يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ ۚ وَاللَّهُ غَفُورٌ رَّحِيمٌ (1)
Hai nabi pakon tajak peuhareuem Nyang haleue Neukheun ka lheuh le Allah Tuhan peuhaleue dum nyan keu gata Teuma di gata hareuem tapeugah Peuseunang ate peurumoh gata Nyang haleue nyata takeumeung ubah Teuma roe Tuhan Maha Pengampon Lagi pih Tuhan Maha Pemurah |
قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ (2)
Tuhan peuwajeb teuma bak gata Tabayeu sigra kipharat sumpah Mangat gleh gata bak sumpah gata Tuhan Po gata tateupue sudah Dumpeue Neuteupue Allah Taʻala Lom bijaksana Neuh han ban peugah |
وَإِذْ أَسَرَّ النَّبِيُّ إِلَىٰ بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَن بَعْضٍ ۖ فَلَمَّا نَبَّأَهَا بِهِ قَالَتْ مَنْ أَنبَأَكَ هَٰذَا ۖ قَالَ نَبَّأَنِيَ الْعَلِيمُ الْخَبِيرُ (3)
Bak watee nabi geupeugah haba Saboh rahsia ngon sidroe zaujah t Teuma jipeugah bak ureueng laen Bak nabi yoh nyan ka Tuhan peugah Geupeugah ladom teuma le nabi Nyang ladom lagi hana geupeugah Geupeugah nyan bak zaujah nyang ini Jikheun treuk pakri neuteupue sudah Soe peugah bak droeneuh meunan rupa Nabi kheun teuma Tuhan nyang peugah Tuhan Neuteupue Neumaklum dumpeue Teuma haba nyoe bak lon Neupeugah |
إِن تَتُوبَا إِلَى اللَّهِ فَقَدْ صَغَتْ قُلُوبُكُمَا ۖ وَإِن تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ ۖ وَالْمَلَائِكَةُ بَعْدَ ذَٰلِكَ ظَهِيرٌ (4)
Meunyo tatoubat bandua gata Neuampon dacha gata le Allah Sinan keuh nyata gleh ate gata Teuma meu gata han tatem ubah Bandua gata mita bicara Keu nabi gata tameung peususah Teuma di gopnyan na Tuhan gopnyan Neutulong gopnyan teuma le Allah Lom ngon Jibrai ngon ureueng mukmin Nyang keubit yakin saleh that leupah Malaikat dum pih bantu gopnyan |
عَسَىٰ رَبُّهُ إِن طَلَّقَكُنَّ أَن يُبْدِلَهُ أَزْوَاجًا خَيْرًا مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا (5)
Kadang keu gopnyan Neubri le Allah Meunyo geutaleuek geucre teuh bandum 2 Neubri le Tuhan laen nyang indah s Neubri peurumoh keu gopnyan teuma Nibak dum gata leubeh lom ceudah Inong Iseulam inong meuiman Taʻat lom jih nyan hanaban peugah Toubat bak Tuhan pubuet ibadat Puasa meuhat han tom jikeubah Got pih nyang janda nyang ka meukawen Got nyang goh kawen peurawan ceudah |
يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ (6)
Hai ureueng mukmin plihara droeteuh Ngon famili teuh bak apui mirah Apui nuraka rujoe jih insan Ngon batee sajan dum nyang jiseumah Malaikat dum nyang kreuh ngon keujam Geujaga sinan Neuyue le Allah Peue nyang Tuhan yue bandum geupeubuet Han toe meubacut pih na geubantah |
يَا أَيُّهَا الَّذِينَ كَفَرُوا لَا تَعْتَذِرُوا الْيَوْمَ ۖ إِنَّمَا تُجْزَوْنَ مَا كُنتُمْ تَعْمَلُونَ (7)
Hai awak kaphe bek peuozor droe Gata uroe nyoe bandum geubalah Peue nyang ka dilee ka Iheuh tapubuet Balaku nyang buet meunan geubalah |
يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحًا عَسَىٰ رَبُّكُمْ أَن يُكَفِّرَ عَنكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِن تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ ۖ نُورُهُمْ يَسْعَىٰ بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا ۖ إِنَّكَ عَلَىٰ كُلِّ شَيْءٍ قَدِيرٌ (8)
Hai ureueng mukmin taubat bak Tuhan Toubat gata nyan beu bit ikheulah Toubat nasuha han le buet dacha Tuhan Po gata Neuampon salah Buet teuh nyang jeuheut akan Neusampohi Abeh Neuteuboh bandum le Allah Neupeutamong teuh dalam churuga Di yup churuga ie krueng dum joh jah Han Neupeumalee nabi le Tuhan Nibak uroe nyan seunang that leupah Ureueng meuiman saban ngon nabi Cahya hu meuri trang han ban peugah Cahya dum jijak rot keu ureueng nyan Rot uneun gopnyan pih hana ubah Kheun dum ureueng nyan hai Tuhan kamoe Cahya keu kamoe Neubri jroh leupah Neupeuseumpurna cahya keu kamoe Neuampon kamoe wahe ya Allah Droeneuh kuasa ateuh barangpeue Hana meusapeue pih na meuilah |
يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ ۚ وَمَأْوَاهُمْ جَهَنَّمُ ۖ وَبِئْسَ الْمَصِيرُ (9)
Hai nabi taprang dum kaphe suwang Munaphek saban pih bek takeubah Beu keujam gata taprang jih bandum Teumpat jih bandum lam apui mirah Dalam nuraka bandum jih meuhat Sijeuheut teumpat nuraka juah |
ضَرَبَ اللَّهُ مَثَلًا لِّلَّذِينَ كَفَرُوا امْرَأَتَ نُوحٍ وَامْرَأَتَ لُوطٍ ۖ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا فَلَمْ يُغْنِيَا عَنْهُمَا مِنَ اللَّهِ شَيْئًا وَقِيلَ ادْخُلَا النَّارَ مَعَ الدَّاخِلِينَ (10)
Tuhan boh miseu keu kaphe suwang Dua droe inong nyang that seurakah Inong nabi Noh deungon nabi Luth Di jih khianat keu rasul Allah Dua droe rasul ureueng nyang saleh Tuhan peuleubeh jih jeuet keu zaujah Meunyo ngon Tuhan hana kuasa Ureueng nyan dua han ek geupeuglah Geukheun boh jak lop dalam nuraka Sajan ngon gata dum ureueng salah |
وَضَرَبَ اللَّهُ مَثَلًا لِّلَّذِينَ آمَنُوا امْرَأَتَ فِرْعَوْنَ إِذْ قَالَتْ رَبِّ ابْنِ لِي عِندَكَ بَيْتًا فِي الْجَنَّةِ وَنَجِّنِي مِن فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ (11)
Tuhan boh miseu keu ureueng mukmin Inong Peuraʻun nyang that meutuah Geukheun Tuhanku Neupeugot rumoh Keu lon nyo saboh Neubri hadiyah Dalam churuga Neupeugot keu lon Lom Neupeuglah lon bak kaphe jadah Neupeuglah lon nyoe nibak Peuraʻun Ngon buet jih nyan dum raya that salah Neupeuglah lon bak kawom nyang lalem |
وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا فَنَفَخْنَا فِيهِ مِن رُّوحِنَا وَصَدَّقَتْ بِكَلِمَاتِ رَبِّهَا وَكُتُبِهِ وَكَانَتْ مِنَ الْقَانِتِينَ (12)
Teuma Mariyam peurawan ceudah Nyan keuh Mariyam aneuk ‘Imran Meunalee gopnyan han sagai teuhah Got that geujaga meunalee gopnyan Roh Kamoe keunan meupruh treuk bagah Narit Po gopnyan geukheun beuna that Ngon kitab-kitab nyang tron bak Allah Taʻat that gopnyan pubuet ibadat Seumah Hadharat nyang Maha Murah AL-MULK (KEURAJEUN) |
