| بِسْمِ اللَّهِ الرَّحْمَٰنِ الرَّحِيمِ (1) Ngon Nama Allah lon peuphon surat Tuhan Hadharat nyang Maha Murah Tuhanku sidroe geumaseh that-that Donya akhirat rahmat Neulimpah |
| الْحَمْدُ لِلَّهِ رَبِّ الْعَالَمِينَ (2) Sigala pujoe bandum lat batat Bandum nyan meuhat milek Potallah Nyang peujeut alam timu ngon barat Bandum lat batat peuneujeuet Allah |
| الرَّحْمَٰنِ الرَّحِيمِ (3) Tuhanku sidroe geumaseh that-that Donya akhirat rahmat Neulimpah |
| مَالِكِ يَوْمِ الدِّينِ (4) Droeneuh nyan raja uroe akhirat Amai dum meuhat sinan Neubalah |
| إِيَّاكَ نَعْبُدُ وَإِيَّاكَ نَسْتَعِينُ (5) Keu Droeneuh hai Po kamoe ibadat Tulong meularat Droeneuh nyang peuglah |
| اهْدِنَا الصِّرَاطَ الْمُسْتَقِيمَ (6) Neutunyok kamoe wahe Hadharat Bak jalan teupat beu roh meulangkah |
| صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7) Bak jalan ureueng nyang Neubri nikmat Jalan seulamat bek jalan salah Bek roh bak jalan ureueng nyang sisat Ureueng nyang batat muruka Allah |