إِذَا وَقَعَتِ الْوَاقِعَةُ (1)
Patichitendekwa chakutendekwa (Kiyama) |
لَيْسَ لِوَقْعَتِهَا كَاذِبَةٌ (2)
Pangali jwakanila yakutendekwa kwakwe |
خَافِضَةٌ رَّافِعَةٌ (3)
(Chalakwe ni) chakwaatulusya (achimakafili pakwajinjisya ku Moto) ni kwakwesya (Asilamu pakwajinjisya ku Mbepo) |
إِذَا رُجَّتِ الْأَرْضُ رَجًّا (4)
Ndema jalichitenganyika litaka kutenganyika kwamachili |
وَبُسَّتِ الْجِبَالُ بَسًّا (5)
Matumbi ni kusyajidwa-syajidwa |
فَكَانَتْ هَبَاءً مُّنبَثًّا (6)
Ni kuwa luwundu lyakuwululusyidwa |
وَكُنتُمْ أَزْوَاجًا ثَلَاثَةً (7)
Ni tinchiwa jenumanja (pa Kiyama) mikutula jitatu |
فَأَصْحَابُ الْمَيْمَنَةِ مَا أَصْحَابُ الْمَيْمَنَةِ (8)
Basi (pachiwa pana) wandu wa kunkono wan’dyo, ana wandu wa kunkono wan’dyo ni wapi (uchimbichimbi wao uchiwa uli) |
وَأَصْحَابُ الْمَشْأَمَةِ مَا أَصْحَابُ الْمَشْأَمَةِ (9)
Ni (pachiwa pana soni) wandu wa kunkono wanchiji, ana wandu wa kunkono wanchiji ni wapi (kusakala kwao kuchiwa uli) |
وَالسَّابِقُونَ السَّابِقُونَ (10)
Ni (pachiwa pana soni) wawalongolele (pakutenda yambone ku duniya) watachiwa wakulongolela (ku Mbepo) |
أُولَٰئِكَ الْمُقَرَّبُونَ (11)
Wanganyao ni watachiwa wakuwandichisyidwa (kwa Allah) |
فِي جَنَّاتِ النَّعِيمِ (12)
Tachiwa m’Matimbe Gachindimba (ku Mbepo) |
ثُلَّةٌ مِّنَ الْأَوَّلِينَ (13)
Likuga lyejinji (lya akulongolela ku yambone) lichiwa lyakutyochela mu wandu wandanda |
وَقَلِيلٌ مِّنَ الْآخِرِينَ (14)
Sano (likuga) lyannono (lya akulongolela ku yambone) lichiwa lyakutyochela mu wandu wakumalichisya |
عَلَىٰ سُرُرٍ مَّوْضُونَةٍ (15)
Ali pa itengu yauchimbichimbi yeluche (ni golodi ni mitapo jine) |
مُّتَّكِئِينَ عَلَيْهَا مُتَقَابِلِينَ (16)
Tachiyijegamaga mwakulolegana |
يَطُوفُ عَلَيْهِمْ وِلْدَانٌ مُّخَلَّدُونَ (17)
Tachasyungulaga (pa kwatumichila) achachanda wakutamilichika (pa uchanda) |
بِأَكْوَابٍ وَأَبَارِيقَ وَكَأْسٍ مِّن مَّعِينٍ (18)
Ni migao kwisa soni mabilika (ga yakumwa), ni ipanda ya ukana wakuumila mu tutumule jwakujilimaga |
لَّا يُصَدَّعُونَ عَنْهَا وَلَا يُنزِفُونَ (19)
Ngasalwala nao ntwe namuno kutyoka lunda |
وَفَاكِهَةٍ مِّمَّا يَتَخَيَّرُونَ (20)
Ni isogosi iliyose yatakaisaguleje |
وَلَحْمِ طَيْرٍ مِّمَّا يَشْتَهُونَ (21)
Ni nyama ja ijuni jatakajilaluchileje |
وَحُورٌ عِينٌ (22)
Ni achimmasyeto wameso gakulanguka soni gekulungwa mwakusalalila |
كَأَمْثَالِ اللُّؤْلُؤِ الْمَكْنُونِ (23)
(Wakuswejela) nti chisawu ngalekale syesunjidwe |
جَزَاءً بِمَا كَانُوا يَعْمَلُونَ (24)
Kuwa malipilo pa yawaliji nkupanganya |
لَا يَسْمَعُونَ فِيهَا لَغْوًا وَلَا تَأْثِيمًا (25)
Ngaaja kupikana mwalakwemo malowe gangali mate, namuno gakutendekasya kupata sambi |
إِلَّا قِيلًا سَلَامًا سَلَامًا (26)
Ikaweje malowe ganti: Ntendele, ntendele |
وَأَصْحَابُ الْيَمِينِ مَا أَصْحَابُ الْيَمِينِ (27)
Sano (pachiwa pana) wandu wa kunkono wan’dyo, ana wandu wa kunkono wan’dyo ni wapi (uchimbichimbi wao uchiwa uli) |
فِي سِدْرٍ مَّخْضُودٍ (28)
(Tachiwa) mu itela ya masaawu yetyosye miwa |
وَطَلْحٍ مَّنضُودٍ (29)
Ni itela ya magombo yesogole magombo gakwe mwakusajikana chenene |
وَظِلٍّ مَّمْدُودٍ (30)
Ni miwulili jakwendelechela |
وَمَاءٍ مَّسْكُوبٍ (31)
Ni mesi gakujilima ndawi ni katema |
وَفَاكِهَةٍ كَثِيرَةٍ (32)
Ni isogosi yejinji |
لَّا مَقْطُوعَةٍ وَلَا مَمْنُوعَةٍ (33)
Yangakatichisya kasogole nambo soni yangasiwiilidwa |
وَفُرُشٍ مَّرْفُوعَةٍ (34)
Ni yakutandika yenyakulidwe (pa itengu yauchimbichimbi) |
إِنَّا أَنشَأْنَاهُنَّ إِنشَاءً (35)
Chisimu Uwwe chitukaaguumbe wanganyao (achakongwe wakuumila ku duniya) kagumbidwe kane (kakusalala nnope kulekangana ni muwawelele ku duniya) |
فَجَعَلْنَاهُنَّ أَبْكَارًا (36)
Basi chitukatende kuwa waali |
عُرُبًا أَتْرَابًا (37)
Wakulinonyelesya kwa achalume wao, wakulandana misingu |
لِّأَصْحَابِ الْيَمِينِ (38)
(Tachiwa) wa (achalume) wa kunkono wan’dyo |
ثُلَّةٌ مِّنَ الْأَوَّلِينَ (39)
Likuga lyejinji (lya wa kunkono wan’dyo) lichityochela mu wandu wandanda |
وَثُلَّةٌ مِّنَ الْآخِرِينَ (40)
Nambo soni likuga lyejinji (lya wa kunkono wan’dyo) lichityochela mu wandu wakumalichisya |
وَأَصْحَابُ الشِّمَالِ مَا أَصْحَابُ الشِّمَالِ (41)
Ni (pachiwa pana) wandu wa kunkono wanchiji, ana wandu wa kunkono wanchiji ni wapi (kusakala kwao kuchiwa uli) |
فِي سَمُومٍ وَحَمِيمٍ (42)
(Tachiwa) mu chimbunga chamoto, ni mesi gamasemule nnope |
وَظِلٍّ مِّن يَحْمُومٍ (43)
Ni m’bulili wa lyosi lyepiliwu nnope |
لَّا بَارِدٍ وَلَا كَرِيمٍ (44)
Wangapeleka kusisimila namuno kutulalila |
إِنَّهُمْ كَانُوا قَبْلَ ذَٰلِكَ مُتْرَفِينَ (45)
Chisimu wanganyao nkaniyiwe yalakweyi (ku duniya) waliji nkutama umi wakusangalala (ni yakanyisyidwa) |
وَكَانُوا يُصِرُّونَ عَلَى الْحِنثِ الْعَظِيمِ (46)
Ni waliji nkwendelechela (kutenda) sambi syekulungwa |
وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ (47)
Ni waliji nkuwecheta kuti: “Ana patuchiwapo ni kusyuka litaka ni maupa, nambo yakuona uwwe tuchiukulidwa (m’malembe)?” |
أَوَآبَاؤُنَا الْأَوَّلُونَ (48)
“Ni achatati wetu wakwe wandanda?” |
قُلْ إِنَّ الْأَوَّلِينَ وَالْآخِرِينَ (49)
Jilani (mmwe Muhammadi ﷺ): “Chisimu wandanda ni wambesi wakwe.” |
لَمَجْمُوعُونَ إِلَىٰ مِيقَاتِ يَوْمٍ مَّعْلُومٍ (50)
“Tachisonganganyisyidwa wa kunsongangano wetomechedwe wa lisiku lyakumanyika.” |
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ (51)
“Kaneka chisimu wanganyammwe, E jenumanja walupuso, (soni) wakanila!” |
لَآكِلُونَ مِن شَجَرٍ مِّن زَقُّومٍ (52)
“Tinkalye kwene chitela cha Zakkum.” |
فَمَالِئُونَ مِنْهَا الْبُطُونَ (53)
“Ni tinkachigumbasyeje ndumbo (syenu).” |
فَشَارِبُونَ عَلَيْهِ مِنَ الْحَمِيمِ (54)
“Ni tinkachimweleje mesi gamasemule nnope.” |
فَشَارِبُونَ شُرْبَ الْهِيمِ (55)
“Ni tinkamweje mwasikumwelaga ngamiya syanjota nnope.” |
هَٰذَا نُزُلُهُمْ يَوْمَ الدِّينِ (56)
Aji ni mbiiko jao Lisiku Lyamalipilo |
نَحْنُ خَلَقْنَاكُمْ فَلَوْلَا تُصَدِّقُونَ (57)
Uwwe twan’gumbile jenumanja, nambi ligongo chichi ngankukulupilila (ya kwimuka m’malembe panyuma pakuwa) |
أَفَرَأَيْتُم مَّا تُمْنُونَ (58)
Ana nkuliona uli lindondwa lya ulume lyankudondechesyaga (m’chiwelechelo) |
أَأَنتُمْ تَخْلُقُونَهُ أَمْ نَحْنُ الْخَالِقُونَ (59)
Ana jenumanja niwankuligumbaga (kuti liwe mundu), kapena Uwwe niwatukuligumbaga |
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ (60)
Uwwe tupimiile chilikati chenu chiwa (kuti jwalijose mwa jenumanja tachiwa), ni nganituwa Uwwe wakulepela |
عَلَىٰ أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ (61)
Kuti chitun’galawusye kagumbidwe kenu (lisiku lya Kiyama), nikun’gumba mu kawe kangankukamanyilila |
وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ (62)
Soni chisimu chene pamasile pankumanyi gumba kwandanda (kuti Allah ni juwagumbile), nambi uli ngankukumbuchila (yanti Jwalakwe mpaka jukombole gumba kwawili) |
أَفَرَأَيْتُم مَّا تَحْرُثُونَ (63)
Ana nkujiona uli mbeju jankupandaga |
أَأَنتُمْ تَزْرَعُونَهُ أَمْ نَحْنُ الزَّارِعُونَ (64)
Ana jenumanja niwankujimesyaga, kapena Uwwe niwatukumesyaga |
لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ (65)
Tungasache tungajitesile kuwa jakuteketuka, ni nkaliji wakusimonga (chachintendesye kuti jiteketuche) |
إِنَّا لَمُغْرَمُونَ (66)
(Ni nkatiji): “Chisimu uwwe tugambile kwasa chipanje chetu.” |
بَلْ نَحْنُ مَحْرُومُونَ (67)
“Nambo uwwe tujimidwe.” |
أَفَرَأَيْتُمُ الْمَاءَ الَّذِي تَشْرَبُونَ (68)
Ana nkugaona uli mesi gankumwaga |
أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ (69)
Ana jenumanja ni wan’gatulwisye kuumila kumawunde gawula, kapena Uwwe ni Akutulsya |
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ (70)
Tungasache tungagatesile kuwa gachijete nnope, nambi ligongo chichi ngankutogolela |
أَفَرَأَيْتُمُ النَّارَ الَّتِي تُورُونَ (71)
Ana nkuuwona uli moto wankukolesyaga |
أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِئُونَ (72)
Ana jenumanja ni wamwagumbile itela yakwe, kapena Uwwe ni Akugumba |
نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ (73)
Uwwe tuwutesile walakwe (motowo) kuwa chikumbusyo (cha Moto wa ku Akhera), ni wakwakamuchisya wa paulendo |
فَسَبِّحْ بِاسْمِ رَبِّكَ الْعَظِيمِ (74)
Basi liswejesyani lina lya Ambuje wenu Wakulungwa nnope (Allah) |
۞ فَلَا أُقْسِمُ بِمَوَاقِعِ النُّجُومِ (75)
Ngumulumbila mwagwila ndondwa (mwakutiwilila mwakwe kwinani) |
وَإِنَّهُ لَقَسَمٌ لَّوْ تَعْلَمُونَ عَظِيمٌ (76)
Soni chisimu chalakwechi ni chilumbilo chekulungwa nnope ingawe mwamanyililaga |
إِنَّهُ لَقُرْآنٌ كَرِيمٌ (77)
Chisimu jalakweji ni Qur’an jakuchimbichika |
فِي كِتَابٍ مَّكْنُونٍ (78)
Jili m’Chitabu chesunjidwe chenene (Al-Lauh Al- Mahfuz) |
لَّا يَمَسُّهُ إِلَّا الْمُطَهَّرُونَ (79)
Ngakuchikwayaga ikaweje waswejesyedwe |
تَنزِيلٌ مِّن رَّبِّ الْعَالَمِينَ (80)
Chakutulusyidwa kuumila kwa M’mbuje jwa iwumbe yosope |
أَفَبِهَٰذَا الْحَدِيثِ أَنتُم مُّدْهِنُونَ (81)
Ana aji abaliji (Qur’an) jenumanja (achimakafili) nkujikaanila |
وَتَجْعَلُونَ رِزْقَكُمْ أَنَّكُمْ تُكَذِّبُونَ (82)
Sano kanila kwenu (lisiki lyampele Allah) nikwankukutenda kuwa kutogolela kwenu |
فَلَوْلَا إِذَا بَلَغَتِ الْحُلْقُومَ (83)
Nambi uli ntima uli uyiche pekolongo (ndema jakuwa jumo jwenu ngankuuwuchisyaga m’chilu mwakwe) |
وَأَنتُمْ حِينَئِذٍ تَنظُرُونَ (84)
Kutendaga jenumanja jele ndemajo nkasawaga n’di nkulola |
وَنَحْنُ أَقْرَبُ إِلَيْهِ مِنكُمْ وَلَٰكِن لَّا تُبْصِرُونَ (85)
Soni Uwwe (Achimalaika wakutyosya ntima) tukuwaga dusi kwa jwalakwe kumpunda jenumanja, nambo ngankutuonaga |
فَلَوْلَا إِن كُنتُمْ غَيْرَ مَدِينِينَ (86)
Nambi uli naga nganim’ba wanti nikuja kulipidwa (itendo yenu, soni ngasin’jimuka m’malembe) |
تَرْجِعُونَهَا إِن كُنتُمْ صَادِقِينَ (87)
(Uli) ngankuuwuchisyaga (ntimao m’chilu mwakwe kuti akawa mundujo), naga jenumanja nkuwecheta yakuona (kuti kwangali kwimuka m’malembe, ngati nichiwa chakwe chikapagwa) |
فَأَمَّا إِن كَانَ مِنَ الْمُقَرَّبِينَ (88)
Sano naga juli (nkuwajo) mwa akuwandichisyidwa (kwa Allah) |
فَرَوْحٌ وَرَيْحَانٌ وَجَنَّتُ نَعِيمٍ (89)
Basi jukasapata ntendele ni lisiki lyakununjila, kwisa soni Litimbe Lyachindimba lya ku Mbepo |
وَأَمَّا إِن كَانَ مِنْ أَصْحَابِ الْيَمِينِ (90)
Sano naga juli (nkuwajo) mwa wandu wakunkono wan’dyo |
فَسَلَامٌ لَّكَ مِنْ أَصْحَابِ الْيَمِينِ (91)
Basi (jukasasalilidwaga kuti): “Ntendele uli kukwenu, (ligongo lyakuwa kwenu) mu wandu wakunkono wan’dyo.” |
وَأَمَّا إِن كَانَ مِنَ الْمُكَذِّبِينَ الضَّالِّينَ (92)
Nambo naga juli (nkuwajo) mwa akukanila, wakupotela |
فَنُزُلٌ مِّنْ حَمِيمٍ (93)
Mbiiko jakwe jikasawa mesi gamasemule nnope |
وَتَصْلِيَةُ جَحِيمٍ (94)
Ni kupya m’Moto Waukali |
إِنَّ هَٰذَا لَهُوَ حَقُّ الْيَقِينِ (95)
Chisimu ayi (yatunsimbile mmwe Muhammadi ﷺ) ni yakuona yakusimichika |
فَسَبِّحْ بِاسْمِ رَبِّكَ الْعَظِيمِ (96)
Basi liswejesyani lina lya Ambuje wenu Wakulungwa nnope (Allah) |
