لَا أُقْسِمُ بِيَوْمِ الْقِيَامَةِ (1)
نہیں، میں قسم کھاتا ہوں قیامت کے دن کی |
وَلَا أُقْسِمُ بِالنَّفْسِ اللَّوَّامَةِ (2)
اور نہیں، میں قسم کھاتا ہوں ملامت کرنے والے نفس کی |
أَيَحْسَبُ الْإِنسَانُ أَلَّن نَّجْمَعَ عِظَامَهُ (3)
کیا انسان یہ سمجھ رہا ہے کہ ہم اُس کی ہڈیوں کو جمع نہ کر سکیں گے؟ |
بَلَىٰ قَادِرِينَ عَلَىٰ أَن نُّسَوِّيَ بَنَانَهُ (4)
ہم تو اس کی انگلیوں کی پور پور تک ٹھیک بنا دینے پر قادر ہیں |
بَلْ يُرِيدُ الْإِنسَانُ لِيَفْجُرَ أَمَامَهُ (5)
مگر انسان چاہتا یہ ہے کہ آگے بھی بد اعمالیاں کرتا رہے |
يَسْأَلُ أَيَّانَ يَوْمُ الْقِيَامَةِ (6)
پوچھتا ہے "آخر کب آنا ہے وہ قیامت کا دن؟ |
فَإِذَا بَرِقَ الْبَصَرُ (7)
پھر جب دیدے پتھرا جائیں گے |
وَخَسَفَ الْقَمَرُ (8)
اور چاند بے نور ہو جائیگا |
وَجُمِعَ الشَّمْسُ وَالْقَمَرُ (9)
اور چاند سورج ملا کر ایک کر دیے جائیں گے |
يَقُولُ الْإِنسَانُ يَوْمَئِذٍ أَيْنَ الْمَفَرُّ (10)
اُس وقت یہی انسان کہے گا "کہاں بھاگ کر جاؤں؟ |
كَلَّا لَا وَزَرَ (11)
ہرگز نہیں، وہاں کوئی جائے پناہ نہ ہوگی |
إِلَىٰ رَبِّكَ يَوْمَئِذٍ الْمُسْتَقَرُّ (12)
اُس روز تیرے رب ہی کے سامنے جا کر ٹھیرنا ہوگا |
يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ (13)
اُس روز انسان کو اس کا سب اگلا پچھلا کیا کرایا بتا دیا جائے گا |
بَلِ الْإِنسَانُ عَلَىٰ نَفْسِهِ بَصِيرَةٌ (14)
بلکہ انسان خود ہی اپنے آپ کو خوب جانتا ہے |
وَلَوْ أَلْقَىٰ مَعَاذِيرَهُ (15)
چاہے وہ کتنی ہی معذرتیں پیش کرے |
لَا تُحَرِّكْ بِهِ لِسَانَكَ لِتَعْجَلَ بِهِ (16)
اے نبیؐ، اِس وحی کو جلدی جلدی یاد کرنے کے لیے اپنی زبان کو حرکت نہ دو |
إِنَّ عَلَيْنَا جَمْعَهُ وَقُرْآنَهُ (17)
اِس کو یاد کرا دینا اور پڑھوا دینا ہمارے ذمہ ہے |
فَإِذَا قَرَأْنَاهُ فَاتَّبِعْ قُرْآنَهُ (18)
لہٰذا جب ہم اِسے پڑھ رہے ہوں اُس وقت تم اِس کی قرات کو غور سے سنتے رہو |
ثُمَّ إِنَّ عَلَيْنَا بَيَانَهُ (19)
پھر اس کا مطلب سمجھا دینا بھی ہمارے ذمہ ہے |
كَلَّا بَلْ تُحِبُّونَ الْعَاجِلَةَ (20)
ہرگز نہیں، اصل بات یہ ہے کہ تم لوگ جلدی حاصل ہونے والی چیز (یعنی دنیا) سے محبت رکھتے ہو |
وَتَذَرُونَ الْآخِرَةَ (21)
اور آخرت کو چھوڑ دیتے ہو |
وُجُوهٌ يَوْمَئِذٍ نَّاضِرَةٌ (22)
اُس روز کچھ چہرے تر و تازہ ہونگے |
إِلَىٰ رَبِّهَا نَاظِرَةٌ (23)
اپنے رب کی طرف دیکھ رہے ہونگے |
وَوُجُوهٌ يَوْمَئِذٍ بَاسِرَةٌ (24)
اور کچھ چہرے اداس ہوں گے |
تَظُنُّ أَن يُفْعَلَ بِهَا فَاقِرَةٌ (25)
اور سمجھ رہے ہوں گے کہ اُن کے ساتھ کمر توڑ برتاؤ ہونے والا ہے |
كَلَّا إِذَا بَلَغَتِ التَّرَاقِيَ (26)
ہرگز نہیں، جب جان حلق تک پہنچ جائے گی |
وَقِيلَ مَنْ ۜ رَاقٍ (27)
اور کہا جائے گا کہ ہے کوئی جھاڑ پھونک کرنے والا |
وَظَنَّ أَنَّهُ الْفِرَاقُ (28)
اور آدمی سمجھ لے گا کہ یہ دنیا سے جدائی کا وقت ہے |
وَالْتَفَّتِ السَّاقُ بِالسَّاقِ (29)
اور پنڈلی سے پنڈلی جڑ جائے گی |
إِلَىٰ رَبِّكَ يَوْمَئِذٍ الْمَسَاقُ (30)
وہ دن ہوگا تیرے رب کی طرف روانگی کا |
فَلَا صَدَّقَ وَلَا صَلَّىٰ (31)
مگر اُس نے نہ سچ مانا، اور نہ نماز پڑھی |
وَلَٰكِن كَذَّبَ وَتَوَلَّىٰ (32)
بلکہ جھٹلایا اور پلٹ گیا |
ثُمَّ ذَهَبَ إِلَىٰ أَهْلِهِ يَتَمَطَّىٰ (33)
پھر اکڑتا ہوا اپنے گھر والوں کی طرف چل دیا |
أَوْلَىٰ لَكَ فَأَوْلَىٰ (34)
یہ روش تیرے ہی لیے سزاوار ہے اور تجھی کو زیب دیتی ہے |
ثُمَّ أَوْلَىٰ لَكَ فَأَوْلَىٰ (35)
ہاں یہ روش تیرے ہی لیے سزاوار ہے اور تجھی کو زیب دیتی ہے |
أَيَحْسَبُ الْإِنسَانُ أَن يُتْرَكَ سُدًى (36)
کیا انسان نے یہ سمجھ رکھا ہے کہ وہ یونہی مہمل چھوڑ دیا جائے گا؟ |
أَلَمْ يَكُ نُطْفَةً مِّن مَّنِيٍّ يُمْنَىٰ (37)
کیا وہ ایک حقیر پانی کا نطفہ نہ تھا جو (رحم مادر میں) ٹپکایا جاتا ہے؟ |
ثُمَّ كَانَ عَلَقَةً فَخَلَقَ فَسَوَّىٰ (38)
پھر وہ ایک لوتھڑا بنا، پھر اللہ نے اس کا جسم بنایا اور اس کے اعضا درست کیے |
فَجَعَلَ مِنْهُ الزَّوْجَيْنِ الذَّكَرَ وَالْأُنثَىٰ (39)
پھر اس سے مرد اور عورت کی دو قسمیں بنائیں |
أَلَيْسَ ذَٰلِكَ بِقَادِرٍ عَلَىٰ أَن يُحْيِيَ الْمَوْتَىٰ (40)
کیا وہ اِس پر قادر نہیں ہے کہ مرنے والوں کو پھر زندہ کر دے؟ |
