إِذَا الشَّمْسُ كُوِّرَتْ (1)
Pamene dzuwa lidzavundikiridwa |
وَإِذَا النُّجُومُ انكَدَرَتْ (2)
Ndi pamene nyenyezi zidzagwa pansi |
وَإِذَا الْجِبَالُ سُيِّرَتْ (3)
Ndi pamene mapiri adzachotsedwa |
وَإِذَا الْعِشَارُ عُطِّلَتْ (4)
Ndi pamene ngamila zabele zizakhala zosasamalidwa |
وَإِذَا الْوُحُوشُ حُشِرَتْ (5)
Ndi nyama za m’tchire zidzasonkhanitsidwa pamodzi |
وَإِذَا الْبِحَارُ سُجِّرَتْ (6)
Ndi pamene nyanja zidzayatsidwa moto kapena zidzasefukira |
وَإِذَا النُّفُوسُ زُوِّجَتْ (7)
Ndi pamene mizimu idzakumanitsidwa ndi matupi awo |
وَإِذَا الْمَوْءُودَةُ سُئِلَتْ (8)
Ndi pamene mwana wa mkazi wa mng’ono, amene adaundilidwa wa moyo adzafunsidwa |
بِأَيِّ ذَنبٍ قُتِلَتْ (9)
Chifukwa chimene anamuphera |
وَإِذَا الصُّحُفُ نُشِرَتْ (10)
Ndi pamene mabuku olembamo ntchito za munthu aliyense adzatulutsidwa |
وَإِذَا السَّمَاءُ كُشِطَتْ (11)
Ndi pamene kumwamba kudzafafanizidwa ndi kuchotsedwa ku malo ake |
وَإِذَا الْجَحِيمُ سُعِّرَتْ (12)
Ndi pamene Gahena idzatenthetsedwa kwambiri |
وَإِذَا الْجَنَّةُ أُزْلِفَتْ (13)
Ndi pamene Paradiso idzafikitsidwa pafupi |
عَلِمَتْ نَفْسٌ مَّا أَحْضَرَتْ (14)
Ndithudi munthu aliyense adzadziwa chimene adachita |
فَلَا أُقْسِمُ بِالْخُنَّسِ (15)
Motero, ndithudi, Ine ndili kulumbira pali nyenyezi zimene zimalowa |
الْجَوَارِ الْكُنَّسِ (16)
Ndi pali maiko zimene zimayenda mofulumira ndi kudzibisa okha |
وَاللَّيْلِ إِذَا عَسْعَسَ (17)
Ndi pali usiku pamene uchoka |
وَالصُّبْحِ إِذَا تَنَفَّسَ (18)
Ndipalim’mawapamenekulikucha |
إِنَّهُ لَقَوْلُ رَسُولٍ كَرِيمٍ (19)
Ndithudi awa ndi Mau a Mtumwi wolemekezeka |
ذِي قُوَّةٍ عِندَ ذِي الْعَرْشِ مَكِينٍ (20)
Mwini mphamvu amene amalemekezedwa ndi Ambuye, Mwini Mpando wa Chifumu |
مُّطَاعٍ ثَمَّ أَمِينٍ (21)
Amamveredwa ndi wokhulupirika |
وَمَا صَاحِبُكُم بِمَجْنُونٍ (22)
Ndipo m’bale wanu uyu si wa misala ayi |
وَلَقَدْ رَآهُ بِالْأُفُقِ الْمُبِينِ (23)
Ndipo, ndithudi, iye adamuona iye mu mlengalenga |
وَمَا هُوَ عَلَى الْغَيْبِ بِضَنِينٍ (24)
Iye sabisa zinthu zosaoneka |
وَمَا هُوَ بِقَوْلِ شَيْطَانٍ رَّجِيمٍ (25)
Ndipo zimene alankhula sizochokera kwa Satana wotembereredwa |
فَأَيْنَ تَذْهَبُونَ (26)
Kodi inu muli kupita kuti |
إِنْ هُوَ إِلَّا ذِكْرٌ لِّلْعَالَمِينَ (27)
Ndithudi ichi si china chilichonse ayi koma chikumbutso kwa anthu a mitundu yonse |
لِمَن شَاءَ مِنكُمْ أَن يَسْتَقِيمَ (28)
Kwa aliyense wa inu amene afuna kuyenda moongoka |
وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ (29)
Koma inu simungathe kutero pokhapokha ndi chifuniro cha Mulungu, Ambuye wa zolengedwe zonse |
