إِذَا وَقَعَتِ الْوَاقِعَةُ (1)
Olwe eshikhole shilikholekha (olweyindukho iliula) |
لَيْسَ لِوَقْعَتِهَا كَاذِبَةٌ (2)
Abulaho uliyingasia okhwikholekha khwashio |
خَافِضَةٌ رَّافِعَةٌ (3)
Shishinjia shinininjia |
إِذَا رُجَّتِ الْأَرْضُ رَجًّا (4)
Olwe eshialo shilirenjibwa obutinyu |
وَبُسَّتِ الْجِبَالُ بَسًّا (5)
Ne olwetsingulu tsilisiebwa busiebwa |
فَكَانَتْ هَبَاءً مُّنبَثًّا (6)
Tsiabashinga olufu lutumukha |
وَكُنتُمْ أَزْوَاجًا ثَلَاثَةً (7)
Nanyu muliba tsimbia tsitaru |
فَأَصْحَابُ الْمَيْمَنَةِ مَا أَصْحَابُ الْمَيْمَنَةِ (8)
Abandu bomukhono omulunji, koo ni babu wina abo Abandu bomukhono omulunji |
وَأَصْحَابُ الْمَشْأَمَةِ مَا أَصْحَابُ الْمَشْأَمَةِ (9)
Ne Abandu bomukhono omukaata, koo nibabu wina abo bomukhono omukaata |
وَالسَّابِقُونَ السَّابِقُونَ (10)
Ne beyimbeli baliba imbeli |
أُولَٰئِكَ الْمُقَرَّبُونَ (11)
Abo nibo balibukanilwa |
فِي جَنَّاتِ النَّعِيمِ (12)
Mumikunda chiomwikulu chobwokholo |
ثُلَّةٌ مِّنَ الْأَوَّلِينَ (13)
Omukabo omukhongo khubaali imbeli |
وَقَلِيلٌ مِّنَ الْآخِرِينَ (14)
Nende mutiti khubeyinyuma |
عَلَىٰ سُرُرٍ مَّوْضُونَةٍ (15)
Baliba khubifumbi biaronwa |
مُّتَّكِئِينَ عَلَيْهَا مُتَقَابِلِينَ (16)
Baliyiekhakhwo nibalolana |
يَطُوفُ عَلَيْهِمْ وِلْدَانٌ مُّخَلَّدُونَ (17)
Balikhalabanilwa nende Abasiani bolusoolili lulawa tawe |
بِأَكْوَابٍ وَأَبَارِيقَ وَكَأْسٍ مِّن مَّعِينٍ (18)
Nibachinjile bikombe nende tsibinika nende tsigilasi, tsilimwo ebinywebwa okhurula musebele ingwalafu |
لَّا يُصَدَّعُونَ عَنْهَا وَلَا يُنزِفُونَ (19)
Shibilibatsunia omurwe nohomba shibilibamesia tawe |
وَفَاكِهَةٍ مِّمَّا يَتَخَيَّرُونَ (20)
Nende ebiamo biabayanza |
وَلَحْمِ طَيْرٍ مِّمَّا يَشْتَهُونَ (21)
Nende inyama yeliyoni shingala bekombanga |
وَحُورٌ عِينٌ (22)
Nende Abakhana bomwikulu |
كَأَمْثَالِ اللُّؤْلُؤِ الْمَكْنُونِ (23)
Bali shinga ebisole bialiindwa |
جَزَاءً بِمَا كَانُوا يَعْمَلُونَ (24)
Omurungo khukabakholanga |
لَا يَسْمَعُونَ فِيهَا لَغْوًا وَلَا تَأْثِيمًا (25)
Shibaliwulilamwo keshifwabi nohomba ketsimbi tawe |
إِلَّا قِيلًا سَلَامًا سَلَامًا (26)
Halali amakhuwa komulembe konyene |
وَأَصْحَابُ الْيَمِينِ مَا أَصْحَابُ الْيَمِينِ (27)
Ne Abandu bomukhono musatsa , nishina shilinyoola Abandu bomukhono musatsa |
فِي سِدْرٍ مَّخْضُودٍ (28)
Baliba khumisaala chibulaho amawa |
وَطَلْحٍ مَّنضُودٍ (29)
Nende ebikoko biloondane |
وَظِلٍّ مَّمْدُودٍ (30)
Nende eshinikha eshikhongo |
وَمَاءٍ مَّسْكُوبٍ (31)
Nende amaatsi kakhulukusia |
وَفَاكِهَةٍ كَثِيرَةٍ (32)
Nende ebiamo ebinji |
لَّا مَقْطُوعَةٍ وَلَا مَمْنُوعَةٍ (33)
Shibiwetsanga nohomba shibikalilungwa tawe |
وَفُرُشٍ مَّرْفُوعَةٍ (34)
Nende obulili bwachingulwa |
إِنَّا أَنشَأْنَاهُنَّ إِنشَاءً (35)
Toto efwe khulibaloonga abakhana bomwikulu (hurul ain) obuyia |
فَجَعَلْنَاهُنَّ أَبْكَارًا (36)
Mana khulibakhola abashisila |
عُرُبًا أَتْرَابًا (37)
Bachamana nende Abasatsa babu abayelana ninabo |
لِّأَصْحَابِ الْيَمِينِ (38)
Khulwa Abandu bomukhono musatsa |
ثُلَّةٌ مِّنَ الْأَوَّلِينَ (39)
Omukabo omukhongo khubaali imbeli |
وَثُلَّةٌ مِّنَ الْآخِرِينَ (40)
Ne omukabo omukhongo khubaali inyuma |
وَأَصْحَابُ الشِّمَالِ مَا أَصْحَابُ الشِّمَالِ (41)
Abandu bomukhono mukhasi , koo ni shina shilinyoola Abandu bomukhono mukhasi |
فِي سَمُومٍ وَحَمِيمٍ (42)
Baliba mumuyeka kwomulilo nende amatsi kayia pia |
وَظِلٍّ مِّن يَحْمُومٍ (43)
Nende eshinikha shiomwosi omumali ti |
لَّا بَارِدٍ وَلَا كَرِيمٍ (44)
Shishili shiokhunyoolamwo obunyifu nohombo obwihotselefu tawe |
إِنَّهُمْ كَانُوا قَبْلَ ذَٰلِكَ مُتْرَفِينَ (45)
Toto abo bali khale awo bamenyanga shinga benya |
وَكَانُوا يُصِرُّونَ عَلَى الْحِنثِ الْعَظِيمِ (46)
Ne baali nibakhaila khubionoono ebikhongo |
وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ (47)
Ne baboolanga mbu nikhumala khwafwa mana nikhuba liloba nende ebikumba, mbu toto efwe khulilamusibwa |
أَوَآبَاؤُنَا الْأَوَّلُونَ (48)
Nohomba bapapa befu bakhale |
قُلْ إِنَّ الْأَوَّلِينَ وَالْآخِرِينَ (49)
Boola mbu: “balia abeyimbeli nende inyuma” |
لَمَجْمُوعُونَ إِلَىٰ مِيقَاتِ يَوْمٍ مَّعْلُومٍ (50)
“Toto balilamusibwa khubise bieyinyanga yarechekhwa.” |
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ (51)
Mana toto enywe abakori abakhayi |
لَآكِلُونَ مِن شَجَرٍ مِّن زَقُّومٍ (52)
Mulilia toto omusala kwa zaqoom |
فَمَالِئُونَ مِنْهَا الْبُطُونَ (53)
Mulikwitsusia mutsinda tsienyu |
فَشَارِبُونَ عَلَيْهِ مِنَ الْحَمِيمِ (54)
Ne mana mulinywa amaatsi kayile pia |
فَشَارِبُونَ شُرْبَ الْهِيمِ (55)
Nemulikanywa shinga ingamia inywetsanga nili nende obuloo |
هَٰذَا نُزُلُهُمْ يَوْمَ الدِّينِ (56)
Ino niyo isambo yabu inyanga yomurungo |
نَحْنُ خَلَقْنَاكُمْ فَلَوْلَا تُصَدِّقُونَ (57)
Efwe khwabaloonga enywe shichilanga shina nimulasuubila |
أَفَرَأَيْتُم مَّا تُمْنُونَ (58)
Koo mulolangakhwo amatsi kolwibulo kamwitikhanga |
أَأَنتُمْ تَخْلُقُونَهُ أَمْ نَحْنُ الْخَالِقُونَ (59)
Koo nenywe mukaloonganga nohomba nefwe abaloonji |
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ (60)
Efwe khwabarecheshela lifwa nafu shikhushilungwa tawe |
عَلَىٰ أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ (61)
Okhukalukhania abaandi balali enywe ne khubalonje enywe ebindi biamulamanyile tawe |
وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ (62)
Netoto mwamala okhumanya okhulongwa khwa ambeli, neshina shichilanga nimuletsulilaanga |
أَفَرَأَيْتُم مَّا تَحْرُثُونَ (63)
Ne mulolangakhwo emimela chiamuraakanga |
أَأَنتُمْ تَزْرَعُونَهُ أَمْ نَحْنُ الزَّارِعُونَ (64)
Nenywe muchimesinjia nohomba nefwe khuchimesinjia |
لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ (65)
Ne nikhwenya nikhuchikhola chiakhaya okhurakhwo shiosi shiosi, mwatong’a nimung’ang’alile |
إِنَّا لَمُغْرَمُونَ (66)
Nimuboola mbu toto efwe khusishile |
بَلْ نَحْنُ مَحْرُومُونَ (67)
Halali efwe khwimilwe |
أَفَرَأَيْتُمُ الْمَاءَ الَّذِي تَشْرَبُونَ (68)
Koo mulolangakhwo amaatsi kamunywetsanga |
أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ (69)
Ni enywe mukeshinjia okhurula mumaleesi nohomba nefwe bakeshiinjia |
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ (70)
Nikhwenya nikhukakhola keyichumvi , ne shina shichilanga nimuloopa orio |
أَفَرَأَيْتُمُ النَّارَ الَّتِي تُورُونَ (71)
Mulolangakhwo omulilo kwamwashinjia |
أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِئُونَ (72)
Nenywe mwaloonga omusaala kwakwo nohomba nefwe baloonga |
نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ (73)
Efwe khwakukhola okhuba eshitsulisio nende kwokhukhoonya balia bali mushitsimi |
فَسَبِّحْ بِاسْمِ رَبِّكَ الْعَظِيمِ (74)
Ne witsoomie elira lia Nyasaye wuwo omukhongo |
۞ فَلَا أُقْسِمُ بِمَوَاقِعِ النُّجُومِ (75)
Netoto nditsuba khubise bietsing’ining’ini tsikwitsanga |
وَإِنَّهُ لَقَسَمٌ لَّوْ تَعْلَمُونَ عَظِيمٌ (76)
Ne toto shino neshitsubo eshikhongo, mumanyangakhwo toto |
إِنَّهُ لَقُرْآنٌ كَرِيمٌ (77)
Toto eyo ni Ikurani yoluyali |
فِي كِتَابٍ مَّكْنُونٍ (78)
Mushitabu shialindwa |
لَّا يَمَسُّهُ إِلَّا الْمُطَهَّرُونَ (79)
Shashitilangakhwo halali ulia Omutswenufu |
تَنزِيلٌ مِّن رَّبِّ الْعَالَمِينَ (80)
Sheshibwa okhurula khu Nyasaye Omulesi webiloonje bioosi |
أَفَبِهَٰذَا الْحَدِيثِ أَنتُم مُّدْهِنُونَ (81)
Ne kano namakhuwa kamulekanga |
وَتَجْعَلُونَ رِزْقَكُمْ أَنَّكُمْ تُكَذِّبُونَ (82)
Amwakhopele orio khumukabo kwenyu (kwa abahele) nanyu mwikhola mbu muyingana |
فَلَوْلَا إِذَا بَلَغَتِ الْحُلْقُومَ (83)
Kaliba karie olwa omwoyo kuliuula khulukamukamu? (Mwiporokotio) |
وَأَنتُمْ حِينَئِذٍ تَنظُرُونَ (84)
Ne enywe ebise ebo muhenganga |
وَنَحْنُ أَقْرَبُ إِلَيْهِ مِنكُمْ وَلَٰكِن لَّا تُبْصِرُونَ (85)
Ne efwe khuli ahambi muno ninanyu , nanyu shimukhulolanga tawe |
فَلَوْلَا إِن كُنتُمْ غَيْرَ مَدِينِينَ (86)
Ne enywe mukhaya okhuba mubunyali bwanje |
تَرْجِعُونَهَا إِن كُنتُمْ صَادِقِينَ (87)
mbu shina nimulakalusia omwoyo oko nikali mbu muboolanga obwatoto |
فَأَمَّا إِن كَانَ مِنَ الْمُقَرَّبِينَ (88)
Ne naliba mubalibukanilwa |
فَرَوْحٌ وَرَيْحَانٌ وَجَنَّتُ نَعِيمٍ (89)
Kuliba omwikhoyo nende eshing’ari nende emikunda chobwokholo |
وَأَمَّا إِن كَانَ مِنْ أَصْحَابِ الْيَمِينِ (90)
Ne naliba mubandu bomukhono omusatsa |
فَسَلَامٌ لَّكَ مِنْ أَصْحَابِ الْيَمِينِ (91)
Ni omulembe khwiwe owuli Mubandu bomukhono musatsa |
وَأَمَّا إِن كَانَ مِنَ الْمُكَذِّبِينَ الضَّالِّينَ (92)
Ne naliba Mubuyingani Abakori |
فَنُزُلٌ مِّنْ حَمِيمٍ (93)
Isambo yiyie niya amaatsi kayile pia |
وَتَصْلِيَةُ جَحِيمٍ (94)
Nende okhwinjisibwa mumulilo |
إِنَّ هَٰذَا لَهُوَ حَقُّ الْيَقِينِ (95)
Toto buno nibo obwatoto bwokhwisikwa |
فَسَبِّحْ بِاسْمِ رَبِّكَ الْعَظِيمِ (96)
Kho witsoomie elira lia Nyasaye wuwo Omulesi Omukali muno |
