إِذَا السَّمَاءُ انفَطَرَتْ (1)
Amay ka so langit na mangabbngkag |
وَإِذَا الْكَوَاكِبُ انتَثَرَتْ (2)
Go amay ka so manga bitoon na mikayambr |
وَإِذَا الْبِحَارُ فُجِّرَتْ (3)
Go amay ka so manga kalodan na pakandadanonaan |
وَإِذَا الْقُبُورُ بُعْثِرَتْ (4)
Go amay ka so manga kobor na pamaklidn |
عَلِمَتْ نَفْسٌ مَّا قَدَّمَتْ وَأَخَّرَتْ (5)
Na katokawan o ginawa so piyakaona niyan ago so piyakaori niyan |
يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ (6)
Hay manosiya! antonaa i miyakalimpang rka ko Kadnan ka, a Maginawa |
الَّذِي خَلَقَكَ فَسَوَّاكَ فَعَدَلَكَ (7)
So miyadn rka, go mithaong rka phiyapiya, go mizokod rka |
فِي أَيِّ صُورَةٍ مَّا شَاءَ رَكَّبَكَ (8)
Apiya antonaa bontal i kabaya Iyan na piyakimbontal Iyan rka |
كَلَّا بَلْ تُكَذِّبُونَ بِالدِّينِ (9)
Sabnar, a kna ka oongkirn iyo so kokoman |
وَإِنَّ عَلَيْكُمْ لَحَافِظِينَ (10)
A mataan! a titho a adn a khisisiyap rkano (a manga malaikat) |
كِرَامًا كَاتِبِينَ (11)
A khisslaan, - a manga panonorat |
يَعْلَمُونَ مَا تَفْعَلُونَ (12)
A katawan iran so gii niyo nggolawlaan |
إِنَّ الْأَبْرَارَ لَفِي نَعِيمٍ (13)
Mataan! a so miyamaratiyaya, na khatago dn ko pakadarandang |
وَإِنَّ الْفُجَّارَ لَفِي جَحِيمٍ (14)
Na mataan! a so manga baradosa na khatago dn ko naraka Jahim |
يَصْلَوْنَهَا يَوْمَ الدِّينِ (15)
Phamakasold siran on ko alongan a kapamalas |
وَمَا هُمْ عَنْهَا بِغَائِبِينَ (16)
Na di siran on mamakaawa |
وَمَا أَدْرَاكَ مَا يَوْمُ الدِّينِ (17)
Na antawaa i miyakandao rka o antonaa i alongan a kapamalas |
ثُمَّ مَا أَدْرَاكَ مَا يَوْمُ الدِّينِ (18)
Oriyan iyan, na antawaa i miyakandao rka o antonaa i alongan a kapamalas |
يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ (19)
So alongan a da a mapkhapaar o isa a ginawa ko isa a ginawa a mayto bo: Ka so kokoman sa alongan oto, na rk o Allah |
