وَالسَّمَاءِ وَالطَّارِقِ (1)
শপত আকাশৰ আৰু যি ৰাতিত আত্মপ্ৰকাশ কৰে |
وَمَا أَدْرَاكَ مَا الطَّارِقُ (2)
আৰু কিহে তোমাক জনাব যে, ‘ৰাতিত যিয়ে আত্মপ্ৰকাশ কৰে’ সেয়া নো কি |
النَّجْمُ الثَّاقِبُ (3)
(সেয়া হৈছে) উজ্জ্বল নক্ষত্ৰ। |
إِن كُلُّ نَفْسٍ لَّمَّا عَلَيْهَا حَافِظٌ (4)
প্ৰত্যেক জীৱৰ ওপৰতেই তত্ত্বাবধায়ক আছে। |
فَلْيَنظُرِ الْإِنسَانُ مِمَّ خُلِقَ (5)
এতেকে মানুহে চিন্তা কৰা উচিত যে, তাক কিহেৰে সৃষ্টি কৰা হৈছে |
خُلِقَ مِن مَّاءٍ دَافِقٍ (6)
তাক সৃষ্টি কৰা হৈছে দ্ৰুতগতিত নিৰ্গত হোৱা পানীৰে |
يَخْرُجُ مِن بَيْنِ الصُّلْبِ وَالتَّرَائِبِ (7)
যিটো নিৰ্গত হয় মেৰুদণ্ড আৰু বুকুৰ মাজৰ পৰা। |
إِنَّهُ عَلَىٰ رَجْعِهِ لَقَادِرٌ (8)
নিশ্চয় তেওঁ তাক উভতাই আনিবলৈ সক্ষম। |
يَوْمَ تُبْلَى السَّرَائِرُ (9)
যিদিনা গোপন বিষয়সমূহ পৰীক্ষা কৰা হ’ব |
فَمَا لَهُ مِن قُوَّةٍ وَلَا نَاصِرٍ (10)
সেইদিনা তাৰ কোনো শক্তি নাথাকিব আৰু কোনো সহায়কাৰীও নাথাকিব। |
وَالسَّمَاءِ ذَاتِ الرَّجْعِ (11)
শপত আকাশৰ যিয়ে বৰষুণ ধাৰণ কৰে |
وَالْأَرْضِ ذَاتِ الصَّدْعِ (12)
শপত পৃথিৱীৰ, যিটো বিদীৰ্ণ হয় |
إِنَّهُ لَقَوْلٌ فَصْلٌ (13)
নিশ্চয় এইটো (আল-কোৰআন) মীমাংসাকাৰী বাণী। |
وَمَا هُوَ بِالْهَزْلِ (14)
আৰু এইটো নিৰৰ্থক নহয়। |
إِنَّهُمْ يَكِيدُونَ كَيْدًا (15)
নিশ্চয় সিহঁত ভীষণ ষড়যন্ত্ৰ কৰে |
وَأَكِيدُ كَيْدًا (16)
আৰু ময়ো ভীষণ কৌশল কৰিছো। |
فَمَهِّلِ الْكَافِرِينَ أَمْهِلْهُمْ رُوَيْدًا (17)
এতেকে কাফিৰসকলক অৱকাশ দিয়া; সিহঁতক কিছু সময়ৰ বাবে অৱকাশ দিয়া। |
