يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِم بِالْمَوَدَّةِ وَقَدْ كَفَرُوا بِمَا جَاءَكُم مِّنَ الْحَقِّ يُخْرِجُونَ الرَّسُولَ وَإِيَّاكُمْ ۙ أَن تُؤْمِنُوا بِاللَّهِ رَبِّكُمْ إِن كُنتُمْ خَرَجْتُمْ جِهَادًا فِي سَبِيلِي وَابْتِغَاءَ مَرْضَاتِي ۚ تُسِرُّونَ إِلَيْهِم بِالْمَوَدَّةِ وَأَنَا أَعْلَمُ بِمَا أَخْفَيْتُمْ وَمَا أَعْلَنتُمْ ۚ وَمَن يَفْعَلْهُ مِنكُمْ فَقَدْ ضَلَّ سَوَاءَ السَّبِيلِ (1)
Hai ureueng mukmin bek cok musoh Lon Keu wali teuh nyan tagaseh leupah Jih nyan musoh Lon ngon musoh gata Pakon tacinta hanaban peugah Haba nyan beuna nyang troh bak gata Han jipeucaya jikheun nyan salah Di jih jikaphe keu peue nyang beuna Jiuse teuma lom rasul Allah Gata pih saban jiuse sinan Sabab meuiman gata keu Allah Sabab taiman keu Tuhan gata Lagi pih gata tamujahadah Tapubuet jihad ubak jalan Lon Lom pih rila Lon galak teuh leupah Teuma tapeugah rahsia bak jih Sabab tagaseh jih nyan dum sudah Lon leubeh teupue peue-peue nyang tasom Nyang hana tasom Lon teupue leupah Soe nyang pubuet nyan lam kawan gata Meuhat jih nyan ka sisat sileupah Jih nyan ka sisat bak jalan rata |
إِن يَثْقَفُوكُمْ يَكُونُوا لَكُمْ أَعْدَاءً وَيَبْسُطُوا إِلَيْكُمْ أَيْدِيَهُمْ وَأَلْسِنَتَهُم بِالسُّوءِ وَوَدُّوا لَوْ تَكْفُرُونَ (2)
Meu jidrop gata han roe jipeuglah Jih nyan bit musoh jipoh treuk gata Jikheun keu gata peuteusuet lidah Jaroe ngon lidah jih ateuh gata Jipadan gata kaphe keu Allah Meu tatem kaphe nyan galak jih that |
لَن تَنفَعَكُمْ أَرْحَامُكُمْ وَلَا أَوْلَادُكُمْ ۚ يَوْمَ الْقِيَامَةِ يَفْصِلُ بَيْنَكُمْ ۚ وَاللَّهُ بِمَا تَعْمَلُونَ بَصِيرٌ (3)
Han le munaphaʻat gata pih teulah Kawom ngon aneuk uroe kiamat Tan le munaphaʻat meuube seupah Neupeungkleh bandum gata deungon jih Jeut treuk bandum jih hana phaedah Peue nyang tapubuet Tuhan Neukalon |
قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَآءُ مِنكُمْ وَمِمَّا تَعْبُدُونَ مِن دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاءُ أَبَدًا حَتَّىٰ تُؤْمِنُوا بِاللَّهِ وَحْدَهُ إِلَّا قَوْلَ إِبْرَاهِيمَ لِأَبِيهِ لَأَسْتَغْفِرَنَّ لَكَ وَمَا أَمْلِكُ لَكَ مِنَ اللَّهِ مِن شَيْءٍ ۖ رَّبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ (4)
Teuma teuladan sideh jroh leupah Nabi Ibrahim ngon rakan gopnyan Teuladan sinan tatueng phaedah Geukheun bak kawom geuh gata dum nyoe Bandum ngon kamoe jinoe meusiblah Hana roh kamoe le sajan gata Ngon Tuhan gata nyang bukon Allah Kamoe meukaphe keu bandum gata Musoh ngon gata muruka Allah Barangjan kamoe musoh ngon gata Sampoe dum gata meubalek ulah Sampoe taiman keu Tuhan Esa Watee nyan gata baro meutuah Meulengkan teuma narit Ibrahim Bak watee gopnyan geukheun bak ayah Geukheun bak ayah geuh keubit di lon Lon lakee ampon gata bak Allah Teuma meusapeue hana milek lon Pulang bak Tuhan gata hai ayah Hai Tuhan kamoe kamoe peujok droe Bak Droeneuh sidroe nyang Maha Murah Meunan pih bak Droeneuh kamoe toubat ‘Oh dudoe meuhat meuwoe bak Allah Bandum cit teuma bak Droeneuh meuwoe |
رَبَّنَا لَا تَجْعَلْنَا فِتْنَةً لِّلَّذِينَ كَفَرُوا وَاغْفِرْ لَنَا رَبَّنَا ۖ إِنَّكَ أَنتَ الْعَزِيزُ الْحَكِيمُ (5)
Hai Tuhan kamoe bek Neubri salah Bek jifiteunah kamoe le kaphe Di jih cit sabe jimita hilah Neuampon kamoe wahe Po kamoe Sabab buet kamoe le that nyang salah Droeneuh keuh nyang that Maha Perkasa Ngon bijaksana areh that leupah |
لَقَدْ كَانَ لَكُمْ فِيهِمْ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ ۚ وَمَن يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ (6)
reuladan nyang got dum bak ureueng nyan Soe nyang meuiman harap keu Allah Lom jimeuiman uroe akhirat i Nyang han tem meuhat rugoe sileupah Tuhan that kaya patot tapujoe |
۞ عَسَى اللَّهُ أَن يَجْعَلَ بَيْنَكُمْ وَبَيْنَ الَّذِينَ عَادَيْتُم مِّنْهُم مَّوَدَّةً ۚ وَاللَّهُ قَدِيرٌ ۚ وَاللَّهُ غَفُورٌ رَّحِيمٌ (7)
Bandum gata nyoe harap keu Allah Kadang Neupeujeut teuma dum gata Ngon musoh gata meugaseh leupah Maha Kuasa cit sidroe Tuhan Maha Pengampon Maha Pemurah |
لَّا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ (8)
Hana Neularang gata le Tuhan Akan awak nyan buet teuh jroh leupah Meunyo awak nyan han jiprang gata Dalam agama teuh han jibantah Han jipeuteubiet gata di nanggroe Jeut ngon awak nyoe tameusahabah Akan awak nyan gata beu ade Ureueng nyang ade geunaseh Allah |
إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُم مِّن دِيَارِكُمْ وَظَاهَرُوا عَلَىٰ إِخْرَاجِكُمْ أَن تَوَلَّوْهُمْ ۚ وَمَن يَتَوَلَّهُمْ فَأُولَٰئِكَ هُمُ الظَّالِمُونَ (9)
Nyang Neutham gata teuma le Tuhan Awak nyang jiprang gata jibantah Jiprang dum gata dalam agama Jiuse gata lom han jikeubah Jimita bantu jiuse gata Allah Taʻala jih nyan Neuteugah Bek tacok jih nyan keu wali gata Keubit ceulaka jih musoh Allah Barangsoe nyang cok keu wali jih nyan Jeut treuk ureueng nyan lalem sileupah |
يَا أَيُّهَا الَّذِينَ آمَنُوا إِذَا جَاءَكُمُ الْمُؤْمِنَاتُ مُهَاجِرَاتٍ فَامْتَحِنُوهُنَّ ۖ اللَّهُ أَعْلَمُ بِإِيمَانِهِنَّ ۖ فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ ۖ لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ ۖ وَآتُوهُم مَّا أَنفَقُوا ۚ وَلَا جُنَاحَ عَلَيْكُمْ أَن تَنكِحُوهُنَّ إِذَا آتَيْتُمُوهُنَّ أُجُورَهُنَّ ۚ وَلَا تُمْسِكُوا بِعِصَمِ الْكَوَافِرِ وَاسْأَلُوا مَا أَنفَقْتُمْ وَلْيَسْأَلُوا مَا أَنفَقُوا ۚ ذَٰلِكُمْ حُكْمُ اللَّهِ ۖ يَحْكُمُ بَيْنَكُمْ ۚ وَاللَّهُ عَلِيمٌ حَكِيمٌ (10)
Wahe dum ureueng nyang ka meuiman Mukmin nyang inong meu troh jilangkah Meu jihijeurah keunan bak gata i Tauji cuba jih nyan bek salah Tuhan nyang teupue meuiman jih nyan Beu that beu meunan gata nyang peusag Meu gata teupue bit jih meuiman Jeut tinggai sinan sajan takeubah Bek le tapeuwoe jih nyan bak kaphe Hana haleu le keu jih nyan sudah Hana le haleu jih nyan keu kaphe Meunan pih kaphe ngon jih ka pisah Teuma jeulamee nyang ka jibayeue Tapulang bayeue keu kaphe bagah Jeunet tameukawen deungon inong nyan Jeulamee jih nyan teuma tapeuglah Meunyo inong nyan teuma cit kaphe Di gata bek le ngon jih tanikah Peue nyang ka tabri talakee bayeue Beu jitem bayeue jeulamee beu glah Di kaphe pih jeuet jilakee bayeue Nyang ka jih bayeue masa nyang sudah Ban hukom Tuhan antara gata Allah Taʻala ade that leupah Dumpeue Neuteupue Allak Taʻala Ngon bijaksana Neuh han ban peugah |
وَإِن فَاتَكُمْ شَيْءٌ مِّنْ أَزْوَاجِكُمْ إِلَى الْكُفَّارِ فَعَاقَبْتُمْ فَآتُوا الَّذِينَ ذَهَبَتْ أَزْوَاجُهُم مِّثْلَ مَا أَنفَقُوا ۚ وَاتَّقُوا اللَّهَ الَّذِي أَنتُم بِهِ مُؤْمِنُونَ (11)
Meunyo peurumoh teuh jak bak kaphe Talo treuk kaphe ‘oh Iheuh prang bicah i Nyan beu tabayeue keu lakoe jih nyan Dum kerugian jibri napakah Sabab peurumoh jiplueng bak kaphe Peumangat ate bek jeuet that susah Teuma takwa gata Keu Tuhan Nyang ka taiman bandum keu Allah |
يَا أَيُّهَا النَّبِيُّ إِذَا جَاءَكَ الْمُؤْمِنَاتُ يُبَايِعْنَكَ عَلَىٰ أَن لَّا يُشْرِكْنَ بِاللَّهِ شَيْئًا وَلَا يَسْرِقْنَ وَلَا يَزْنِينَ وَلَا يَقْتُلْنَ أَوْلَادَهُنَّ وَلَا يَأْتِينَ بِبُهْتَانٍ يَفْتَرِينَهُ بَيْنَ أَيْدِيهِنَّ وَأَرْجُلِهِنَّ وَلَا يَعْصِينَكَ فِي مَعْرُوفٍ ۙ فَبَايِعْهُنَّ وَاسْتَغْفِرْ لَهُنَّ اللَّهَ ۖ إِنَّ اللَّهَ غَفُورٌ رَّحِيمٌ (12)
Hai nabi meu troh inong meuiman Bak gata keunan dum jimeulangkah Jilakee baiʻat janji ngon gata , Buet-buet nyang dacha napsu jikeubah i Charikat Tuhan di jih pih han le Ceumeucue han le jiteupue salah Han jimeuzina buet nyan that keuji Han jipoh mate lom aneuk lidah Han le jitudoh buet-buet nyang keuji Buet jaroe gaki nyang larang Allah Keu gata pih han jidarohaka Bandum buet gata nyang jroh-jroh leupah Meu nyan jilakee tabaiʻat laju Nyang jih meunapsu tajok beu bagah 4 Talakee ampon keu jih bak Tuhan Neubri amponan peue nyang ka salah Keubit roe Tuhan Maha Pengampon f Lagi pih Tuhan Maha Pemurah |
يَا أَيُّهَا الَّذِينَ آمَنُوا لَا تَتَوَلَّوْا قَوْمًا غَضِبَ اللَّهُ عَلَيْهِمْ قَدْ يَئِسُوا مِنَ الْآخِرَةِ كَمَا يَئِسَ الْكُفَّارُ مِنْ أَصْحَابِ الْقُبُورِ (13)
Wahe dum ureueng nyang ka meuiman Bek cok keu rakan kawom nyang salah Jih nyan le Tuhan Neupeumuruka Ka putoh asa bandum jih sudah Putoh asa jih keu uroe page É Saban ngon kaphe nyang musoh Allah Kaphe lam kubu ka abeh mate Hana guna le meunyeusai teulah y |
