يَا أَيُّهَا الْمُدَّثِّرُ (1)
Yaa nyini ninvuɣu so ŋun zaŋ sariga m-pili o maŋa (Annabi Muhammadu) |
قُمْ فَأَنذِرْ (2)
Yiɣisim niŋ wa’azu |
وَرَبَّكَ فَكَبِّرْ (3)
Ka tibgi a Duuma (Naawuni) |
وَثِيَابَكَ فَطَهِّرْ (4)
Ka niŋ a sitira kasi |
وَالرُّجْزَ فَاهْجُرْ (5)
Ka niŋ katiŋ’ ka chɛ ni buɣa jεma |
وَلَا تَمْنُن تَسْتَكْثِرُ (6)
Yaha! Miri ka a ti pini ka bɔri ni bɛ ti pahi a shɛli di zuɣu |
وَلِرَبِّكَ فَاصْبِرْ (7)
Yaha! Niŋmi suɣulo a Duuma (Naawuni) zuɣu |
فَإِذَا نُقِرَ فِي النَّاقُورِ (8)
Dinzuɣu, bɛ yi ti piεbsi kikaa ni (Zaadali) |
فَذَٰلِكَ يَوْمَئِذٍ يَوْمٌ عَسِيرٌ (9)
Tɔ! Dindali maa n-nyɛ dabsi’ kpeeni |
عَلَى الْكَافِرِينَ غَيْرُ يَسِيرٍ (10)
Ka di pa soochi n-ti chεfurinima |
ذَرْنِي وَمَنْ خَلَقْتُ وَحِيدًا (11)
(Yaa nyini Annabi)! Chεli Ma (Mani Naawuni) ni ninvuɣu so N-ni nam ka o nyɛ o ko (ŋuna n-nyɛ Walid Ibnu Mugirah) |
وَجَعَلْتُ لَهُ مَالًا مَّمْدُودًا (12)
Yaha! Ka n-ti o arzichi din galsi |
وَبَنِينَ شُهُودًا (13)
Ni o bihi shɛba ban ʒiya n-tabi o |
وَمَهَّدتُّ لَهُ تَمْهِيدًا (14)
Ka N (Mani Naawuni) kuli balgi bεhigu n-ti o yɛlgibu ni yɛlimaŋli |
ثُمَّ يَطْمَعُ أَنْ أَزِيدَ (15)
Din nyaaŋa, ka o lahi niŋdi kore ni M (Mani Naawuni) pahi o |
كَلَّا ۖ إِنَّهُ كَانَ لِآيَاتِنَا عَنِيدًا (16)
Chɛli gba! Achiika! O daa nyɛla tipawumli lana ni Ti (Tinim’ Naawuni) aayanim’ wumbu |
سَأُرْهِقُهُ صَعُودًا (17)
Ni baalim, N (Mani Naawuni) nyɛla Ŋun yɛn niŋ o talahi ni azaaba kpeeni (bee ka N-chɛ ka o du saɣuudu) |
إِنَّهُ فَكَّرَ وَقَدَّرَ (18)
Achiika! O (Walid Ibnu Mugirah) nyɛla ŋun tεhi, ka ŋma ʒiri |
فَقُتِلَ كَيْفَ قَدَّرَ (19)
Dinzuɣu, ka bɛ (Naawuni) narim o, wula ka o leei kuli niŋ tɛhi (ka ŋma ʒiri n-zaŋ jɛndi Alkur’aani) |
ثُمَّ قُتِلَ كَيْفَ قَدَّرَ (20)
Din nyaaŋa, ka bɛ (Naawuni) lahi narim o, wula ka o leei kuli niŋ tɛhi (ka ŋma ʒiri n-zaŋ jɛndi Alkur’aani) |
ثُمَّ نَظَرَ (21)
Din nyaaŋa, ka o (Walid Ibnu Mugirah) tɛhi |
ثُمَّ عَبَسَ وَبَسَرَ (22)
Din nyaaŋa, ka o saɣim o nini ni, ka zaɣizaɣi li |
ثُمَّ أَدْبَرَ وَاسْتَكْبَرَ (23)
Din nyaaŋa, ka o lebi biri, ka tibgi o maŋa |
فَقَالَ إِنْ هَٰذَا إِلَّا سِحْرٌ يُؤْثَرُ (24)
Ka yεli: “Ŋɔ (Alkur’aani) maa pa shεli m-pahila sihira n-nyɛ li, ka bɛ deeri li (bukpahinim’ sani na).” |
إِنْ هَٰذَا إِلَّا قَوْلُ الْبَشَرِ (25)
(Ka yεli): “Ŋɔ maa pa shεli naɣila ninsala yεltɔɣa.” |
سَأُصْلِيهِ سَقَرَ (26)
Ni baalim, N (Mani Nawuni) ni zaŋ o kpεhi sakara (buɣum) ni |
وَمَا أَدْرَاكَ مَا سَقَرُ (27)
(Yaa nyini Annabi)! Bo n-leei baŋsi a binshɛɣu din nyɛ sakara |
لَا تُبْقِي وَلَا تَذَرُ (28)
Di (buɣum maa) bi kpalinda, di mi bi chɛri shɛli (naɣila di di li mi n-ti naai) |
لَوَّاحَةٌ لِّلْبَشَرِ (29)
Ka di nyɛla din diri ninsalinim’ nimgbina, ka sabgiri li |
عَلَيْهَا تِسْعَةَ عَشَرَ (30)
Di (sakara buɣum maa) malila (Makaaikanim’) pia ni awei (ka bɛ guli li) |
وَمَا جَعَلْنَا أَصْحَابَ النَّارِ إِلَّا مَلَائِكَةً ۙ وَمَا جَعَلْنَا عِدَّتَهُمْ إِلَّا فِتْنَةً لِّلَّذِينَ كَفَرُوا لِيَسْتَيْقِنَ الَّذِينَ أُوتُوا الْكِتَابَ وَيَزْدَادَ الَّذِينَ آمَنُوا إِيمَانًا ۙ وَلَا يَرْتَابَ الَّذِينَ أُوتُوا الْكِتَابَ وَالْمُؤْمِنُونَ ۙ وَلِيَقُولَ الَّذِينَ فِي قُلُوبِهِم مَّرَضٌ وَالْكَافِرُونَ مَاذَا أَرَادَ اللَّهُ بِهَٰذَا مَثَلًا ۚ كَذَٰلِكَ يُضِلُّ اللَّهُ مَن يَشَاءُ وَيَهْدِي مَن يَشَاءُ ۚ وَمَا يَعْلَمُ جُنُودَ رَبِّكَ إِلَّا هُوَ ۚ وَمَا هِيَ إِلَّا ذِكْرَىٰ لِلْبَشَرِ (31)
Yaha! Ti (Tinim’ Naawuni) bi zali ban guli (sakara) buɣum maa m-pahila bɛ nyɛla Malaaikanima, Ti mi bi zaŋ bɛ kalinli maa leei shɛli naɣila di nyɛla dahimbu n-zaŋ ti ninvuɣu shεba ban niŋ chεfuritali, domin ninvuɣu shεba bɛ ni ti litaafi maa dihitabli (ni Alkur’aani yεlimaŋtali), ka ninvuɣu shεba ban ti Naawuni yεlimaŋli pahi ni yεlimaŋtibo. Yaha! Domin ninvuɣu shεba bɛ ni ti litaafi (Yahuudu mini Nashaaranim) maa mini ninvuɣu shɛba ban ti Naawuni yεlimaŋli di zilsi (Alkur’aani yεlimaŋtali). Yaha! Domin ninvuɣu shεba doro (bee munaafichitali) ni be shɛba suhiri ni mini chεfurinim’ yεli: “Bimbo ka Naawuni leei kuli bɔri ni ŋmahinli ŋɔ maa?” Lala ka Naawuni bɔrgiri O ni bɔri so, ka dolsiri O ni bɔri so. Yaha! (Yaa nyini Annabi)! So bi mi a Duuma tobbihi (Malaaikanim’) tariga naɣila Ŋuna. Yaha! Di (buɣum maa) pa shεli m-pahila wa’azu n-nyɛ li n-zaŋ ti ninsala |
كَلَّا وَالْقَمَرِ (32)
Haifa! M (Mani Naawuni) po goli |
وَاللَّيْلِ إِذْ أَدْبَرَ (33)
Ni yuŋ, di yi ti niŋ bekaali na |
وَالصُّبْحِ إِذَا أَسْفَرَ (34)
Ni bekaali, di yi ti neei zaasa |
إِنَّهَا لَإِحْدَى الْكُبَرِ (35)
Achiika! Di (sakara buɣum) be mushiiba kara puuni |
نَذِيرًا لِّلْبَشَرِ (36)
Ka di nyɛ wa’azu n-ti ninsalinima |
لِمَن شَاءَ مِنكُمْ أَن يَتَقَدَّمَ أَوْ يَتَأَخَّرَ (37)
Ni yi puuni ninvuɣu so ŋun bɔri ni o daŋsi (tuunvɛla), bee ka o naɣisi |
كُلُّ نَفْسٍ بِمَا كَسَبَتْ رَهِينَةٌ (38)
Nyɛvuli kam nyɛla bɛ ni yɛn zaŋ di ni tum shɛli n-dalim li |
إِلَّا أَصْحَابَ الْيَمِينِ (39)
Naɣila nudirgunima (ban yɛn ti deei bɛ tuuntumsa litaafi ni bɛ nudirgu) |
فِي جَنَّاتٍ يَتَسَاءَلُونَ (40)
Bɛ yɛn ti bela Alizanda yiya puuni ka bɔhira |
عَنِ الْمُجْرِمِينَ (41)
(Ka bɛ bɔhiri) bibɛhi yɛla |
مَا سَلَكَكُمْ فِي سَقَرَ (42)
“Bimbo n-leei kpεhi ya sakara (buɣum) ni?” |
قَالُوا لَمْ نَكُ مِنَ الْمُصَلِّينَ (43)
Ka bɛ yεli: “Ti daa ka ban puhiri jiŋli puuni.” |
وَلَمْ نَكُ نُطْعِمُ الْمِسْكِينَ (44)
“Ti mi daa pa ban dihiri nandamba (ti daarzichi puuni).” |
وَكُنَّا نَخُوضُ مَعَ الْخَائِضِينَ (45)
“Ka ti daa lahi be ban yɛri yɛltɔɣa kaha ni.” |
وَكُنَّا نُكَذِّبُ بِيَوْمِ الدِّينِ (46)
“Yaha! Ti daa labsirila Sanyoodali (Zaadali) ʒiri.” |
حَتَّىٰ أَتَانَا الْيَقِينُ (47)
Hali ka dihitabli (kpibu) ti ka ti na |
فَمَا تَنفَعُهُمْ شَفَاعَةُ الشَّافِعِينَ (48)
Dinzuɣu, suhudeenim’ suhudee ku tooi niŋ ba anfaani shεli (Zaadali) |
فَمَا لَهُمْ عَنِ التَّذْكِرَةِ مُعْرِضِينَ (49)
Bo n-leei mali ba (chεfurnim’ maa), ka bɛ lebri biriti wa’azu (Alkur’aani) |
كَأَنَّهُمْ حُمُرٌ مُّسْتَنفِرَةٌ (50)
Bɛ (chεfurinim’ maa yi nya Annabi Muhammadu), bɛ ŋmanila buŋ’ shɛŋa ban yirigi |
فَرَّتْ مِن قَسْوَرَةٍ (51)
Ka bɛ zo ka chɛ gbiɣinli |
بَلْ يُرِيدُ كُلُّ امْرِئٍ مِّنْهُمْ أَن يُؤْتَىٰ صُحُفًا مُّنَشَّرَةً (52)
Chɛli gba! Bɛ (chεfurinim’ maa) zaɣiyino kam bɔrimi ni bɛ ti ba gbana (litaafi na Naawuni sani) ka di yɛrgi luɣulikam |
كَلَّا ۖ بَل لَّا يَخَافُونَ الْآخِرَةَ (53)
Haifa! Chɛli gba! Bɛ kuli bi zɔrila Chiyaama |
كَلَّا إِنَّهُ تَذْكِرَةٌ (54)
Haifa! Achiika! Di (Alkur’aani) nyɛla teebu |
فَمَن شَاءَ ذَكَرَهُ (55)
Dinzuɣu, ninvuɣu so ŋun bɔra, tɔ! Ŋun zaŋmi li n-teei o maŋa |
وَمَا يَذْكُرُونَ إِلَّا أَن يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ (56)
Yaha! Bɛ (chɛfurinim’) bi zaŋdi li n-teeri bɛ maŋa, naɣila Naawuni yi yu, Ŋuna n-nyɛ Ŋun tu ni bɛ zo dabiεm, ka lahi nyɛ Ŋun tu kamaata ni chεmpaŋ |
