| وَالْعَادِيَاتِ ضَبْحًا (1) Ibut ko (manga Koda a) Puphulolompat a gi-i makashowara |
| فَالْمُورِيَاتِ قَدْحًا (2) Go Puphamangapoyan sa kalamaging |
| فَالْمُغِيرَاتِ صُبْحًا (3) Go Puphamanibowa ko khapita |
| فَأَثَرْنَ بِهِ نَقْعًا (4) Go Miyamakakayambur siran ro-o sa bayanuk |
| فَوَسَطْنَ بِهِ جَمْعًا (5) Go minilumbak iran noto ko kao-orongan (ko ridowai) |
| إِنَّ الْإِنسَانَ لِرَبِّهِ لَكَنُودٌ (6) Mata-an! A so Manosiya si-i ko makapantag ko Kadnan Niyan na titho a da-a Tadum iyan |
| وَإِنَّهُ عَلَىٰ ذَٰلِكَ لَشَهِيدٌ (7) Go Mata-an! A sukaniyan sa makapantag ro-o i titho a saksi |
| وَإِنَّهُ لِحُبِّ الْخَيْرِ لَشَدِيدٌ (8) Go Mata-an! A sukaniyan makapantag ko kabaya ko tamok na tonganai a minitaralo |
| ۞ أَفَلَا يَعْلَمُ إِذَا بُعْثِرَ مَا فِي الْقُبُورِ (9) Ba niyan ndi katawi, -a amai ka pakaliyon so shisi-i ko manga kobor |
| وَحُصِّلَ مَا فِي الصُّدُورِ (10) Go payagun so shisi-i ko manga rarub |
| إِنَّ رَبَّهُم بِهِمْ يَوْمَئِذٍ لَّخَبِيرٌ (11) Mata-an! A so Kadnan niran sa Alongan noto i titho a Kaip kiran |