إِذَا الشَّمْسُ كُوِّرَتْ (1)
(Ing besuk dina Qiyamat) nalikane srengenge dilempit |
وَإِذَا النُّجُومُ انكَدَرَتْ (2)
Lan nalikane lintang padha coplok runtuh ing bumi |
وَإِذَا الْجِبَالُ سُيِّرَتْ (3)
Lan nalikane gunung padha mawut dadi endhek - endhek amun - amun |
وَإِذَا الْعِشَارُ عُطِّلَتْ (4)
Lan nalikane onta meteng padha ditinggal tanpa diengon |
وَإِذَا الْوُحُوشُ حُشِرَتْ (5)
Lan nalikane hewan daratan padha diklumpukake |
وَإِذَا الْبِحَارُ سُجِّرَتْ (6)
Lan nalikane segara digeneni banjur dadi geni |
وَإِذَا النُّفُوسُ زُوِّجَتْ (7)
Lan nalikane nyawa dibalekake marang wadhake |
وَإِذَا الْمَوْءُودَةُ سُئِلَتْ (8)
Lan nalikane wong wadon kang dipendhem urip - urip padha didangu |
بِأَيِّ ذَنبٍ قُتِلَتْ (9)
Dosa apa anggone padha dipateni mau |
وَإِذَا الصُّحُفُ نُشِرَتْ (10)
Lan nalikane buku cathetan lelakoni siji - sijine wong digelar |
وَإِذَا السَّمَاءُ كُشِطَتْ (11)
Lan nalikane langit disingkerake |
وَإِذَا الْجَحِيمُ سُعِّرَتْ (12)
Lan nalikane neraka jahim diurubake |
وَإِذَا الْجَنَّةُ أُزْلِفَتْ (13)
Lan nalikane suwarga dicepakake |
عَلِمَتْ نَفْسٌ مَّا أَحْضَرَتْ (14)
Ing kono siji - sijining wong padha weruh kang wis padha dilakoni |
فَلَا أُقْسِمُ بِالْخُنَّسِ (15)
Ingsun supata, dhemi lintang - lintang |
الْجَوَارِ الْكُنَّسِ (16)
Kang lumaku turut dalane banjur surup |
وَاللَّيْلِ إِذَا عَسْعَسَ (17)
Dhemi wengi nalikane ngarepake peteng |
وَالصُّبْحِ إِذَا تَنَفَّسَ (18)
Dhemi wayah bangun nalika tumaruntung padhange |
إِنَّهُ لَقَوْلُ رَسُولٍ كَرِيمٍ (19)
Sayekti al-Quran iku pengucape Rosul kang mulya (Jibril) |
ذِي قُوَّةٍ عِندَ ذِي الْعَرْشِ مَكِينٍ (20)
Gagah prakosa, mungguhing Allah kang kagungan singgasana pinaring pangkat luhur |
مُّطَاعٍ ثَمَّ أَمِينٍ (21)
Kang kudu dienut (ing alam Malaikat) tur pinarcaya |
وَمَا صَاحِبُكُم بِمَجْنُونٍ (22)
Lan ora pisan kanca mitranira iku (Muhammad), wong owah |
وَلَقَدْ رَآهُ بِالْأُفُقِ الْمُبِينِ (23)
Muhammad andeleng rupane Jibril kang sayekti ana sikiling langit kang wetan |
وَمَا هُوَ عَلَى الْغَيْبِ بِضَنِينٍ (24)
Lan ora pisan panjenengane iku ngumpetake barang ghoib |
وَمَا هُوَ بِقَوْلِ شَيْطَانٍ رَّجِيمٍ (25)
Al-Quran iku dudu pangucape syetan kang patut dibalangi |
فَأَيْنَ تَذْهَبُونَ (26)
Lah menyang ngendi anggonira arep padha melayu |
إِنْ هُوَ إِلَّا ذِكْرٌ لِّلْعَالَمِينَ (27)
Iku ora liya kajaba pepeling tumrap sakehing bangsa |
لِمَن شَاءَ مِنكُمْ أَن يَسْتَقِيمَ (28)
Tumrap sapa antaranira kang kepengin alaku bener |
وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ (29)
Lan ora bakal sira padhakepengin kajaba yen Allah Pangeraning alam kabeh angarsakake |
