وَالنَّازِعَاتِ غَرْقًا (1)
Ngwaalumbila (Achimalaika) waakuchuwaga (mitima ja makafili) mwamachili |
وَالنَّاشِطَاتِ نَشْطًا (2)
Ngwaalumbila soni (Achimalaika) waakutyosyaga (mitima ja wandu wakulupilila) mwambolembole |
وَالسَّابِحَاتِ سَبْحًا (3)
Nguilumbila soni yaying'ambila mwangalechesya (munnengaleenga, mpela Achimalaika ni ndondwa) |
فَالسَّابِقَاتِ سَبْقًا (4)
Ni waakutendesyana mpikisano (pakwanilisya malamusi ga Allah) |
فَالْمُدَبِّرَاتِ أَمْرًا (5)
Ni (Achimalaika) waakuwalaganya malamusi (ga Allah pakugawika m’mangwakwe) |
يَوْمَ تَرْجُفُ الرَّاجِفَةُ (6)
Lisiku lyalichigombedwa lipenga lyandanda (lyaliichitenganya chilichose ni kuwa) |
تَتْبَعُهَا الرَّادِفَةُ (7)
Lichilikuichisya lipenga lyaawili (yosope yene nikwimuka ni kola umi) |
قُلُوبٌ يَوْمَئِذٍ وَاجِفَةٌ (8)
Lyele lisikulyo mitima (jine) jichitetemela ni woga |
أَبْصَارُهَا خَاشِعَةٌ (9)
Meso ga (achinsyene) mitimajo gachitetewala |
يَقُولُونَ أَإِنَّا لَمَرْدُودُونَ فِي الْحَافِرَةِ (10)
(Makafili) gakasatiji: “Ana uwwe yakuona chachituuchisya mukawe ketu kakala (nikuwa niumi soni) |
أَإِذَا كُنَّا عِظَامًا نَّخِرَةً (11)
Kutendaga uwwe tuli maupa gepukuswe-pukuswe?” |
قَالُوا تِلْكَ إِذًا كَرَّةٌ خَاسِرَةٌ (12)
Watite (mwachisyawumi ni mwakuchindimbula): “Nakuwaga kwele kuujilaako kusyene, basi kuchiwa kuujila kwachasiko (kwangali ukoto kukwetu).” |
فَإِنَّمَا هِيَ زَجْرَةٌ وَاحِدَةٌ (13)
Chisimu walakweo ni n'gumiilo umpepe |
فَإِذَا هُم بِالسَّاهِرَةِ (14)
Basi ajile sayi wanganyao tachigamba kuona ali pachanya petaka |
هَلْ أَتَاكَ حَدِيثُ مُوسَىٰ (15)
Ana jinyyiche abali ja Musa |
إِذْ نَادَاهُ رَبُّهُ بِالْوَادِ الْمُقَدَّسِ طُوًى (16)
Pandema jawam'bilaasile Ambujegwe (Allah) pachiwata chakutakata (chakuwilanjikwa) Tuwaa |
اذْهَبْ إِلَىٰ فِرْعَوْنَ إِنَّهُ طَغَىٰ (17)
(Nikuntenda kuti): Jaawulani kwa Firiauna, chisimu jwalakwejo jusumbile mpika |
فَقُلْ هَل لَّكَ إِلَىٰ أَن تَزَكَّىٰ (18)
Ni nkajile: “Ana nkusaka kuti n'diiswejesye?” |
وَأَهْدِيَكَ إِلَىٰ رَبِّكَ فَتَخْشَىٰ (19)
“Ni nan'jongolele kwa Ambuje wenu kuti mwaajogopeje?” |
فَأَرَاهُ الْآيَةَ الْكُبْرَىٰ (20)
Basi niwannosisye chisimosimo chekulungwa |
فَكَذَّبَ وَعَصَىٰ (21)
Nambo jwaakaaniile nikunyosya |
ثُمَّ أَدْبَرَ يَسْعَىٰ (22)
Kaneka jwachitundumalile (chikulupi) aku junankulimbichila (kwasiwilila wandu kwa Allah) |
فَحَشَرَ فَنَادَىٰ (23)
Basi jwaasonganganyisye (asawi) nikwawilanga (wandu) |
فَقَالَ أَنَا رَبُّكُمُ الْأَعْلَىٰ (24)
Ni jwatite: “Une ni nam'mbuje gwenu jwapenani kusyene!” |
فَأَخَذَهُ اللَّهُ نَكَالَ الْآخِرَةِ وَالْأُولَىٰ (25)
Basi Allah ni wankwembekenye ni ipotesi ligongo lya malowe gakwe gambesi ni gandanda |
إِنَّ فِي ذَٰلِكَ لَعِبْرَةً لِّمَن يَخْشَىٰ (26)
Chisimu mu yalakweyi mwana chaamuko kwa mundu jwaakun'jogopa (Allah) |
أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا (27)
Ana wanganyammwe niwakusausya nnope kagumbidwe (kenu) kapena liwunde lyawalitawile |
رَفَعَ سَمْكَهَا فَسَوَّاهَا (28)
Walinyakwile nsingu wakwe nikulikolosya |
وَأَغْطَشَ لَيْلَهَا وَأَخْرَجَ ضُحَاهَا (29)
Ni wachiunichile chilo chakwe (nichipi) nikulikoposya lilanguka lyakwe (muusi) |
وَالْأَرْضَ بَعْدَ ذَٰلِكَ دَحَاهَا (30)
Nombe litaka panyuma payalakweyo walitandiche |
أَخْرَجَ مِنْهَا مَاءَهَا وَمَرْعَاهَا (31)
Wakopwesye mwalakwemo mesi gakwe ni mopo wakwe |
وَالْجِبَالَ أَرْسَاهَا (32)
Nombe matumbi wagasimiiche |
مَتَاعًا لَّكُمْ وَلِأَنْعَامِكُمْ (33)
(Kuwa) yakunsengwasya wanganyammwe ni ilango yenu |
فَإِذَا جَاءَتِ الطَّامَّةُ الْكُبْرَىٰ (34)
Basi ndema jaliichiika likungu lyekulungwa nnope (Kiyama) |
يَوْمَ يَتَذَكَّرُ الْإِنسَانُ مَا سَعَىٰ (35)
Lyele lisikulyo mundu tachikumbuchila yawapanganyisye |
وَبُرِّزَتِ الْجَحِيمُ لِمَن يَرَىٰ (36)
Nombe Moto Waukali wuchiwichidwa palangulangu kwa nkulola (jwalijose) |
فَأَمَّا مَن طَغَىٰ (37)
Sano mundu jwawasumbile mpika |
وَآثَرَ الْحَيَاةَ الدُّنْيَا (38)
Ni kulongosya umi wa duniya |
فَإِنَّ الْجَحِيمَ هِيَ الْمَأْوَىٰ (39)
Chisimu Moto Waukali basi ni liuto lyakwe |
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ (40)
Sano jwaakogopa kuti tachija kwima pameso pa Ambujegwe (Allah), nikuwukanyaga ntima ku isako yakusakala |
فَإِنَّ الْجَنَّةَ هِيَ الْمَأْوَىٰ (41)
Chisimu Litimbe lya ku Mbepo basi ni liuto lyakwe |
يَسْأَلُونَكَ عَنِ السَّاعَةِ أَيَّانَ مُرْسَاهَا (42)
Akum'buusya (mmwe Muhammadi ﷺ) ya ndema (jakwichila Kiyama kuti): “Jichiwa chakachi?” |
فِيمَ أَنتَ مِن ذِكْرَاهَا (43)
Mmwe nganinkola umanyilisi wanti nikujitomeka |
إِلَىٰ رَبِّكَ مُنتَهَاهَا (44)
Kwa Ambuje wenupe (Allah) ni kuchipelela kwakwe (kwa umanyilisi wa Kiyama) |
إِنَّمَا أَنتَ مُنذِرُ مَن يَخْشَاهَا (45)
Mmwe masengo genu ni kwaatetela waakujijogopa (Kiyamajo) |
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا (46)
Chisimu wanganyao lisiku lyatachijiona (Kiyamajo) tachiwa nti chisawu nganatama (pa duniya) ikaweje ligulo limo kapena kundawi kwakwe |
