ص ۚ وَالْقُرْآنِ ذِي الذِّكْرِ (1)
Sad, demi Al-Quran nang ngandungi’ paringatan |
بَلِ الَّذِينَ كَفَرُوا فِي عِزَّةٍ وَشِقَاقٍ (2)
Tapi urakng-urakng nang kafir (barada) dalapm kasombongan man permusuhan |
كَمْ أَهْلَكْنَا مِن قَبْلِهِم مِّن قَرْنٍ فَنَادَوا وَّلَاتَ حِينَ مَنَاصٍ (3)
Sangae manyak umat sanape’ iaka’ia nang udah Kami binasakan’, lalu iaka’koa minta tolong padahal (waktu koa) buke’lah saat nto’ dari ngalapasatn’ diri’ |
وَعَجِبُوا أَن جَاءَهُم مُّنذِرٌ مِّنْهُمْ ۖ وَقَالَ الْكَافِرُونَ هَٰذَا سَاحِرٌ كَذَّابٌ (4)
Man iaka’ia heran karana iaka’ia kaatangan seko’ pamare’ paringatatn’ (rasul) dari kalangan iaka’ia; man urakng-urakng nang kafir bakata, “urakng nian ialah panyihir nang manyak ngaloki’” |
أَجَعَلَ الْآلِهَةَ إِلَٰهًا وَاحِدًا ۖ إِنَّ هَٰذَا لَشَيْءٌ عُجَابٌ (5)
Ahe ke’ ia nyajiatn’ tuhan-tuhan koa Tuhan nang sote’ ihan? Sungguh, nisn batol-batol sesuatu nang miah ngaheranatn |
وَانطَلَقَ الْمَلَأُ مِنْهُمْ أَنِ امْشُوا وَاصْبِرُوا عَلَىٰ آلِهَتِكُمْ ۖ إِنَّ هَٰذَا لَشَيْءٌ يُرَادُ (6)
Lalu ampuslah pamimpin-pamimpn iaka’ia (palis bakata), “Ampuslah kao man tataplah (nyambah) tuhan-tuhannyu,sasungguhnya nian batol-batol suatu hal nang dikamao’i’ |
مَا سَمِعْنَا بِهَٰذَا فِي الْمِلَّةِ الْآخِرَةِ إِنْ هَٰذَا إِلَّا اخْتِلَاقٌ (7)
Kami nana’ paranah nangaratn’ hal nia dalapm’ agama nang tarakir,745 nian (mengesakan Allah), nana’ lain hanyalah (duata) nang di ada-adakan’ |
أَأُنزِلَ عَلَيْهِ الذِّكْرُ مِن بَيْنِنَا ۚ بَلْ هُمْ فِي شَكٍّ مِّن ذِكْرِي ۖ بَل لَّمَّا يَذُوقُوا عَذَابِ (8)
ngahe Al-Quran koa dinuruntatn’ ka’ ia ka’ antara diri’?’ Sasungguhnya iaka’ia ragu- ragu ka’ Al-Quran-Ku, tapi iaka’ia nape’ misa’i’azab (-Ku) |
أَمْ عِندَهُمْ خَزَائِنُ رَحْمَةِ رَبِّكَ الْعَزِيزِ الْوَهَّابِ (9)
Ato ahe ke’ iaka’ia koa ngampu’i’ perbendaharaan rahmat Tuhannyu Nang Mahapakasa, Maha Pemberani |
أَمْ لَهُم مُّلْكُ السَّمَاوَاتِ وَالْأَرْضِ وَمَا بَيْنَهُمَا ۖ فَلْيَرْتَقُوا فِي الْأَسْبَابِ (10)
Ato ahe ke’ iaka’ia ada ngampu’i’ kerajaan langit man bumi man ahe nang ada ka’ antar kadua’nya? (kade’ ada),maka biarlah iaka’ia naiki’ tangga-tangga (ka’ langit) |
جُندٌ مَّا هُنَالِكَ مَهْزُومٌ مِّنَ الْأَحْزَابِ (11)
(Iaka’ia koa) kalompok aya’ bala tantara nang barada dinaun nang mao’ dikalahatn |
كَذَّبَتْ قَبْلَهُمْ قَوْمُ نُوحٍ وَعَادٌ وَفِرْعَوْنُ ذُو الْأَوْتَادِ (12)
Sanape’ iaka’ia koa, Kaum Nuh, ‘Ad ma fir’aun nang ngampu’i’ bala tantar nang manyak, uga’ udah ngadustakan (rasul- rasul) |
وَثَمُودُ وَقَوْمُ لُوطٍ وَأَصْحَابُ الْأَيْكَةِ ۚ أُولَٰئِكَ الْأَحْزَابُ (13)
Man (pakoa uga’) Samut, kaum Lut man panduduk Aikah.747 Iaka’ia koalah golong golongan nang basakutu (nantangi’ rasul- rasul) |
إِن كُلٌّ إِلَّا كَذَّبَ الرُّسُلَ فَحَقَّ عِقَابِ (14)
Samua iaka’ia ngadustakan’ rasul-raasul, maka pantas iaka’ia misa’i’ azab-Ku |
وَمَا يَنظُرُ هَٰؤُلَاءِ إِلَّا صَيْحَةً وَاحِدَةً مَّا لَهَا مِن فَوَاقٍ (15)
Man sasungguhnya nang iaka’ia tunggu ialah sote’ kampakatn’ ihan, nang nana’ a selanya |
وَقَالُوا رَبَّنَا عَجِّل لَّنَا قِطَّنَا قَبْلَ يَوْمِ الْحِسَابِ (16)
Man iaka’ia bakata,”Ya Tuhan kami,capa azab nang dinto’atn ka’ kami sanape’ ari pangetongan” |
اصْبِرْ عَلَىٰ مَا يَقُولُونَ وَاذْكُرْ عَبْدَنَا دَاوُودَ ذَا الْأَيْدِ ۖ إِنَّهُ أَوَّابٌ (17)
Basabarlah atas ahe nang iaka’ia batakatn man ingatlah ka’ amba Kami Dawud nan nganpu’i’ kakuatatn’; sungguh ia miah ta (ka’ Allah) |
إِنَّا سَخَّرْنَا الْجِبَالَ مَعَهُ يُسَبِّحْنَ بِالْعَشِيِّ وَالْإِشْرَاقِ (18)
Sungguh, Kamilah nang nundukatn’ gunung-gunung nto’ batasbih basama ia (Dawud) ka’ waktu nurutn’ ari man alapm |
وَالطَّيْرَ مَحْشُورَةً ۖ كُلٌّ لَّهُ أَوَّابٌ (19)
Man (Kami tundukatn’ uga’) burukng’- burukng’ dalapm kaadaan takumpul. Masing-masing miah taat (ka’ Allah) |
وَشَدَدْنَا مُلْكَهُ وَآتَيْنَاهُ الْحِكْمَةَ وَفَصْلَ الْخِطَابِ (20)
Man Kami kuatatn kerajaannya man Kam barentatn’ hikmah ka’ ia.749 serta kabijaksanaan dalapm’ mutusatn’ pakara |
۞ وَهَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ (21)
Man ahe ka’ udah sampe ka’ kao barita urakng-urakng nang basalisih waktu iaka naiki’ dinikng’ mihrab |
إِذْ دَخَلُوا عَلَىٰ دَاوُودَ فَفَزِعَ مِنْهُمْ ۖ قَالُوا لَا تَخَفْ ۖ خَصْمَانِ بَغَىٰ بَعْضُنَا عَلَىٰ بَعْضٍ فَاحْكُم بَيْنَنَا بِالْحَقِّ وَلَا تُشْطِطْ وَاهْدِنَا إِلَىٰ سَوَاءِ الصِّرَاطِ (22)
Waktu iaka’ia tama’ namui’ Dawud lalu takajut karana (kaatangan) iaka’ia. Iaka’i bakata, “ amelah gali’ (Kami) badu tanga basalisih, sabagian dari kami babuat zalim ka’ nang lain; maka bare’lah kaputusatn’ ka’ antara kami sacara adil man amelah nyimpang dari kabanaratn’ serta tunjuki’lah kami ka’ jalatn’ nang lurus |
إِنَّ هَٰذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ (23)
Sasungguhnya kamar kapalaku nian ngampu’i’ sambilan puluh sambilan eko’ kamikng’ nan bini man aku ngampu’i’ seko’ ihan, lalu ia bakata, “sarahi’lah (kamikng’nyu) koa ka’ aku! Man ia ngalahatn’ aku dalapm’ padebatan” |
قَالَ لَقَدْ ظَلَمَكَ بِسُؤَالِ نَعْجَتِكَ إِلَىٰ نِعَاجِهِ ۖ وَإِنَّ كَثِيرًا مِّنَ الْخُلَطَاءِ لَيَبْغِي بَعْضُهُمْ عَلَىٰ بَعْضٍ إِلَّا الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَّا هُمْ ۗ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ ۩ (24)
Ia (Dawud) bakata,”sungguh, ia udah babuat zalim ka’ kao mang minta’ kamikng’ nyu koa nto’ (dinambahkan’) ka’ kamikng’nya. Memang manyak ka’ antara urakng-urakng nang basakutu koa babuat zalim ka’ urakng lain, kacoali urakng-urakng Nang baiman man ngarajaatn’ kabakade’tn’; man hanya sabebetlah iaka’ia nang ampikoa”. Man Dawud ngaduga bahwa’ Kami ngujinya; maka ia mohon ampun ka’ Tuhannya lalu ia nyungur sujud man batobat |
فَغَفَرْنَا لَهُ ذَٰلِكَ ۖ وَإِنَّ لَهُ عِندَنَا لَزُلْفَىٰ وَحُسْنَ مَآبٍ (25)
Lalu Kami ngamponi’ (kasalahatnnya) koa. Man sungguh, ia ngampu’i’ kaduduatn nang banar-banar sama’ ka’ sisi Kami man tampat kambali nang baik |
يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُم بَيْنَ النَّاسِ بِالْحَقِّ وَلَا تَتَّبِعِ الْهَوَىٰ فَيُضِلَّكَ عَن سَبِيلِ اللَّهِ ۚ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ (26)
(Allah bafirman), Wahai Dawud! Sasungguhnya kao Kami jajiatn’ khalifah (panguasa) ka’ bumi, maka bare’lah kaputusatn’ (pakara) ka’ antara talino mang adil man amelah kao ngikuti’ hawa nafsu, karana mao’ nyasatatn’ kao dari jalatn’ Allah. Sungguh, urakng-urakng nang sasat dari jalatn’ Allah akan mandapat azab nang barat, karana iaka’ia ngalupai’ ari paretongan” |
وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا بَاطِلًا ۚ ذَٰلِكَ ظَنُّ الَّذِينَ كَفَرُوا ۚ فَوَيْلٌ لِّلَّذِينَ كَفَرُوا مِنَ النَّارِ (27)
Man Kami nana’ nyiptaatn’ langit man bumi man ahe nang ada ka’ antara kadua’nya mang sia-sia. Koa anggapan urakng-urakng kafir, maka cilakalah urakng-urakng nang kafir koa karana iaka’ia masok naraka |
أَمْ نَجْعَلُ الَّذِينَ آمَنُوا وَعَمِلُوا الصَّالِحَاتِ كَالْمُفْسِدِينَ فِي الْأَرْضِ أَمْ نَجْعَلُ الْمُتَّقِينَ كَالْفُجَّارِ (28)
Pantaske’ Kami ngalakuatni’ urakng-urakng nang baiman man ngarajaatni’ kabajiatn sama mang urakng-urakng nang babuat karusakatn’ ka’ bumi? Ato pantaske’ Kami nganggap urakng-urakng nang batakwa sama mang urakng-urakng nang jahat |
كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ (29)
Kitab (Al-Quran) nang Kami turuntatn’ ka’ panoh berkah supaya iaka’ia menghayati’ ayat-ayatnya man supaya urakng-urakng nang barakal sehat mandapat palajaran |
وَوَهَبْنَا لِدَاوُودَ سُلَيْمَانَ ۚ نِعْمَ الْعَبْدُ ۖ إِنَّهُ أَوَّابٌ (30)
Man ka’ Dawud Kami karuniakan (anak badama) Sulaiman; ia ialah sabaik-baik amba. Sungguh, ia miah taat (ka’ Allah) |
إِذْ عُرِضَ عَلَيْهِ بِالْعَشِيِّ الصَّافِنَاتُ الْجِيَادُ (31)
(Ingatlah) waktu ka’ suatu gumare’ dipatunjuatn ka’ ia (kuda-kuda) nang jinak, (tapi) miah capat darinya |
فَقَالَ إِنِّي أَحْبَبْتُ حُبَّ الْخَيْرِ عَن ذِكْرِ رَبِّي حَتَّىٰ تَوَارَتْ بِالْحِجَابِ (32)
Maka ia bakata, “Sasungguhnya aku nyukai’ sagala nang baik (kuda), nang manjuatku ingat akan (kebesaran) Tuhanku, sampai mata ari tingalapm’” |
رُدُّوهَا عَلَيَّ ۖ فَطَفِقَ مَسْحًا بِالسُّوقِ وَالْأَعْنَاقِ (33)
“Incaknglah samua kuda koa kambali ka’ aku”. Lalu ia murus-murus kaki man tage’ kuda koa |
وَلَقَدْ فَتَنَّا سُلَيْمَانَ وَأَلْقَيْنَا عَلَىٰ كُرْسِيِّهِ جَسَدًا ثُمَّ أَنَابَ (34)
Man sungguh, Kami udah ngujii’ Sulaiman man Kami jajiatn’ (ia) tagalatak ka’ atas kursinya sabage tubuh (nang lamah karana sakit),kamudian ia batobat |
قَالَ رَبِّ اغْفِرْ لِي وَهَبْ لِي مُلْكًا لَّا يَنبَغِي لِأَحَدٍ مِّن بَعْدِي ۖ إِنَّكَ أَنتَ الْوَهَّابُ (35)
Ia bakata, “Ya Tuhanku,ampunilah aku man anugerahatnlah ka’ aku kerajaan nang nana’ dimiliki oleh saepun salaka’ aku. Sungguh Kita’lah Nang Maha Pamare’” |
فَسَخَّرْنَا لَهُ الرِّيحَ تَجْرِي بِأَمْرِهِ رُخَاءً حَيْثُ أَصَابَ (36)
Kamudian Kami tundukatn’ ka’ ia nyaru nang barambus mang baik manurut parentahnya ka’ mae ma’an nang dikamao’i’nya |
وَالشَّيَاطِينَ كُلَّ بَنَّاءٍ وَغَوَّاصٍ (37)
Man (Kami tundukatn’ uga’ ka’ ia) setan- setan, samuanya ahli bangunan man panyalapm’ |
وَآخَرِينَ مُقَرَّنِينَ فِي الْأَصْفَادِ (38)
Man (setaan) nang lain nang tarikat dalapm’ belenggu |
هَٰذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ (39)
Nianlah anugerah Kami; maka barentatn’lah (ka’ urakng lain) ato tahanlah (nto’ diri’nyu babaro) tampa paretongan |
وَإِنَّ لَهُ عِندَنَا لَزُلْفَىٰ وَحُسْنَ مَآبٍ (40)
Man sungguh, ia ngampu’i’ kaduduatn nang sama’ ka’ sisi Kami man tampat kambali nang baik |
وَاذْكُرْ عَبْدَنَا أَيُّوبَ إِذْ نَادَىٰ رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ (41)
Man ingatlah ka’ amba Kami Ayub waktu ia nyaru’ Tuhannya, “Sasungguhnya aku di ganggu setan mang penderitaan man bencana” |
ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ (42)
(Allah bafirman) “antakkatn’lah kakinyu; nianlah ai’ nang dingin nto’ mani’ man nto’ nyocok” |
وَوَهَبْنَا لَهُ أَهْلَهُ وَمِثْلَهُم مَّعَهُمْ رَحْمَةً مِّنَّا وَذِكْرَىٰ لِأُولِي الْأَلْبَابِ (43)
Mna Kami anugerahi’ ia (mang ngumpulatn’ agi’) kaluarganya man Kami lipat-gandakan jumbalah iaka’ia, sabage rahmat dari Kami man pelajaran bagi urakng-urakng nang bafikir sehat |
وَخُذْ بِيَدِكَ ضِغْثًا فَاضْرِب بِّهِ وَلَا تَحْنَثْ ۗ إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّابٌ (44)
Man ta’aplah saikat (rumput) mang kokotnyu, lalu imatlah mang koa man amelah kao ngalanggar sumpah. Sasungguhnya Kami tamui’ ia (Ayyub) seko’ nang sabar. Ia lah sabaik-baik amba. Sungguh ia miah taat (ka’ Allah) |
وَاذْكُرْ عِبَادَنَا إِبْرَاهِيمَ وَإِسْحَاقَ وَيَعْقُوبَ أُولِي الْأَيْدِي وَالْأَبْصَارِ (45)
Man ingatlah amba-amba Kami: Ibrahim,Ishak man Yakub nang ngampu’i’ kakuatan-kakuatan nang aya’ man ilmu- ilmu (nang tingi’) |
إِنَّا أَخْلَصْنَاهُم بِخَالِصَةٍ ذِكْرَى الدَّارِ (46)
Sungguh Kami udah nyuciatn’ iaka’ia mang (menganugerahatn) akhlak nang tingi’ ka’ ia iakoa selalu ngingatatn’ (talino) ka’ nagari naherat |
وَإِنَّهُمْ عِندَنَا لَمِنَ الْمُصْطَفَيْنَ الْأَخْيَارِ (47)
Man sungguh, ka’ sisi Kami iaka’ia tamasok urakng-urakng pilihan nang paling baik |
وَاذْكُرْ إِسْمَاعِيلَ وَالْيَسَعَ وَذَا الْكِفْلِ ۖ وَكُلٌّ مِّنَ الْأَخْيَارِ (48)
Man ingatlah Ismail, Ilyasa’ man Zulkifli. Samuanya tamasok urakng-urakng nang paling baik |
هَٰذَا ذِكْرٌ ۚ وَإِنَّ لِلْمُتَّقِينَ لَحُسْنَ مَآبٍ (49)
Nian ialah kehormatan (nto’ iaka’ia). Man sungguh bagi urakng-urakng nang batakwa (dinyadiakan’) tampat mulakng’ nang baik |
جَنَّاتِ عَدْنٍ مُّفَتَّحَةً لَّهُمُ الْأَبْوَابُ (50)
(Ia koa) saruga ‘Adn nang pintu-pintunya tabuka’ nto’ iaka’ia |
مُتَّكِئِينَ فِيهَا يَدْعُونَ فِيهَا بِفَاكِهَةٍ كَثِيرَةٍ وَشَرَابٍ (51)
Ka’ dalapm’nya iaka’ia basandar (ka’ atas pene-pene) sambil minta makanan nang manyak man minuman (ka’ saruga koa) |
۞ وَعِندَهُمْ قَاصِرَاتُ الطَّرْفِ أَتْرَابٌ (52)
Man ka’ samping iaka’ia (ada bidadari- bidadari) nang redup panele’atn’nya man sabaya omornya |
هَٰذَا مَا تُوعَدُونَ لِيَوْمِ الْحِسَابِ (53)
Nianlah nang dinyanjiatn’ ka’ kao ka’ ari paretongan |
إِنَّ هَٰذَا لَرِزْقُنَا مَا لَهُ مِن نَّفَادٍ (54)
Sungguh nian lah rajaki dari Kami nang nana’ ada habis-habisnya |
هَٰذَا ۚ وَإِنَّ لِلطَّاغِينَ لَشَرَّ مَآبٍ (55)
Lea nianlah (kaadaan iaka’ia). Man sungguh, bagi urakng-urakng nang durhaka pasti (dinyadiakan’) tampat kambali nang buruk |
جَهَنَّمَ يَصْلَوْنَهَا فَبِئْسَ الْمِهَادُ (56)
(Iakoa) narka Jahanam nang iaka’ia masoki’; maka koalah saburuk-buruknya tampat badiapm’ |
هَٰذَا فَلْيَذُوقُوهُ حَمِيمٌ وَغَسَّاقٌ (57)
Nianlah (azab neraka), ka’atilah iaka’ia misa’i’nya, (minuman iaka’ia) ai’ nang miah angat man ai’ nang miah dingin |
وَآخَرُ مِن شَكْلِهِ أَزْوَاجٌ (58)
Man babagai macam (azab) nang lain nang sarupa koa |
هَٰذَا فَوْجٌ مُّقْتَحِمٌ مَّعَكُمْ ۖ لَا مَرْحَبًا بِهِمْ ۚ إِنَّهُمْ صَالُو النَّارِ (59)
(Dibatakatn’ ka’ iaka’ia), “Nian rombongan aya’ (pangikut-pangikutnyu) nang masok bapeset-peset barage kao (ka’ neraka)”. Nana’ ada ucapatn’ salamat atakng’ nto’ iaka’ia karana sasungguhnya iaka’ia mao’ masok naraka (kata pemimipin-pemimpin iaka’ia) |
قَالُوا بَلْ أَنتُمْ لَا مَرْحَبًا بِكُمْ ۖ أَنتُمْ قَدَّمْتُمُوهُ لَنَا ۖ فَبِئْسَ الْقَرَارُ (60)
Sigana pangikut iaka’ia manjawab. “Sasungguhnya kaolah nang (labih pantas) nana’ narima’ ucapatn’ salamat atakng’, karana kao nang ngajarumusatn’ kami ka’ dalapm’ azab, maka koalah saburuk- buruknya tampat natap” |
قَالُوا رَبَّنَا مَن قَدَّمَ لَنَا هَٰذَا فَزِدْهُ عَذَابًا ضِعْفًا فِي النَّارِ (61)
Iaka’ia bakata (agi’), “Ya Tuhan kami, barang sae nang ngajarumusatn’ kami ka’ dalapm’ (azab) nian, maka tambahi’lah azab ka’ ia dua kali lipat ka’ dalapm’ naraka” |
وَقَالُوا مَا لَنَا لَا نَرَىٰ رِجَالًا كُنَّا نَعُدُّهُم مِّنَ الْأَشْرَارِ (62)
Man (urakng-urakng durhaka) bakata, “Diahe kami nana’ nele’ urakng-urakng nang duhuya (ka’ dunia) kami anggap sabage urakng-urakng jahat (hina) |
أَتَّخَذْنَاهُمْ سِخْرِيًّا أَمْ زَاغَتْ عَنْهُمُ الْأَبْصَارُ (63)
Duhuya kami nyajiatn’ iaka’ia diolok-olok, ato ke’ karana panele’atn’ kami nang nana’ nele’ iaka’ia?” |
إِنَّ ذَٰلِكَ لَحَقٌّ تَخَاصُمُ أَهْلِ النَّارِ (64)
Sungguh, nang ampikoa batol-batol tajadi, (iakoa) patangkaratn’ ka’ antara penghuni naraka |
قُلْ إِنَّمَا أَنَا مُنذِرٌ ۖ وَمَا مِنْ إِلَٰهٍ إِلَّا اللَّهُ الْوَاحِدُ الْقَهَّارُ (65)
Batakatn’lah (Muhammad), “Sasungguhnya aku hanya pamare’ paringatatn’, nana’ ada Tuhan selain Allah Nang Maha Esa, Maha Pakasa |
رَبُّ السَّمَاوَاتِ وَالْأَرْضِ وَمَا بَيْنَهُمَا الْعَزِيزُ الْغَفَّارُ (66)
(Iakoa) Tuhan langit man bumi man ahe nang ada ka’ antara kadua’nya, Nang Mahapakasa, Maha Pengampun” |
قُلْ هُوَ نَبَأٌ عَظِيمٌ (67)
Batakatn’lah, “Koa (Al-Quran) ada barita aya’ |
أَنتُمْ عَنْهُ مُعْرِضُونَ (68)
Nang kita’ bapaling darinya |
مَا كَانَ لِيَ مِنْ عِلْمٍ بِالْمَلَإِ الْأَعْلَىٰ إِذْ يَخْتَصِمُونَ (69)
Aku nana’ ngampu’i’ pangatahuan saebet pun tantang al-mala ‘ul a’la (mala’ekat) koa waktu iaka’ia babantah-bantah |
إِن يُوحَىٰ إِلَيَّ إِلَّا أَنَّمَا أَنَا نَذِيرٌ مُّبِينٌ (70)
Nang diwahyuan ka’ aku, bahwa’ aku hanyalah surakng pamare’ paringatan nang nyata” |
إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِّن طِينٍ (71)
(Ingatlah) waktu Tuhannyu bafirman ka’ mala’ekat, “sasungguhnya Aku mao’ nyiptaatn’ talino dari tanah liat |
فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ (72)
Kemudian kamile udah Aku sempurnakan kajadiannya man Aku siup roh (ciptaan)-Ku ka’ ia; maka tunduklah kita’ mang basujud ka’ ia” |
فَسَجَدَ الْمَلَائِكَةُ كُلُّهُمْ أَجْمَعُونَ (73)
Lalu sigana mala’ekat koa basujud samuanya |
إِلَّا إِبْلِيسَ اسْتَكْبَرَ وَكَانَ مِنَ الْكَافِرِينَ (74)
Kacoali iblis; ia nyombongkatn’ diri’ man ia tamasok golongan nang kafir |
قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ ۖ أَسْتَكْبَرْتَ أَمْ كُنتَ مِنَ الْعَالِينَ (75)
(Allah) bafirman, “Wahai iblis,ahe ke’ nang ngalangi’ kao sujud ka’ nang udah Aku ciptaatn’ mang kakuasaan-Ku. Aheke’ kao nyombongatn diri’ ato kao (misa’) tamasok golongan nang (labih) tingi’?” |
قَالَ أَنَا خَيْرٌ مِّنْهُ ۖ خَلَقْتَنِي مِن نَّارٍ وَخَلَقْتَهُ مِن طِينٍ (76)
(Iblis) bakata, “Aku labih baik dari pada ia,jukut Kita’ nyiptatn’ aku dari api, samintara ia kita’ nyiptaatn’ dari tanah” |
قَالَ فَاخْرُجْ مِنْهَا فَإِنَّكَ رَجِيمٌ (77)
(Allah) bafirman, “Kade’ ampikoa kaluarlah kao dari saruga! Sasungguhnya kao mahluk nang takutuk |
وَإِنَّ عَلَيْكَ لَعْنَتِي إِلَىٰ يَوْمِ الدِّينِ (78)
Man sungguh,kutuatn-Ku tatap atasnyu sampe ari pambalasan” |
قَالَ رَبِّ فَأَنظِرْنِي إِلَىٰ يَوْمِ يُبْعَثُونَ (79)
(Iblis) bakata, “Ya Tuhanku, tangguhi’lah aku sampe ka’ ari iaka’ia dilumpatatni’” |
قَالَ فَإِنَّكَ مِنَ الْمُنظَرِينَ (80)
(Allah) bafirman, Maka sasungguhnya kao tamasok golongan nang dibare’ panangguhan |
إِلَىٰ يَوْمِ الْوَقْتِ الْمَعْلُومِ (81)
Sampe ka’ ari nang udah ditantuatni’ waktunya (ari kiamat)” |
قَالَ فَبِعِزَّتِكَ لَأُغْوِيَنَّهُمْ أَجْمَعِينَ (82)
(Iblis) manjawab, “Demi kemuliaan-Kita’, pasti aku mao’ nyasatatni’ iaka’ia samuanya |
إِلَّا عِبَادَكَ مِنْهُمُ الْمُخْلَصِينَ (83)
Kacoali amba-amba-Kita’ nang tapilih ka’ antara iaka’ia |
قَالَ فَالْحَقُّ وَالْحَقَّ أَقُولُ (84)
(Allah) bafirman, “Maka nang banar (ialah sumpah-Ku), man hanya kabanaratn’ koalah nang Aku batakatn’ |
لَأَمْلَأَنَّ جَهَنَّمَ مِنكَ وَمِمَّن تَبِعَكَ مِنْهُمْ أَجْمَعِينَ (85)
Sungguh Aku mao’ manohi’ naraka Jahanam mang kita’ mannang urakng- urakng nang ngikuti’nyu ka’ antara iaka’ia samuanya” |
قُلْ مَا أَسْأَلُكُمْ عَلَيْهِ مِنْ أَجْرٍ وَمَا أَنَا مِنَ الْمُتَكَلِّفِينَ (86)
Batakatn’lah (Muhammad), “Aku nana’ minta imbalan saebet pun atas ia (dakwahku); man aku buke’lah urakng nang ngada-adakan’ |
إِنْ هُوَ إِلَّا ذِكْرٌ لِّلْعَالَمِينَ (87)
(Al-Quran) nian nana’ lain hanyalah paringatan bagi saluruh alam |
وَلَتَعْلَمُنَّ نَبَأَهُ بَعْدَ حِينٍ (88)
Man sungguh,kao mao’ ngatahui’ (kabanaratn’) baritanya (Al-Quran) satelah sangae waktu agi’”755 a |
