عَبَسَ وَتَوَلَّىٰ (1)
Jwautile sinya (Muhammadi ﷺ) ni kulola kumbali |
أَن جَاءَهُ الْأَعْمَىٰ (2)
Ligongo lyakum’bichiilila jwangalola |
وَمَا يُدْرِيكَ لَعَلَّهُ يَزَّكَّىٰ (3)
Ana chichi chachimmanyisye kuti mwine jwalakwejo kuwa nkuliswejesya (ku ilemwa) |
أَوْ يَذَّكَّرُ فَتَنفَعَهُ الذِّكْرَىٰ (4)
Mwine chakumbuchile, basi nikunkamuchisya kumbuchilako |
أَمَّا مَنِ اسْتَغْنَىٰ (5)
Nambo mundu jwaliweni kusichila |
فَأَنتَ لَهُ تَصَدَّىٰ (6)
Basi jwalakwejo mmwe ni nkunkosowalila |
وَمَا عَلَيْكَ أَلَّا يَزَّكَّىٰ (7)
Pangalitu ulemwa kukwenu naga ngaakuliswejesya (ku ukafili) |
وَأَمَّا مَن جَاءَكَ يَسْعَىٰ (8)
Nambo mundu jwam’bichilile aku juchikangamalaga |
وَهُوَ يَخْشَىٰ (9)
Soni jwalakwejo ali nkun'jogopa (Allah) |
فَأَنتَ عَنْهُ تَلَهَّىٰ (10)
Basi ya jwalakwejo mmwe ni nkuikwanjila |
كَلَّا إِنَّهَا تَذْكِرَةٌ (11)
Ngwamba (ngasintenda iyyo)! Chisimu galakwe (ma Ayaga) gawele chikumbusyo |
فَمَن شَاءَ ذَكَرَهُ (12)
Basi jwaakusaka talikumbusye najo (Qur’anijo) |
فِي صُحُفٍ مُّكَرَّمَةٍ (13)
(Jili) mu ikalakala yakuchimbichikwa |
مَّرْفُوعَةٍ مُّطَهَّرَةٍ (14)
Yapenani, yakuswejesyedwa |
بِأَيْدِي سَفَرَةٍ (15)
Ili m’makono mwa akulemba (Achimalaika) |
كِرَامٍ بَرَرَةٍ (16)
Wakuchimbichika, waakunda (malamusi) |
قُتِلَ الْإِنسَانُ مَا أَكْفَرَهُ (17)
Pamasile palaniwe mundu (kafili), kanila kwakwe kwalakweku ni kwantiuli |
مِنْ أَيِّ شَيْءٍ خَلَقَهُ (18)
Ana an'gumbile kuumila mu chinduchi |
مِن نُّطْفَةٍ خَلَقَهُ فَقَدَّرَهُ (19)
Kuumila m’mesi (gawalume ni wakongwe) an'gumbile, ni kumpanjila mpango (wakagumbidwe kakwe) |
ثُمَّ السَّبِيلَ يَسَّرَهُ (20)
Kaneka naakun'jepepachisyaga litala (lyakopochela ku duniya) |
ثُمَّ أَمَاتَهُ فَأَقْبَرَهُ (21)
Kaneko nakasampaga chiwa ni kunsiika m’malembe |
ثُمَّ إِذَا شَاءَ أَنشَرَهُ (22)
Soni patachisakapo tachinsyusya |
كَلَّا لَمَّا يَقْضِ مَا أَمَرَهُ (23)
Ngwamba! Chisimu (kafili) nganakwanilisyepe yannamwile (Allah) |
فَلْيَنظُرِ الْإِنسَانُ إِلَىٰ طَعَامِهِ (24)
Basi achetelele mundu ya yakulya yakwe |
أَنَّا صَبَبْنَا الْمَاءَ صَبًّا (25)
Chisimu Uwwe tukasakusula mesi (gawula) mwamachili |
ثُمَّ شَقَقْنَا الْأَرْضَ شَقًّا (26)
Kaneka ni tukasaligangaga litaka kuliganga kusyene |
فَأَنبَتْنَا فِيهَا حَبًّا (27)
Ni tukasakoposya mwalakwemo songolo |
وَعِنَبًا وَقَضْبًا (28)
Kwisa soni isogosi ya zabibu ni maupulu (gakulya ilango) |
وَزَيْتُونًا وَنَخْلًا (29)
Ni kwisa soni isogosi ya zaituni (yakwenga mauta) ni itela yatende |
وَحَدَائِقَ غُلْبًا (30)
Ni migunda jaitela yejinji |
وَفَاكِهَةً وَأَبًّا (31)
Kwisa soni isogosi (yamitundu mitundu) ni mopo |
مَّتَاعًا لَّكُمْ وَلِأَنْعَامِكُمْ (32)
(Kuwa) yakunsengwasya wanganyammwe ni ilango yenu |
فَإِذَا جَاءَتِ الصَّاخَّةُ (33)
Basi ndema jaliichiika lipenga lyakusiwa m’mawiwi (ligongo lya machili gakwe) |
يَوْمَ يَفِرُّ الْمَرْءُ مِنْ أَخِيهِ (34)
Lyele lisikulyo mundu tachatila achimwenegwe |
وَأُمِّهِ وَأَبِيهِ (35)
Kwisa soni mamagwe ni babagwe |
وَصَاحِبَتِهِ وَبَنِيهِ (36)
Ni kwisa soni wankwakwe ni wanache wakwe |
لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ (37)
Mundu jwalijose mwa wanganyao lyele lisikulyo tachikola yakunkwanila (kuntendekasya kuti akakosowalila ya jwine) |
وُجُوهٌ يَوْمَئِذٍ مُّسْفِرَةٌ (38)
Ngope sine lyele lisikulyo sichiwa syakumelemenda |
ضَاحِكَةٌ مُّسْتَبْشِرَةٌ (39)
Syakusechelela ni kusengwa (pakupikana yakuja ku Mbepo) |
وَوُجُوهٌ يَوْمَئِذٍ عَلَيْهَا غَبَرَةٌ (40)
Sano ngope sine lyele lisikulyo sichipakala luwundu |
تَرْهَقُهَا قَتَرَةٌ (41)
Sichiwa siunichilidwe ni chipi |
أُولَٰئِكَ هُمُ الْكَفَرَةُ الْفَجَرَةُ (42)
Wanganyao ni wali achimakafili wakusakasya nnope |
