Quran with Burmese translation - Surah Al-Ahqaf ayat 17 - الأحقَاف - Page - Juz 26
﴿وَٱلَّذِي قَالَ لِوَٰلِدَيۡهِ أُفّٖ لَّكُمَآ أَتَعِدَانِنِيٓ أَنۡ أُخۡرَجَ وَقَدۡ خَلَتِ ٱلۡقُرُونُ مِن قَبۡلِي وَهُمَا يَسۡتَغِيثَانِ ٱللَّهَ وَيۡلَكَ ءَامِنۡ إِنَّ وَعۡدَ ٱللَّهِ حَقّٞ فَيَقُولُ مَا هَٰذَآ إِلَّآ أَسَٰطِيرُ ٱلۡأَوَّلِينَ ﴾
[الأحقَاف: 17]
﴿والذي قال لوالديه أف لكما أتعدانني أن أخرج وقد خلت القرون من﴾ [الأحقَاف: 17]
| Ba Sein ၁၇။ သို့သော်အကြင်သူသည် မိမိ၏ မိဘနှစ်ပါးအား ထွီဟုဆို၍ မထီမဲ့မြင်ပြု၏၊ စင်စစ်မှာ အကျွနု်ပ်တို့ထက်အလျင် လူအဆက်ဆက်ကွယ်လွန်သေဆုံးကြလေ၏၊ ထိုသူတို့အနက် တစ်စုံတစ်ယောက်မှ ရှင်ပြန်ထမြောက်လာသည် မရှိချေ၊ သို့ပါလျက်သင်တို့သည် အကျွနု်ပ်ကို သေဆုံးပြီးသည်နောက် ရှင်ပြန်ထမြောက်ရမည်ဟု ခြိမ်းခြောက် ကြသလောဟု ငေါက်ငန်းပြောဆိုပစ်ကြ၏၊ ထိုသူ၏ မိဘနှစ်ပါးသည် အလ္လာဟ်အရှင်မြတ်၌ အစောင့်အရှောက် တော်ကို ပန်ထွာ၍ သင်သည် ပျက်စီးဆုံးရှုံးရလတ့ံ၊ ယုံကြည်လော့၊ အရှင်မြတ်၏ ကတိသစ္စာဗျာဒိတ်ချက်သည် မှန်ကန်၏ဟု သူတို့၏ သားများအား ဆုံးမ၏၊ သို့သောသူက ဤတရားသည် ရှေးလူဟောင်းတို့၏ ပုံပြင်စကား များသာတည်းဟူ၍ တုံ့ပြန်ပြောဆိုလေ၏။ |
| Ghazi Mohammad Hashim ၎င်းပြင် အကြင်သူသည် မိမိ၏ မိဘနှစ်ပါးအား(ဤသို့)ပြောဆိုခဲ့၏။ "အသင်တို့နှစ်ဦးအဖို့ ရှက်ဖွယ်ပင် ကောင်းလှ၏။ အသင်တို့နှစ်ဦးသည် ကျွန်ုပ်အား (သင်္ချိုင်းထဲမှ) ကျွန်ုပ် ပြန်ထွက်စေခြင်းကိုခံရမည်ဟု ခြိမ်းခြောက်ကြလေသလော။ အမှန်စင်စစ်မှာမူကား၊ ကျွန်ုပ်၏အလျင်(မြောက်မြားစွာသော)လူမျိုးဆက်တို့သည် လွန်လေခဲ့လေပြီ။ သို့တစေလည်း ထိုမိဘနှစ်ပါးတို့မှာ အလ္လာဟ်အရှင်မြတ်အထံတော်၌ ဟစ်အော်ငိုကြွေး အကူအညီတောင်းခံလျက်ရှိကြကုန်၏။ (တစ်ဖန် ထိုသို့သောသားသမီးအား ဤသို့ပြောဆိုကြလေ၏။) အသင်သည် ပျက်စီးရလေခြင်း၊ အသင်သည် သက်ဝင်ယုံကြည်ပါလေ။ စင်စစ်ဧကန် အလ္လာဟ်အရှင်မြတ်၏ ချိန်းချက်မှုကား မှန်ကန်သောချိန်းချက်မှုပင် ဖြစ်ပေ၏။ ထိုအခါ ၎င်းက "ဤသည် ရှေးသူဟောင်းတို့၏ ယုံတမ်းစကားများသာလျှင် ဖြစ်သည်"ဟု ဆိုပြန်လေ၏။ |
| Hashim Tin Myint ထို့ပြင် အကြင်သူသည် သူ၏မိဘနှစ်ပါးကို ပြောဆိုသည်-အသင်တို့နှစ်ဦးအတွက် ရှက်စရာပင်ဖြစ်သည်။ အသင်တို့နှစ်ဦးသည် ကျွန်ုပ်ကို (သချုႋင်းထဲမှ)ကျွန်ုပ်ပြန်ထွက်စေခြင်းကို ခံရမည်ဟု ခြိမ်းခြောက်ကြသလော။ ထို့ပြင် ကျွန်ုပ်မတိုင်မီ လူမျိုးဆက်များသည် အမှန်ပင်ကုန်လွန်ခဲ့ပြီဖြစ်သည်။ ###၅ ထို့နောက်လည်း ထိုမိဘနှစ်ပါးသည် အလ္လာဟ်အရှင်မြတ်ထံတော်တွင် ဟစ်အော်ငိုကြွေး အကူအညီတောင်းခံလျက်ရှိကြသည်။ ###၆ (၎င်းနောက် ထိုသားသမီးကို ပြောဆိုသည်)။ အသင်သည် ပျက်စီးရလေခြင်းပင်၊ အသင်သည် အီမာန်ယုံကြည်လိုက်ပါ။ အမှန်စင်စစ် အလ္လာဟ် အရှင်မြတ်၏ချိန်းဆိုမှုကတိသည် မှန်ကန်သည်။ သူကပြောဆိုသည်-ဤသည် ရှေးလူဟောင်းများ၏ပုံပြင်များပင်ဖြစ်သည်။ |