Quran with Burmese translation - Surah Al-A‘raf ayat 187 - الأعرَاف - Page - Juz 9
﴿يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَاۖ قُلۡ إِنَّمَا عِلۡمُهَا عِندَ رَبِّيۖ لَا يُجَلِّيهَا لِوَقۡتِهَآ إِلَّا هُوَۚ ثَقُلَتۡ فِي ٱلسَّمَٰوَٰتِ وَٱلۡأَرۡضِۚ لَا تَأۡتِيكُمۡ إِلَّا بَغۡتَةٗۗ يَسۡـَٔلُونَكَ كَأَنَّكَ حَفِيٌّ عَنۡهَاۖ قُلۡ إِنَّمَا عِلۡمُهَا عِندَ ٱللَّهِ وَلَٰكِنَّ أَكۡثَرَ ٱلنَّاسِ لَا يَعۡلَمُونَ ﴾
[الأعرَاف: 187]
﴿يسألونك عن الساعة أيان مرساها قل إنما علمها عند ربي لا يجليها﴾ [الأعرَاف: 187]
| Ba Sein ၁၈၇။ သူတို့သည် သင့်အား တရားစီရင်တော်မူသောနေ့တော်ကြီး ဘယ်သောအခါရောက်မည်နည်းဟု မေးကြ၏။ ဟောကြေားလော့။ ဟယ်-အချင်းတို့ ထိုအကြေင်းအရာကို အကျွနု်ပ်၏အသက်သခင် ကျေးဇူးရှင်သာလျှင် သိတော်မူ၏။ အသျှင်မြတ်သာလျှင် ထိုနေ့တော်ကြီးကို သင့်တော်သောအချိန် တွင် ထင်ရှားစေတော်မူလိမ့်မည်။ ထိုနေ့တော်ကြီးသည် မိုးကောင်းကင်နှင့် ကမ္ဘာမြေပေါ်၌ အလွန် အရေးကြီးလှ၏။ သင်သည် ထိုအကြောင်းအရာကို ကောင်းစွာသိသကဲ့သို့ သင့်ကို သူတို့မေးမြန်း ကြ၏။ ဟောကြားလော့။ ထိုနေ့တော်ကြီးအကြောင်းကို အလ္လာဟ်အသျှင်မြတ်သာလျှင် သိတော်မူ ၏။ သို့သော် လူသားအမြောက်အများတို့သည် မသိကြပေ။ |
| Ghazi Mohammad Hashim ၎င်းတို့သည် (ပြက်ရယ် ပြောင်လှောင်သောသဘောနှင့်) အသင့်အား ကိယာမတ်ရှင်ပြန်ထမည့်နေ့ နှင့်စပ်လျဉ်း၍ ထိုကိယာမတ် ရှင်ပြန်ထမည့်နေ့သည် မည်သည့်အချိန်အခါ၌ ဆိုက်ရောက်မည်နည်း ဟု မေးမြန်းကြကုန်၏။အသင်သည် ၎င်းတို့အား (ဤသို့)ဖြေကြားပါလေ၊ (အိုအချင်းတို့) ထိုကိယာမတ် ရှင်ပြန်ထမည့်နေ့နှင့်စပ်လျဉ်းသောအသိကား ငါ၏အရှင်မြတ် ထံတော်၌သာလျှင်ရှိ၏။ ထိုအရှင်မြတ်သည်သာလျှင် ယင်းကိယာမတ်နေ့ကို ထိုကိယာမတ်(ဆိုက်ရောက်မည့်)အချိန်ကာလတွင် ပေါ်လွင်ထင်ရှားစေ တော်မူအံ့။ထိုကိယာမတ်(ဆိုက်ရောက်ခြင်းသည်)မိုးကောင်းကင်များ၌လည်းကောင်း၊ ပထဝီမြေ၌လည်းကောင်း၊ အလွန်လေးလံ (ကြီးကျယ်လှသောကိစ္စတရပ်ဖြစ်)၏။ ယင်းကိယာမတ်သည် အသင်တို့ထံ ရုတ်တရက် ရှောင်တခင် အားဖြင့်သာ ဆိုက်ရောက်လာပေမည်။ ၎င်းတို့သည် အသင့်အား ထိုကိယာမတ်နှင့် စပ်လျဉ်း၍အသင်သည် ကောင်းမွန်စွာ လေ့လာစူးစမ်းပြီး ဖြစ်ဘိသကဲ့သို့ပင် မေးမြန်းကြလေသည်။ အသင်သည် (၎င်းတို့အား ဤသို့)ဖြေကြားပါလေ။ (အို-အချင်းတို့) ထိုကိယာမတ်နှင့် စပ်လျဉ်းသော အသိကား။ အလ္လာဟ်အရှင်မြတ်ထံတော်၌သာလျှင်ရှိ၏။ သို့ရာတွင် အများဆုံးသောသူတို့မူကား (ဤမျှ လောက်ပင်) မသိနားမလည်ကြပြီတကား။ |
| Hashim Tin Myint သူတို့သည် အသင့်အား ကိယာမသ် ရှင်ပြန်ထမည့်နေ့နှင့်ပတ်သက်၍ (ဤသို့)မေးမြန်းကြသည်- “ထို ကိယာမသ်နေ့သည် မည်သည့်အခါ ဆိုက်ရောက်မည်နည်း။“ (အို-တမန်တော်)အသင်သည် (သူတို့အား) ဖြေကြားလိုက်ပါ- “ထိုကိယာမသ်နေ့နှင့်ပတ်သက်သောအသိသည် ငါ့အား ဖန်ဆင်းမွေးမြူတော်မူသောအရှင်ထံ၌သာရှိသည်။ အရှင်မြတ်ပင် ထိုကိယာမသ်နေ့ကို ထိုကိယာမသ်(ဆိုက်ရောက်မည့်)အချိန်၌ ထင်ရှားပေါ်လွင်စေတော်မူမည်ဖြစ်သည်။ ထိုကိယာမသ်သည် မိုးကောင်းကင်များနှင့် မြေပထဝီတွင် အလွန်လေးလံ(သော ကိစ္စရပ်ဖြစ်)သည်။ ထိုကိယာမသ်သည် အသင်တို့ထံသို့ ရုတ်တရက်ပင် ဆိုက်ရောက်လာမည်ဖြစ်သည်။ “သူတို့သည် အသင့်အား ထိုကိယာမသ်နှင့်ပတ်သက်၍ အသင်သည် ကောင်းစွာ သိထားသကဲ့သို့ မေးမြန်းကြသည်။ (အို- တမန်တော်)အသင် ပြောလိုက်ပါ- “ထိုကိယာမသ်နေ့နှင့်ပတ်သက်သောအသိသည် အလ္လာဟ်အရှင်မြတ်ထံတော်၌သာရှိသည်။ သို့ရာတွင် များစွာသောလူတို့သည် မသိရှိကြပေ။“ |