကပင် “အရာအားလုံးကို အလ္လာဟ်အရှင်မြတ်သာ ပိုင်ဆိုင်တော်မူသည်“ဟု ဖြေကြားလိုက်ပါ။* ထို့ပြင် အရှင်မြတ်သည် (ဝန်ချတောင်းပန်သူများကို) သနားတော်မူရန် အရှင်မြတ်ကိုယ်ကိုအရှင်မြတ် ပြဋ္ဌာန်းထားတော်မူသည်(ဟု ပြောလိုက်ပါ။)* ထို့ပြင် အရှင်မြတ်သည် အသင်တို့ကို အမှန်စင်စစ် ကိယာမသ်နေ့၌ စုရုံးတော်မူမည်။ ထိုနေ့သည် သံသယဖြစ်စရာ မရှိပေ။ အကြင်သူတို့သည် မိမိကိုယ်မိမိ ပျက်စီးဆုံးရှုံးအောင်လုပ်ခဲ့ကြသည်။ သို့ဖြစ်ရာ ထိုသူတို့သည် အီမာန်ယုံကြည်ကြမည် မဟုတ်ပေ။ |