سَبِّحِ اسْمَ رَبِّكَ الْأَعْلَى (1)
Эң жогорку Раббиңдин ысымын (бардык кемчилдиктүү сыпаттардан) аруула |
الَّذِي خَلَقَ فَسَوَّىٰ (2)
Ал\(бүт ааламдарды) жараткан жана теңсалмактуу кылган |
وَالَّذِي قَدَّرَ فَهَدَىٰ (3)
Жана (ааламдардагы жандуу-жансыз нерселердин өмүрүн, тагдырын) өлчөп-белгилеп, (ар бирине өзгөчө касиеттер берип, жашоо жолуна) багыттаган |
وَالَّذِي أَخْرَجَ الْمَرْعَىٰ (4)
Ал (эрте жазда жерден ар түрдүү) өсүмдүктү чыгарып |
فَجَعَلَهُ غُثَاءً أَحْوَىٰ (5)
андан соң (кеч күздө) карарган чөп кылып койот |
سَنُقْرِئُكَ فَلَا تَنسَىٰ (6)
(О, Мухаммад), Биз сага (Кураанды) окутабыз. Анан сен эч унутпайсың |
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ (7)
Бирок, Аллаһ (унуттурууну) каалаган нерселерди гана унутасың. Ал чынында, ашкере жана купуя нерселерди билет |
وَنُيَسِّرُكَ لِلْيُسْرَىٰ (8)
Жана Биз сага оңой жолду жеңил кылып беребиз |
فَذَكِّرْ إِن نَّفَعَتِ الذِّكْرَىٰ (9)
Эми, насаат пайда берсе (адамдарга Кураан менен) насаат айткын |
سَيَذَّكَّرُ مَن يَخْشَىٰ (10)
(Насаатты) Аллаһтан корккон адамдар гана эсине алышат |
وَيَتَجَنَّبُهَا الْأَشْقَى (11)
Шордуу адам болсо андан качат |
الَّذِي يَصْلَى النَّارَ الْكُبْرَىٰ (12)
Ал эбегейсиз чоң отко кире турган киши |
ثُمَّ لَا يَمُوتُ فِيهَا وَلَا يَحْيَىٰ (13)
Ал анын (тозоктун) ичинде же өлө албайт же жашай албайт |
قَدْ أَفْلَحَ مَن تَزَكَّىٰ (14)
Ким (ыйман менен) тазарган болсо, ал ийгиликке жетти |
وَذَكَرَ اسْمَ رَبِّهِ فَصَلَّىٰ (15)
Жана Раббисинин ысымын эскерип, намаз окуса ( - ийгиликке жетти) |
بَلْ تُؤْثِرُونَ الْحَيَاةَ الدُّنْيَا (16)
Силер (эй, каапырлар!) дүйнө жашоосун (Акыреттен) жогору койосуңар |
وَالْآخِرَةُ خَيْرٌ وَأَبْقَىٰ (17)
Бирок, Акырет (жашоосу) жакшы жана түбөлүк |
إِنَّ هَٰذَا لَفِي الصُّحُفِ الْأُولَىٰ (18)
Чынында, бул (айтылгандар) абалкы (ыйык) барактарда да бар эле |
صُحُفِ إِبْرَاهِيمَ وَمُوسَىٰ (19)
Ибрахимдин жана Мусанын барактарында |
