ص ۚ وَالْقُرْآنِ ذِي الذِّكْرِ (1)
Swad. Nditsuba khu Ikurani eyili nende ametsulisio |
بَلِ الَّذِينَ كَفَرُوا فِي عِزَّةٍ وَشِقَاقٍ (2)
Halali Abakhayi bali mwikhwilola nende obuyingani |
كَمْ أَهْلَكْنَا مِن قَبْلِهِم مِّن قَرْنٍ فَنَادَوا وَّلَاتَ حِينَ مَنَاصٍ (3)
Ni emikanda chinga chiakhwasishia imbeli wabu niboopa obuyoka , ne ebise biokhuwonibwa biali biburire |
وَعَجِبُوا أَن جَاءَهُم مُّنذِرٌ مِّنْهُمْ ۖ وَقَالَ الْكَافِرُونَ هَٰذَا سَاحِرٌ كَذَّابٌ (4)
Ne bawuka mbu Omwikanyilisi okhurula mubo okhubetsela , mana nibaboola mbu: “uno ni Omulosi Omubeyi.” |
أَجَعَلَ الْآلِهَةَ إِلَٰهًا وَاحِدًا ۖ إِنَّ هَٰذَا لَشَيْءٌ عُجَابٌ (5)
Eh! akholele Abanyasaye okhuba Nyasaye mulala yenyene! Toto kano ni amakhuwa khokhuchenyia |
وَانطَلَقَ الْمَلَأُ مِنْهُمْ أَنِ امْشُوا وَاصْبِرُوا عَلَىٰ آلِهَتِكُمْ ۖ إِنَّ هَٰذَا لَشَيْءٌ يُرَادُ (6)
Mana Abakhongo babu nibarula nibababoolela mbu: “mutsie mana mutinyesa Khubanyasaye benyu, toto endio nilwakenyekhana.” |
مَا سَمِعْنَا بِهَٰذَا فِي الْمِلَّةِ الْآخِرَةِ إِنْ هَٰذَا إِلَّا اخْتِلَاقٌ (7)
Efwe shikhwawulilakhwo kano mushima shiefu shiokhumalilikha tawe, ne kano shineshindu tawe halali ni obuchishi butswa |
أَأُنزِلَ عَلَيْهِ الذِّكْرُ مِن بَيْنِنَا ۚ بَلْ هُمْ فِي شَكٍّ مِّن ذِكْرِي ۖ بَل لَّمَّا يَذُوقُوا عَذَابِ (8)
Mbu niye butswa weshilibwa amekanyilisio mwifwe. Halali abo bali nende eshibeyibeyi khu amekanyilisio kanje, ne mana bashili okhupila eshinyasio shianje |
أَمْ عِندَهُمْ خَزَائِنُ رَحْمَةِ رَبِّكَ الْعَزِيزِ الْوَهَّابِ (9)
Nohomba bali nende ebiachi bietsimbabaasi tsia Nyasaye wuwo Omulesi, Owa amani Khakaba |
أَمْ لَهُم مُّلْكُ السَّمَاوَاتِ وَالْأَرْضِ وَمَا بَيْنَهُمَا ۖ فَلْيَرْتَقُوا فِي الْأَسْبَابِ (10)
Nohomba bo bali nende obwami bwomwikulu nende khushialo nende ebili hakari wabio? Khomana banine tsinjila tsiokhutsia eyo |
جُندٌ مَّا هُنَالِكَ مَهْزُومٌ مِّنَ الْأَحْزَابِ (11)
Oko niko omukanda kwabalwani kulishilwa mumikanda chilia chilishilwa |
كَذَّبَتْ قَبْلَهُمْ قَوْمُ نُوحٍ وَعَادٌ وَفِرْعَوْنُ ذُو الْأَوْتَادِ (12)
Bayingana inyuma wabu Abandu ba Nuhu, nende babu A’di nende Firaun owali nende ebiumbashe |
وَثَمُودُ وَقَوْمُ لُوطٍ وَأَصْحَابُ الْأَيْكَةِ ۚ أُولَٰئِكَ الْأَحْزَابُ (13)
Nende Thamud nende Abandu ba Luti nende Abandu bomumutsuru. Echo nichio emikanda |
إِن كُلٌّ إِلَّا كَذَّبَ الرُّسُلَ فَحَقَّ عِقَابِ (14)
Abo boosi bayingasia Abarumwa mana nibakhoyeshela eshinyasio |
وَمَا يَنظُرُ هَٰؤُلَاءِ إِلَّا صَيْحَةً وَاحِدَةً مَّا لَهَا مِن فَوَاقٍ (15)
Ne bano shiabalindangasa ni oluyoka lulala butswa olulali ehale tawe |
وَقَالُوا رَبَّنَا عَجِّل لَّنَا قِطَّنَا قَبْلَ يَوْمِ الْحِسَابِ (16)
Nabo baboolanga mbu: “Nyasaye wefu Omulesi khurerere eshinyasio shiefu inyanga yeyindukho nishili okhuula.” |
اصْبِرْ عَلَىٰ مَا يَقُولُونَ وَاذْكُرْ عَبْدَنَا دَاوُودَ ذَا الْأَيْدِ ۖ إِنَّهُ أَوَّابٌ (17)
Wisumilisie khukababoolanga ako, ne witsulile Omusumba wefu Daudi Owa amani. Toto ye yali omunji wokhusaba eshileshelo |
إِنَّا سَخَّرْنَا الْجِبَالَ مَعَهُ يُسَبِّحْنَ بِالْعَشِيِّ وَالْإِشْرَاقِ (18)
Netoto khwahotselesia ebikulu halala ninaye nibitsoomia ingolobe nende mumabwibwi halala ninaye |
وَالطَّيْرَ مَحْشُورَةً ۖ كُلٌّ لَّهُ أَوَّابٌ (19)
Ne kata amayoni kakhung’asibwa emikanda nemikanda, koosi kali amehotselefu khuye |
وَشَدَدْنَا مُلْكَهُ وَآتَيْنَاهُ الْحِكْمَةَ وَفَصْلَ الْخِطَابِ (20)
Ne nikhumeta amani obwami bubwe, ne nikhumuwa amachesi nende obumanyi bwokhubusia omuse |
۞ وَهَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ (21)
Ne koo wawulikhwo olukano lwabasoolani olwa bekalilwa okhwinjila munzu |
إِذْ دَخَلُوا عَلَىٰ دَاوُودَ فَفَزِعَ مِنْهُمْ ۖ قَالُوا لَا تَخَفْ ۖ خَصْمَانِ بَغَىٰ بَعْضُنَا عَلَىٰ بَعْضٍ فَاحْكُم بَيْنَنَا بِالْحَقِّ وَلَا تُشْطِطْ وَاهْدِنَا إِلَىٰ سَوَاءِ الصِّرَاطِ (22)
Olwa benjila wa Daudi , naye nabaria, nibaboola mbu: “olaria tawe, efwe khuli abasoolani babili, mulala wefu akosele owashie, mana okhukabukhasie khubwatoto , ne olakwila elubeka tawe, ne okhulunjisie khunjila yo bwatoto |
إِنَّ هَٰذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ (23)
Toto uno ni Omusiani wefu, ali nende amakondi amakhasi amakhumi tisa nende tisa, nasi endisa nende likondi lilalasa lieshikhasi, mana aboolanga mbu :“mbelesie elilio elo ekhuruchile” (nasi shindenya tawe) ne yashilile khumakhuwa |
قَالَ لَقَدْ ظَلَمَكَ بِسُؤَالِ نَعْجَتِكَ إِلَىٰ نِعَاجِهِ ۖ وَإِنَّ كَثِيرًا مِّنَ الْخُلَطَاءِ لَيَبْغِي بَعْضُهُمْ عَلَىٰ بَعْضٍ إِلَّا الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَّا هُمْ ۗ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ ۩ (24)
Toto ye akholele obubii okhusaba likondi lilio okhumeta khukeke, netoto abeyisanga abanji bakholelanga obubii khubeene, halali balia basuubila mana nibakhola amalayi nenibatiti mubo. Mana Daudi nalola mbu khumukholeele amatemo, nasaba eshileshelo khu Nyasaye wuwe, mana nakwa hasi okhwihotselesia khu Nyasaye wuwe nende okhumukalushila |
فَغَفَرْنَا لَهُ ذَٰلِكَ ۖ وَإِنَّ لَهُ عِندَنَا لَزُلْفَىٰ وَحُسْنَ مَآبٍ (25)
Mana nikhumuleshela ako, netoto ye alinende eshisaala eshikhongo nende habundu halayi alikalukha khwifwe |
يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُم بَيْنَ النَّاسِ بِالْحَقِّ وَلَا تَتَّبِعِ الْهَوَىٰ فَيُضِلَّكَ عَن سَبِيلِ اللَّهِ ۚ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ (26)
Ewe Daudi toto efwe khwakhukhola okhuba omulindi wefu khushialo, kho khalaka emise chia Abandu khubwatoto ne olalonda obwikombi bwomwoyo bwakhukosia khunjila ya Nyasaye , toto balia balekha injila ya Nyasaye abo balinyoola eshinyasio eshilulu khulwa okhubula oluchendo khwabu muyinyanga yokhubalilwa |
وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا بَاطِلًا ۚ ذَٰلِكَ ظَنُّ الَّذِينَ كَفَرُوا ۚ فَوَيْلٌ لِّلَّذِينَ كَفَرُوا مِنَ النَّارِ (27)
Ne shiwalonga likulu nende eshialo nende ebili hakari wabio eshikhaya tawe. Ako ni amaparo kabakhayi. Bali nende eshinyasio eshilulu Abakhayi abo mumulilo kubalinyoola |
أَمْ نَجْعَلُ الَّذِينَ آمَنُوا وَعَمِلُوا الصَّالِحَاتِ كَالْمُفْسِدِينَ فِي الْأَرْضِ أَمْ نَجْعَلُ الْمُتَّقِينَ كَالْفُجَّارِ (28)
Nohomba khukhole balia basubila babe shinga balia bakholanga amabii khushialo, nohomba khukhole abaria Nyasaye shinga abetsimbii |
كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ (29)
Eshitabu shino shakhwakhwishilia ewe shilimwo tsimbabaasi tsinyinji, kho banyoole okhupaara mutsinyaali tsiashio, ne bobwoongo banyoole okhuwulila |
وَوَهَبْنَا لِدَاوُودَ سُلَيْمَانَ ۚ نِعْمَ الْعَبْدُ ۖ إِنَّهُ أَوَّابٌ (30)
Ne khwahelesia Dawudi Suleiman yali Omusumba omulayi muno, toto ye yali omunji wokhukalushila Nyasaye |
إِذْ عُرِضَ عَلَيْهِ بِالْعَشِيِّ الصَّافِنَاتُ الْجِيَادُ (31)
Olwa yarumilwa ingolobe tsifarasi tsiwulelanga nitsiemele, tsinyangu okhutsunukha |
فَقَالَ إِنِّي أَحْبَبْتُ حُبَّ الْخَيْرِ عَن ذِكْرِ رَبِّي حَتَّىٰ تَوَارَتْ بِالْحِجَابِ (32)
Mana naboola mbu : “esie ndachama ebindu ebilayi khulwa okhwitsulila Nyasaye wanje, mana (tsifarasi etso) nitsifisa inyuma weshikalilo. (Suleiman niyenya mbu atsilole khandi) |
رُدُّوهَا عَلَيَّ ۖ فَطَفِقَ مَسْحًا بِالسُّوقِ وَالْأَعْنَاقِ (33)
Mutsikalusie khwisie , mana nachaka okhutsitilakhwo mwikosi nende khubilenje |
وَلَقَدْ فَتَنَّا سُلَيْمَانَ وَأَلْقَيْنَا عَلَىٰ كُرْسِيِّهِ جَسَدًا ثُمَّ أَنَابَ (34)
Mana nikhura Suleiman mumatemo, nenikhura omubili khushisaala shishie, mana nakalukha okhusaba eshileshelo |
قَالَ رَبِّ اغْفِرْ لِي وَهَبْ لِي مُلْكًا لَّا يَنبَغِي لِأَحَدٍ مِّن بَعْدِي ۖ إِنَّكَ أَنتَ الْوَهَّابُ (35)
Naboola mbu: “Nyasaye wanje undeshele ne umbelesie obwaami bwo mundu wundi alalinyoola inyuma wanje tawe, toto ewe newe Omuwani.’’ |
فَسَخَّرْنَا لَهُ الرِّيحَ تَجْرِي بِأَمْرِهِ رُخَاءً حَيْثُ أَصَابَ (36)
Mana nikhukhola omuyeka okhumurumushila, kwachendanga khumunwa kukwe, hosi hosi ayenya okhuula |
وَالشَّيَاطِينَ كُلَّ بَنَّاءٍ وَغَوَّاصٍ (37)
Mana nikhukhola amashetani okhumurumushila, koosi kombakhanga nende keyibilanga |
وَآخَرِينَ مُقَرَّنِينَ فِي الْأَصْفَادِ (38)
Nende abaandi boboyungwa khuminyororo |
هَٰذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ (39)
Shino ni eshihanwa shiefu, kho mana rusia nohomba shitiile, shibula eshichelo |
وَإِنَّ لَهُ عِندَنَا لَزُلْفَىٰ وَحُسْنَ مَآبٍ (40)
Ne toto ye ali nende oluyali okhwinjisibwa ewefu, nende habundu halayi muno wokhukalukha |
وَاذْكُرْ عَبْدَنَا أَيُّوبَ إِذْ نَادَىٰ رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ (41)
Ne yitsulila Omusumba wefu Ayub, olwa yalanga Nyasaye wuwe mbu: “ toto esie shetani yanderere obusinyifu nende obusandi.” |
ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ (42)
Nyasaye namuboolela mbu : “sieba hasi eshilenje shishio (isebele nirundukha hasi awo) kho amatsi amanyifu ko khwisinga wisinje ngako, nende kokhunywa onywe.” |
وَوَهَبْنَا لَهُ أَهْلَهُ وَمِثْلَهُم مَّعَهُمْ رَحْمَةً مِّنَّا وَذِكْرَىٰ لِأُولِي الْأَلْبَابِ (43)
Mana nikhumuhelesia Abandu bebe nende abandi shinga abo, nende tsimbabaasi tsirula khwifwe, nende eshitsulisio khubaandu bobwongo |
وَخُذْ بِيَدِكَ ضِغْثًا فَاضْرِب بِّهِ وَلَا تَحْنَثْ ۗ إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّابٌ (44)
Ne bukula mumukhono kukwo olusaala , omukhupile (omukhaye wuwo khulwokhwitsuba khwa wetsuba- khumabii kayakhola) ne olafunaka eshitsubo tawe. Toto kwamunyoola nali Omwifwiili Omusumba Omulayi, toto yali Omwisumilisi muno |
وَاذْكُرْ عِبَادَنَا إِبْرَاهِيمَ وَإِسْحَاقَ وَيَعْقُوبَ أُولِي الْأَيْدِي وَالْأَبْصَارِ (45)
Ne yitsulila Omusumba wefu Ibrahim nende Is’haaq nende Yaqub bali ba amaani nende amachesi |
إِنَّا أَخْلَصْنَاهُم بِخَالِصَةٍ ذِكْرَى الدَّارِ (46)
Toto efwe khwabalobola khulikhuwa lilayi muno liokhwitsulila mwikulu |
وَإِنَّهُمْ عِندَنَا لَمِنَ الْمُصْطَفَيْنَ الْأَخْيَارِ (47)
Ne toto abo bali khwifwe Mubandu abalobole abalayi |
وَاذْكُرْ إِسْمَاعِيلَ وَالْيَسَعَ وَذَا الْكِفْلِ ۖ وَكُلٌّ مِّنَ الْأَخْيَارِ (48)
Ne yitsulila Ismail nende Alyasa nende dhil kifli ne abo boosi bali Mubandu abalayi |
هَٰذَا ذِكْرٌ ۚ وَإِنَّ لِلْمُتَّقِينَ لَحُسْنَ مَآبٍ (49)
Kano ni ametsulisio ne toto bwene balia baria Nyasaye habundu wabu wokhukalukha aliba alayi muno |
جَنَّاتِ عَدْنٍ مُّفَتَّحَةً لَّهُمُ الْأَبْوَابُ (50)
Emikunda chomwikulu echilaliwa, chilikulwa emiliango shichila bo |
مُتَّكِئِينَ فِيهَا يَدْعُونَ فِيهَا بِفَاكِهَةٍ كَثِيرَةٍ وَشَرَابٍ (51)
Omo baliyiekhamwo nibalaanga ebiamo ebinji nende ebinywebwa ebilayi po |
۞ وَعِندَهُمْ قَاصِرَاتُ الطَّرْفِ أَتْرَابٌ (52)
Ne baliba nabakhaye babu abasangasia tsimoni , abolubaka lulala |
هَٰذَا مَا تُوعَدُونَ لِيَوْمِ الْحِسَابِ (53)
Kano niko kamwalakwa [okhunyoola] inyanga yokhubalwa |
إِنَّ هَٰذَا لَرِزْقُنَا مَا لَهُ مِن نَّفَادٍ (54)
Toto kuno niko umukabo kwefu okulawetsaanga tawe |
هَٰذَا ۚ وَإِنَّ لِلطَّاغِينَ لَشَرَّ مَآبٍ (55)
Endio nilwakaliba netoto balia baruumanga olwakho amakalushilo kabu kaliba amabii |
جَهَنَّمَ يَصْلَوْنَهَا فَبِئْسَ الْمِهَادُ (56)
Jahannam balinjilamwo, nabo ni obukono obubii muno bwakhukonakhwo |
هَٰذَا فَلْيَذُوقُوهُ حَمِيمٌ وَغَسَّاقٌ (57)
Endio nilwakaliba mana banywemwo amatsi komulilo nende kamafila |
وَآخَرُ مِن شَكْلِهِ أَزْوَاجٌ (58)
Nende ebinyasio bindi ngabino ebinji |
هَٰذَا فَوْجٌ مُّقْتَحِمٌ مَّعَكُمْ ۖ لَا مَرْحَبًا بِهِمْ ۚ إِنَّهُمْ صَالُو النَّارِ (59)
Kuno niko omukanda kulinjila halala ninanyu, balibula okhwinjisibwa obulayi, toto abo balinjila mumulilo |
قَالُوا بَلْ أَنتُمْ لَا مَرْحَبًا بِكُمْ ۖ أَنتُمْ قَدَّمْتُمُوهُ لَنَا ۖ فَبِئْسَ الْقَرَارُ (60)
Baliboola mbu : “enywe nenywe mubula amwinjila halayi, nenywe mwachila nikhunyoola eshinyasio, kho muli Abandu ababii muno.” |
قَالُوا رَبَّنَا مَن قَدَّمَ لَنَا هَٰذَا فَزِدْهُ عَذَابًا ضِعْفًا فِي النَّارِ (61)
Baliboola mbu: “ Nyasaye wefu balia bachila nikhunyoola kano bameete eshinyasio mara khabili mumulilo. “ |
وَقَالُوا مَا لَنَا لَا نَرَىٰ رِجَالًا كُنَّا نَعُدُّهُم مِّنَ الْأَشْرَارِ (62)
Mana ababii balia balireeba mbu: “kabeele karie akhulalolanga Abandu bakhwabalilanga mubabii mumulilo kuno?” |
أَتَّخَذْنَاهُمْ سِخْرِيًّا أَمْ زَاغَتْ عَنْهُمُ الْأَبْصَارُ (63)
Koo khwababayila nohomba tsimoni tsiefu nitsilalolanga |
إِنَّ ذَٰلِكَ لَحَقٌّ تَخَاصُمُ أَهْلِ النَّارِ (64)
Toto kano okhusolana khuno khwa Abandu bomumuliro nitoto |
قُلْ إِنَّمَا أَنَا مُنذِرٌ ۖ وَمَا مِنْ إِلَٰهٍ إِلَّا اللَّهُ الْوَاحِدُ الْقَهَّارُ (65)
Boola mbu: “esie endisa Omwikanyilisi, ne abulaho Nyasaye wundi owulali Nyasaye mulala Owamani muno. ” |
رَبُّ السَّمَاوَاتِ وَالْأَرْضِ وَمَا بَيْنَهُمَا الْعَزِيزُ الْغَفَّارُ (66)
Nyasaye welikulu nende eshialo nende bili hakari wabio Owamaani muno, Omunji weshileshelo |
قُلْ هُوَ نَبَأٌ عَظِيمٌ (67)
Boola kano ni amacheni amakhongo muno aka enywe mukhayanga |
أَنتُمْ عَنْهُ مُعْرِضُونَ (68)
Ka enywe mubula ninako oluchendo. [enywe nanyu mukakhayanga] |
مَا كَانَ لِيَ مِنْ عِلْمٍ بِالْمَلَإِ الْأَعْلَىٰ إِذْ يَخْتَصِمُونَ (69)
Shindali nende obumanyi kebilonje ebikhongo bioluyali olwabiayingananga |
إِن يُوحَىٰ إِلَيَّ إِلَّا أَنَّمَا أَنَا نَذِيرٌ مُّبِينٌ (70)
Ndahebwa obufimbuli shichila esie endi Omwikanyilisi Owabulafu |
إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِّن طِينٍ (71)
Olwa Nyasaye wuwo yaboolela Abamalaika mbu: “esie enonjele Omundu okhurula khuliloba.” |
فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ (72)
Kho olwandalamukasia mana emufuramwo omwoyo okhurulana ninasi kho mumwinamile khukhumuwulila |
فَسَجَدَ الْمَلَائِكَةُ كُلُّهُمْ أَجْمَعُونَ (73)
Abamalaika boosi nibeenama- halala |
إِلَّا إِبْلِيسَ اسْتَكْبَرَ وَكَانَ مِنَ الْكَافِرِينَ (74)
Halali Iblisi yaba Omufuru mana naba mubakhayi |
قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ ۖ أَسْتَكْبَرْتَ أَمْ كُنتَ مِنَ الْعَالِينَ (75)
Nyasaye namureeba mbu ; “Ewe Iblis shina shikhukayiile okhwinamila khushienonjele nende emikhono chianje, ofurire nohomba oli mubakhongo?” |
قَالَ أَنَا خَيْرٌ مِّنْهُ ۖ خَلَقْتَنِي مِن نَّارٍ وَخَلَقْتَهُ مِن طِينٍ (76)
Shetani naboola ‘Esie endi omulayi okhumushila ye, waloonga esie okhurulana khu muliro naye nomulonga okhurula khuliloba.” |
قَالَ فَاخْرُجْ مِنْهَا فَإِنَّكَ رَجِيمٌ (77)
Nyasaye namuboolela mbu: “’mana rula muno ewe oli neshitsubo.” |
وَإِنَّ عَلَيْكَ لَعْنَتِي إِلَىٰ يَوْمِ الدِّينِ (78)
Ne eshitsubo shianje shikhulikhwo okhula inyanga yomurungo |
قَالَ رَبِّ فَأَنظِرْنِي إِلَىٰ يَوْمِ يُبْعَثُونَ (79)
Iblis naboola: ‘Nyasaye wanje mbelesie obwiyangu ndalafwa tawe okhula inyanga yokhulamusibwa mubafu |
قَالَ فَإِنَّكَ مِنَ الْمُنظَرِينَ (80)
Nyasaye namuboolela; ‘‘mana ekhuhelesiyie obwiyangu.’’ |
إِلَىٰ يَوْمِ الْوَقْتِ الْمَعْلُومِ (81)
Okhula khubise bieyinyanga imanyishe |
قَالَ فَبِعِزَّتِكَ لَأُغْوِيَنَّهُمْ أَجْمَعِينَ (82)
Iblis naboola mbu: ‘‘nditsuba khumaani koko toto nditsa okhukosia boosi [Abana ba Adam]” |
إِلَّا عِبَادَكَ مِنْهُمُ الْمُخْلَصِينَ (83)
Halali Abasumba bobo abatswenufu mubo |
قَالَ فَالْحَقُّ وَالْحَقَّ أَقُولُ (84)
Nyasaye naboola mbu “Toto, ne emboola obwatoto |
لَأَمْلَأَنَّ جَهَنَّمَ مِنكَ وَمِمَّن تَبِعَكَ مِنْهُمْ أَجْمَعِينَ (85)
Ndiliitsusia Jahanam khu ewe nende balia boosi balikhuloonda mubo.” |
قُلْ مَا أَسْأَلُكُمْ عَلَيْهِ مِنْ أَجْرٍ وَمَا أَنَا مِنَ الْمُتَكَلِّفِينَ (86)
Boola mbu “ esie shebareba omurungo kwosikwosi tawe nohomba esie shendi omunichilisia tawe |
إِنْ هُوَ إِلَّا ذِكْرٌ لِّلْعَالَمِينَ (87)
Kano ni ametsulisio butswa Khubandu |
وَلَتَعْلَمُنَّ نَبَأَهُ بَعْدَ حِينٍ (88)
Ne toto mulamanya amacheni kaye ahambi hano |
