طسم (1)
Ta Sin Mim. So Allah i Matao ko paka-a antapan Niyan ro-o |
تِلْكَ آيَاتُ الْكِتَابِ الْمُبِينِ (2)
Giyaya na manga Ayat ko Kitab a miyakaosai |
لَعَلَّكَ بَاخِعٌ نَّفْسَكَ أَلَّا يَكُونُوا مُؤْمِنِينَ (3)
Ba-andangka mapakapagugut a Ginawangka (Ya Muhammad) ko di ran kabaloi a Khipaparatiyaya |
إِن نَّشَأْ نُنَزِّلْ عَلَيْهِم مِّنَ السَّمَاءِ آيَةً فَظَلَّتْ أَعْنَاقُهُمْ لَهَا خَاضِعِينَ (4)
O kabaya Ami, na Pakatoronan Nami siran A pho-on ko Langit sa Tanda, na matatap so manga lig iran sa Kapakasosondong iran non |
وَمَا يَأْتِيهِم مِّن ذِكْرٍ مِّنَ الرَّحْمَٰنِ مُحْدَثٍ إِلَّا كَانُوا عَنْهُ مُعْرِضِينَ (5)
Na da-a phakatalingoma kiran a Pananadum a pho-on ko (Allah a) Masalinggagao, a bago, a ba siran nda mabaloi a khitatalikhod Rukaniyan |
فَقَدْ كَذَّبُوا فَسَيَأْتِيهِمْ أَنبَاءُ مَا كَانُوا بِهِ يَسْتَهْزِئُونَ (6)
Na Sabunar a piyakambokhag iran (so Rasul): Na phakatalingoma kiran ndun so manga Totholan ko miyabaloi siran non a gi-i ran shandagan |
أَوَلَمْ يَرَوْا إِلَى الْأَرْضِ كَمْ أَنبَتْنَا فِيهَا مِن كُلِّ زَوْجٍ كَرِيمٍ (7)
Ba iran nda mailai so Lopa,aikadakul a Piyakatho Ami ron ko oman i sasoson a mapiya |
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (8)
Mata-an! A adun a matatago ro-o man a titho a manga Tanda: Na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (9)
Na Mata-an! a so Kadnan Ka, na titho a Sukaniyan so Mabagur, a Makalimo-on |
وَإِذْ نَادَىٰ رَبُّكَ مُوسَىٰ أَنِ ائْتِ الْقَوْمَ الظَّالِمِينَ (10)
Na gowani na tiyawag o Kadnan Ka so Musa: Songka ko pagtao a manga darowaka |
قَوْمَ فِرْعَوْنَ ۚ أَلَا يَتَّقُونَ (11)
Pagtao o Pir-aon: Ino siran ndi Phananggila |
قَالَ رَبِّ إِنِّي أَخَافُ أَن يُكَذِّبُونِ (12)
Pitharo Iyan: Kadnan Ko! Mata-an! A Sakun na ipukhaluk Akun o ba Ako iran pakambokhaga |
وَيَضِيقُ صَدْرِي وَلَا يَنطَلِقُ لِسَانِي فَأَرْسِلْ إِلَىٰ هَارُونَ (13)
Go Gomagut a Rarub Akun, go di mapukas a dila Akun: Na Sogowingka so Haroun (sa mimbabid Akun) |
وَلَهُمْ عَلَيَّ ذَنبٌ فَأَخَافُ أَن يَقْتُلُونِ (14)
Go adun a kasala-an Ko kiran, na ipukhaluk Akun o ba Ako iran bonowa |
قَالَ كَلَّا ۖ فَاذْهَبَا بِآيَاتِنَا ۖ إِنَّا مَعَكُم مُّسْتَمِعُونَ (15)
Pitharo (o Allah): A kuna pun nai! Na lalakao Kano a dowa, rakhus o manga Tanda Ami; Mataan! A Sukami na babid Iyo, a Puphamamakınug |
فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ (16)
Na Songkano ko Pir-aon, na Tharowa Niyo: A Mata-an! A Sukami na Sogo o Kadnan o manga Ka-adun |
أَنْ أَرْسِلْ مَعَنَا بَنِي إِسْرَائِيلَ (17)
Botawaningka Rukami so manga Moriyatao o Israil |
قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ (18)
Pitharo (o Pir-aon): Ba ami Suka da Pagoyagoyaga si-i rukamı, ko Kawawata-i Ruka, go miyakatarug Ka rukami ko Kaoyagoyag Ka sa miyakaphipira ragon |
وَفَعَلْتَ فَعْلَتَكَ الَّتِي فَعَلْتَ وَأَنتَ مِنَ الْكَافِرِينَ (19)
Go Pinggolaolangka so Pinggolaolangka, a so Pinggolaolangka (a kiyapamono o Ka), na Suka na miyapud ko da-a manga Tadum Iyan |
قَالَ فَعَلْتُهَا إِذًا وَأَنَا مِنَ الضَّالِّينَ (20)
Pitharo (o Musa): Miyanggolaola Koto, na sa maoto na Sakun na pud ko Miyangariribat |
فَفَرَرْتُ مِنكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ (21)
Na piyalagoyan Ko sukano, ka kagiya ini kaluk Akun sukano; na bigan Ako o Kadnan Ko sa Ongangun, go biyaloi Ako Niyan a pud ko manga Sogo |
وَتِلْكَ نِعْمَةٌ تَمُنُّهَا عَلَيَّ أَنْ عَبَّدتَّ بَنِي إِسْرَائِيلَ (22)
Na giyoto man na Limo a Ipuphangalimo o ka Rakun noto,sa Kiyapangongoripunangka ko manga Moriyatao o Israil |
قَالَ فِرْعَوْنُ وَمَا رَبُّ الْعَالَمِينَ (23)
Pitharo o Pir-aon: Na antona-a so Kadnan o manga Ka-adun |
قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا ۖ إِن كُنتُم مُّوقِنِينَ (24)
Pitharo (o Musa): A so Kadnan o manga Langit a go so Lopa, go so nganin a pagulutan a dowa nan,- o sukano na khitotomangkud |
قَالَ لِمَنْ حَوْلَهُ أَلَا تَسْتَمِعُونَ (25)
Pitharo (o Pir-aon) ko makalilibuton: Ba niyo da manug |
قَالَ رَبُّكُمْ وَرَبُّ آبَائِكُمُ الْأَوَّلِينَ (26)
Pitharo (o Musa): A so Kadnan niyo go Kadnan o manga lokus iyo a miyanga-o ona |
قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ (27)
Pitharo (o Pir-aon): A Mataan! a so Sogo rukano a so Siyogo rukano na Mata-an a Pumbuthangun |
قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا ۖ إِن كُنتُمْ تَعْقِلُونَ (28)
Pitharo Iyan: A Kadnan o Subangan a go so Sudupan, go so nganin a pagulutan a dowa nan! O sukano na shabota niyo |
قَالَ لَئِنِ اتَّخَذْتَ إِلَٰهًا غَيْرِي لَأَجْعَلَنَّكَ مِنَ الْمَسْجُونِينَ (29)
Pitharo (o Pir-aon): A Mataan a o kowa Ka sa Tohan a salakao Rakun, na Sabunar a itapi Ami Suka dun ko manga kalaboso |
قَالَ أَوَلَوْ جِئْتُكَ بِشَيْءٍ مُّبِينٍ (30)
Pitharo Iyan: Ati apiya adun a mini-oma Ko ruka a Tanda a mapayag |
قَالَ فَأْتِ بِهِ إِن كُنتَ مِنَ الصَّادِقِينَ (31)
Pitharo (o Pir-aon): Na talingoma-an Ka Sukaniyan, o miyabaloi Ka a pud ko manga bunar |
فَأَلْقَىٰ عَصَاهُ فَإِذَا هِيَ ثُعْبَانٌ مُّبِينٌ (32)
Na ini ithog Iyan so Badas Iyan, na sa maoto na Sukaniyan na Nipai a mala |
وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ (33)
Go tiyonggos Iyan a lima Niyan, na sa maoto na Sukaniyan na Sindao (a miya-ilai o) khibabantal |
قَالَ لِلْمَلَإِ حَوْلَهُ إِنَّ هَٰذَا لَسَاحِرٌ عَلِيمٌ (34)
Pitharo (o Pir-aon) ko manga Nakoda a lomilibuton: A Mataan naya! a titho a balik mata a lubi a Mata-o |
يُرِيدُ أَن يُخْرِجَكُم مِّنْ أَرْضِكُم بِسِحْرِهِ فَمَاذَا تَأْمُرُونَ (35)
Khabaya-an Niyan a mapaka-awa kano Niyan ko Lopa iyo sabap ko balik mata Niyan; na antona-a i pangoyao niyo |
قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ (36)
Pitharo iran: A pakalanatangka Sukaniyan go so Pagari Niyan, na Sogo ingka so manga Ingud sa kalimod iran |
يَأْتُوكَ بِكُلِّ سَحَّارٍ عَلِيمٍ (37)
Ka-an niran ruka mawit so oman 1 balik mata a lubi a Mata-o |
فَجُمِعَ السَّحَرَةُ لِمِيقَاتِ يَوْمٍ مَّعْلُومٍ (38)
Na miyatimo so manga balik mata ko diyandi a kaputhatalabok ko gawi-i a miyapunto |
وَقِيلَ لِلنَّاسِ هَلْ أَنتُم مُّجْتَمِعُونَ (39)
Na Pitharo ko manga Manosiya: Ino sukano miyatimo kano |
لَعَلَّنَا نَتَّبِعُ السَّحَرَةَ إِن كَانُوا هُمُ الْغَالِبِينَ (40)
Ka-an tano kaonoti so manga balik mata, o mabaloi siran a siran 1 mamakada-ag |
فَلَمَّا جَاءَ السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِن كُنَّا نَحْنُ الْغَالِبِينَ (41)
Na kagiya a makaoma so manga balik mata, na Pitharo iran ko Pir-aon: Ino Mata-an! A adun a mapumbagiyan namı a titho a balas o mabaloi kami a sukami i mamakada-ag |
قَالَ نَعَمْ وَإِنَّكُمْ إِذًا لَّمِنَ الْمُقَرَّبِينَ (42)
Pitharo iyan: Owai, go Mataan! A sukano sa maoto na pud dun ko manga dadasug (rakun) |
قَالَ لَهُم مُّوسَىٰ أَلْقُوا مَا أَنتُم مُّلْقُونَ (43)
Pitharo kiran o Musa: Ithogun niyo so sukano na ipagithog iyo |
فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ (44)
Na ini ithog iran so manga tali ran go so manga badas iran, go Pitharo iran: Ibut ko Munang o Piraon, ka Mata-an! A sukutano na sukutano dun i phamakapugus |
فَأَلْقَىٰ مُوسَىٰ عَصَاهُ فَإِذَا هِيَ تَلْقَفُ مَا يَأْفِكُونَ (45)
Na ini ithog o Musa so Badas Iyan, na sa maoto na Sukaniyan na Puphulololokun Niyan so ipuphanaliba iran |
فَأُلْقِيَ السَّحَرَةُ سَاجِدِينَ (46)
Na Miyakasondong so manga balik mata, sa Khipakasosodod |
قَالُوا آمَنَّا بِرَبِّ الْعَالَمِينَ (47)
Pitharo iran: Piyaratiyaya mi so Kadnan o manga Ka-adun |
رَبِّ مُوسَىٰ وَهَارُونَ (48)
A Kadnan o Musa a go so Haroun |
قَالَ آمَنتُمْ لَهُ قَبْلَ أَنْ آذَنَ لَكُمْ ۖ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ ۚ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ أَجْمَعِينَ (49)
Pitharo (o Pir-aon): A Piyaratiyaya niyo to a da akun sukano pun kaidini; Mata-an! A Sukaniyan na titho a mala rukano a so Miyangundao rukano ko balik mata! Na Mata-an a katokawan niyo dun! Mata-an a pamotolan ko dun so manga lima niyo go so manga ai niyo sa di magonod, go Mata-an a sola-an ko sukano dun langon |
قَالُوا لَا ضَيْرَ ۖ إِنَّا إِلَىٰ رَبِّنَا مُنقَلِبُونَ (50)
Pitharo iran: a di rukami phaka morala so puki tumo rukami a pud ko siksa sa Donya Mata-an! A sukami na si-i bo ko Kadnan nami phamakandod |
إِنَّا نَطْمَعُ أَن يَغْفِرَ لَنَا رَبُّنَا خَطَايَانَا أَن كُنَّا أَوَّلَ الْمُؤْمِنِينَ (51)
Mata-an! A sukami na maiinam ami a kanapiya rukami o Kadnan nami ko manga sala ami, sa kiyabaloi ami a paganai ko Miyamaratiyaya |
۞ وَأَوْحَيْنَا إِلَىٰ مُوسَىٰ أَنْ أَسْرِ بِعِبَادِي إِنَّكُم مُّتَّبَعُونَ (52)
Na ini Ilaham Ami ko Musa: A pangulumun Ka so manga Oripun Ko; Mata-an! A Sukano na phanalokonan Kano (iran) |
فَأَرْسَلَ فِرْعَوْنُ فِي الْمَدَائِنِ حَاشِرِينَ (53)
Na Siyogowan o Pir-aon so manga Bandar a Ingud sa Kalimod iran |
إِنَّ هَٰؤُلَاءِ لَشِرْذِمَةٌ قَلِيلُونَ (54)
(Sa gi-i niyan Tharo-on:) Mata-an! A siran naya na titho a pagtao a manga i ito |
وَإِنَّهُمْ لَنَا لَغَائِظُونَ (55)
Go Mata-an! A siran na titho tano iran a piyakanggani |
وَإِنَّا لَجَمِيعٌ حَاذِرُونَ (56)
Go Mata-an! A sukutano na langon tano dun maka- iktiyar |
فَأَخْرَجْنَاهُم مِّن جَنَّاتٍ وَعُيُونٍ (57)
Na piyaka-awa Ami siran ko manga Pamomolan, go so manga Bowalan |
وَكُنُوزٍ وَمَقَامٍ كَرِيمٍ (58)
Go so manga Kakawasa-an, go so darpa a mapiya |
كَذَٰلِكَ وَأَوْرَثْنَاهَا بَنِي إِسْرَائِيلَ (59)
Lagid oto, na piyakipangowarisan Nami oto ko manga Meoriyatao o Israil |
فَأَتْبَعُوهُم مُّشْرِقِينَ (60)
Na pithalokonan niran Siran ko kiyasubangi kiran o Alongan |
فَلَمَّا تَرَاءَى الْجَمْعَانِ قَالَ أَصْحَابُ مُوسَىٰ إِنَّا لَمُدْرَكُونَ (61)
Na kagiya a makamban taya so dowa a madakul, na Pitharo o manga pud o Musa Mata-an! A Sukutano na puraotun tano dun |
قَالَ كَلَّا ۖ إِنَّ مَعِيَ رَبِّي سَيَهْدِينِ (62)
Pitharo (o Musa): Kuna pun nai! Mata-an! A babid Akun so Kadnan Ko! Na Thoro-on Nako Niyan |
فَأَوْحَيْنَا إِلَىٰ مُوسَىٰ أَنِ اضْرِب بِّعَصَاكَ الْبَحْرَ ۖ فَانفَلَقَ فَكَانَ كُلُّ فِرْقٍ كَالطَّوْدِ الْعَظِيمِ (63)
Na ini Ilaham Ami ko Musa: A Buntolun Ka so Badas Ka ko Kalodan (na ini-buntol Iyan non). Na miyasurai, na mimbaloi so oman i sasurai a lagid o Palao a mala |
وَأَزْلَفْنَا ثَمَّ الْآخَرِينَ (64)
Na piyakasipug Ami ro-o so manga salakao (kiran) |
وَأَنجَيْنَا مُوسَىٰ وَمَن مَّعَهُ أَجْمَعِينَ (65)
Na siyabut Ami so Musa a go so manga Pud Iyan, sa langon Siran |
ثُمَّ أَغْرَقْنَا الْآخَرِينَ (66)
Oriyan niyan na inulud Ami so manga salakao (kiran) |
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (67)
Mata-an! A adun a matatago ro-o man a titho a Tanda: Na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (68)
Na Mata-an! A so Kadnan Ka na Sukaniyan ndun ı Mabagur, a Makalimo-on |
وَاتْلُ عَلَيْهِمْ نَبَأَ إِبْرَاهِيمَ (69)
Na Batiya-angka kiran so Totholan ko Ibrahim |
إِذْ قَالَ لِأَبِيهِ وَقَوْمِهِ مَا تَعْبُدُونَ (70)
Gowani na Pitharo Iyan ki Ama Iyan go so pagtao Niyan: Antona-a i Pushimba-an niyo |
قَالُوا نَعْبُدُ أَصْنَامًا فَنَظَلُّ لَهَا عَاكِفِينَ (71)
Pitharo iran: A Pushimba kami sa manga Barahala, na gi-i yami Mbabasa-alonganan a Kapushimba amı ron |
قَالَ هَلْ يَسْمَعُونَكُمْ إِذْ تَدْعُونَ (72)
Pitharo Iyan: A ino Pukhanug kano iran ko masa a Kapuphanongganoya niyo (kiran) |
أَوْ يَنفَعُونَكُمْ أَوْ يَضُرُّونَ (73)
O di na khapiya - an kano iran, o di na khabinasa-an kano iran |
قَالُوا بَلْ وَجَدْنَا آبَاءَنَا كَذَٰلِكَ يَفْعَلُونَ (74)
Pitharo iran: A kuna, ka miyato-on nami so manga lokus ami a lagid oto a gi-i ran nggolaola-an |
قَالَ أَفَرَأَيْتُم مَّا كُنتُمْ تَعْبُدُونَ (75)
Pitharo Iyan: Aiguda iyo ko sukano na Pushimba-an niyo |
أَنتُمْ وَآبَاؤُكُمُ الْأَقْدَمُونَ (76)
Sukano go so manga lokus iyo a miyanga-o ona |
فَإِنَّهُمْ عَدُوٌّ لِّي إِلَّا رَبَّ الْعَالَمِينَ (77)
Na Mata-an! A siran na ridowai Yakun, inonta so Kadnan o manga Ka-dun |
الَّذِي خَلَقَنِي فَهُوَ يَهْدِينِ (78)
A so Miyadun Rakun, go Sukaniyan i Punggonanao Rakun |
وَالَّذِي هُوَ يُطْعِمُنِي وَيَسْقِينِ (79)
Go Sukaniyan i Puphakakan Rakun, go Puphakainom Rakun |
وَإِذَا مَرِضْتُ فَهُوَ يَشْفِينِ (80)
Go igira-a Miyasakit Ako, na Sukaniyan i Puphakapiya Rakun |
وَالَّذِي يُمِيتُنِي ثُمَّ يُحْيِينِ (81)
Go Sukaniyan i Phakapatai Rakun, oriyan niyan na Pagoyagun Nako Niyan |
وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ (82)
Go Sukaniyan i Phangangarapanan Ko, sa napi Niyan Rakun so Kasala-an Ko ko gawi-i a kapamalas |
رَبِّ هَبْ لِي حُكْمًا وَأَلْحِقْنِي بِالصَّالِحِينَ (83)
Kadnan Ko! Bugi Yakongka sa Ongangun, go tapi-in Nakongka ko manga Bilangatao |
وَاجْعَل لِّي لِسَانَ صِدْقٍ فِي الْآخِرِينَ (84)
Go Sunggai yakongka sa Bantogan a mapiya si-i ko phangao ori |
وَاجْعَلْنِي مِن وَرَثَةِ جَنَّةِ النَّعِيمِ (85)
Go Baloya Kongka a pud ko manga waris ko Sorga a Pakalma |
وَاغْفِرْ لِأَبِي إِنَّهُ كَانَ مِنَ الضَّالِّينَ (86)
Go Napi-ingka si Ama, Mata-an! A sukaniyan na miyabaloi a pud ko Miyangadadadag |
وَلَا تُخْزِنِي يَوْمَ يُبْعَثُونَ (87)
Go Diyakongka Phakarondana ko gawi-i a Kaoyaga kiran (ko Alongan a Qiyamah) |
يَوْمَ لَا يَنفَعُ مَالٌ وَلَا بَنُونَ (88)
Gawi-i a di phakanggai a gona so Tamok, go so manga Wata |
إِلَّا مَنْ أَتَى اللَّهَ بِقَلْبٍ سَلِيمٍ (89)
Inonta so tao a minitalingoma Niyan ko Allah so poso a Linang |
وَأُزْلِفَتِ الْجَنَّةُ لِلْمُتَّقِينَ (90)
Na ipakarani so Sorga ko Miyamananggila |
وَبُرِّزَتِ الْجَحِيمُ لِلْغَاوِينَ (91)
Go Pakisandungan so Naraka Jahim ko Miyangadadadag |
وَقِيلَ لَهُمْ أَيْنَ مَا كُنتُمْ تَعْبُدُونَ (92)
Go Tharo-on kiran: Anda so sukano na Pushimba-an niyo |
مِن دُونِ اللَّهِ هَلْ يَنصُرُونَكُمْ أَوْ يَنتَصِرُونَ (93)
A salakao ko Allah? Ino khatabangan kano iran, o di na khatabangan niran a ginawa iran |
فَكُبْكِبُوا فِيهَا هُمْ وَالْغَاوُونَ (94)
Na Panalimpato-on siran roo,-siran a go so Miyangadadadag |
وَجُنُودُ إِبْلِيسَ أَجْمَعُونَ (95)
Go so pagtao o Iblis sa kasamasama iran |
قَالُوا وَهُمْ فِيهَا يَخْتَصِمُونَ (96)
Tharo-on niran a siran na gii siran ro-o shasawala |
تَاللَّهِ إِن كُنَّا لَفِي ضَلَالٍ مُّبِينٍ (97)
Ibut ko Allah, ka Mata-an a miyatago kamı dun ko kadadag a mapayag |
إِذْ نُسَوِّيكُم بِرَبِّ الْعَالَمِينَ (98)
Gowani a irimbang ami sukano ko Kadnan o manga Ka-adun |
وَمَا أَضَلَّنَا إِلَّا الْمُجْرِمُونَ (99)
Na da-a miyakadadag rukami a rowar ko manga rarata i ongar |
فَمَا لَنَا مِن شَافِعِينَ (100)
Na da-a bagiyan nami a phamakaogop |
وَلَا صَدِيقٍ حَمِيمٍ (101)
Go da-a bolayoka a gomagut sa ginawa (ko masosowa ami) |
فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ (102)
Na o Mata-an! A adun a kapakakasoi ami (sa doniya), na mabaloi kami a pud ko Miyamaratiyaya |
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (103)
Mata-an! A adun a matatago ro-o man a titho a Tanda, na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (104)
Na Mata-an! A so Kadnan Ka na Sukaniyan ndun so Mabagur, a Makalimo-on |
كَذَّبَتْ قَوْمُ نُوحٍ الْمُرْسَلِينَ (105)
Piyakambokhag o pagtao o Nuh so manga Sogo |
إِذْ قَالَ لَهُمْ أَخُوهُمْ نُوحٌ أَلَا تَتَّقُونَ (106)
Gowani na Pitharo kiran o Pagari ran a Nuh: Ino kano di Phananggila |
إِنِّي لَكُمْ رَسُولٌ أَمِينٌ (107)
Mata-an! A Sakun na Sogo rukano a kasasana-an |
فَاتَّقُوا اللَّهَ وَأَطِيعُونِ (108)
Na kalukun niyo so Allah, go Onoti Yako niyo |
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ (109)
Na da-a Phangunin Ko rukano saya a balas: Da-a balas Rakun inonta si-i ko Kadnan o manga Ka-adun |
فَاتَّقُوا اللَّهَ وَأَطِيعُونِ (110)
Na kalukun niyo so Allah, go Onoti Ako niyo |
۞ قَالُوا أَنُؤْمِنُ لَكَ وَاتَّبَعَكَ الْأَرْذَلُونَ (111)
Pitharo iran: Ino ami Suka Pharatiyaya-a a aya Phagonot Ruka na so tanto a manga bababa |
قَالَ وَمَا عِلْمِي بِمَا كَانُوا يَعْمَلُونَ (112)
Pitharo Iyan: A da ko Katao Akun so nganin a siran na gi-i ran nggolaola-an |
إِنْ حِسَابُهُمْ إِلَّا عَلَىٰ رَبِّي ۖ لَوْ تَشْعُرُونَ (113)
So itongan kiran na si-i bo ko Kadnan Ko, o katawi niyo |
وَمَا أَنَا بِطَارِدِ الْمُؤْمِنِينَ (114)
Na kuna a ba Rakun pakiphamoga-on so Miyamaratiyaya |
إِنْ أَنَا إِلَّا نَذِيرٌ مُّبِينٌ (115)
Sakun na matag Ako Puphamaka-iktiyar a mapayag |
قَالُوا لَئِن لَّمْ تَنتَهِ يَا نُوحُ لَتَكُونَنَّ مِنَ الْمَرْجُومِينَ (116)
Pitharo iran: A Mata-an! A Odingka gunuki, hai Nuh! Na Mata-an a khabaloi Ka dun a pud ko Puraradiyamun |
قَالَ رَبِّ إِنَّ قَوْمِي كَذَّبُونِ (117)
Pitharo Iyan: Kadnan Ko! Mata-an! A so pagtao Akun na piyakambokhag Ako iran |
فَافْتَحْ بَيْنِي وَبَيْنَهُمْ فَتْحًا وَنَجِّنِي وَمَن مَّعِيَ مِنَ الْمُؤْمِنِينَ (118)
Na Kokoma Kongka a go siran sa Kokoman (a Ontol), go Sabuta Kongka a go so manga pud Akun a Miyamaratiyaya |
فَأَنجَيْنَاهُ وَمَن مَّعَهُ فِي الْفُلْكِ الْمَشْحُونِ (119)
Na siyabut Ami Sukaniyan a go so manga pud Iyan, ko Kapal a mapupuno |
ثُمَّ أَغْرَقْنَا بَعْدُ الْبَاقِينَ (120)
Oriyan niyan na inulud Ami ko kiya-ipos oto so miyangalalamba |
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (121)
Mata-an! A adun a matatago ro-o man a titho a Tanda: Na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (122)
Na Mata-an! A so Kadnan Ka na Sukaniyan ndun so Mabagur, a Makalimo-on |
كَذَّبَتْ عَادٌ الْمُرْسَلِينَ (123)
Piyakambokhag o (pagtao a) Ad so manga Sogo |
إِذْ قَالَ لَهُمْ أَخُوهُمْ هُودٌ أَلَا تَتَّقُونَ (124)
Gowani na Pitharo kiran o Pagari ran a Hud: Ino kano di Phananggila |
إِنِّي لَكُمْ رَسُولٌ أَمِينٌ (125)
Mata-an! a Sakun na Sogo rukano a Kasasarigan |
فَاتَّقُوا اللَّهَ وَأَطِيعُونِ (126)
Na kalukun niyo so Allah, go Onoti Yako niyo |
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ (127)
Go da-a Phanguning Ko rukano saya a balas: Da-a balas Rakun inonta so si-i ko Kadnan o manga Ka-adun |
أَتَبْنُونَ بِكُلِّ رِيعٍ آيَةً تَعْبَثُونَ (128)
Ino kano gi-i mbabalai ko oman i darpa a maporo sa to-os a karimbaran niyo |
وَتَتَّخِذُونَ مَصَانِعَ لَعَلَّكُمْ تَخْلُدُونَ (129)
Go Puphangumba-al kano sa manga Torogan ka angkano makakal |
وَإِذَا بَطَشْتُم بَطَشْتُمْ جَبَّارِينَ (130)
Go igira a minggolima kano, na minggolima kano a khipamumundug |
فَاتَّقُوا اللَّهَ وَأَطِيعُونِ (131)
Na kalukun niyo so Allah, go Onoti Yako niyo |
وَاتَّقُوا الَّذِي أَمَدَّكُم بِمَا تَعْلَمُونَ (132)
Na kalukun niyo so (Allah a) migai rukano ko nganin a katawan niyo |
أَمَدَّكُم بِأَنْعَامٍ وَبَنِينَ (133)
Migai rukano ko manga Ayam go manga Wata |
وَجَنَّاتٍ وَعُيُونٍ (134)
Go manga Pamomolan go manga bowalan |
إِنِّي أَخَافُ عَلَيْكُمْ عَذَابَ يَوْمٍ عَظِيمٍ (135)
Mata-an! A Sakun na ikhawan Nakun sukano ko siksa ko gawi-i a mala |
قَالُوا سَوَاءٌ عَلَيْنَا أَوَعَظْتَ أَمْ لَمْ تَكُن مِّنَ الْوَاعِظِينَ (136)
Pitharo iran: Magishan rukami o ino Miyanguthoma Ka antawa-a da Ka mabaloi a pud ko manga Pangunguthoma |
إِنْ هَٰذَا إِلَّا خُلُقُ الْأَوَّلِينَ (137)
Da ko ungkaya inonta na Parangai o miyanga-o ona |
وَمَا نَحْنُ بِمُعَذَّبِينَ (138)
Na kuna a ba kami phangasisiksa |
فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (139)
Na piyakambokhag iran Sukaniyan, na bininasa Mi siran. Mata-an! A adun a matatago ro-o man a titho a Tanda: Na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (140)
Mata-an! A so Kadnan Ka na Sukaniyan ndun so Mabagur, a Makalimo-on |
كَذَّبَتْ ثَمُودُ الْمُرْسَلِينَ (141)
Piyakambokhag o (pagtao a) Samood so manga Sogo |
إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ (142)
Gowani na Pitharo kiran o Pagari ran a Salih: Ino kano di phananggila |
إِنِّي لَكُمْ رَسُولٌ أَمِينٌ (143)
Mata-an! A Sakun na Sogo rukano a kasasana-an |
فَاتَّقُوا اللَّهَ وَأَطِيعُونِ (144)
Na kalukun niyo so Allah, go Onoti Yako niyo |
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ (145)
Na da-a phangunin ko rukano saya a balas: Da-a balas Rakun inonta so si-i ko Kadnan o manga Ka-adun |
أَتُتْرَكُونَ فِي مَا هَاهُنَا آمِنِينَ (146)
Ba kano khibagak, si-i ko nganin a matatago si-i a khisasarig kano |
فِي جَنَّاتٍ وَعُيُونٍ (147)
Si-i ko manga Pamomolan go manga Bowalan |
وَزُرُوعٍ وَنَخْلٍ طَلْعُهَا هَضِيمٌ (148)
Go manga Purpuran, go manga Qormah a so Onga niyan na kiyalotowan |
وَتَنْحِتُونَ مِنَ الْجِبَالِ بُيُوتًا فَارِهِينَ (149)
Go Puphamuso kano ko manga Palao sa manga Walai, a pukhababaya kano |
فَاتَّقُوا اللَّهَ وَأَطِيعُونِ (150)
Na kalukun niyo so Allah, go Onoti Yako niyo |
وَلَا تُطِيعُوا أَمْرَ الْمُسْرِفِينَ (151)
Na di niyo Pagonoti so Sogowan o manga Malawani |
الَّذِينَ يُفْسِدُونَ فِي الْأَرْضِ وَلَا يُصْلِحُونَ (152)
A siran na Puphaminasa siran ko Lopa, go di siran Phangompiya |
قَالُوا إِنَّمَا أَنتَ مِنَ الْمُسَحَّرِينَ (153)
Pitharo iran: A Suka na pud dun ko khitataraponan |
مَا أَنتَ إِلَّا بَشَرٌ مِّثْلُنَا فَأْتِ بِآيَةٍ إِن كُنتَ مِنَ الصَّادِقِينَ (154)
Kuna a ba Ka di Manosiya a lagid ami: Na bugai Ka sa Tanda, o Suka na pud ko manga bunar |
قَالَ هَٰذِهِ نَاقَةٌ لَّهَا شِرْبٌ وَلَكُمْ شِرْبُ يَوْمٍ مَّعْلُومٍ (155)
Pitharo Iyan: A kati-i so Onta: A adun a kipantag iyan ko kainom, go adun a kipantag iyo ko kainom, ko gawi-i a mapupunto |
وَلَا تَمَسُّوهَا بِسُوءٍ فَيَأْخُذَكُمْ عَذَابُ يَوْمٍ عَظِيمٍ (156)
Na di niyo shogata sukaniyan a marata, ka madansal kano a siksa ko gawi-i a mala |
فَعَقَرُوهَا فَأَصْبَحُوا نَادِمِينَ (157)
Na biyono iran noto: Na miyabaloi siran a miyamakasundit |
فَأَخَذَهُمُ الْعَذَابُ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (158)
Na miyadansal siran o siksa. Mata-an! A adun a madadalum ro-o man a titho a Tanda: Na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (159)
Na Mata-an! a so Kadnan Ka na Sukaniyan ndun so Mabagur, a Makalimo-on |
كَذَّبَتْ قَوْمُ لُوطٍ الْمُرْسَلِينَ (160)
Piyakambokhag o pagtao o Lut so manga Sogo |
إِذْ قَالَ لَهُمْ أَخُوهُمْ لُوطٌ أَلَا تَتَّقُونَ (161)
Gowani na Pitharo kiran o Pagari ran a Lut: Ino kano di Phananggila |
إِنِّي لَكُمْ رَسُولٌ أَمِينٌ (162)
Mata-an! A Sakun na Sogo rukano a kasasana-an |
فَاتَّقُوا اللَّهَ وَأَطِيعُونِ (163)
Na kalukun niyo so Allah, go Onoti Yako niyo |
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ (164)
Na da-a phangunin Ko rukano saya a balas: Da-a balas Rakun inonta so si-i ko Kadnan o manga Ka-adun |
أَتَأْتُونَ الذُّكْرَانَ مِنَ الْعَالَمِينَ (165)
Ino niyo Puphangabaya i so manga Mama ko manga Ka-adun |
وَتَذَرُونَ مَا خَلَقَ لَكُمْ رَبُّكُم مِّنْ أَزْوَاجِكُم ۚ بَلْ أَنتُمْ قَوْمٌ عَادُونَ (166)
Na Pungganata niyo so Inadun rukano o Kadnan niyo a manga Karoma niyo? Kuna, ka sukano na pagtao a manga Malawani |
قَالُوا لَئِن لَّمْ تَنتَهِ يَا لُوطُ لَتَكُونَنَّ مِنَ الْمُخْرَجِينَ (167)
Pitharo iran: A Mata-an a Odingka gunuki, hai Lut! Na Mataan a khabaloi Ka dun a pud ko piyamaka-awa |
قَالَ إِنِّي لِعَمَلِكُم مِّنَ الْقَالِينَ (168)
Pitharo Iyan: A Mata-an! A Sakun na pud ko Pukhakararangit ko galubuk iyo |
رَبِّ نَجِّنِي وَأَهْلِي مِمَّا يَعْمَلُونَ (169)
Kadnan Ko! Sabut Akongka a go so Ta-alok Rakun pho-on ko gi-i ran nggolaola-an |
فَنَجَّيْنَاهُ وَأَهْلَهُ أَجْمَعِينَ (170)
Na siyabut Ami Sukaniyan a go so ta-alokon a kasamasama iran |
إِلَّا عَجُوزًا فِي الْغَابِرِينَ (171)
Inonta so lokus (a Karoma Niyan) ka minitapi ko miyangakakakal ko siksa |
ثُمَّ دَمَّرْنَا الْآخَرِينَ (172)
Oriyan niyan na piyolang Ami so manga salakao (kiran) |
وَأَمْطَرْنَا عَلَيْهِم مَّطَرًا ۖ فَسَاءَ مَطَرُ الْمُنذَرِينَ (173)
Go piyakaoranan Nami siran sa oran (a Ator): Na miyakaratarata a ini oran ko piyamaka-iktiyar (a da dun Paratiyaya) |
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (174)
Mata-an! A adun a matatago ro-o man a titho a Tanda: Na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (175)
Na Mata-an! A so Kadnan Ka na Sukaniyan ndun so Mabagur, a Makalimo-on |
كَذَّبَ أَصْحَابُ الْأَيْكَةِ الْمُرْسَلِينَ (176)
Piyakambokhag o manga tao sa Aikah so manga Sogo |
إِذْ قَالَ لَهُمْ شُعَيْبٌ أَلَا تَتَّقُونَ (177)
Gowani na Pitharo kiran o Shv’aib: Ino kano di Phananggila |
إِنِّي لَكُمْ رَسُولٌ أَمِينٌ (178)
Mata-an! A Sakun na Sogo rukano a kasasana-an |
فَاتَّقُوا اللَّهَ وَأَطِيعُونِ (179)
Nakalukun niyo so Allah, go Onoti Yako niyo |
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ (180)
Na da-a Phangunin Ko rukano saya a balas: Da-a balas Rakun inonta so si-i ko Kadnan o manga Ka-adun |
۞ أَوْفُوا الْكَيْلَ وَلَا تَكُونُوا مِنَ الْمُخْسِرِينَ (181)
Tarotopa niyo so kapagasad, na o ba kano mabaloi a pud ko puphamangorang |
وَزِنُوا بِالْقِسْطَاسِ الْمُسْتَقِيمِ (182)
Na thimbang kano ko timbangan a maka-o ontol |
وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ (183)
Go da-a khoranga niyo ko manga Manosiya ko nganinganin niran, go di kano phangalandada ko Lopa, a puphamaminasa kano |
وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ (184)
Go kalukun niyo so (Allah a) Miyadun rukano, go (Miyadun ko) manga Ka-adun a miyanga-o ona |
قَالُوا إِنَّمَا أَنتَ مِنَ الْمُسَحَّرِينَ (185)
Pitharo iran: A Suka na pud dun ko khitataraponan |
وَمَا أَنتَ إِلَّا بَشَرٌ مِّثْلُنَا وَإِن نَّظُنُّكَ لَمِنَ الْكَاذِبِينَ (186)
Na kuna a ba Ka di Manosiya a lagid ami, na Mata-an! A arangan nami Ruka na pud dun ko manga bokhag |
فَأَسْقِطْ عَلَيْنَا كِسَفًا مِّنَ السَّمَاءِ إِن كُنتَ مِنَ الصَّادِقِينَ (187)
Na ologi Kamingka sa pisha gintasan ko siksa ko Langit, o Suka na pud ko manga bunar |
قَالَ رَبِّي أَعْلَمُ بِمَا تَعْمَلُونَ (188)
Pitharo Iyan: A so Kadnan Ko i Mata-o ko gi-i niyo nggolaolaan |
فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ إِنَّهُ كَانَ عَذَابَ يَوْمٍ عَظِيمٍ (189)
Na piyakambokhag iran Sukaniyan. Na miyadansal siran o siksa ko Alongan a kinilalansai o gabon, Mata-an naya! A miyabaloi a siksa ko Alongan a mala |
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ (190)
Mata-an! A adun a matatago ro-o man a titho a Tanda: Na da mabaloi so kadakulan kiran a Khipaparatiyaya |
وَإِنَّ رَبَّكَ لَهُوَ الْعَزِيزُ الرَّحِيمُ (191)
Na Mata-an! A so Kadnan Ka na Sukaniyan ndun so Mabagur, a Makalimo-on |
وَإِنَّهُ لَتَنزِيلُ رَبِّ الْعَالَمِينَ (192)
Na Mata-an a giya Qur-an naya! A titho a Initoron o Kadnan o manga Ka-adun |
نَزَلَ بِهِ الرُّوحُ الْأَمِينُ (193)
Initoron naya o Niyawa a kasasarigan (a so Jibril) |
عَلَىٰ قَلْبِكَ لِتَكُونَ مِنَ الْمُنذِرِينَ (194)
Si-i ko poso o Ka (Ya Muhammad), ka Angka mabaloi a pud ko Miyamaka-iktiyar |
بِلِسَانٍ عَرَبِيٍّ مُّبِينٍ (195)
Sa basa Arab a mapayag |
وَإِنَّهُ لَفِي زُبُرِ الْأَوَّلِينَ (196)
Na Mata-an naya! a titho a madadalum ko manga Kitab a miyanga-o ona |
أَوَلَمْ يَكُن لَّهُمْ آيَةً أَن يَعْلَمَهُ عُلَمَاءُ بَنِي إِسْرَائِيلَ (197)
Ba da-a Mīiya-adun kiran a Tanda a katawan Sukaniyan o manga Olama ko manga Moriyatao o Israil |
وَلَوْ نَزَّلْنَاهُ عَلَىٰ بَعْضِ الْأَعْجَمِينَ (198)
Na o Initoron Nami Sukaniyan ko saba-ad ko kuna a ba manga Arab |
فَقَرَأَهُ عَلَيْهِم مَّا كَانُوا بِهِ مُؤْمِنِينَ (199)
Na go Niyan kiran noto Biyatiya, na di ran noto Pharatiyaya-an |
كَذَٰلِكَ سَلَكْنَاهُ فِي قُلُوبِ الْمُجْرِمِينَ (200)
Lagid aya a kiyapakasolud Ami ron ko manga poso o manga rarata i ongar |
لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ (201)
Di ran noto Pharatiyaya-an taman sa di ran kasandungan so siksa a malipudus |
فَيَأْتِيَهُم بَغْتَةً وَهُمْ لَا يَشْعُرُونَ (202)
Na Makatalingoma kiran (so siksa) sa mitalumba, a siran na di-iran mai-inungka |
فَيَقُولُوا هَلْ نَحْنُ مُنظَرُونَ (203)
Na Matharo iran: Ino sukutano khata-alik rukutano |
أَفَبِعَذَابِنَا يَسْتَعْجِلُونَ (204)
(Pitharo o Allah:) Ino a so siksa ami na puphangunin niran a kaga-an niyan |
أَفَرَأَيْتَ إِن مَّتَّعْنَاهُمْ سِنِينَ (205)
Aiguda-a Ka? Amai ka pakasawitun Nami siran ko kapipiya a ginawa sa phipira ragon |
ثُمَّ جَاءَهُم مَّا كَانُوا يُوعَدُونَ (206)
Oriyan niyan na makaoma kiran so ini-diyandi kiran (a siksa) |
مَا أَغْنَىٰ عَنْهُم مَّا كَانُوا يُمَتَّعُونَ (207)
Na di kiran makalinding so piyakisawitan kiran a kapipiya ginawa |
وَمَا أَهْلَكْنَا مِن قَرْيَةٍ إِلَّا لَهَا مُنذِرُونَ (208)
Na da-a bininasa Mi a Phagingud, a ba da-a Miyamakaiktiyar ron |
ذِكْرَىٰ وَمَا كُنَّا ظَالِمِينَ (209)
Pananadum; na kuna a ba Kami manga salimbot |
وَمَا تَنَزَّلَتْ بِهِ الشَّيَاطِينُ (210)
Go kuna a ba Initoron Sukaniyan o manga Shaitan |
وَمَا يَنبَغِي لَهُمْ وَمَا يَسْتَطِيعُونَ (211)
Go di kiran patot, go di ran khagaga |
إِنَّهُمْ عَنِ السَّمْعِ لَمَعْزُولُونَ (212)
Mata-an! A siran na so kapamamakinug (ko Langit) na piyakigunukan kiran ndun |
فَلَا تَدْعُ مَعَ اللَّهِ إِلَٰهًا آخَرَ فَتَكُونَ مِنَ الْمُعَذَّبِينَ (213)
Na di Ka Phanongganoi sa pud o Allah, a Tohan a salakao ka Mabaloi Ka a pud ko phangasisiksa |
وَأَنذِرْ عَشِيرَتَكَ الْأَقْرَبِينَ (214)
Na Paka-iktiyarangka so manga Tonganaingka, a manga dadasug |
وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ (215)
Go Paka-inayangka so Gowagowaingka ko tao a Miyonot Ruka, a pud ko Miyamaratiyaya |
فَإِنْ عَصَوْكَ فَقُلْ إِنِّي بَرِيءٌ مِّمَّا تَعْمَلُونَ (216)
Na amai ka Sorangungka iran, na Tharowangka: A Mata-an! A Sakun na angiyas Ako ko gi-i niyo nggolaola-an |
وَتَوَكَّلْ عَلَى الْعَزِيزِ الرَّحِيمِ (217)
Go Panarig Ka ko (Allah a) Mabagur, a Makalimo-on |
الَّذِي يَرَاكَ حِينَ تَقُومُ (218)
A so puphakailai Ruka ko masa a Kaputhindug Ka |
وَتَقَلُّبَكَ فِي السَّاجِدِينَ (219)
Go so Kapuphagukaskas Ka a rakhus o Puphamanojiod |
إِنَّهُ هُوَ السَّمِيعُ الْعَلِيمُ (220)
Mata-an naya! A Sukaniyan so Puphakanug, a Mata-o |
هَلْ أُنَبِّئُكُمْ عَلَىٰ مَن تَنَزَّلُ الشَّيَاطِينُ (221)
Ba Ko rukano Phanothbola, so tao a puthupadan o manga Shaitan |
تَنَزَّلُ عَلَىٰ كُلِّ أَفَّاكٍ أَثِيمٍ (222)
Puthupad ko oman i bokhag, a baradosa |
يُلْقُونَ السَّمْعَ وَأَكْثَرُهُمْ كَاذِبُونَ (223)
A tatandangan niran sa Pamamakinugan (so manga Shaitan), na so kadakulan kiran na manga bokhag |
وَالشُّعَرَاءُ يَتَّبِعُهُمُ الْغَاوُونَ (224)
Na so manga Pababayok,na Phagonotan siran o Miyangadadadag |
أَلَمْ تَرَ أَنَّهُمْ فِي كُلِّ وَادٍ يَهِيمُونَ (225)
Bangka da mailai a Mata-an! A siran na puphuromparompak siran ko oman i labowai |
وَأَنَّهُمْ يَقُولُونَ مَا لَا يَفْعَلُونَ (226)
Go Mata-an a siran na gi-i ran Tharo-on so di ran Punggolaola-an |
إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانتَصَرُوا مِن بَعْدِ مَا ظُلِمُوا ۗ وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ (227)
Tabiya-on so Miyamaratiyaya, go Pinggalubuk iran so manga pipiya, go Tiyaduman niran so Allah sa madakul, go siyabut iran a ginawa iran ko oriyan o kiyasalimboti kiran; na katokawan ndun o siran a manga salimbot o antona-a darpa a khandodan i khandodan niran |
