تَبَارَكَ الَّذِي نَزَّلَ الْفُرْقَانَ عَلَىٰ عَبْدِهِ لِيَكُونَ لِلْعَالَمِينَ نَذِيرًا (1)
Maha Suci that cit sidroe Tuhan Neupeutron Furqan raya phaedah Peumeungkleh nyang got ngon nyang hana got Nyang brok deungon got beda that leupah Neupeutron Qur'an bak Hamba-Neuh nyan Mangat jeuet gopnyan geuba peurintah Haba peuingat keu bandum alam |
الَّذِي لَهُ مُلْكُ السَّمَاوَاتِ وَالْأَرْضِ وَلَمْ يَتَّخِذْ وَلَدًا وَلَمْ يَكُن لَّهُ شَرِيكٌ فِي الْمُلْكِ وَخَلَقَ كُلَّ شَيْءٍ فَقَدَّرَهُ تَقْدِيرًا (2)
Nyang po keurajeuen cit sidroe Allah Langet ngon bumoe nyang po keurajeuen Aneuk-Neuh cit tan kon ban jipeugah Hana charikat Neumat keurajeuen Neupeujeuet bandum sidroe-Neuh Allah Bandum lat batat Neukada keudroe Meubagoe-bagoe peuneujeuet Allah |
وَاتَّخَذُوا مِن دُونِهِ آلِهَةً لَّا يَخْلُقُونَ شَيْئًا وَهُمْ يُخْلَقُونَ وَلَا يَمْلِكُونَ لِأَنفُسِهِمْ ضَرًّا وَلَا نَفْعًا وَلَا يَمْلِكُونَ مَوْتًا وَلَا حَيَاةً وَلَا نُشُورًا (3)
Awak nyan jicok nyang laen Tuhan Jipeugah tuhan nyang bukon Allah Nyang sapeue pih tan dijih jipeujeuet Jih pih gop peujeuet jitarah-tarah Keudroejih han jeuet peuglah meularat Lom pih manfaat tan meube seupah Mate ngon udep tan na di jaroe Jih bangket dudoe han jeuet jipeugah |
وَقَالَ الَّذِينَ كَفَرُوا إِنْ هَٰذَا إِلَّا إِفْكٌ افْتَرَاهُ وَأَعَانَهُ عَلَيْهِ قَوْمٌ آخَرُونَ ۖ فَقَدْ جَاءُوا ظُلْمًا وَزُورًا (4)
Dikaphe jikheun atra nyan hana Jipeuna-peuna bandum jipeugah Na kaom laen nyang bantu jih nyan Jeuetkeuh lagee nyan takalon ceudah Lalem paleusu peue nyan jikheun nyan Keubit awak nyan raya that salah |
وَقَالُوا أَسَاطِيرُ الْأَوَّلِينَ اكْتَتَبَهَا فَهِيَ تُمْلَىٰ عَلَيْهِ بُكْرَةً وَأَصِيلًا (5)
Jikheun lom dongeng ureueng nyang dilee Haba nyan teuntee na ureueng peugah Teuma jituleh treuk beungoh seupot |
قُلْ أَنزَلَهُ الَّذِي يَعْلَمُ السِّرَّ فِي السَّمَاوَاتِ وَالْأَرْضِ ۚ إِنَّهُ كَانَ غَفُورًا رَّحِيمًا (6)
Takheun that karot peue nyang jipeugah Takheun nyang peutron Allah Taʻala Bandum rahsia Neuteupeue sudah Rahsia langet got pih di bumoe Bandum Neuteupeue cit nyan le Allah Keubit Droeneuh nyan Maha Peungampon Lom pih Droeneuh nyan maha Peumurah |
وَقَالُوا مَالِ هَٰذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ ۙ لَوْلَا أُنزِلَ إِلَيْهِ مَلَكٌ فَيَكُونَ مَعَهُ نَذِيرًا (7)
Jikheun peue Rasul nyan geupajoh bu Peue nyang meuteumeung makanan mudah Geujak u peukan bak ureueng meukat Kon malaikat keunoe geulangkah Pakon han geuyue jak malaikat Duageuh meuhat jeuet geujak peugah Geujak peuingat sajan ngon gopnyan |
أَوْ يُلْقَىٰ إِلَيْهِ كَنزٌ أَوْ تَكُونُ لَهُ جَنَّةٌ يَأْكُلُ مِنْهَا ۚ وَقَالَ الظَّالِمُونَ إِن تَتَّبِعُونَ إِلَّا رَجُلًا مَّسْحُورًا (8)
Adak han gudang peng beule leupah Gudang hareuta geubri keu gopnyan Atawa keubon saboh nyang luah À Pajoh boh kayee dalam keubon nyan Hase makanan sinan le leupah Teuma si lalem jikheun soe roe nyan Nyang taikot nyan ureueng ka basah Kon laen jih nyan ka keunong sihe |
انظُرْ كَيْفَ ضَرَبُوا لَكَ الْأَمْثَالَ فَضَلُّوا فَلَا يَسْتَطِيعُونَ سَبِيلًا (9)
Takalon pakri gata jipeugah Jiboh bandengan dum macam-macam Sisat treuk jih nyan ka roh lam salah Han ek le jalan jilawan gata |
تَبَارَكَ الَّذِي إِن شَاءَ جَعَلَ لَكَ خَيْرًا مِّن ذَٰلِكَ جَنَّاتٍ تَجْرِي مِن تَحْتِهَا الْأَنْهَارُ وَيَجْعَل لَّكَ قُصُورًا (10)
Allah Taʻala Suci that leupah Maha Suci-Neuh meunyo Neukheundak Gata Neubri hak nyang leubeh luah Neubri churuga keu gata meuhat Nyang leubeh that got nibak jih peugah Ie krueng dum jile di yup churuga Neubri keu gata meuligoe indah X |
بَلْ كَذَّبُوا بِالسَّاعَةِ ۖ وَأَعْتَدْنَا لِمَن كَذَّبَ بِالسَّاعَةِ سَعِيرًا (11)
Tapi dijih dum jipeugah sulet Hana kiamat dudoe jipeugah Ureueng nyang peugah hana kiamat Nuraka teumpat keu jih Meukeubah |
إِذَا رَأَتْهُم مِّن مَّكَانٍ بَعِيدٍ سَمِعُوا لَهَا تَغَيُّظًا وَزَفِيرًا (12)
‘Ohban jikalon jih le nuraka Meubura-bura apui jih mirah Jideungo jigr‘oh jih le nuraka Mantong jih teuka jioh that leupah |
وَإِذَا أُلْقُوا مِنْهَا مَكَانًا ضَيِّقًا مُّقَرَّنِينَ دَعَوْا هُنَالِكَ ثُبُورًا (13)
‘Oh ban geutiek jih bak teumpat seumpet Meularat keubit jih han ban peugah Meuranthoe-ranthoe jih dum lam rante Sinan jikheun le ceulaka leupah |
لَّا تَدْعُوا الْيَوْمَ ثُبُورًا وَاحِدًا وَادْعُوا ثُبُورًا كَثِيرًا (14)
Bek kakheun saboh sagai ceulaka Le that ceulaka uroe nyoe dikah |
قُلْ أَذَٰلِكَ خَيْرٌ أَمْ جَنَّةُ الْخُلْدِ الَّتِي وُعِدَ الْمُتَّقُونَ ۚ كَانَتْ لَهُمْ جَزَاءً وَمَصِيرًا (15)
Takheun peue got nyan nibak churuga Keu soe nyang takwa Neubri le Allah Churuga keukai nyang ka neujanji Soe nyang got budi nyan keu beunalah Sinankeuh teumpat ureueng takwa |
لَّهُمْ فِيهَا مَا يَشَاءُونَ خَالِدِينَ ۚ كَانَ عَلَىٰ رَبِّكَ وَعْدًا مَّسْئُولًا (16)
Peue nyang hʻeutgeuh na sinan geukeubah Keukai geuh sinan ka janji Tuhan Meu janji Tuhan hantom meuubah Patot talakee janji bak Tuhan |
وَيَوْمَ يَحْشُرُهُمْ وَمَا يَعْبُدُونَ مِن دُونِ اللَّهِ فَيَقُولُ أَأَنتُمْ أَضْلَلْتُمْ عِبَادِي هَٰؤُلَاءِ أَمْ هُمْ ضَلُّوا السَّبِيلَ (17)
‘Oh troh uroe nyan bandum cit teuhah ‘Oh geupeusapat jih ngon awak nyan Nyang jikheun tuhan nyang bukon Allah Kheun Tuhan gata dum nyang peusisat Hamba Lon meuhat tayue nyang salah Atawa droejih nyang sisat jalan |
قَالُوا سُبْحَانَكَ مَا كَانَ يَنبَغِي لَنَا أَن نَّتَّخِذَ مِن دُونِكَ مِنْ أَوْلِيَاءَ وَلَٰكِن مَّتَّعْتَهُمْ وَآبَاءَهُمْ حَتَّىٰ نَسُوا الذِّكْرَ وَكَانُوا قَوْمًا بُورًا (18)
Seuot ureueng nyang kon kamoe salah Maha Suci Droeneuh han dikamoe Meujak yue jih nyoe lawan peurintah Han patot meucok wali dikamoe Laen nibak Droeneuh hai ya Allah Tapi sabab jih ka Neubri seunang Ngon du-du jih nyan hudep that mewah Hingga tuwo jih ingat keu Tuhan Binasa badan bandum jih sudah |
فَقَدْ كَذَّبُوكُم بِمَا تَقُولُونَ فَمَا تَسْتَطِيعُونَ صَرْفًا وَلَا نَصْرًا ۚ وَمَن يَظْلِم مِّنكُمْ نُذِقْهُ عَذَابًا كَبِيرًا (19)
Awak nyan bandum geukheun kah sulet Hana nyang sabet peue nyang kapeugah Han ek katulak han ek katulong Droekeuh nyang tanggong hana le kilah Teuma nyang lalem lam kawan gata Kamoe peurasa azeueb brat leupah |
وَمَا أَرْسَلْنَا قَبْلَكَ مِنَ الْمُرْسَلِينَ إِلَّا إِنَّهُمْ لَيَأْكُلُونَ الطَّعَامَ وَيَمْشُونَ فِي الْأَسْوَاقِ ۗ وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ ۗ وَكَانَ رَبُّكَ بَصِيرًا (20)
Rasul dum dilee nyang Kamoe kirem Pajoh makanan han tom geukeubah Geujak u peukan lagee gop laen Teuma cit lazem meubri fitnah ; Siteungoh gata deungon nyang laen Meubri cobaan bak ba peurintah Teuma peue gata dum ek tasaba Neukalon nyata bandum le Allah QUZ |
۞ وَقَالَ الَّذِينَ لَا يَرْجُونَ لِقَاءَنَا لَوْلَا أُنزِلَ عَلَيْنَا الْمَلَائِكَةُ أَوْ نَرَىٰ رَبَّنَا ۗ لَقَدِ اسْتَكْبَرُوا فِي أَنفُسِهِمْ وَعَتَوْا عُتُوًّا كَبِيرًا (21)
Nyang han tem pateh rumpok ngon Kar Awak nyan meunoe teuma jipeugah Kon malaikat geupeutron keunoe Ubak geutanyoe geuba peurintah Atawa taeu Tuhan geutanyoe Keubit awak nyoe teukabo leupah Jipike keudroe sang jih that raya Jidarohaka lalem sileupah |
يَوْمَ يَرَوْنَ الْمَلَائِكَةَ لَا بُشْرَىٰ يَوْمَئِذٍ لِّلْمُجْرِمِينَ وَيَقُولُونَ حِجْرًا مَّحْجُورًا (22)
Uroe nyan jieu treuk malaikat i Hana le mangat jeuet jih beulisah Gadoh geumbira ngon keuseunangan Bandum awak nyan nyang peubuet salah Jikheun hai tuboh nyan jrakeuh jinoe |
وَقَدِمْنَا إِلَىٰ مَا عَمِلُوا مِنْ عَمَلٍ فَجَعَلْنَاهُ هَبَاءً مَّنثُورًا (23)
Amai jih jinoe Kamoe eu bagah Han le meuguna keu jih amai nyan Bandum di sinan abeh meuruah Ka jeuet keu abee jipo meukeupoi |
أَصْحَابُ الْجَنَّةِ يَوْمَئِذٍ خَيْرٌ مُّسْتَقَرًّا وَأَحْسَنُ مَقِيلًا (24)
Ureueng nyang beutoi teuma meutuah Asoe churuga bandum ureueng nyan Seunang ngon aman hana ban peugah Teumpat geu-eh-eh watee cot uroe Takalon bagoe leupah that indah |
وَيَوْمَ تَشَقَّقُ السَّمَاءُ بِالْغَمَامِ وَنُزِّلَ الْمَلَائِكَةُ تَنزِيلًا (25)
Uroe nyan beukah meukuak langet ; Awan jiteubiet bak langet beukah Malaikat dum geuyue tron keunoe |
الْمُلْكُ يَوْمَئِذٍ الْحَقُّ لِلرَّحْمَٰنِ ۚ وَكَانَ يَوْمًا عَلَى الْكَافِرِينَ عَسِيرًا (26)
Keurajeuen jinoe cit sidroe Allah Keurajeuen nyang hak sit milek Tuhan Kaphe uroe nyan meukarat leupah |
وَيَوْمَ يَعَضُّ الظَّالِمُ عَلَىٰ يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا (27)
Teuma si lalem jikap ngon jaroe Jikheun uroe nyoe leupah that sosah Adak meu dilee lon jak ngon Rasul Meuhat leubeh phui hana that payah |
يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا (28)
Keupeue si paleh lon cok keu rakan Ceulaka badan jinoe that sosah |
لَّقَدْ أَضَلَّنِي عَنِ الذِّكْرِ بَعْدَ إِذْ جَاءَنِي ۗ وَكَانَ الشَّيْطَانُ لِلْإِنسَانِ خَذُولًا (29)
Jipeusisat lon bek ingat Tuhan : Geujok Qur’an jiyue tiek bagah 9 Jipeungeut teupat insan le chetan ‘Oh Iheueh jipadan droe jih jipeuglah |
وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا (30)
Pakri kaom lon wahe Tuhanku i Rasul meungadu keudeh bak Allah Jikheun Qur’an nyoe hana laku Hana meunapsu jitueng phaedah |
وَكَذَٰلِكَ جَعَلْنَا لِكُلِّ نَبِيٍّ عَدُوًّا مِّنَ الْمُجْرِمِينَ ۗ وَكَفَىٰ بِرَبِّكَ هَادِيًا وَنَصِيرًا (31)
Meunankeuh musoh bandum Kamoe bri Nyang lawan Nabi sit awak salah Cukop Po gata nyang bri peutunyok Gata pih Neucok Neutulong bagah |
وَقَالَ الَّذِينَ كَفَرُوا لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً ۚ كَذَٰلِكَ لِنُثَبِّتَ بِهِ فُؤَادَكَ ۖ وَرَتَّلْنَاهُ تَرْتِيلًا (32)
Jikheun le kaphe pakon han sigo ; Geupeutron laju Qur’an beu bagah Kamoe peukeumat lam ate gata Mangat got meusra bek le meuruah Nyang jeuet keuh meunan Kamoe yue baca Bek sigo teuka gadoh dum bagah |
وَلَا يَأْتُونَكَ بِمَثَلٍ إِلَّا جِئْنَاكَ بِالْحَقِّ وَأَحْسَنَ تَفْسِيرًا (33)
Watee na peue-peue jiba bak gata à Meubri keu gata jalan tapeuglah £ Jalan nyang beuna tapeugah bak jih Tapeutrang bak jih nyang got that leupah |
الَّذِينَ يُحْشَرُونَ عَلَىٰ وُجُوهِهِمْ إِلَىٰ جَهَنَّمَ أُولَٰئِكَ شَرٌّ مَّكَانًا وَأَضَلُّ سَبِيلًا (34)
Teuma awak nyan ‘oh geupeusapat Muka jih meuhat geulungkop bagah Geulungkop laju dalam nuraka Teumpat ceulaka hana ban peugah Keunankeuh jalan nyang leupah sisat |
وَلَقَدْ آتَيْنَا مُوسَى الْكِتَابَ وَجَعَلْنَا مَعَهُ أَخَاهُ هَارُونَ وَزِيرًا (35)
Jinoe riwayat Musa meutuah Kamoe bri kitab dilee keu Musa Ngon Harun dua geuba peurintah Aduen geuh Harun keu wazir gopnyan |
فَقُلْنَا اذْهَبَا إِلَى الْقَوْمِ الَّذِينَ كَذَّبُوا بِآيَاتِنَا فَدَمَّرْنَاهُمْ تَدْمِيرًا (36)
Kamoe kheun yoh nyan jak keudeh bagah Ubak kaom nyan tajak bandua Teuh jih dum nyata raya that salah Jipeugah sulet dum ayat Kamoe Binasa jinoe bandum jih sudah |
وَقَوْمَ نُوحٍ لَّمَّا كَذَّبُوا الرُّسُلَ أَغْرَقْنَاهُمْ وَجَعَلْنَاهُمْ لِلنَّاسِ آيَةً ۖ وَأَعْتَدْنَا لِلظَّالِمِينَ عَذَابًا أَلِيمًا (37)
Kaom Noh jikheun sulet dum Rasul é Meugasui-gasui lam laot luah Kamoe peukaram bandum jih sinan Mangat dum insan jitueng phaedah Azeueb peudeh that Kamoe seudia Keu si elanya nyang lalem leupah |
وَعَادًا وَثَمُودَ وَأَصْحَابَ الرَّسِّ وَقُرُونًا بَيْنَ ذَٰلِكَ كَثِيرًا (38)
‘Ad lom ngon Tsamud bandum jih saban Kaom Ras meunan sit hana ubah Meunan pih le lom kurun nyang laen Di antara nyan bandum buet salah |
وَكُلًّا ضَرَبْنَا لَهُ الْأَمْثَالَ ۖ وَكُلًّا تَبَّرْنَا تَتْبِيرًا (39)
Kamoe peugot jih dum keu ibarat Soe nyang tem ingat raya phaedah Kamoe peuanco jih bandum reule Meusapeue tan le ka abeh sudah |
وَلَقَدْ أَتَوْا عَلَى الْقَرْيَةِ الَّتِي أُمْطِرَتْ مَطَرَ السَّوْءِ ۚ أَفَلَمْ يَكُونُوا يَرَوْنَهَا ۚ بَلْ كَانُوا لَا يَرْجُونَ نُشُورًا (40)
Ka lagi jijak dalam nanggroe nyan Nyang na disinan euncit ujeuen rhah Kon jieu euncit ujeuen ceulaka Jipeubinasa kaom nyang salah Teutapi dijih han cit jipateh Geubangket dum jih dudoe geubalah |
وَإِذَا رَأَوْكَ إِن يَتَّخِذُونَكَ إِلَّا هُزُوًا أَهَٰذَا الَّذِي بَعَثَ اللَّهُ رَسُولًا (41)
‘Oh jieu gata cit ka ji batok Jiulok-ulok jikhem meuhah-hah 2 Nyoe roe ureuengjih keubit keu Rasul Sang leupah that phui meunan jipeugah |
إِن كَادَ لَيُضِلُّنَا عَنْ آلِهَتِنَا لَوْلَا أَن صَبَرْنَا عَلَيْهَا ۚ وَسَوْفَ يَعْلَمُونَ حِينَ يَرَوْنَ الْعَذَابَ مَنْ أَضَلُّ سَبِيلًا (42)
Rap jipeusisat bandum geutanyoe Tuhan geutanyoe dum jikheun salah Lah pih tasaba taseumah sabe Adak han tan le peue nyang taseumah d Jiteupeue teuma ‘oh jieu azeueb Si nyang bit sisat jalan ka salah |
أَرَأَيْتَ مَنِ اتَّخَذَ إِلَٰهَهُ هَوَاهُ أَفَأَنتَ تَكُونُ عَلَيْهِ وَكِيلًا (43)
Taci peugah soe peutuhan napsu Jipeubuet laju peue napsu peugah Ek tatem gata tapeulahra jih |
أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ إِنْ هُمْ إِلَّا كَالْأَنْعَامِ ۖ بَلْ هُمْ أَضَلُّ سَبِيلًا (44)
Peue tasangka jih jideungo leupah 7 Peue tasangka jih nyan na meuakai Hana roe sagai akai jih ceudah 7 Jih nyan saban that lagee binatang Leubeh lom jih nyan sisat that leupah |
أَلَمْ تَرَ إِلَىٰ رَبِّكَ كَيْفَ مَدَّ الظِّلَّ وَلَوْ شَاءَ لَجَعَلَهُ سَاكِنًا ثُمَّ جَعَلْنَا الشَّمْسَ عَلَيْهِ دَلِيلًا (45)
Peue hana taeu pakri di Tuhan Neubri bubayangteuh panyang leupah Meunyo Neukheundak ek Neupeuteutap Bubayang meuhat han Neupeuleumah. Dimata uroe nyan jeuet keu dali Bubayang meuri taeu trang leupah |
ثُمَّ قَبَضْنَاهُ إِلَيْنَا قَبْضًا يَسِيرًا (46)
Lheueh nyan seuen bacut Kamoe cok bayang Kakeuh bubayang hana le leumah |
وَهُوَ الَّذِي جَعَلَ لَكُمُ اللَّيْلَ لِبَاسًا وَالنَّوْمَ سُبَاتًا وَجَعَلَ النَّهَارَ نُشُورًا (47)
Tuhan nyang peujeuet keu gata malam E Pakaian hitam sang taeu ulah Taeh got teungeut taistirahat ‘Oh uroe meuhat mita nafakah y |
وَهُوَ الَّذِي أَرْسَلَ الرِّيَاحَ بُشْرًا بَيْنَ يَدَيْ رَحْمَتِهِ ۚ وَأَنزَلْنَا مِنَ السَّمَاءِ مَاءً طَهُورًا (48)
Neukirem angen haba geumbira Dang-dang troh teuka rahmat bak Allah Kamoe peutren treuk ujeuen di langet Ujeuen nyan rahmat ie gleh sileupah |
لِّنُحْيِيَ بِهِ بَلْدَةً مَّيْتًا وَنُسْقِيَهُ مِمَّا خَلَقْنَا أَنْعَامًا وَأَنَاسِيَّ كَثِيرًا (49)
Kamoe peuhudep tanoh nyang mate Hijo dum sare takalon indah Dumna binatang nyang Kamoe peujeuet Meubri ie leugat mangat puleh grah Ke manusia sit le Kamoe bri |
وَلَقَدْ صَرَّفْنَاهُ بَيْنَهُمْ لِيَذَّكَّرُوا فَأَبَىٰ أَكْثَرُ النَّاسِ إِلَّا كُفُورًا (50)
Kamoe jok bagi jitueng phaedah 3 Teuma nyang le that dum manusia Hana jikira keu rahmat Allah Dijih jikaphe keu rahmat Kamoe |
وَلَوْ شِئْنَا لَبَعَثْنَا فِي كُلِّ قَرْيَةٍ نَّذِيرًا (51)
Meu na hʻeut Kamoe cit Meujak peugah Meukirem Rasul bak jeuep-jeuep nanggroe Bandum ureueng nyoe jak ba peurintah |
فَلَا تُطِعِ الْكَافِرِينَ وَجَاهِدْهُم بِهِ جِهَادًا كَبِيرًا (52)
Teuma bek gata taikot kaphe Tajihad sabe jih nyan tahujjah Ngon dali Qur’an jihad nyang raya |
۞ وَهُوَ الَّذِي مَرَجَ الْبَحْرَيْنِ هَٰذَا عَذْبٌ فُرَاتٌ وَهَٰذَا مِلْحٌ أُجَاجٌ وَجَعَلَ بَيْنَهُمَا بَرْزَخًا وَحِجْرًا مَّحْجُورًا (53)
Allah Taʻala kuasa leupah ; Dua boh laot Neupeujeuet sapat Saboh tabeue that tajep puleh grah Saboh laot treuk masen ngon phet that Di teungoh meuhat ka Neuboh bataih Bek meujampu ie sinoe ngon sideh Lagee na binteh sang meunan ulah |
وَهُوَ الَّذِي خَلَقَ مِنَ الْمَاءِ بَشَرًا فَجَعَلَهُ نَسَبًا وَصِهْرًا ۗ وَكَانَ رَبُّكَ قَدِيرًا (54)
Bak ie jeureuengeh Neupeujeuet insan Jeuet keuturonan jih le that leupah Deungon meukawen jeuet keuturonan Kuasa Tuhan hana ban peugah |
وَيَعْبُدُونَ مِن دُونِ اللَّهِ مَا لَا يَنفَعُهُمْ وَلَا يَضُرُّهُمْ ۗ وَكَانَ الْكَافِرُ عَلَىٰ رَبِّهِ ظَهِيرًا (55)
Teuma jiseumah cit nyang kon Tuhan Nyang keu jih sit tan jibri phaedah Jibri meularat pih han ek keu jih Jiseumah cit jih dikaphe jadah Dikaphe jicok keu ngon jih cheitan Jilawan Tuhan nyang Maha Murah |
وَمَا أَرْسَلْنَاكَ إِلَّا مُبَشِّرًا وَنَذِيرًا (56)
Tauma di-Kamoe Meukirem gata Mangat tajak ba bandum peurintah Haba nyang mangat haba nyang saket |
قُلْ مَا أَسْأَلُكُمْ عَلَيْهِ مِنْ أَجْرٍ إِلَّا مَن شَاءَ أَن يَتَّخِذَ إِلَىٰ رَبِّهِ سَبِيلًا (57)
Takheun dilon bit kon lon tueng upah t Hana lon lakee upah bak gata Soe nyang tem teuma nyoekeuh lon peugah Soe nyang tem tajak bak jalan Tuhan Nyoekeuh nyang jalan teupat sileupah |
وَتَوَكَّلْ عَلَى الْحَيِّ الَّذِي لَا يَمُوتُ وَسَبِّحْ بِحَمْدِهِ ۚ وَكَفَىٰ بِهِ بِذُنُوبِ عِبَادِهِ خَبِيرًا (58)
Tawakkal gata teuma bak Tuhan Hudep beurangjan sidroe-Neuh Allah Nyang han tom mate lom sabe keukai Dari phon awai han tom sudah Takheun Teuseubeh Tuhan tapujoe Neumaklum keudroe soe-soe nyang salah Cukop Neumaklum padum le hamba Nyang peubuet deecha le han ban peugah |
الَّذِي خَلَقَ السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۚ الرَّحْمَٰنُ فَاسْأَلْ بِهِ خَبِيرًا (59)
Tuhan nyang peujeuet langet ngon. bumoe Bandum ngon asoe nam uroe sudah ‘Oh lheueh nam uroe Neupeujeuet abeh Neupiyoh sideh di ateueh ‘arasy Geumaseh that-that Tuhanku sidroe Tatanyong bagoe bak ureueng ceudah Tatanyong bak soe nyang na ileumee Mangat meuteuntee bek jeuet keu salah |
وَإِذَا قِيلَ لَهُمُ اسْجُدُوا لِلرَّحْمَٰنِ قَالُوا وَمَا الرَّحْمَٰنُ أَنَسْجُدُ لِمَا تَأْمُرُنَا وَزَادَهُمْ نُفُورًا ۩ (60)
‘Oh geuyue bak jih sujud keu Tuhan Jikheun toh Tuhan tacuba peugah Peue kamoe sujud bak nyang gata yue Batat jih dum nyoe meutamah-tamah |
تَبَارَكَ الَّذِي جَعَلَ فِي السَّمَاءِ بُرُوجًا وَجَعَلَ فِيهَا سِرَاجًا وَقَمَرًا مُّنِيرًا (61)
Maha Suci that Tuhan nyang peujeuet Sideh di langet teumpat jisinggah Teumpat jipiyoh dum bintang-bintang Mata uroe trang lom hu sileupah Buleuen meucahya pih trang lam nanggroe |
وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا (62)
Malam ngon uroe Neupisah-pisah Soe nyang tem ingat bandum atra nyan f Chukor le yoh nyan keudeh bak Allah |
وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63)
Na hamba Tuhan nyang jak lam bumoe Dum meu glah keudroe han bagah-bagah Geujak ban teupat ban legee seunang Meu na soe tanyong geuseuot bagah Meu narit jahe bak ureueng tanyong Jaweueb digopnyan narit jroh leupah |
وَالَّذِينَ يَبِيتُونَ لِرَبِّهِمْ سُجَّدًا وَقِيَامًا (64)
‘Oh watee malam teuma ureueng nyan Sujud bak Tuhan nyang Maha Murah Geudong seumbahyang ingat Po gopnyan |
وَالَّذِينَ يَقُولُونَ رَبَّنَا اصْرِفْ عَنَّا عَذَابَ جَهَنَّمَ ۖ إِنَّ عَذَابَهَا كَانَ غَرَامًا (65)
Geukheun ya Tuhan kamoe Neupeuglah i Azeueb nuraka bek roh keu kamoe Ya Tuhan kamoe Neubri meusiblah Azeueb nuraka saket meukeumat |
إِنَّهَا سَاءَتْ مُسْتَقَرًّا وَمُقَامًا (66)
Sijeuheut teumpat tapiyoh payah Ceulaka teumpat teutap di sinan |
وَالَّذِينَ إِذَا أَنفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَٰلِكَ قَوَامًا (67)
Teuma ureueng nyan geubri napakah Hana leupah that hana hemat that Di teungoh meuhat sabe geulangkah |
وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ ۚ وَمَن يَفْعَلْ ذَٰلِكَ يَلْقَ أَثَامًا (68)
Hana geupuja tuhan nyang laen Nyawong gop hareuem pih geupeusiblah Hana geupoh gop Tuhan peuhareuem Meulengkan nyang nyan ka hak bak Allah Geupubuet zina hana digopnyan Ureueng peubuet nyan raya that salah Nyang peubuet nyan dum raya that dacha |
يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا (69)
Azeueb Neuganda teuma le Allah Uroe kiamat keukai lam azeueb Sinan hina that hana ban peugah |
إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا (70)
Meulengkan ureueng nyang ka jitoubat Jiiman meuhat pih hana ubah Amai nyang got that jipeubuet sabe £ Ureueng nyan han le lam kawan salah Tuhan Neugantoe amai nyang jeuheut Neupeujeuet keu got bandum le Allah Keubit cit Tuhan Maha Peungampon Lagi pih Tuhan Maha Peumurah |
وَمَن تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا (71)
Beurangsoe toubat peubuet amai got Nyankeuh nyang toubat keubit bak Allah |
وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا (72)
Han geu-ek saksi meunyo nyang sulet Hana meu siblet pih geutem peugah Watee geukalon buet sia-sia Sagai han teuka keunan geulangkah Geujaga that droe ureueng mulia Buet sia-sia hana phaedah |
وَالَّذِينَ إِذَا ذُكِّرُوا بِآيَاتِ رَبِّهِمْ لَمْ يَخِرُّوا عَلَيْهَا صُمًّا وَعُمْيَانًا (73)
Soe nyang peuingat teuma ureueng nyan Ngon ayat Tuhan nyang Maha Murah Geudeungo got that kon buta tuloe |
وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا (74)
Geukheun lom meunoe wahe ya Allah Hai Tuhan kamoe Neubri keu kamoe Dum judo kamoe ureueng meutuah d Meunan pih aneuk ngon cuco kamoe Bak mata kamoe beu sijuek leupah í Teutap ngon mata sijuek ngon ate Sabab boh ate ureueng nyang ceudah Neupeujeuet kamoe jeuet keu peumuka Keu ureueng takwa keupada Allah |
أُولَٰئِكَ يُجْزَوْنَ الْغُرْفَةَ بِمَا صَبَرُوا وَيُلَقَّوْنَ فِيهَا تَحِيَّةً وَسَلَامًا (75)
Ureueng nyan bandum Neubri balasan Teuma le Tuhan churuga indah y Sabab ureueng nyan ek that geusaba Neupeumulia teuma le Allah Geusambot gopnyan dum ngon hormat Saleuem seulamat jak tamong bagah |
خَالِدِينَ فِيهَا ۚ حَسُنَتْ مُسْتَقَرًّا وَمُقَامًا (76)
Keukai di sinan teumpat indah that Neubri ngon pangkat manyang that leupah y |
قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ ۖ فَقَدْ كَذَّبْتُمْ فَسَوْفَ يَكُونُ لِزَامًا (77)
Takheun Tuhan lon han Neungieng gata Sabab kon gata ureueng meutuah Meunyo han tatem pubuet ibadat Sulet ngon jeungkat nyang na di babah Sabab nyan gata teuntee geuazeueb d Ban lagee nyang buet masa nyang sudah y 7 ASY-SYUʻARA‘ (UREUENG-UREUENG ME Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah) |
