يَا أَيُّهَا النَّبِيُّ اتَّقِ اللَّهَ وَلَا تُطِعِ الْكَافِرِينَ وَالْمُنَافِقِينَ ۗ إِنَّ اللَّهَ كَانَ عَلِيمًا حَكِيمًا (1)
Ewe Omurumwa, tsililila okhuria Nyasaye ne olawulila abakhayi nende abeshikhabili tawe, toto Nyasaye ni Omumanyi muno, Owamachesi po |
وَاتَّبِعْ مَا يُوحَىٰ إِلَيْكَ مِن رَّبِّكَ ۚ إِنَّ اللَّهَ كَانَ بِمَا تَعْمَلُونَ خَبِيرًا (2)
Ne loonda kalia kofimbulilungwa okhurula khu Nyasaye wuwo, toto Nyasaye ali nende obumanyi khu koosi akamukholanga |
وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا (3)
Ne wisiche Nyasaye, Ne Nyasaye ayela muno okhuba omuliindi |
مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ ۚ وَمَا جَعَلَ أَزْوَاجَكُمُ اللَّائِي تُظَاهِرُونَ مِنْهُنَّ أُمَّهَاتِكُمْ ۚ وَمَا جَعَلَ أَدْعِيَاءَكُمْ أَبْنَاءَكُمْ ۚ ذَٰلِكُمْ قَوْلُكُم بِأَفْوَاهِكُمْ ۖ وَاللَّهُ يَقُولُ الْحَقَّ وَهُوَ يَهْدِي السَّبِيلَ (4)
Nyasaye shiyakholakhwo Omundu okhuba nende emioyo chibili mushilifu shishie tawe, Ne shiyakhola abakhasi benyu abamuchelaasinjia emikongo chiabu nende emikongo chabanyinenywe- okhuba banyinenywe tawe. Ne shiyakhola Abana bamukhususiye okhuba Abana benyu barulile khumikongo chienyu tawe, ako namakhuwa kenyu okhurula muminwa chienyu butswa, ne Nyasaye niye uboolanga obwatoto, naye niye ulunjisinjia khunjila |
ادْعُوهُمْ لِآبَائِهِمْ هُوَ أَقْسَطُ عِندَ اللَّهِ ۚ فَإِن لَّمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ ۚ وَلَيْسَ عَلَيْكُمْ جُنَاحٌ فِيمَا أَخْطَأْتُم بِهِ وَلَٰكِن مَّا تَعَمَّدَتْ قُلُوبُكُمْ ۚ وَكَانَ اللَّهُ غَفُورًا رَّحِيمًا (5)
Mubalaanje ameera kabu khubasamwana, obo nibo obuleng’aafu khu Nyasaye, ne nimulamanyile Basamwana tawe ni Abana benyu nende abetsa benyu mudini. Ne shinobutulanikhwinywe khukamwitsukhanile tawe, halali ni obutulani khukalia akemioyo chienyu chikholele katong’ane. Ne Nyasaye ni Omulesheli muno Owetsimbabaasi po |
النَّبِيُّ أَوْلَىٰ بِالْمُؤْمِنِينَ مِنْ أَنفُسِهِمْ ۖ وَأَزْوَاجُهُ أُمَّهَاتُهُمْ ۗ وَأُولُو الْأَرْحَامِ بَعْضُهُمْ أَوْلَىٰ بِبَعْضٍ فِي كِتَابِ اللَّهِ مِنَ الْمُؤْمِنِينَ وَالْمُهَاجِرِينَ إِلَّا أَن تَفْعَلُوا إِلَىٰ أَوْلِيَائِكُم مَّعْرُوفًا ۚ كَانَ ذَٰلِكَ فِي الْكِتَابِ مَسْطُورًا (6)
Omurumwa akhoyesheele muno okhuranjilisibwa khubasalamu (bamusuubila) okhushila bo beene, (okhula bamukomelele Omurumwa kata nibili okhurusia obulamu bwabu nende omwandu) ne Abakhaye bebe ni banyinabwe, Ne abeekho bakhoyeleshele abeene khubeene. (okhuteshania, okhuchelama nende akandi shinga yako) mushitabo shia Nyasaye, ukhushila Abasuubili bandi nende (Muhanjirina)- halali shinobubii tawe nimukhola obulayi khubesta benyu, kano kamala okhuhandikwa mushitabu |
وَإِذْ أَخَذْنَا مِنَ النَّبِيِّينَ مِيثَاقَهُمْ وَمِنكَ وَمِن نُّوحٍ وَإِبْرَاهِيمَ وَمُوسَىٰ وَعِيسَى ابْنِ مَرْيَمَ ۖ وَأَخَذْنَا مِنْهُم مِّيثَاقًا غَلِيظًا (7)
Ne (itsulila) olwa khwabukula indache khubarumwa nende khwiwe ewe, nende khu Nuhu nende khu Ibrahim nende khu Isah Omwana wa Mariam, ne nikhubukula khubo indache isiro |
لِّيَسْأَلَ الصَّادِقِينَ عَن صِدْقِهِمْ ۚ وَأَعَدَّ لِلْكَافِرِينَ عَذَابًا أَلِيمًا (8)
Kho areebe abatoto okhulondokhana nende obwatoto bwabu, ne yarecheshela obakhayi eshinyasio eshilulu |
يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءَتْكُمْ جُنُودٌ فَأَرْسَلْنَا عَلَيْهِمْ رِيحًا وَجُنُودًا لَّمْ تَرَوْهَا ۚ وَكَانَ اللَّهُ بِمَا تَعْمَلُونَ بَصِيرًا (9)
Enywe abasuubila, itsulile tsimbabasi tsia Nyasaye khwinywe, olwa omukanda kwabalwani kwabeetsela, mana nikhukurumila omuyeka nende omukanda kwabalwani okwamulaalola, Ne toto Nyasaye alololanga muno akamukholanga |
إِذْ جَاءُوكُم مِّن فَوْقِكُمْ وَمِنْ أَسْفَلَ مِنكُمْ وَإِذْ زَاغَتِ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا (10)
Olwa babetsela okhurula hekulu wenyu nende hasi wenyu, olwa tsimoni tsiang’ang’ala ne emioyo nichiula khumworokoro, nanyu nimuchaka okhuparira Nyasaye amaparo kakabukhane |
هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا (11)
Awo Abasuubili batemwa mana nibaseswa okhuseswa okhukhongo |
وَإِذْ يَقُولُ الْمُنَافِقُونَ وَالَّذِينَ فِي قُلُوبِهِم مَّرَضٌ مَّا وَعَدَنَا اللَّهُ وَرَسُولُهُ إِلَّا غُرُورًا (12)
Ne olwa obeshikhabili nende balia abali nende obulwale mumioyo chiabu, boboola mbu: “Nyasaye nende Omurumwa wuwe shibakhulaka halali obubeyi butswa.” |
وَإِذْ قَالَت طَّائِفَةٌ مِّنْهُمْ يَا أَهْلَ يَثْرِبَ لَا مُقَامَ لَكُمْ فَارْجِعُوا ۚ وَيَسْتَأْذِنُ فَرِيقٌ مِّنْهُمُ النَّبِيَّ يَقُولُونَ إِنَّ بُيُوتَنَا عَوْرَةٌ وَمَا هِيَ بِعَوْرَةٍ ۖ إِن يُرِيدُونَ إِلَّا فِرَارًا (13)
Ne omukanda mulala mubo alwakwaboola mbu: “Enywe abamenyanwa ba Yathribu- mubula amemelo, kho kalushe. Ne omukanda kundi mubo nikusaba Omurumwa obwiyangu nikuboola mbu: “Tsinzu tsiefu nitsikhaya” Ne shitsiali tsikhaya tawe, shibenyanga eshindi tawe halali okhwilukha |
وَلَوْ دُخِلَتْ عَلَيْهِم مِّنْ أَقْطَارِهَا ثُمَّ سُئِلُوا الْفِتْنَةَ لَآتَوْهَا وَمَا تَلَبَّثُوا بِهَا إِلَّا يَسِيرًا (14)
Ne babenjililanga (omukanda kwabalwani abakhayi) hekulu wabu mutsimbeka tsiosi (tsia madina) mana basabwe okhulwana, bakhakholele, neshibakhamenyele omo halali ebise bititi butswa |
وَلَقَدْ كَانُوا عَاهَدُوا اللَّهَ مِن قَبْلُ لَا يُوَلُّونَ الْأَدْبَارَ ۚ وَكَانَ عَهْدُ اللَّهِ مَسْئُولًا (15)
Netoto bali balaka Nyasaye inyuma awo mbu shibalikalukhania emikongo chiabu tawe. Ne indakano ya Nyasaye yakharebwe |
قُل لَّن يَنفَعَكُمُ الْفِرَارُ إِن فَرَرْتُم مِّنَ الْمَوْتِ أَوِ الْقَتْلِ وَإِذًا لَّا تُمَتَّعُونَ إِلَّا قَلِيلًا (16)
Boola mbu: “okhwilukha shikhulabakhoonya tawe nikali mbu mwilukhanga lifwa nohomba okhwirwa, kho shimulawulila obulayi tawe halali hatiti butswa” |
قُلْ مَن ذَا الَّذِي يَعْصِمُكُم مِّنَ اللَّهِ إِنْ أَرَادَ بِكُمْ سُوءًا أَوْ أَرَادَ بِكُمْ رَحْمَةً ۚ وَلَا يَجِدُونَ لَهُم مِّن دُونِ اللَّهِ وَلِيًّا وَلَا نَصِيرًا (17)
Boola: “Ni wina unyala okhubalinda nende Nyasaye nabenyela obubii nohomba nabenyela tsimbabaasi. “ Ne shibalanyoola omulindi nohomba omukhoonyi owulali Nyasaye tawe |
۞ قَدْ يَعْلَمُ اللَّهُ الْمُعَوِّقِينَ مِنكُمْ وَالْقَائِلِينَ لِإِخْوَانِهِمْ هَلُمَّ إِلَيْنَا ۖ وَلَا يَأْتُونَ الْبَأْسَ إِلَّا قَلِيلًا (18)
Toto Nyasaye abamanyile balia abeyikalilanga mwinywe (balatsia muliye tawe) nende balia baboolelanga abashiabwe mbu: ‘‘itse khifwe (mulatsia nende Muhammad tawe) Ne shibatsitsanga muliyie tawe halali hatitibutswa.’’ |
أَشِحَّةً عَلَيْكُمْ ۖ فَإِذَا جَاءَ الْخَوْفُ رَأَيْتَهُمْ يَنظُرُونَ إِلَيْكَ تَدُورُ أَعْيُنُهُمْ كَالَّذِي يُغْشَىٰ عَلَيْهِ مِنَ الْمَوْتِ ۖ فَإِذَا ذَهَبَ الْخَوْفُ سَلَقُوكُم بِأَلْسِنَةٍ حِدَادٍ أَشِحَّةً عَلَى الْخَيْرِ ۚ أُولَٰئِكَ لَمْ يُؤْمِنُوا فَأَحْبَطَ اللَّهُ أَعْمَالَهُمْ ۚ وَكَانَ ذَٰلِكَ عَلَى اللَّهِ يَسِيرًا (19)
Balabakholela obwimani, halali olwa oburi bwitsa, alabalola bakhuhenganga, tsimoni tsiabu nitsibotokhana shinga ulia unyiranga nali okhufwa, halali olwa oburi buwa, babasinyisinjia nende tsinimi tsiabu tsindulu, bakholelanga obwimani amakhuwa amalayi, Abo shibasuubila tawe khulwako Nyasaye yarusiaho omurungo kwebikhole biabu, ne ako ni amangu khu Nyasaye |
يَحْسَبُونَ الْأَحْزَابَ لَمْ يَذْهَبُوا ۖ وَإِن يَأْتِ الْأَحْزَابُ يَوَدُّوا لَوْ أَنَّهُم بَادُونَ فِي الْأَعْرَابِ يَسْأَلُونَ عَنْ أَنبَائِكُمْ ۖ وَلَوْ كَانُوا فِيكُم مَّا قَاتَلُوا إِلَّا قَلِيلًا (20)
(Ukhula isayino muburi bwabu) paparanga mbuemikanda(chiabasuku) chishili okhurula. Ne emikanda echo chitsanga ( khandi), bakhekombele mbu bakhabeele mushitsimi halala nende abamenyanwa bamwo (baduwi), barebasa amakhuwa kenyu, Ne babetsanga halala ninenyu shibakhakhupane tawe halali hatiti butswa |
لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا (21)
Toto muli nende eshimanyisio eshilayi khumurumwa wa Nyasaye, khu balia basubilanga Nyasaye nende inyanga yeyindukho, mana barumbula Nyasaye muno |
وَلَمَّا رَأَى الْمُؤْمِنُونَ الْأَحْزَابَ قَالُوا هَٰذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ ۚ وَمَا زَادَهُمْ إِلَّا إِيمَانًا وَتَسْلِيمًا (22)
Ne olwa Abasuubili balola omukanda kweliyie (okwabakhayi) baboola mbu: “ kano niko ka Nyasaye nende Omurumwa wuwe yakhulaka, ne Nyasaye nende Omurumwa wuwe baboola obwatoto. Ne (likhuwa lino) shiliabameta halali obusubili nende obuwulili |
مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا (23)
Mubasuubili balimwo Abasatsa abakhola akabalakana nende Nyasaye, abandi bamala okhumala limenya liabu, ne abandi bashilindanga, ne shibakalukhaniakhwo kata hatiti tawe |
لِّيَجْزِيَ اللَّهُ الصَّادِقِينَ بِصِدْقِهِمْ وَيُعَذِّبَ الْمُنَافِقِينَ إِن شَاءَ أَوْ يَتُوبَ عَلَيْهِمْ ۚ إِنَّ اللَّهَ كَانَ غَفُورًا رَّحِيمًا (24)
Kho Nyasaye arunje abatoto khulwa obwatoto bwabu, ne abasandie abeshikhabili, niyenya, nohomba abaleshele, toto Nyasaye ni Omulesheli muno, Owetsimbabaasi po |
وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا ۚ وَكَفَى اللَّهُ الْمُؤْمِنِينَ الْقِتَالَ ۚ وَكَانَ اللَّهُ قَوِيًّا عَزِيزًا (25)
Ne balia abakhaya Nyasaye yabakalusia nende liruma liabu, shibanyoolakhwo shiosi shiosi khubulayi tawe, ne Nyasaye nayela abasuubili mubulwani. Ne Nyasaye ni wa Amani Owoluyali muno |
وَأَنزَلَ الَّذِينَ ظَاهَرُوهُم مِّنْ أَهْلِ الْكِتَابِ مِن صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا (26)
Ne niyeshia balia abakhukhoonya (abasuku) mubandu bahebwa eshitabu, okhurula mutsingoba tsiabu, mana nara oburi mumioyo chiabu, abaandi babu nimubeera, ne abaandi nimubatila |
وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضًا لَّمْ تَطَئُوهَا ۚ وَكَانَ اللَّهُ عَلَىٰ كُلِّ شَيْءٍ قَدِيرًا (27)
Ne nabakhola nimubukula liloba liabu nende tsinzu tsiabu nende omwandu kwabu, nende habundu wamwali nimushile okhusenakhwo tawe, ne Nyasaye nomunyali wabuli eshindu |
يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا (28)
Ewe Omurumwa boolela abakhaye bobo mbu: “ nikali mbu mwenyanga obulamu bwokhushialo nende oburone bwabwo, itse abasubule khulekhane omulekhano omulayi.” |
وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْرًا عَظِيمًا (29)
“Ne ni mwenya Nyasaye nende Omurumwa wuwe nende inzu yomwikulu, Awo toto Nyasaye yarecheshela abakholi bamalayi mwinywe omurungo omukhongo |
يَا نِسَاءَ النَّبِيِّ مَن يَأْتِ مِنكُنَّ بِفَاحِشَةٍ مُّبَيِّنَةٍ يُضَاعَفْ لَهَا الْعَذَابُ ضِعْفَيْنِ ۚ وَكَانَ ذَٰلِكَ عَلَى اللَّهِ يَسِيرًا (30)
Enywe Abakhaye abo Murumwa , ulia witsa okhukhola mwinywe abwonooni bwahabulafu, alametelwa eshinyasio okhula khabili, ni kano ni amangu khu Nyasaye |
۞ وَمَن يَقْنُتْ مِنكُنَّ لِلَّهِ وَرَسُولِهِ وَتَعْمَلْ صَالِحًا نُّؤْتِهَا أَجْرَهَا مَرَّتَيْنِ وَأَعْتَدْنَا لَهَا رِزْقًا كَرِيمًا (31)
Ni mwinywe ulia witsa okhuwulila Nyasaye nende Omurumwa wuwe, mana nakhola amalayi, khwitsa okhumuhelesia omurungo kukwe okhula khabili, ne khwamurecheshela omukabo omulayi |
يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا (32)
Enywe Abakhasi abo Murumwa, Enywe shimuli shinga yesi yesi mubakhasi tawe, ni mwenya okhuria Nyasaye, kho mula toratosia emioyo chienyu tawe, kho ulia uli nende obulwale mumwoyo kukwe aletsa yekomba tawe. Ne muboole amakhuwa amalayi |
وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ۚ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا (33)
Ne mwikhale mutsinzu tsienyu, ne mulechesia oburone bwenyu shingala bechesinja abakhasi betsinyanga tsiobusilu tawe, ne mulumilile okhulaama ne murusie eshihanwa, ne muwulile Nyasaye nende Omurumwa wuwe, Nyasaye yenya okhuba yiniakhwo eshifwolo enywe Abandu beyinzu, nende okhubatswenula muno |
وَاذْكُرْنَ مَا يُتْلَىٰ فِي بُيُوتِكُنَّ مِنْ آيَاتِ اللَّهِ وَالْحِكْمَةِ ۚ إِنَّ اللَّهَ كَانَ لَطِيفًا خَبِيرًا (34)
Ne mwitsulisie (Abandu) akasomungwa mutsinzu tsienyu mutsinyali tsia Nyasaye nende amachesi (amakhuwa komurumwa) toto Nyasaye ni Omumanyi wa makhuwa kefisile ne ni omumanyi wamakhuwa koosi |
إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا (35)
Toto abaisilamu Abasatsa nende Abaisilamu Abakhasi, nende Abasuubili Abasatsa nende Abasuubili Abakhasi, nende Abasatsa bawulilanga, nende Abakhasi bawulilanga nende Abasatsa baboolanga obwatoto, nende Abakhasi baboolanga abwatoto, nende Abasatsa besumilisinjia, nende Abakhasi besumilisinjia, nende abehotselesinjia Abasatsa nende Abakhasi behotselesinjia nende Abasatsa barusinjia eshihanwa nende Abakhasi barusinjia eshihanwa, nende Abasatsa bafunganga nende Abakhasi bafunganga, nende Abasatsa abalindanga ebiekenyi biabu, nende Abakhasi balindanga ebiekenyi biabu, nende Abasatsa barumbulanga Nyasaye muno, nende Abakhasi barumbulanga Nyasaye muno, Nyasaye yabarecheshela eshileshelo nende omurungo omukhongo |
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا (36)
Shikakhoyeshele khumusuubili Omusatsa nohomba khumuusibili Omukhasi, olwa Nyasaye nende Omurumwa wuwe nibakhamala okhubusia likhuwa,(bo)babe nende likhuwa lindi mukhubusia okho, ne ulia ulawulila Nyasaye nende Omurumwa wuwe, toto aba akorere, obukori buli habulafu |
وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَن تَخْشَاهُ ۖ فَلَمَّا قَضَىٰ زَيْدٌ مِّنْهَا وَطَرًا زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا ۚ وَكَانَ أَمْرُ اللَّهِ مَفْعُولًا (37)
Ne (betsulisie ) olwa waboolela ulia wa Nyasaye yakholela obulayi nawe wesi nomukholela obulayi, mbu: “ Tilana nende Omukhasi wuwo ne orie Nyasaye (olamulekha tawe)” Ne nofisa mushilifu shishio aka Nyasaye yenya okhurusia, ne noria amakhuwa kabandu, ne Nyasaye niye ukhoyeshele muno okhuriibwa. Kho Zaid olwa yamalana nomukhasi oyo, khwa khubashila ewe kho bulaba obutinyu khubasuubili okhuteshia abakhasi ba Abana babu bokhulela olwabalaba nibalabenya tawe, Ne lilako lia Nyasaye niliokhukholwa |
مَّا كَانَ عَلَى النَّبِيِّ مِنْ حَرَجٍ فِيمَا فَرَضَ اللَّهُ لَهُ ۖ سُنَّةَ اللَّهِ فِي الَّذِينَ خَلَوْا مِن قَبْلُ ۚ وَكَانَ أَمْرُ اللَّهِ قَدَرًا مَّقْدُورًا (38)
Obutulani bubulaho khu Murumwa okhukhola amakhuwa ka Nyasaye yamusubula, ne edio niliba lia Nyasaye khubalia boosi baranjilila khale, ne lilako lia Nyasaye ni likhuwa liamala okhubusibwa mbu liliba lirio |
الَّذِينَ يُبَلِّغُونَ رِسَالَاتِ اللَّهِ وَيَخْشَوْنَهُ وَلَا يَخْشَوْنَ أَحَدًا إِلَّا اللَّهَ ۗ وَكَفَىٰ بِاللَّهِ حَسِيبًا (39)
Balia boosinjia oburume bwa Nyasaye, nebamuritsanga, ne shibaritsanga yesiyesi tawe halali Nyasaye, ne Nyasaye niye uyela muno okhubala |
مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَٰكِن رَّسُولَ اللَّهِ وَخَاتَمَ النَّبِيِّينَ ۗ وَكَانَ اللَّهُ بِكُلِّ شَيْءٍ عَلِيمًا (40)
Mohammad shi nisamwana yesiyesi mubasatsa benyu tawe, halali ni Omurumwa wa Nyasaye ne niwokhumalilikha mubarumwa, ne Nyasaye nomumanyi wa buli eshindu |
يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا (41)
Enywe abasuubila murumbule Nyasaye okhurumbula okhunji |
وَسَبِّحُوهُ بُكْرَةً وَأَصِيلًا (42)
Ne mumwitsoomie eshilo neshitere |
هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُم مِّنَ الظُّلُمَاتِ إِلَى النُّورِ ۚ وَكَانَ بِالْمُؤْمِنِينَ رَحِيمًا (43)
Ye niye ubarereranga tsimbabaasi, nende Abamalaika bebe (babalamilanga) kho abayinie mushilima okhutsia mubulafu, na niwetsimbabaasi muno khubasubili |
تَحِيَّتُهُمْ يَوْمَ يَلْقَوْنَهُ سَلَامٌ ۚ وَأَعَدَّ لَهُمْ أَجْرًا كَرِيمًا (44)
Amashesanio kabu inyanga yakhubukanana ninaye kaliba mbu “mulembe” neyabarecheshela omurungo omulayi |
يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا (45)
Ewe Omurumwa , toto efwe khwakhuruma obe Omuloli nende Omusuubisia nende Omwikanyilisi |
وَدَاعِيًا إِلَى اللَّهِ بِإِذْنِهِ وَسِرَاجًا مُّنِيرًا (46)
Ne obe omulanji khunjila ya Nyasaye, khubuchami bubwe, nende itaa iyininjia obulafu |
وَبَشِّرِ الْمُؤْمِنِينَ بِأَنَّ لَهُم مِّنَ اللَّهِ فَضْلًا كَبِيرًا (47)
Ne subusia Abasubili mbu bali nende tsimbabaasi tsikhongo tsirulanga khu Nyasaye |
وَلَا تُطِعِ الْكَافِرِينَ وَالْمُنَافِقِينَ وَدَعْ أَذَاهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا (48)
Ne olawulila abakhayi nende abeshikhabili tawe, ne olateba amasinyisio kabu tawe, ne wisiche Nyasaye, ne Nyasaye ayela okhuba omulindi |
يَا أَيُّهَا الَّذِينَ آمَنُوا إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِن قَبْلِ أَن تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا ۖ فَمَتِّعُوهُنَّ وَسَرِّحُوهُنَّ سَرَاحًا جَمِيلًا (49)
Enywe balia basuubila, nimuteshia abakhasi abasuubili mana mubaleshe nimushili okhubatilakhwo, eda ibula khubo yamulababalila, mubahelesie shokhubasangasia ne mubaleshe okhulekhana okhulayi |
يَا أَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ مِمَّا أَفَاءَ اللَّهُ عَلَيْكَ وَبَنَاتِ عَمِّكَ وَبَنَاتِ عَمَّاتِكَ وَبَنَاتِ خَالِكَ وَبَنَاتِ خَالَاتِكَ اللَّاتِي هَاجَرْنَ مَعَكَ وَامْرَأَةً مُّؤْمِنَةً إِن وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَن يَسْتَنكِحَهَا خَالِصَةً لَّكَ مِن دُونِ الْمُؤْمِنِينَ ۗ قَدْ عَلِمْنَا مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ ۗ وَكَانَ اللَّهُ غَفُورًا رَّحِيمًا (50)
Ewe Omurumwa, khukhusubulila Abakhasi bao obawahelesia omurungo kwabu, nende balia abomukhono kukwo omulunji kwatila mubalia ba Nyasaye yakhuhelesia, nende Abakhana bomusiani wabu papa wuwo, nende Abakhana ba senje wuwo, nende Abakhana bakhotsa wuwo, nende Abakhana bo mukhana wabu mama wuwo, balia abawuuya ninawe, nende omukhasi omusuubili, niyerusia omwene eshikhaya khumurumwa, Omurumwa mwene niyenya okhumuteshia. Ochamilwa ewe butswa, shini khubasuubili bandi tawe. Toto khwamala okhubenoosilia okakhwabalachila khubakhasi babu, nende abemikhono chiabu emisatsia chiatila, kho bulaba obusiro khwiwe tawe. Ne Nyasaye ni Omulesheli muno Owetsimbabaasi po |
۞ تُرْجِي مَن تَشَاءُ مِنْهُنَّ وَتُؤْوِي إِلَيْكَ مَن تَشَاءُ ۖ وَمَنِ ابْتَغَيْتَ مِمَّنْ عَزَلْتَ فَلَا جُنَاحَ عَلَيْكَ ۚ ذَٰلِكَ أَدْنَىٰ أَن تَقَرَّ أَعْيُنُهُنَّ وَلَا يَحْزَنَّ وَيَرْضَيْنَ بِمَا آتَيْتَهُنَّ كُلُّهُنَّ ۚ وَاللَّهُ يَعْلَمُ مَا فِي قُلُوبِكُمْ ۚ وَكَانَ اللَّهُ عَلِيمًا حَلِيمًا (51)
Ositie ebuleka owawenya mubo, ne obukule owawenya. Ne niwenya ulia owawara elubeka, shinobubii khubo tawe. Okhukhola endio khwitsa okhuchila tsimoni tsiabu tsisangale, nebalabeelela tawe, ne babe nobuchami khushilia shiobahelesia, abo boosi. Ne Nyasaye amanyile kali mumioyo chienyu, ne Nyasaye ni Omumanyi(omuholo) Omwihotselefu |
لَّا يَحِلُّ لَكَ النِّسَاءُ مِن بَعْدُ وَلَا أَن تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ اللَّهُ عَلَىٰ كُلِّ شَيْءٍ رَّقِيبًا (52)
Nomalile okhuba nende (abakhaye bolinabo bano) shochamilwa (okhuteshia) abakhasi nohomba, okhubakalukhania nende abakhasi bandi kata obulayi bwabu nibukhuchamisia, halali ulia ulimumukhono kukwo omulunji. Ne Nyasaye ni Omuloli wabuli eshindu |
يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَن يُؤْذَنَ لَكُمْ إِلَىٰ طَعَامٍ غَيْرَ نَاظِرِينَ إِنَاهُ وَلَٰكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانتَشِرُوا وَلَا مُسْتَأْنِسِينَ لِحَدِيثٍ ۚ إِنَّ ذَٰلِكُمْ كَانَ يُؤْذِي النَّبِيَّ فَيَسْتَحْيِي مِنكُمْ ۖ وَاللَّهُ لَا يَسْتَحْيِي مِنَ الْحَقِّ ۚ وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ ۚ وَمَا كَانَ لَكُمْ أَن تُؤْذُوا رَسُولَ اللَّهِ وَلَا أَن تَنكِحُوا أَزْوَاجَهُ مِن بَعْدِهِ أَبَدًا ۚ إِنَّ ذَٰلِكُمْ كَانَ عِندَ اللَّهِ عَظِيمًا (53)
Enywe Abasuubili mulenjile mutsinzu tsio murumwa tawe halali okhuula shinga mufuchililwa okhutsia okhulia, eshilibwa shilalindwa okhuya tawe, halali nimulangwa injile nenimumala okhulia musalaane(mubweo) ne mulekhala okhupa tsimbakha tawe, shichila likuwa lino lisinyisinjia Omurumwa, naye abalolelanga tsisoni, ne Nyasaye shalolanga tsisoni okhuboola bwatoto tawe. Ne nimureeba (abakhaye baye) mubareebele inyuma weshikalilo (weyipasia) , okhukhola kano khwitsa okhwosia emioyo chienyu nende emioyo chiabu, ne shimukhoyeshela okhumusinyisia Omurumwa wa Nyasaye tawe. Nohomba okhuteshia Abakhasi baye ye niyakhafwa. Toto likhuwa lino ni tsimbi tsikhongo imbeli wa Nyasaye |
إِن تُبْدُوا شَيْئًا أَوْ تُخْفُوهُ فَإِنَّ اللَّهَ كَانَ بِكُلِّ شَيْءٍ عَلِيمًا (54)
Nimura habulafu shiosi shilia nohomba nimufisa toto bwene Nyasaye yamanya buli eshindu |
لَّا جُنَاحَ عَلَيْهِنَّ فِي آبَائِهِنَّ وَلَا أَبْنَائِهِنَّ وَلَا إِخْوَانِهِنَّ وَلَا أَبْنَاءِ إِخْوَانِهِنَّ وَلَا أَبْنَاءِ أَخَوَاتِهِنَّ وَلَا نِسَائِهِنَّ وَلَا مَا مَلَكَتْ أَيْمَانُهُنَّ ۗ وَاتَّقِينَ اللَّهَ ۚ إِنَّ اللَّهَ كَانَ عَلَىٰ كُلِّ شَيْءٍ شَهِيدًا (55)
Shini tsimbi khubo okhulolana nende basabwe nohomba Abana babu beshisiani, nohomba Abasiani babu, nohomba Abana babasiani babu, nohomba Abana babakhana babu nohomba Abakhasi babu, nohomba balia abemikhono chiabu emilunji chiatila, ne murie Nyasaye, toto Nyasaye ni omuloli wabuli eshindu |
إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (56)
Toto Nyasaye nende Abamalaika bebe basabilanga Omurumwa (tsimbabaasi). Enywe balia abasuubila mumusabile (Omurumwa) ne mumushesie omulembe muno |
إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُّهِينًا (57)
Toto balia basinyisinjia Nyasaye nende Omurumwa wuwe, Nyasaye abatsuba khushialo nende mwikulu ne yabarecheshela eshinyasio (shietsisoni) shokhututuya |
وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا (58)
Nebalia basinyisinjia Abasuubili Abasatsa nende Abasuubili Abakhasi, khukabalakholele tawe, toto bamala okhuchinga obuchishi obukhongo nende tsimbii tsilolekha |
يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا (59)
Ewe Omurumwa boolela Abakhasi bao nende, Abakhana bao, nende Abakhasi babasuubili, beeshie obulayi tsingubo tsiabu, okhukhola endio khulachila bamanyishe, kho balasinyisibwa tawe, ne Nyasaye ni Omulesheli muno Owetsimbabaasi |
۞ لَّئِن لَّمْ يَنتَهِ الْمُنَافِقُونَ وَالَّذِينَ فِي قُلُوبِهِم مَّرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا (60)
Ne Abeshikhabili nende balia bali nende obulwale mumioyo chiabu nende balia abasalasinjia obubii mulukongo, nibalalekha tawe, toto khwitsa okhubasasiakhwo ewe, ne shibetsa okhwikhala omo ahambi ninawe halali khubise bititi butswa |
مَّلْعُونِينَ ۖ أَيْنَمَا ثُقِفُوا أُخِذُوا وَقُتِّلُوا تَقْتِيلًا (61)
Batsubwa, wosiwosi abalolekhana batilwe mana berwe okhwirwa |
سُنَّةَ اللَّهِ فِي الَّذِينَ خَلَوْا مِن قَبْلُ ۖ وَلَن تَجِدَ لِسُنَّةِ اللَّهِ تَبْدِيلًا (62)
Liba lia Nyasaye alialiwo khubalia babura, ne sholinyoola muliba lia Nyasaye obukalukhani tawe |
يَسْأَلُكَ النَّاسُ عَنِ السَّاعَةِ ۖ قُلْ إِنَّمَا عِلْمُهَا عِندَ اللَّهِ ۚ وَمَا يُدْرِيكَ لَعَلَّ السَّاعَةَ تَكُونُ قَرِيبًا (63)
Abandu bakhurebanga okhulondokhana nende indukho, boola mbu: “ obumanyi bwayo bulikhu Nyasaye butswa, ne nishina shitsa okhumanyisia mbu indukho ili ahambi.” |
إِنَّ اللَّهَ لَعَنَ الْكَافِرِينَ وَأَعَدَّ لَهُمْ سَعِيرًا (64)
Toto Nyasaye yatsuba Abakhayi ne nabarecheshela omulilo |
خَالِدِينَ فِيهَا أَبَدًا ۖ لَّا يَجِدُونَ وَلِيًّا وَلَا نَصِيرًا (65)
Balimenyamwo tsinyanga tsiosi, neshibalinyoolamwo Omuhelwa nohomba omukhonyi tawe |
يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا (66)
Inyanga yobweni bwabu bulikalukhanibwa mumulilo baliboola mbu: “Abaane manyanga khuwulila Nyasaye, mana khuwulila Omurumwa.” |
وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا (67)
Ne baliboola mbu: “Nyasaye wefu toto efwe khwaulila Abaami befu, nende Abakhongo befu, mana abo nibakhukosia injila.” |
رَبَّنَا آتِهِمْ ضِعْفَيْنِ مِنَ الْعَذَابِ وَالْعَنْهُمْ لَعْنًا كَبِيرًا (68)
Nyasaye wefu bahelesie bano eshinyasio shimetekhe, ne obatsube eshitsubo eshikhongo |
يَا أَيُّهَا الَّذِينَ آمَنُوا لَا تَكُونُوا كَالَّذِينَ آذَوْا مُوسَىٰ فَبَرَّأَهُ اللَّهُ مِمَّا قَالُوا ۚ وَكَانَ عِندَ اللَّهِ وَجِيهًا (69)
Enywe Abasuubila mulaba shinga balia abasinyisia Musa, mana Nyasaye namutswenula khukababoola, naye yali weshiribwa imbeli wa Nyasaye |
يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا (70)
Enywe balia basuubila murie Nyasaye ne muboole amakhuwa katoto |
يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ ۗ وَمَن يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا (71)
Alabakasilia obulayi ebikhole bienyu ne alabaleshela ebionoono bienyu, ne ulia uwulila Nyasaye nende Omurumwa wuwe, toto alaba naburire okhubura okhukhonga |
إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ ۖ إِنَّهُ كَانَ ظَلُومًا جَهُولًا (72)
Toto efwe khwalolesia omalako kefu likulu nende eshialo nende tsingulu, mana nibikhaya okhukachinga nibiria, ne nikhubilolela tsimbabaasi mana Omundu nachinga. Toto ye ni omwonooni omukhongo omusilu muno |
لِّيُعَذِّبَ اللَّهُ الْمُنَافِقِينَ وَالْمُنَافِقَاتِ وَالْمُشْرِكِينَ وَالْمُشْرِكَاتِ وَيَتُوبَ اللَّهُ عَلَى الْمُؤْمِنِينَ وَالْمُؤْمِنَاتِ ۗ وَكَانَ اللَّهُ غَفُورًا رَّحِيمًا (73)
Kho Nyasaye anyoole okhuhelesia eshinyasio abeshikhabili, Abasatsa nende abeshikhabili Abakhasi, Nende abatsokaasi beshisatsa nende Abatsokaasi beshikhasi, Ne aleshele abasubili abasatsa nende abasubili abakhasi, ne toto Nyasaye ni omulesheli muno owetsimbabaasi po |
