| الْقَارِعَةُ (1) អាល់ករីអះ។ |
| مَا الْقَارِعَةُ (2) តើអាល់ករីអះជាអ្វី |
| وَمَا أَدْرَاكَ مَا الْقَارِعَةُ (3) តើអ្វីដែលធ្វើឱ្យអ្នកដឹងថា អាល់ករីអះជាអ្វីនោះ |
| يَوْمَ يَكُونُ النَّاسُ كَالْفَرَاشِ الْمَبْثُوثِ (4) គឺជាថ្ងៃដែលមនុស្សលោកប្រៀបដូចជាហ្វូងសត្វមេអំបៅ ដែលហើរប្រសេចប្រសាច។ |
| وَتَكُونُ الْجِبَالُ كَالْعِهْنِ الْمَنفُوشِ (5) ហើយភ្នំទាំងឡាយប្រៀបដូចជារោមសត្វដែលត្រូវគេធ្វើឱ្យប៉ើង។ |
| فَأَمَّا مَن ثَقُلَتْ مَوَازِينُهُ (6) ហើយរីឯអ្នកណាដែលភ្នែកជញ្ជីងរបស់គេធ្ងន់(ខាងអំពើល្អ)នោះ។ |
| فَهُوَ فِي عِيشَةٍ رَّاضِيَةٍ (7) គឺគេនឹងស្ថិតក្នុងការរស់នៅប្រកបដោយក្ដីពេញចិត្ដ(នៅ ក្នុងឋានសួគ៌)។ |
| وَأَمَّا مَنْ خَفَّتْ مَوَازِينُهُ (8) ហើយចំណែកឯអ្នកណាដែលភ្នែកជញ្ជីងរបស់គេស្រាល (ខាងអំពើល្អ)នោះ។ |
| فَأُمُّهُ هَاوِيَةٌ (9) ទីលំនៅរបស់គេគឺនរកហាវីយ៉ះ(រណ្ដៅនរកដ៏ជ្រៅ)។ |
| وَمَا أَدْرَاكَ مَا هِيَهْ (10) តើអ្វីដែលធ្វើឱ្យអ្នកដឹងថាវាជាអ្វីនោះ |
| نَارٌ حَامِيَةٌ (11) វាគឺជាភ្លើងនរកដ៏សែនក្ដៅ។ |