يَا أَيُّهَا الَّذِينَ آمَنُوا لَا تُقَدِّمُوا بَيْنَ يَدَيِ اللَّهِ وَرَسُولِهِ ۖ وَاتَّقُوا اللَّهَ ۚ إِنَّ اللَّهَ سَمِيعٌ عَلِيمٌ (1)
Wahe urakng-urakng nang baiman! Amelah kita’ nolo’i’ Allah man Rasul-Nya,809 man batakwalah ka’ Allah. Man sungguh Allah Maha Nangar, Maha nau’an |
يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَن تَحْبَطَ أَعْمَالُكُمْ وَأَنتُمْ لَا تَشْعُرُونَ (2)
Wahe’ urakng-urakng nang baiman! Amelah kita’ ningiatn suara kita’ malabihi suara Nabi, man amelah kita’ bakata ka’ ia mang suara karas ampahe karasnya (suara) sabagiatn kita’ tahadap nang lain, nae (pahala) sagala amal kita’ bisa taapus sadangkatn kita’ nana’ nyadari’ |
إِنَّ الَّذِينَ يَغُضُّونَ أَصْوَاتَهُمْ عِندَ رَسُولِ اللَّهِ أُولَٰئِكَ الَّذِينَ امْتَحَنَ اللَّهُ قُلُوبَهُمْ لِلتَّقْوَىٰ ۚ لَهُم مَّغْفِرَةٌ وَأَجْرٌ عَظِيمٌ (3)
Sasungguhnya urakng-urakng nang ngarandahatn suaranya ka’ sisi Rasulullah, iaka’kaoalah urakng-urakng nang udah diuji atinya oleh Allah nto’ batakwa. iaka’koa akan namu amponan man pahala nang aya’ |
إِنَّ الَّذِينَ يُنَادُونَكَ مِن وَرَاءِ الْحُجُرَاتِ أَكْثَرُهُمْ لَا يَعْقِلُونَ (4)
Sasungguhnya urakng-urakng nang nyaru’ kao (Mhammad) dari luar kamarnyu, kamanyakatn iaka’koa nana’ ngarati |
وَلَوْ أَنَّهُمْ صَبَرُوا حَتَّىٰ تَخْرُجَ إِلَيْهِمْ لَكَانَ خَيْرًا لَّهُمْ ۚ وَاللَّهُ غَفُورٌ رَّحِيمٌ (5)
Man sakiranya iaka’koa basabar sampe’ kao kaluar namui’ iaka’koa, tantu akan labih baik bagi iaka’koa, man Allah Maha Pangampon maha panyayang |
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ (6)
Wahe urakng-urakng nang baiman! Kade’ saurakng nang fasik atakng ka’ kita’ ngincak- ng suatu barita. Maka talitilah kabanaratnya, agar kita’ nana’ ngalakatn suatu kaum karana kabodohatn (kacarobohatn) nang naenya kita’ nyasali’ pabuatatn kita’ koa |
وَاعْلَمُوا أَنَّ فِيكُمْ رَسُولَ اللَّهِ ۚ لَوْ يُطِيعُكُمْ فِي كَثِيرٍ مِّنَ الْأَمْرِ لَعَنِتُّمْ وَلَٰكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ ۚ أُولَٰئِكَ هُمُ الرَّاشِدُونَ (7)
Man tau’atnlah bahwa’ ka’ tangah-tangah kita’ ada Rasullullah, kade’ ia nuruti (kamaoatn) kita’ dalapm manyak hal. Pastilah kita’ akan namuan kasusahatn, tapi Allah nyiapatn kao cinta ka’ kaimanan. Man nyaiatn (iman) kita’ indah dalapm ati kita’, sarata nyadiatn kita’ busak ka’ kakafiratn, kafasikatn man kadurhakaatn. Iaka’koalah urakng –urakng nang mangikuti maraga nang locor |
فَضْلًا مِّنَ اللَّهِ وَنِعْمَةً ۚ وَاللَّهُ عَلِيمٌ حَكِيمٌ (8)
Sabage karunia man nikmat dari Allah. Man Allah maha mau’an maha bijaksana |
وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا ۖ فَإِن بَغَتْ إِحْدَاهُمَا عَلَى الْأُخْرَىٰ فَقَاتِلُوا الَّتِي تَبْغِي حَتَّىٰ تَفِيءَ إِلَىٰ أَمْرِ اللَّهِ ۚ فَإِن فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا ۖ إِنَّ اللَّهَ يُحِبُّ الْمُقْسِطِينَ (9)
Man kade’ ada dua golongan urakng mukmin baparang, maka dameatnlah antara kaduanya. Kade’ salah sote’ dari kaduanya babuat jalim tahadap (golongan) nang lain, maka parangilah (golongan) nang babuat jalim koa, sahingga golongan koa mulakng ka’ parentah Allah. Kade’ golongan koa udah malakng (ka’ parentah Allah), maka dameatnlah antara kaduanya nang adil. Man balakulah adil, sungguh Allah nyintai’ urakng-urakng nang balaku adil |
إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ (10)
Sasungguhnya urakng—urakng mukmin koa basodara, karana koa dameatnlah antara kadua sodara kita’ (nang basalisih) man batakwalah ka’ Allah agar kita’ namu rahmat |
يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَٰئِكَ هُمُ الظَّالِمُونَ (11)
Wahe’ urakng-urakng nang baiman! Amelah suatu kaum ngolo’-ngolo’ kaum nang lain, (karana) mulih jadi iaka’koa (nang di paolo’-olo’atn) labih baik dari iaka’koa (nang ngolo’-ngolo’), man ame uga’ nang bini-bini (ngolo’-ngolo’) nang bini lain, (karana) mulih jadi nang bini (nang di paolo’-olo’atn) labih baik dari nang bini (nang ngolo’-ngolo’). Amelah kita’ saling mancela sote’ man nang lain. Man amelah saling nyaru’ mang galar-galar nang jahat, sajahat-jahat sau’atn ialah (saniatn) nang jahat (fasik) saudah baiman, barang sae nana’ batobat, maka iaka’koalah urakng- urakng nang jalim |
يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ (12)
Wahe’ urakng-urakng nang baiman! Jauhi’lah manyak dari prasangka, sasungguhnya sabagiatn dari prasangka kita’ dosa, man amelah kita’ ngago’ –ngago’ kasalahatn urakng lain, man amelah ada ka’ antara kita’ nang nyabut sabagiatn nang lain. Ahe ke’ ada antara kita’ nang suka makatn dageng sodaranya nang udah mati? Tantu kita’ mara imes. Man batakwalah ka’ Allah. Sungguh Allah maha panarema’ tobat. Maha panyayang |
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ (13)
Wahe’ talino! Sungguh kami udah nyiptaatn kita’ dari saurakng nang laki man saurakng nang bini, laka’koa kami jadiatn kita’ babangsa-bangsa man basuku-suku agar kao saling manganal. Sungguh nang paling mulia ka’ antara kita’ ka’ sisi Allah ialah urakng nang paling batakwa. sungguh Allah Maha nau’an Maha Taliti |
۞ قَالَتِ الْأَعْرَابُ آمَنَّا ۖ قُل لَّمْ تُؤْمِنُوا وَلَٰكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ ۖ وَإِن تُطِيعُوا اللَّهَ وَرَسُولَهُ لَا يَلِتْكُم مِّنْ أَعْمَالِكُمْ شَيْئًا ۚ إِنَّ اللَّهَ غَفُورٌ رَّحِيمٌ (14)
Urakng-urakng Arab Badui bakata, “kami udah baiman”, kataatnlah (ka’ iaka’koa), “kita’ nape’ baiman, tapi kataatnlah kami udah tunduk (Islam), karana iman nape’ masok ka’ dalapm ati kita’, man kade’ kita’ ta’at ka’ Allah man Rasul-Nya, Ia nana’ akan ngurangi’ saebet pun (pahala) amal kita’. Sungguh Allah Maha Pangampon, Maha Panyayang” |
إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ ۚ أُولَٰئِكَ هُمُ الصَّادِقُونَ (15)
Sasungguhnya urakng-urakng mukmin nang sabanarnya ialah iaka’koa nangbaiman ka’ Allah man Rasul-Nya. Laka’koa iaka’koa ragu-ragu. Man iaka’koa bajihad mang harta man jiwanya ka’ maraga Allah. iaka’koalah urakng-urakng nang banar |
قُلْ أَتُعَلِّمُونَ اللَّهَ بِدِينِكُمْ وَاللَّهُ يَعْلَمُ مَا فِي السَّمَاوَاتِ وَمَا فِي الْأَرْضِ ۚ وَاللَّهُ بِكُلِّ شَيْءٍ عَلِيمٌ (16)
Kataatnlah (ka’ iaka’koa) ahe ke’ kita’ akan bapadah ka’ Allah tantang agama kita’, (kayakinan kita’), padahal Allah nau’an ahe nang ada ka’ bumi. Man Allah maha nau’an sagala sasoatu |
يَمُنُّونَ عَلَيْكَ أَنْ أَسْلَمُوا ۖ قُل لَّا تَمُنُّوا عَلَيَّ إِسْلَامَكُم ۖ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ (17)
Iaka’koa marasa bajasa ka’ kao mang kaislaman iaka’koa, katatnlah “amelah kita’ marasa bajasa ka’ aku mang kaislaman kita’, sabanarnya Allah nang malimpahatn nikmat ka’kita’ mang nojokatn kita’ ka’ kaimanan, kade’ kita’ urakng nang banar” |
إِنَّ اللَّهَ يَعْلَمُ غَيْبَ السَّمَاوَاتِ وَالْأَرْضِ ۚ وَاللَّهُ بَصِيرٌ بِمَا تَعْمَلُونَ (18)
Sungguh Allah nau’an ahe nang nana’ di tau’atn ka’ langit man ka’ bumi, man Allah Maha Nele’ ahe nang kita’ karajaatn |
