وَالصَّافَّاتِ صَفًّا (1)
Ndayidde ba Malayika abasimbye ennyiriri ennambulukufu |
فَالزَّاجِرَاتِ زَجْرًا (2)
Olwo nno abo abagoba ebire olugoba (bigende bitonnyese enkuba) |
فَالتَّالِيَاتِ ذِكْرًا (3)
N'abo abasoma ebigambo ebibuulirira |
إِنَّ إِلَٰهَكُمْ لَوَاحِدٌ (4)
Mazima Katonda wa mmwe ddala ali omu |
رَّبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ (5)
Mukama omulabirizi we ggulu omusanvu n'ensi n'ebyo ebiri wakati wa byombi era Mukama omulabirizi w'ebuvanjuba (n'e bugwanjuba) |
إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ (6)
Mazima ffe twawunda eggulu ly'okunsi n'okulabika obulungi kw'e mmunyeenye (ezirijjudde) |
وَحِفْظًا مِّن كُلِّ شَيْطَانٍ مَّارِدٍ (7)
N'okulikuuma ku buli Sitane kyewaggula |
لَّا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِن كُلِّ جَانِبٍ (8)
Tezisobola kuwuliriza bitonde ebya waggulu era zikanyugirwa ebitawuliro okuva ku buli luuyi |
دُحُورًا ۖ وَلَهُمْ عَذَابٌ وَاصِبٌ (9)
Nga zifuumuulwa emisinde era nga zigenda kufuna ebibonerezo ebitakoma |
إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ (10)
Okugyako (Sitane) eyo enyakula ekigambo kyeba enyakudde olwo nno neekasukirirwa ekitawuliro ekibumbujja |
فَاسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَا ۚ إِنَّا خَلَقْنَاهُم مِّن طِينٍ لَّازِبٍ (11)
Kale nno babuuze nti bo be bazibu mu kutonda oba ebyo bye twatonda, mazima ffe (bo) twabatonda mu budongo obukwafu |
بَلْ عَجِبْتَ وَيَسْخَرُونَ (12)
Wabula gwe weewuunya (ng’okungiriza) ate nga bo bajeeja bujeeja |
وَإِذَا ذُكِّرُوا لَا يَذْكُرُونَ (13)
Era nga bwe baba babuuliriddwa tebeebuulirira |
وَإِذَا رَأَوْا آيَةً يَسْتَسْخِرُونَ (14)
Era bwe balaba akabonero konna (mu bubonero bwa Katonda) nga bajeeja |
وَقَالُوا إِنْ هَٰذَا إِلَّا سِحْرٌ مُّبِينٌ (15)
Era nebagamba nti: kino tekiri okugyako eddogo eryeyolefu |
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ (16)
(Nebongerako nti) bwe tuliba tufudde netufuuka ettaka era netuba magumba ameereere abaffe tulizuukizibwa |
أَوَآبَاؤُنَا الْأَوَّلُونَ (17)
Oba ba kitaffe abaakulembera |
قُلْ نَعَمْ وَأَنتُمْ دَاخِرُونَ (18)
Gamba nti yee (mulizuukizibwa) nga nammwe mukkakkanyiziddwa |
فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنظُرُونَ (19)
Mazima kyo (ekyo kuzuukira) luliba olufuuwa mu ngombe lumu oligenda okulaba nga bo batunula |
وَقَالُوا يَا وَيْلَنَا هَٰذَا يَوْمُ الدِّينِ (20)
Era baligamba nti zitusanze luno lwe lunaku lw'okusasulwa |
هَٰذَا يَوْمُ الْفَصْلِ الَّذِي كُنتُم بِهِ تُكَذِّبُونَ (21)
(Ba Malayika baligamba nti) luno lwe lunaku lw'okwawula (wakati wa balongoofu n’aboonoonyi) olwo lwe mwali mulimbisa |
۞ احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ (22)
(Ba Malayika baliragirwa nti) mukungaanye abo abeeyisa obubi wamu n'ababafaanana n'ebyo bye baasinzanga |
مِن دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ (23)
Nebava ku Katonda olwo nno mubalage ekkubo eridda eri omuliro Jahiimu |
وَقِفُوهُمْ ۖ إِنَّهُم مَّسْئُولُونَ (24)
Era nga (temunnabatwala) mubayimirize (mu bbaliro) mazima bo balina okubuuzibwa |
مَا لَكُمْ لَا تَنَاصَرُونَ (25)
(Olwo nno bagambibwe) nti: mubaddeki lwaki temwetaasa |
بَلْ هُمُ الْيَوْمَ مُسْتَسْلِمُونَ (26)
Wabula bo ku lunaku olwa leero bagenda kukkiriza (nti tebalina bya kukola kuvvuunuka buzibu bwe balibeeramu) |
وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ (27)
Abamu ne boolekera bannaabwe nga bawaanyisiganya ebigambo |
قَالُوا إِنَّكُمْ كُنتُمْ تَأْتُونَنَا عَنِ الْيَمِينِ (28)
(Abagoberezi) ne bagamba (bebaagoberera) nti mazima mmwe mwalinga mutujjira nga mutuyita ku ddyo |
قَالُوا بَل لَّمْ تَكُونُوا مُؤْمِنِينَ (29)
(Abaagobererwa) baligamba nti nedda wabula temwali bakkiriza |
وَمَا كَانَ لَنَا عَلَيْكُم مِّن سُلْطَانٍ ۖ بَلْ كُنتُمْ قَوْمًا طَاغِينَ (30)
Era tetwabalinaako buyinza bwonna wabula mwali bantu abeewagguzi |
فَحَقَّ عَلَيْنَا قَوْلُ رَبِّنَا ۖ إِنَّا لَذَائِقُونَ (31)
Olwo nno ekigambo kya Mukama omulabirizi waffe nekitukakatako (fenna) mazima ddala ffe tuteekwa kukomba (ku bibonerezo) |
فَأَغْوَيْنَاكُمْ إِنَّا كُنَّا غَاوِينَ (32)
Twababuza era mazima ddala ffe (okugenda okubabuza) twali babuze |
فَإِنَّهُمْ يَوْمَئِذٍ فِي الْعَذَابِ مُشْتَرِكُونَ (33)
Mazima bo (ab'emirundi ebiri) bagenda kwegatta mu kibonerezo |
إِنَّا كَذَٰلِكَ نَفْعَلُ بِالْمُجْرِمِينَ (34)
Mazima ffe bwe tutyo bwe tukola aboonoonyi |
إِنَّهُمْ كَانُوا إِذَا قِيلَ لَهُمْ لَا إِلَٰهَ إِلَّا اللَّهُ يَسْتَكْبِرُونَ (35)
Mazima bo bwe baagambibwanga nti tewali kisinzibwa kyonna okugyako Katonda baali nga beekuza |
وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَّجْنُونٍ (36)
Nebagamba nti mazima ffe tuyinza okuleka ba katonda baffe ku lw'omuyimbi omulalu |
بَلْ جَاءَ بِالْحَقِّ وَصَدَّقَ الْمُرْسَلِينَ (37)
Nedda (Nabbi Muhammad talinga bwe bagamba) wabula yajja na mazima era n’akakasa ababaka (abaamukulembera) |
إِنَّكُمْ لَذَائِقُو الْعَذَابِ الْأَلِيمِ (38)
Mazima ddala mmwe muli ba kukomba ku bibonerezo ebiruma ennyo |
وَمَا تُجْزَوْنَ إِلَّا مَا كُنتُمْ تَعْمَلُونَ (39)
Era temugenda kusasulwa wabula ebyo bye mwakolanga |
إِلَّا عِبَادَ اللَّهِ الْمُخْلَصِينَ (40)
Okugyako abaddu ba Katonda abalondobemu |
أُولَٰئِكَ لَهُمْ رِزْقٌ مَّعْلُومٌ (41)
Abo baliweebwa ebigabirirwa ebimanyiddwa |
فَوَاكِهُ ۖ وَهُم مُّكْرَمُونَ (42)
(Biriba) ebibala era nga nebaba nga bo bagabulwa |
فِي جَنَّاتِ النَّعِيمِ (43)
Nga bali mu jjana ez'ebyengera |
عَلَىٰ سُرُرٍ مُّتَقَابِلِينَ (44)
(Baliba) ku bitanda nga buli bamu boolekedde bannaabwe |
يُطَافُ عَلَيْهِم بِكَأْسٍ مِّن مَّعِينٍ (45)
Nga babayisaamu (mu kubagabula) eggiraasi z'ebyo'kunywa eziva mu nsulo ezitakalira |
بَيْضَاءَ لَذَّةٍ لِّلشَّارِبِينَ (46)
(Eby'okunywa ebyo) nga byeru ebiriwoomera abanywi |
لَا فِيهَا غَوْلٌ وَلَا هُمْ عَنْهَا يُنزَفُونَ (47)
Tebigenda kubaamu kirumya mutwe era nga bwebatagenda kutamiira olw'okubinywa |
وَعِندَهُمْ قَاصِرَاتُ الطَّرْفِ عِينٌ (48)
Era baliba balina abakyala ab'amaaso amakkakkamu amanene |
كَأَنَّهُنَّ بَيْضٌ مَّكْنُونٌ (49)
Abakyala abo balibanga amagi ageegenderezebwa obutayatika |
فَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ (50)
Olwo nno abamu neboolekera bannaabwe nga bawaanyisaganya ebigambo |
قَالَ قَائِلٌ مِّنْهُمْ إِنِّي كَانَ لِي قَرِينٌ (51)
Omwogezi (omu) ku bo aligamba nti mazima nze nalina ow'omukwano |
يَقُولُ أَإِنَّكَ لَمِنَ الْمُصَدِّقِينَ (52)
Yalinga angamba nti abaffe ggwe oli mu abo abakakasa |
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ (53)
Nti bwe tulifa netufuuka ettaka n’amagumba ameereere, abaffe tuli baakubalibwa |
قَالَ هَلْ أَنتُم مُّطَّلِعُونَ (54)
Omukozi w’obulungi aligamba nti abaffe mulaba ekiri mu muliro |
فَاطَّلَعَ فَرَآهُ فِي سَوَاءِ الْجَحِيمِ (55)
Olwo alitunulayo n’amulaba ng’ali mu makkati g’omuliro Jahiimu |
قَالَ تَاللَّهِ إِن كِدتَّ لَتُرْدِينِ (56)
Aligamba nti ndayidde Katonda wabula kata onzikirize |
وَلَوْلَا نِعْمَةُ رَبِّي لَكُنتُ مِنَ الْمُحْضَرِينَ (57)
Singa si byengera bya Mukama omulabirizi wange nnaalibadde mu baleeteddwa (eri omuliro) |
أَفَمَا نَحْنُ بِمَيِّتِينَ (58)
Ate ffe tetukyaddayo nakufa |
إِلَّا مَوْتَتَنَا الْأُولَىٰ وَمَا نَحْنُ بِمُعَذَّبِينَ (59)
Okugyako okufa kwaffe okwasooka era nga tetuli ba kubonerezebwa |
إِنَّ هَٰذَا لَهُوَ الْفَوْزُ الْعَظِيمُ (60)
Mazima ekyo ddala kwo kwe kwesiima okusuffu |
لِمِثْلِ هَٰذَا فَلْيَعْمَلِ الْعَامِلُونَ (61)
(N’olwekyo) ku lw’ebintu nga bino abatakabana baalitakabanye |
أَذَٰلِكَ خَيْرٌ نُّزُلًا أَمْ شَجَرَةُ الزَّقُّومِ (62)
Abaffe obwo bwe bugugenyi obulungi oba omuti gwa Zakkuumi |
إِنَّا جَعَلْنَاهَا فِتْنَةً لِّلظَّالِمِينَ (63)
Twagussaawo nga kikemo eri abeeyisa obubi |
إِنَّهَا شَجَرَةٌ تَخْرُجُ فِي أَصْلِ الْجَحِيمِ (64)
Mazima gwo muti guva ku ntobo ya muliro Jahiimu |
طَلْعُهَا كَأَنَّهُ رُءُوسُ الشَّيَاطِينِ (65)
Ebibala byagwo (okumanya bibi) biringa emitwe gya Sitane |
فَإِنَّهُمْ لَآكِلُونَ مِنْهَا فَمَالِئُونَ مِنْهَا الْبُطُونَ (66)
Mazima bo bagenda kugulyako bagenda kujjuza nagwo embuto |
ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ (67)
Oluvanyuma bagenda kubongeza ku gwo eby'okunywa ebitabuddwa mu lweje |
ثُمَّ إِنَّ مَرْجِعَهُمْ لَإِلَى الْجَحِيمِ (68)
Oluvanyuma mazima obuddo bwabwe buli mu muliro Jahiimu |
إِنَّهُمْ أَلْفَوْا آبَاءَهُمْ ضَالِّينَ (69)
Mazima bo baasanga bakadde baabwe nga babuze |
فَهُمْ عَلَىٰ آثَارِهِمْ يُهْرَعُونَ (70)
N’olwekyo bo mu buwufu bwabwe batwalibwa kantindiggwa |
وَلَقَدْ ضَلَّ قَبْلَهُمْ أَكْثَرُ الْأَوَّلِينَ (71)
Era mazima oluberyeberye lwabwe abasinga obungi mu baasooka baabula |
وَلَقَدْ أَرْسَلْنَا فِيهِم مُّنذِرِينَ (72)
So nga ate twatuma mu bo abatiisa |
فَانظُرْ كَيْفَ كَانَ عَاقِبَةُ الْمُنذَرِينَ (73)
Kale tunuulira olabe enkomerero y'abaatiisibwa yali etya |
إِلَّا عِبَادَ اللَّهِ الْمُخْلَصِينَ (74)
(Tewali yawona) okugyako abaddu ba Katonda abalondobemu |
وَلَقَدْ نَادَانَا نُوحٌ فَلَنِعْمَ الْمُجِيبُونَ (75)
Mazima Nuhu yatukoowoola naffe nno twali abaamwanukula obulungi |
وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ (76)
Netumuwonya n’abantube akabenje akayitirivu |
وَجَعَلْنَا ذُرِّيَّتَهُ هُمُ الْبَاقِينَ (77)
Netufuula ezzadde lye nebaba bo nga be basigaddewo |
وَتَرَكْنَا عَلَيْهِ فِي الْآخِرِينَ (78)
Netumulekerawo okwogerwako okulungi mu balijja oluvanyuma |
سَلَامٌ عَلَىٰ نُوحٍ فِي الْعَالَمِينَ (79)
Emirembe gibeere ku Nuhu (n’okwogerwako okulungi) mu bitonde byonna |
إِنَّا كَذَٰلِكَ نَجْزِي الْمُحْسِنِينَ (80)
Mazima ffe bwe tutyo bwe tusasula abakozi b’obulungi |
إِنَّهُ مِنْ عِبَادِنَا الْمُؤْمِنِينَ (81)
Mazima (Nuhu) ali mu baddu baffe abakkiriza aba nnamaddala |
ثُمَّ أَغْرَقْنَا الْآخَرِينَ (82)
Oluvanyuma twazikiriza abasigadde (abatakkiriza Nuhu) |
۞ وَإِنَّ مِن شِيعَتِهِ لَإِبْرَاهِيمَ (83)
Era mazima ddala Ibrahim ali ku nkolaye(Nuhu) |
إِذْ جَاءَ رَبَّهُ بِقَلْبٍ سَلِيمٍ (84)
Kubanga yajja ewa Mukama omulabiriziwe n’omutima omuyonjo |
إِذْ قَالَ لِأَبِيهِ وَقَوْمِهِ مَاذَا تَعْبُدُونَ (85)
Bwe yagamba kitaawe n’abantu be nti biki bye musinza |
أَئِفْكًا آلِهَةً دُونَ اللَّهِ تُرِيدُونَ (86)
Ba katonda abajingirire bemwagala nemuleka Katonda |
فَمَا ظَنُّكُم بِرَبِّ الْعَالَمِينَ (87)
Olwo Mukama omulabirizi w’ebitonde byonna, ki kye mumulowoozaako |
فَنَظَرَ نَظْرَةً فِي النُّجُومِ (88)
Olwo nno naatunula olutunula mu munyeenye (nga enkola ya bantube bwe yali) |
فَقَالَ إِنِّي سَقِيمٌ (89)
(Naagamba nti) mazima nze ndi mulwadde |
فَتَوَلَّوْا عَنْهُ مُدْبِرِينَ (90)
Olwo nebamuvaako nebamulekawo |
فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ (91)
Olwo nadda ku ba katonda baabwe naalyoka abagamba nti lwaki temulya |
مَا لَكُمْ لَا تَنطِقُونَ (92)
Mwabaaki, nga temwogera |
فَرَاغَ عَلَيْهِمْ ضَرْبًا بِالْيَمِينِ (93)
Olwo kwe kutandika okubatema n’omukono gwe ogwa ddyo |
فَأَقْبَلُوا إِلَيْهِ يَزِفُّونَ (94)
Olwo (abantu ba Ibrahim bwe baamanya kyakoze) bajja gyali nga banguwa |
قَالَ أَتَعْبُدُونَ مَا تَنْحِتُونَ (95)
(Ibrahim) naagamba nti, musinza ebyo bye mubajja |
وَاللَّهُ خَلَقَكُمْ وَمَا تَعْمَلُونَ (96)
So nga Katonda yeeyabatonda mmwe n'ebyo bye mukola |
قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ (97)
Nebagamba nti mumuzimbire ekifo (mukikumemu omuliro) olwo nno mumukasuke mu nnabeengeya w’omuliro |
فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ (98)
Mu kukola ekyo, baagenderera okumukolera olukwe (bamutte) wabula bbo netubafuula ab'awansi (bwe twalemesa olukwe lwabwe) |
وَقَالَ إِنِّي ذَاهِبٌ إِلَىٰ رَبِّي سَيَهْدِينِ (99)
(Awo Ibrahim naasalawo okusenguka) era naagamba nti mazima nze ngenda ewa Mukama omulabirizi wange ajja kunnungamya |
رَبِّ هَبْ لِي مِنَ الصَّالِحِينَ (100)
Ayi Mukama omulabirizi wange ngabira (omwana) nga wa mu balongoofu |
فَبَشَّرْنَاهُ بِغُلَامٍ حَلِيمٍ (101)
Olwo netumusanyusa nti ajja kufuna omwana omulenzi ow'ekisa |
فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِن شَاءَ اللَّهُ مِنَ الصَّابِرِينَ (102)
Omwana oyo (Ismail) bwe yatandika okutambula naye (Ibrahim) naagamba nti owange mutabani wange nkirabye lunye mu kirooto mazima nze nga nkusala kale tunula olabe, ogamba ki? (Ismail) naagamba nti owange taata kola ekyo kyolagirwa, Katonda nga ayagadde ojja kunsanga nga ndi mu bagumiikiriza |
فَلَمَّا أَسْلَمَا وَتَلَّهُ لِلْجَبِينِ (103)
Bombi bwe baamala okwewaayo eri (ekiragiro kya Katonda) naamugalamiza nga amuwunzise |
وَنَادَيْنَاهُ أَن يَا إِبْرَاهِيمُ (104)
Netumukoowoola nti owange Ibrahim |
قَدْ صَدَّقْتَ الرُّؤْيَا ۚ إِنَّا كَذَٰلِكَ نَجْزِي الْمُحْسِنِينَ (105)
Mazima otuukirizza endooto, mazima ffe bwe tutyo bwe tusasula abalongoosa |
إِنَّ هَٰذَا لَهُوَ الْبَلَاءُ الْمُبِينُ (106)
Mazima ekyo (ekyatuuka ku Ibrahim n’omwana we) ddala kwe kugezesa okw'olwatu |
وَفَدَيْنَاهُ بِذِبْحٍ عَظِيمٍ (107)
Era (Ismail) twamununula n'ensolo ensuffu eyasalibwa |
وَتَرَكْنَا عَلَيْهِ فِي الْآخِرِينَ (108)
Netumulekerawo okwogerwako okulungi mu balijja oluvanyuma |
سَلَامٌ عَلَىٰ إِبْرَاهِيمَ (109)
Emirembe gibeere ku Ibrahim |
كَذَٰلِكَ نَجْزِي الْمُحْسِنِينَ (110)
Bwe tutyo bwe tusasula abalongoosa |
إِنَّهُ مِنْ عِبَادِنَا الْمُؤْمِنِينَ (111)
Mazima ye wa mu baddu baffe abakkiriza (abannamaddala) |
وَبَشَّرْنَاهُ بِإِسْحَاقَ نَبِيًّا مِّنَ الصَّالِحِينَ (112)
Era twamusanyusa n’okumuwa Ishaak nga nabbi nga wa mu balongoofu |
وَبَارَكْنَا عَلَيْهِ وَعَلَىٰ إِسْحَاقَ ۚ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِ مُبِينٌ (113)
Era twamuwa omukisa netuguwa ne Ishaak era mu zadde lyabwe bombi mwalimu omulongoosa n'yeeyisa obubi ow'olwatu |
وَلَقَدْ مَنَنَّا عَلَىٰ مُوسَىٰ وَهَارُونَ (114)
Mazima twabunduggula ebyengera ku Musa ne Haruna |
وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ (115)
Netubawonya n’abantu baabwe bombi akabenje ak'amaanyi |
وَنَصَرْنَاهُمْ فَكَانُوا هُمُ الْغَالِبِينَ (116)
Netubataasa nebaba bbo nga bawanguzi |
وَآتَيْنَاهُمَا الْكِتَابَ الْمُسْتَبِينَ (117)
Bombi twabawa ekitabo ekinnyonnyofu okutangaaza ekkubo |
وَهَدَيْنَاهُمَا الصِّرَاطَ الْمُسْتَقِيمَ (118)
Era twabalungamya mu kkubo eggolokofu |
وَتَرَكْنَا عَلَيْهِمَا فِي الْآخِرِينَ (119)
Era bombi twabalekerawo okwogerwako okulungi mu balijja oluvanyuma |
سَلَامٌ عَلَىٰ مُوسَىٰ وَهَارُونَ (120)
Emirembe gibeere ku Musa ne Haruna |
إِنَّا كَذَٰلِكَ نَجْزِي الْمُحْسِنِينَ (121)
Mazima ffe bwe tutyo bwe tusasula abalongoosa |
إِنَّهُمَا مِنْ عِبَادِنَا الْمُؤْمِنِينَ (122)
Mazima bombi ba mu baddu baffe abakkiriza (abannamaddala) |
وَإِنَّ إِلْيَاسَ لَمِنَ الْمُرْسَلِينَ (123)
Era mazima ddala Elias wa mu babaka |
إِذْ قَالَ لِقَوْمِهِ أَلَا تَتَّقُونَ (124)
Jjukira ekiseera bwe yagamba abantu be abaffe temutya (Katonda) |
أَتَدْعُونَ بَعْلًا وَتَذَرُونَ أَحْسَنَ الْخَالِقِينَ (125)
Musinza ekibumbe ne muleka (Katonda) omutonzi asinga abatonzi bonna |
اللَّهَ رَبَّكُمْ وَرَبَّ آبَائِكُمُ الْأَوَّلِينَ (126)
Katonda ye Mukama omulabirizi wa mmwe era ye Mukama omulabirizi wa bakadde ba mmwe abaasooka |
فَكَذَّبُوهُ فَإِنَّهُمْ لَمُحْضَرُونَ (127)
Ne bamulimbisa n’olwekyo mazima bo baakuleetebwa (babitebye) |
إِلَّا عِبَادَ اللَّهِ الْمُخْلَصِينَ (128)
Okugyako abaddu ba Katonda abalondemu |
وَتَرَكْنَا عَلَيْهِ فِي الْآخِرِينَ (129)
Era twamulekera okwogerwako obulungi mu balijja oluvanyuma |
سَلَامٌ عَلَىٰ إِلْ يَاسِينَ (130)
Emirembe gibe ku bantu ba Elias |
إِنَّا كَذَٰلِكَ نَجْزِي الْمُحْسِنِينَ (131)
Mazima ffe bwe tutyo bwe tusasula abalongoosa |
إِنَّهُ مِنْ عِبَادِنَا الْمُؤْمِنِينَ (132)
Mazima ye wa mu baddu baffe abakkiriza abannamaddala |
وَإِنَّ لُوطًا لَّمِنَ الْمُرْسَلِينَ (133)
Era mazima Luutu wa mu babaka |
إِذْ نَجَّيْنَاهُ وَأَهْلَهُ أَجْمَعِينَ (134)
(Jjukira) bwe twamuwonya n’abantube bonna |
إِلَّا عَجُوزًا فِي الْغَابِرِينَ (135)
Okugyako omukadde (Mukyalawe) eyali mu baasigala |
ثُمَّ دَمَّرْنَا الْآخَرِينَ (136)
Oluvanyuma twazikiriza abaasigala |
وَإِنَّكُمْ لَتَمُرُّونَ عَلَيْهِم مُّصْبِحِينَ (137)
Era mazima mmwe mubayitako (muyita ku matongo gaabwe) ku makya |
وَبِاللَّيْلِ ۗ أَفَلَا تَعْقِلُونَ (138)
N'ekiro abaffe temutegeera |
وَإِنَّ يُونُسَ لَمِنَ الْمُرْسَلِينَ (139)
Era mazima Yunus wa mu babaka |
إِذْ أَبَقَ إِلَى الْفُلْكِ الْمَشْحُونِ (140)
Jjukira (bwe yasuulawo omulimu Katonda gwe yamukwasa) naalinnya eryato eryali limaze okutikka |
فَسَاهَمَ فَكَانَ مِنَ الْمُدْحَضِينَ (141)
(Bwe lyasemberera okusaanawo olw'okuba lyali litisse nnyo), olwo nno (Yunus) yeetaba mu kalulu (ak'okusalawo ab'okukasukibwa mu nnyanja, akalulu kaagenda okuggwa) nga ali mu be kakutte (ne bamukasuka mu nnyanja) |
فَالْتَقَمَهُ الْحُوتُ وَهُوَ مُلِيمٌ (142)
Olwo nno ekyennyanja kwe kumumira nga ye y'anenyezebwa |
فَلَوْلَا أَنَّهُ كَانَ مِنَ الْمُسَبِّحِينَ (143)
Singa mazima ddala teyali mu batendereza (Katonda) |
لَلَبِثَ فِي بَطْنِهِ إِلَىٰ يَوْمِ يُبْعَثُونَ (144)
Yandibadde mu lubuto lwakyo okutuusa ku lunaku lwe balizuukizibwa |
۞ فَنَبَذْنَاهُ بِالْعَرَاءِ وَهُوَ سَقِيمٌ (145)
Wabula twamukasuka ku lukalu naye nga yali mulwadde |
وَأَنبَتْنَا عَلَيْهِ شَجَرَةً مِّن يَقْطِينٍ (146)
Twamumereza ekimera eky'ekiryo (kimusiikirize kimugobeko n'ensowera) |
وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ (147)
Era twamutuma eri abantu emitwalo kkumi oba okusingawo |
فَآمَنُوا فَمَتَّعْنَاهُمْ إِلَىٰ حِينٍ (148)
Bakkiriza, olwo nno netubeeyagaza okutuuka ebbanga eggere |
فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ (149)
Kaakano ggwe babuuze (aba Kuraish) nti Mukama omulabiriziwo y'aba n'abawala bo nebaba n’abalenzi |
أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ (150)
Oba abaffe bo baaliwo nga tutonda ba Malayika nga bakazi |
أَلَا إِنَّهُم مِّنْ إِفْكِهِمْ لَيَقُولُونَ (151)
Abange mazima mu kutemerera kwabwe batuuka n'okugamba nti |
وَلَدَ اللَّهُ وَإِنَّهُمْ لَكَاذِبُونَ (152)
Katonda yazaala nga ate ddala bo balimba |
أَصْطَفَى الْبَنَاتِ عَلَى الْبَنِينَ (153)
(Katonda) asalawo okutwala abawala n'aleka abalenzi |
مَا لَكُمْ كَيْفَ تَحْكُمُونَ (154)
Mwabaaki mulamula mutya (ebintu) |
أَفَلَا تَذَكَّرُونَ (155)
Abaffe temwebuulirira |
أَمْ لَكُمْ سُلْطَانٌ مُّبِينٌ (156)
Oba mulina obujulizi obweyolefu (nga kye kibakozesa ekyo) |
فَأْتُوا بِكِتَابِكُمْ إِن كُنتُمْ صَادِقِينَ (157)
Kale muleete ekiwandiiko kyammwe bwe muba ab'amazima |
وَجَعَلُوا بَيْنَهُ وَبَيْنَ الْجِنَّةِ نَسَبًا ۚ وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ (158)
(Abatakkiriza) nebateeka oluganda wakati we (Katonda) n'amajinni, nga ate amajinni gamanyi nti mazima ggo gaakuleetebwa (mu maaso ga Katonda gabitebye) |
سُبْحَانَ اللَّهِ عَمَّا يَصِفُونَ (159)
Katonda musukkulumu ku bye boogera |
إِلَّا عِبَادَ اللَّهِ الْمُخْلَصِينَ (160)
Wabula abaddu ba Katonda abalondobemu (anti bbo tebagwa mu kiti kyabo abamwogerako eby'ensimattu) |
فَإِنَّكُمْ وَمَا تَعْبُدُونَ (161)
Kale nno mazima ddala mmwe n'ebyo bye musinza |
مَا أَنتُمْ عَلَيْهِ بِفَاتِنِينَ (162)
Temusobola mmwe kufiiriza Katonda (ne mumujjako abaddu be) |
إِلَّا مَنْ هُوَ صَالِ الْجَحِيمِ (163)
Be ppo oyo y'ewokwesonseka omuliro Jahiimu (oyo musobola okumubuza) |
وَمَا مِنَّا إِلَّا لَهُ مَقَامٌ مَّعْلُومٌ (164)
(Ba Malayika ne bagamba nti) era tewali n'omu ku ffe okugyako nga alina ekifo ekimanyiddwa |
وَإِنَّا لَنَحْنُ الصَّافُّونَ (165)
Era mazima ffe (bulijjo) ffe tubeera mu nnyiriri (nga tusinza Katonda) |
وَإِنَّا لَنَحْنُ الْمُسَبِّحُونَ (166)
Era mazima ffe ddala ffe abatendereza (Katonda) |
وَإِن كَانُوا لَيَقُولُونَ (167)
Newaakubadde nga (abakaafiiri) ddala bagamba nti |
لَوْ أَنَّ عِندَنَا ذِكْرًا مِّنَ الْأَوَّلِينَ (168)
Ddala singa twalina okujjukizibwa nga kuva eri abaasooka |
لَكُنَّا عِبَادَ اللَّهِ الْمُخْلَصِينَ (169)
Twandibadde abaddu ba Katonda abalondobemu |
فَكَفَرُوا بِهِ ۖ فَسَوْفَ يَعْلَمُونَ (170)
(Wabula kitalo byonna ebyo bwe byajja nga ne Nabbi Muhammad kwali) baabiwakanya, kale kyaddaaki balimanya |
وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ (171)
Mazima kyakulembera ekigambo kyaffe eri abaddu baffe abaatumwa |
إِنَّهُمْ لَهُمُ الْمَنصُورُونَ (172)
Nti mazima bbo ddala be b'okutaasibwa |
وَإِنَّ جُندَنَا لَهُمُ الْغَالِبُونَ (173)
Era mazima eggye lyaffe ddala bo be baba abawanguzi |
فَتَوَلَّ عَنْهُمْ حَتَّىٰ حِينٍ (174)
Kale baveeko okutuusa ekiseera ekigere |
وَأَبْصِرْهُمْ فَسَوْفَ يُبْصِرُونَ (175)
Era batunuulire kyaddaaki baliraba |
أَفَبِعَذَابِنَا يَسْتَعْجِلُونَ (176)
Abaffe ebibonerezo byaffe bye basaba bibatuukeko mangu |
فَإِذَا نَزَلَ بِسَاحَتِهِمْ فَسَاءَ صَبَاحُ الْمُنذَرِينَ (177)
Lwe birituuka mu lujja lwabwe galiba makya mabi eri abaaweebwa amawulire agabatiisa (omuliro ne batawulira) |
وَتَوَلَّ عَنْهُمْ حَتَّىٰ حِينٍ (178)
Era baveeko okutuusa ekiseera ekigere |
وَأَبْصِرْ فَسَوْفَ يُبْصِرُونَ (179)
Era tunula kyaddaaki baliraba |
سُبْحَانَ رَبِّكَ رَبِّ الْعِزَّةِ عَمَّا يَصِفُونَ (180)
Mukama omulabirizi wo, nannyini buyinza musukkulumu Ku ebyo bye boogera |
وَسَلَامٌ عَلَى الْمُرْسَلِينَ (181)
Era emirembe gibeere ku babaka (ba Katonda) |
وَالْحَمْدُ لِلَّهِ رَبِّ الْعَالَمِينَ (182)
Era buli kitendo kya Mukama omulabirizi w'ebitonde |
