وَالْفَجْرِ (1)
Ibt ko Fajr |
وَلَيَالٍ عَشْرٍ (2)
Go so manga gagawii a zasapolo |
وَالشَّفْعِ وَالْوَتْرِ (3)
Go so ganap ago so gansar |
وَاللَّيْلِ إِذَا يَسْرِ (4)
Go so gagawii igira a khaypos (ka ziksaan dn so manga kapir) |
هَلْ فِي ذَٰلِكَ قَسَمٌ لِّذِي حِجْرٍ (5)
Ba saya di matatago so kazapa ko adn a sabot iyan |
أَلَمْ تَرَ كَيْفَ فَعَلَ رَبُّكَ بِعَادٍ (6)
Bang ka da nggdagdaa so inikidiya o Kadnan ka ko (pagtaw a) Ad |
إِرَمَ ذَاتِ الْعِمَادِ (7)
A so Iram, a manga poporo i tindg |
الَّتِي لَمْ يُخْلَقْ مِثْلُهَا فِي الْبِلَادِ (8)
So da a miyaadn a lagid iran ko manga ingd |
وَثَمُودَ الَّذِينَ جَابُوا الصَّخْرَ بِالْوَادِ (9)
Go so (pagtaw a) Samod, a so miyanonggirb siran ko manga dalama ko balintad |
وَفِرْعَوْنَ ذِي الْأَوْتَادِ (10)
Go so Pir´awn a adn a manga lutakan iyan |
الَّذِينَ طَغَوْا فِي الْبِلَادِ (11)
A siran na miyamangakowala ko manga ingd |
فَأَكْثَرُوا فِيهَا الْفَسَادَ (12)
Go piyakandakl iran roo so kapaminasa |
فَصَبَّ عَلَيْهِمْ رَبُّكَ سَوْطَ عَذَابٍ (13)
Na piyakatoronan siran o Kadnan ka sa mbarambarang a maylot a siksa |
إِنَّ رَبَّكَ لَبِالْمِرْصَادِ (14)
Mataan! a so Kadnan ka na titho a tomitilik |
فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ (15)
Na so pman so manosiya, na amay ka tiniyoba skaniyan o Kadnan iyan ka bigan Iyan sa mnang, go inikalimo Iyan, na tharoon iyan a: "So Kadnan ko na bigan ako niyan sa mnang |
وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ (16)
Na amay ka tiniyoba Iyan, ka piyakasimpitan Iyan ko pagpr Iyan, na tharoon Iyan a: "So Kadnan ko na piyakarondan ako Niyan |
كَلَّا ۖ بَل لَّا تُكْرِمُونَ الْيَتِيمَ (17)
Sabnar, a kna, ka di niyo phoporongan so wata a ilo |
وَلَا تَحَاضُّونَ عَلَىٰ طَعَامِ الْمِسْكِينِ (18)
Go di niyo iphamiis so kapakakana ko miskin |
وَتَأْكُلُونَ التُّرَاثَ أَكْلًا لَّمًّا (19)
Go phagarabn iyo so paninggalan sa kaarab a kabosaw |
وَتُحِبُّونَ الْمَالَ حُبًّا جَمًّا (20)
Go mababaya kano sa tamok sa kabaya a mitataralo |
كَلَّا إِذَا دُكَّتِ الْأَرْضُ دَكًّا دَكًّا (21)
Sabnar, a amay ka roptn so lopa, a maropropt |
وَجَاءَ رَبُّكَ وَالْمَلَكُ صَفًّا صَفًّا (22)
Go makatalingoma so Kadnan ka, ago so manga malaikat a zizinnday |
وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنسَانُ وَأَنَّىٰ لَهُ الذِّكْرَىٰ (23)
Go miyoma sa alongan oto so naraka Jahannam, na sa alongan oto na phananadm so manosiya, na ay gona on o kapananadm |
يَقُولُ يَا لَيْتَنِي قَدَّمْتُ لِحَيَاتِي (24)
Matharo iyan: "Aydaw, oba ako bo miyakapamakot sa rk o kawyagoyag akn |
فَيَوْمَئِذٍ لَّا يُعَذِّبُ عَذَابَهُ أَحَدٌ (25)
Na sii ko alongan oto, na da a makapaniksa ko siksa Iyan a isa bo |
وَلَا يُوثِقُ وَثَاقَهُ أَحَدٌ (26)
Go da a makaphamatong ko kaphamatong Iyan a isa bo |
يَا أَيَّتُهَا النَّفْسُ الْمُطْمَئِنَّةُ (27)
Hay niyawa a thatana |
ارْجِعِي إِلَىٰ رَبِّكِ رَاضِيَةً مَّرْضِيَّةً (28)
Ndod ka ko Kadnan ka, a masosoat, a makasosoat |
فَادْخُلِي فِي عِبَادِي (29)
Na sold ka ko manga oripn ko |
وَادْخُلِي جَنَّتِي (30)
Go sold ka ko sorga Akn |
