وَالسَّمَاءِ وَالطَّارِقِ (1)
Ngulilumbila liwunde ni chakwisa chilo |
وَمَا أَدْرَاكَ مَا الطَّارِقُ (2)
Ana ni chichi champaka chimmanyisye ya chakwisa chilo |
النَّجْمُ الثَّاقِبُ (3)
(Jalakwejo ni) ndondwa jakupowola (chipi ligongo lya kuwala nnope) |
إِن كُلُّ نَفْسٍ لَّمَّا عَلَيْهَا حَافِظٌ (4)
Pangali mundu jwalijose ikaweje kwa jwalakwejo kwana nkunnolela (jwaakusunga itendo yakwe) |
فَلْيَنظُرِ الْإِنسَانُ مِمَّ خُلِقَ (5)
Basi achetelele mundu, ana agumbidwe kuumila ku chichi |
خُلِقَ مِن مَّاءٍ دَافِقٍ (6)
Agumbidwe kuumila ku mesi gakusumbika |
يَخْرُجُ مِن بَيْنِ الصُّلْبِ وَالتَّرَائِبِ (7)
Gakopokaga kutyochela chilikati cha maupa ga n'gongo (wa walume) ni maupa ga chidali (cha wakongwe) |
إِنَّهُ عَلَىٰ رَجْعِهِ لَقَادِرٌ (8)
Chisimu Jwalakwe (Allah) pakum'buchisya (kuwumi mundujo) awele Jwakombola kusyene |
يَوْمَ تُبْلَى السَّرَائِرُ (9)
Lisiku lyasichionechela papaswela asili (syosope) |
فَمَا لَهُ مِن قُوَّةٍ وَلَا نَاصِرٍ (10)
Ni ngasakola (mundujo) machili galigose namuno nkulupusyo |
وَالسَّمَاءِ ذَاتِ الرَّجْعِ (11)
Ngukulumbila kwinani kwagwisyagwisya wula |
وَالْأَرْضِ ذَاتِ الصَّدْعِ (12)
Ni ngulilumbila soni litaka lyaliganjikaga (pakoposya mmela) |
إِنَّهُ لَقَوْلٌ فَصْلٌ (13)
Chisimu jalakwe (Qur’aniji) gawele malowe gakulekanganya (chilikati cha yakuona ni yaunami) |
وَمَا هُوَ بِالْهَزْلِ (14)
Soni jalakweji nganijiwa chindu chambenje |
إِنَّهُمْ يَكِيدُونَ كَيْدًا (15)
Chisimu wanganyao akuwa ali nkutenda malindi (kwa Asilamu) |
وَأَكِيدُ كَيْدًا (16)
None ni ngwauchisya malindi (gaogo pangaapa ilagasyo chitema kuti alilechelele) |
فَمَهِّلِ الْكَافِرِينَ أَمْهِلْهُمْ رُوَيْدًا (17)
Basi, mwalechelesyani achimakafili, mwalechelelani panandipe (chaiwone) |
