Quran with Burmese translation - Surah Al-An‘am ayat 136 - الأنعَام - Page - Juz 8
﴿وَجَعَلُواْ لِلَّهِ مِمَّا ذَرَأَ مِنَ ٱلۡحَرۡثِ وَٱلۡأَنۡعَٰمِ نَصِيبٗا فَقَالُواْ هَٰذَا لِلَّهِ بِزَعۡمِهِمۡ وَهَٰذَا لِشُرَكَآئِنَاۖ فَمَا كَانَ لِشُرَكَآئِهِمۡ فَلَا يَصِلُ إِلَى ٱللَّهِۖ وَمَا كَانَ لِلَّهِ فَهُوَ يَصِلُ إِلَىٰ شُرَكَآئِهِمۡۗ سَآءَ مَا يَحۡكُمُونَ ﴾
[الأنعَام: 136]
﴿وجعلوا لله مما ذرأ من الحرث والأنعام نصيبا فقالوا هذا لله بزعمهم﴾ [الأنعَام: 136]
| Ba Sein ၁၃၆။ သူတို့သည် အလ္လာဟ်မြတ်အား အသျှင်မြတ်ဖန်ဆင်းတော်မူသော ကောက်ပဲသီးနှံများနှင့် ကျွဲနွား တိရစ္ဆာန်များမှ ဝေစုပေးကြ၏။ သူတို့သည် မိမိတို့ တွေးတောရမ်းဆချက်အတိုင်း ဤဟာသည် အလ္လာဟ်အသျှင်မြတ်၏ ဝေစုတော်ဖြစ်၏။ ထိုဟာသည် အကျွနု်ပ်တို့နှင့်သက်ဆိုင်သော ဖက်စပ်တော်တို့၏ ဝေစုဖြင့်ဆို၍ ခွဲဝေကြ၏။ သို့သော် သူတို့နှင့် သက်ဆိုင်သော ဘုရားဖက်စပ် တော်များ၏ဝေစုသည် အလ္လာဟ်အသျှင်မြတ်ထံသို့ မရောက်ပေ။ အသျှင်မြတ်၏ ဝေစုတော်သည် သူတို့၏ ဖက်စပ်ဘုရားများထံရောက်ကြ၏။ သူတို့သည် မကောင်းမှုကို ဆုံးဖြတ်ကြ၏။ |
| Ghazi Mohammad Hashim ၎င်းပြင် ထိုသူတို့သည် အလ္လာဟ်အရှင်မြတ်အဖို့ ထိုအရှင်မြတ်ဖန်ဆင်း ပေါက်ရောက်စေ တော်မူသောလယ်ယာများအနက်မှလည်းကောင်း၊ ခြေလေးချောင်း သတ္တဝါများအနက်မှလည်းကောင်း၊ ဝေစုဝေပုံကို သတ်မှတ်၍ ထားရှိကြလေသည်။ တဖန် ထိုသူတို့က မိမိတို့၏ ထင်မြင်ယူဆချက်အရ ဤ(ဝေစုဝေပုံ)သည် အလ္လာဟ်အရှင်မြတ်အဖို့ ဖြစ်သည်ဟူ၍လည်းကောင်း၊ ဤ(ဝေစုဝေပုံ)သည် ငါတို့၏ကိုးကွယ်ရာများအဖို့ ဖြစ်သည်ဟူ၍လည်းကောင်း၊ ပြောဆိုကြလေသည်။တဖန် ၎င်းတို့၏ ကိုးကွယ်ရာများအဖို့ ဖြစ်သော (အစုအပုံ)သည် အလ္လာဟ်အရှင်မြတ် အတွက်ဖြစ်သော အစုအပုံများသို့ရောက်ရှိသည်မဟုတ်ပေ။ သို့ရာတွင် အလ္လာဟ်အရှင်မြတ်အဖို့ဖြစ်သော (အစုအပုံ)မူကား ၎င်းတို့၏ ကိုးကွယ်ရာ များအဖို့ဖြစ်သော ဝေစုဝေပုံသို့ ရောက်လေ၏။ ထိုသူတို့၏ အဆုံးအဖြတ်သည် ဆိုးယုတ်လှပေ တကား။ |
| Hashim Tin Myint ထို့ပြင် သူတို့သည် အလ္လာဟ်အရှင်မြတ်အတွက် အရှင်မြတ်မှ ဖန်ဆင်းပေါက်ရောက်စေတော်မူထားသော လယ်ယာများထဲမှလည်းကောင်း၊ ခြေလေးချောင်း သတ္တဝါများထဲမှလည်းကောင်း ဝေစုဝေပုံကို သတ်မှတ်၍ထားကြသည်။ ၎င်းပြင် သူတို့သည် သူတို့၏ ထင်မြင်ယူဆချက်အတိုင်း ဤသည် အလ္လာဟ်အရှင်မြတ်အတွက်ဖြစ်သည်၊ ဤသည်ကမူ ငါတို့၏ ကိုးကွယ်ရာများအတွက်ဖြစ်သည်ဟု ပြောဆိုကြသည်။ ၎င်းပြင် သူတို့၏ ကိုးကွယ်ရာများအတွက်ဖြစ်သောအရာ(ဝေစု)သည် အလ္လာဟ်အရှင်မြတ်(အတွက်ဖြစ်သော ဝေစု)ထဲသို့ ရောက်လာသည်ဟူ၍ မရှိပေ။ သို့ရာတွင် အလ္လာဟ်အရှင်မြတ်အတွက်ဖြစ်သာအရာ(ဝေစု)ကမူ သူတို့၏ ကိုးကွယ်ရာများ(အတွက်ဖြစ်သော ဝေစု)ထဲသို့ ရောက်သွားပေသည်။ သူတို့၏ဆုံးဖြတ်ချက်သည် ဆိုးယုတ်လှသည်။ |