| إِذَا زُلْزِلَتِ الْأَرْضُ زِلْزَالَهَا (1) Bɛ yi ti dam tiŋgbani di dambu (din nyε Chiyaama yiɣisibu dini) |
| وَأَخْرَجَتِ الْأَرْضُ أَثْقَالَهَا (2) Ka tiŋgbani yihi di ʒilitibsa na |
| وَقَالَ الْإِنسَانُ مَا لَهَا (3) Ka ninsala yɛli: “Bo n-leei mali li (ka di ti damdi lala).” |
| يَوْمَئِذٍ تُحَدِّثُ أَخْبَارَهَا (4) Dindali ka di (tiŋgbani maa) yɛn ti tɔɣisi di lahibaya ni nyɛ shɛli |
| بِأَنَّ رَبَّكَ أَوْحَىٰ لَهَا (5) Kadama a Duuma n-nyɛ Ŋun ti li saɣisigu (ni di tɔɣisi yɛltɔɣa maa) |
| يَوْمَئِذٍ يَصْدُرُ النَّاسُ أَشْتَاتًا لِّيُرَوْا أَعْمَالَهُمْ (6) Dindali ka ninsalinim’ yɛn ti yiɣisi ka nyɛla koŋkoba, ni bɛ ti zaŋ bɛ tuuntumsa wuhi ba |
| فَمَن يَعْمَلْ مِثْقَالَ ذَرَّةٍ خَيْرًا يَرَهُ (7) Dinzuɣu ŋun tum viɛnyɛla shɛli din pɔrlim paai moʒi (bee salinsaa), o ni nya li |
| وَمَن يَعْمَلْ مِثْقَالَ ذَرَّةٍ شَرًّا يَرَهُ (8) Ŋun mi tum tuumbiɛɣu din pɔrlim paai moʒi (bee salinsaa), o ni lahi nya li |