وَالْمُرْسَلَاتِ عُرْفًا (1)
Yalli ittâ lakleh itta kataata caacayal xiibite |
فَالْعَاصِفَاتِ عَصْفًا (2)
Edde luk gibdi caacayay hawwug iyyal xiibite |
وَالنَّاشِرَاتِ نَشْرًا (3)
Kaadu yalli malaykay qubulta usuk faxa ikke beytay fixiixisiyyah kaa fixiixissal xiibite |
فَالْفَارِقَاتِ فَرْقًا (4)
Edde luk yalli malaykay cakkii kee deedalaay, calaalii kee caraamu ittak baxissam kay xaquk luk obtal xiibite |
فَالْمُلْقِيَاتِ ذِكْرًا (5)
Edde luk malaykay wacyi Yallih ambiyaa kee farmoytiitil oobissal xiibite |
عُذْرًا أَوْ نُذْرًا (6)
Seehada Yallal malkit geewaytuh hinnay meesisso keenih yakkuh Yallih digaalák |
إِنَّمَا تُوعَدُونَ لَوَاقِعٌ (7)
Cagalah Qhiyaamâ caagidik isin elle xagnisinteenim akkelem Raqmali |
فَإِذَا النُّجُومُ طُمِسَتْ (8)
Tokkel Cutuk duugumaah diifi kak gexa waqdi |
وَإِذَا السَّمَاءُ فُرِجَتْ (9)
Kaadu qaran qanxixaah, fakkiima waqdi |
وَإِذَا الْجِبَالُ نُسِفَتْ (10)
Kaadu qaleelá riira (bula) takke waqdi |
وَإِذَا الرُّسُلُ أُقِّتَتْ (11)
Kaadu Yallih farmoytit kee ken ummattâ fanat mekla edde aban wakti muggaqsime waqdi |
لِأَيِّ يَوْمٍ أُجِّلَتْ (12)
Farmoytit edde waddiroysimtem Maa ayroóy |
لِيَوْمِ الْفَصْلِ (13)
Ginô fan edde meklaanaah edde Baxsan ayró, kah xagnisimeenim (woh Qhiyaamah ayró) |
وَمَا أَدْرَاكَ مَا يَوْمُ الْفَصْلِ (14)
Kaadu seehadaytow maca koo tiysixxigeeh Baxsi ayroó kee tet gibdaabini kinnim |
وَيْلٌ يَوْمَئِذٍ لِّلْمُكَذِّبِينَ (15)
Qhiyaamah ayro dirabboyse marah woo ayro fingi yan |
أَلَمْ نُهْلِكِ الْأَوَّلِينَ (16)
Naharsi marak Yallih farmoytit dirabboyse mara mafinqisinninoo |
ثُمَّ نُتْبِعُهُمُ الْآخِرِينَ (17)
Tohuk lakal wadirsi mara ken kataysenno |
كَذَٰلِكَ نَفْعَلُ بِالْمُجْرِمِينَ (18)
Tonnah abba heenno umeyniitik (koros kinnuk) |
وَيْلٌ يَوْمَئِذٍ لِّلْمُكَذِّبِينَ (19)
Yallih inkittinaanee dirabboyse marah woo ayro (Qhiyaamah ayró kinnuk) finqi yan |
أَلَمْ نَخْلُقكُّم مِّن مَّاءٍ مَّهِينٍ (20)
Seehaday boola le leek (daacoyta kinnuk) Sin ma gininninoo |
فَجَعَلْنَاهُ فِي قَرَارٍ مَّكِينٍ (21)
Edde luk sabhalal leeh dacayri le aracay (saynumih maxax kinnuk) bica let kaa ma hanninoo |
إِلَىٰ قَدَرٍ مَّعْلُومٍ (22)
Yallih xaqul Yimixxige waktî fanah |
فَقَدَرْنَا فَنِعْمَ الْقَادِرُونَ (23)
tokkel kaa ginnam dudneeh, yayse dudda lem nee |
وَيْلٌ يَوْمَئِذٍ لِّلْمُكَذِّبِينَ (24)
Ni dudda dirabboysa marah woo ayro Finqi yan |
أَلَمْ نَجْعَلِ الْأَرْضَ كِفَاتًا (25)
Baaxó aracay inkih sin yasgalleeh yabbixe maabinninoo |
أَحْيَاءً وَأَمْوَاتًا (26)
Siinik nuwwaamaay, rabteemih inkih |
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا (27)
Kaadu fayyale qaleelá teetil mahanninoo diggi tet haytuh, kaadu coboy leey salfa lek sin mafqinninoo |
وَيْلٌ يَوْمَئِذٍ لِّلْمُكَذِّبِينَ (28)
Ni niqmat yangaddee marah woo ayro Finqi yan |
انطَلِقُوا إِلَىٰ مَا كُنتُم بِهِ تُكَذِّبُونَ (29)
Korosuk qhiyaamah ayró: jahannam giráh digaaláy dirabboysak sugteenî fanah gexa keenik iyyan |
انطَلِقُوا إِلَىٰ ظِلٍّ ذِي ثَلَاثِ شُعَبٍ (30)
Gexaay iraawita jahannam giráh qiiriy sidiica luddalê fanah |
لَّا ظَلِيلٍ وَلَا يُغْنِي مِنَ اللَّهَبِ (31)
Usuk Ma silaalisaay, giráh huurik xiqam malik |
إِنَّهَا تَرْمِي بِشَرَرٍ كَالْقَصْرِ (32)
Diggah is kaxxa qarih gide yakke xinkilliq qambissa |
كَأَنَّهُ جِمَالَتٌ صُفْرٌ (33)
Usuk (xinkilliq kinnuk) Dat caawin gaala ceela |
وَيْلٌ يَوْمَئِذٍ لِّلْمُكَذِّبِينَ (34)
Yallih meesisso dirabboyse marah woo ayro Finqi yan |
هَٰذَا يَوْمُ لَا يَنطِقُونَ (35)
Ta ayró dirableelá yabtaamih dudda mali. (Qhiyaamah ayró kinnuk) |
وَلَا يُؤْذَنُ لَهُمْ فَيَعْتَذِرُونَ (36)
Yaabaanamih idni keenih mayantacawwima edde yawqoonuh |
وَيْلٌ يَوْمَئِذٍ لِّلْمُكَذِّبِينَ (37)
Tama ayro dirabboysa marah woo ayro Finqi yan |
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ (38)
Qhiyaamah ayró korosuk iyyaanah: tah ginô fan edde meklaanaah baxsan ayró, sin kee naharsi mara edde gaabosneh |
فَإِن كَانَ لَكُمْ كَيْدٌ فَكِيدُونِ (39)
Toysa Isin malá teelleenik, yi digaalak edde cattimtoonuh yoh malsita |
وَيْلٌ يَوْمَئِذٍ لِّلْمُكَذِّبِينَ (40)
Ellecaboh ayro dirabboysa marah woo ayro Finqi yan |
إِنَّ الْمُتَّقِينَ فِي ظِلَالٍ وَعُيُونٍ (41)
Diggah Yallak meesite mari jannatal silalwaa kee daroorih addal yan |
وَفَوَاكِهَ مِمَّا يَشْتَهُونَ (42)
Kaadu caxâ mixuk faxxa haanamih addal yanin |
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ (43)
Keenik iyyaanah: akumaay aquba rufto luk, addunyal abbaasitten meqe taamah sabbatah |
إِنَّا كَذَٰلِكَ نَجْزِي الْمُحْسِنِينَ (44)
Diggah nanu tonnal galatna meqem abite mara.(moominiin kinnuk) |
وَيْلٌ يَوْمَئِذٍ لِّلْمُكَذِّبِينَ (45)
Jannatti niqmat dirabboyse marah woo ayro Finqi yan |
كُلُوا وَتَمَتَّعُوا قَلِيلًا إِنَّكُم مُّجْرِمُونَ (46)
Yalli korosuk iyyah: addunyal meqem akumaay dago wakti teetit hataka diggah isin umeyniitik, Yallat agleyta hayteenimih sabbatah |
وَيْلٌ يَوْمَئِذٍ لِّلْمُكَذِّبِينَ (47)
Cisab kee galtoh ayro dirabboyse marah woo ayro Finqi yan |
وَإِذَا قِيلَ لَهُمُ ارْكَعُوا لَا يَرْكَعُونَ (48)
Kaadu Yallah salat abaay kaah rammita keenik iyyeenik, salat kaah maabaanaay, kaah marammitan |
وَيْلٌ يَوْمَئِذٍ لِّلْمُكَذِّبِينَ (49)
Yallih aayoota dirabboyse marah woo ayro Finqi yan |
فَبِأَيِّ حَدِيثٍ بَعْدَهُ يُؤْمِنُونَ (50)
Toysa ta qhuraanay Yallih yab kinnih iyyal aamine weenik, maakitaabaay, maayaabaay kaak wadir elle yaaminoonu waanam |
