حم (1)
¦± M³m |
تَنزِيلُ الْكِتَابِ مِنَ اللَّهِ الْعَزِيزِ الْعَلِيمِ (2)
Kitab nian (Al-Quran) dinuruntatn’ dari Allah Nang Mahapakasa,Maha Ngatahui’ |
غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ ۖ لَا إِلَٰهَ إِلَّا هُوَ ۖ إِلَيْهِ الْمَصِيرُ (3)
nang ngampuni’ dosa man narima’ tobat man karas hukuman-Nya; nang ngampu’i’ karunia. Nana’ ada Tuhan selain Ia. Hanya ka’ Ia lah (samua makhluk) kambali |
مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا فَلَا يَغْرُرْكَ تَقَلُّبُهُمْ فِي الْبِلَادِ (4)
Nana’ ada nang ngadebati’ tantang ayat-ayat Allah, kacoali urakng-urakng nang kafir. Karana koa amelah kao (Muhammad) katipu oleh kabarasialatn’ usaha iaka’ia ka’ saluruh nagari |
كَذَّبَتْ قَبْلَهُمْ قَوْمُ نُوحٍ وَالْأَحْزَابُ مِن بَعْدِهِمْ ۖ وَهَمَّتْ كُلُّ أُمَّةٍ بِرَسُولِهِمْ لِيَأْخُذُوهُ ۖ وَجَادَلُوا بِالْبَاطِلِ لِيُدْحِضُوا بِهِ الْحَقَّ فَأَخَذْتُهُمْ ۖ فَكَيْفَ كَانَ عِقَابِ (5)
Sanape’ iaka’ia, kaum Nuh man golongan- golongan nang basakutu salaka’ iaka’ia udah ngadustakan’ (rasul) man satiap umat udah ngarancanaan (tipu daya) terhadap rasul iaka’ia nto’ menawannya man iaka’ia ngabantah man (alasan) nang batil nto’ ngalanyapatn’ kabanaratn’; karana koa Aku tawan iaka’ia (mang azab). Maka betapa (padihnya) azab-Ku |
وَكَذَٰلِكَ حَقَّتْ كَلِمَتُ رَبِّكَ عَلَى الَّذِينَ كَفَرُوا أَنَّهُمْ أَصْحَابُ النَّارِ (6)
Man ampikoalah udah pasti balaku katatapatn’ Tuhannyu ka’ urakng-urakng kafir,(iakoa) sasungguhnya iaka’ia ialah penghuni neraka |
الَّذِينَ يَحْمِلُونَ الْعَرْشَ وَمَنْ حَوْلَهُ يُسَبِّحُونَ بِحَمْدِ رَبِّهِمْ وَيُؤْمِنُونَ بِهِ وَيَسْتَغْفِرُونَ لِلَّذِينَ آمَنُوا رَبَّنَا وَسِعْتَ كُلَّ شَيْءٍ رَّحْمَةً وَعِلْمًا فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ (7)
(Mala’ekat-mala’ekat) nang mikuli’ ‘Arsy man (mala’ekat) nang barada ka’ sakulilikng’nya batasbih mang mujii’ Tuhannya man iaka’ia baiman ka’-Ia serta memohonatn amponan nto’ urakng-urakng nang baiman (palis bakata), “Ya Tuhan kami, rahmat man ilmu nang ada ka’-Kita’ ngaliputi’ sagala sesuatu, maka bare’lah ampunan ka’ urakng-uakng’ nang batobat man ngikuti’ jalatn’ (agama)-Nyu man piharalah iaka’ia dari azab neraka |
رَبَّنَا وَأَدْخِلْهُمْ جَنَّاتِ عَدْنٍ الَّتِي وَعَدتَّهُمْ وَمَن صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ ۚ إِنَّكَ أَنتَ الْعَزِيزُ الْحَكِيمُ (8)
Ya Tuhan kami, masokatn’lah iaka’ia ka’ dalapm’ saruga ‘Adn nang udah Kita’ janjiatn’ ka’ iaka’ia, man urakng nang saleh ka’ antara da’ ne’ nange iaka’ia, bini-bini, man katurunan iaka’ia. Sungguh Kita’lah Nang Mahapakasa, Mahabijaksana |
وَقِهِمُ السَّيِّئَاتِ ۚ وَمَن تَقِ السَّيِّئَاتِ يَوْمَئِذٍ فَقَدْ رَحِمْتَهُ ۚ وَذَٰلِكَ هُوَ الْفَوْزُ الْعَظِيمُ (9)
man piharalah iaka’ia dari (bencana) kejahatan. Man uraakng’-urakng nang Kita pihara dari (bencana) kejahatan ka’ ari koa, maka sungguh, Kita’ udah ngaanugerahatn rahmat ka’ ia man demikian koalah kamanangan nang agung” |
إِنَّ الَّذِينَ كَفَرُوا يُنَادَوْنَ لَمَقْتُ اللَّهِ أَكْبَرُ مِن مَّقْتِكُمْ أَنفُسَكُمْ إِذْ تُدْعَوْنَ إِلَى الْإِيمَانِ فَتَكْفُرُونَ (10)
Sasungguhnya urakng-urakng nang kafir,ka’ iaka’ia (ka’ ari kiamat) disaru’atn’, “Sungguh, kabancian Allah (ka’ kao) jauh labih aya’ dari pada kabanciatn’nyu ka’ diri’nyu babaro, waktu kita’ dinyaru’ nto’ baiman lalu kita’ ngingkari’nya” |
قَالُوا رَبَّنَا أَمَتَّنَا اثْنَتَيْنِ وَأَحْيَيْتَنَا اثْنَتَيْنِ فَاعْتَرَفْنَا بِذُنُوبِنَا فَهَلْ إِلَىٰ خُرُوجٍ مِّن سَبِيلٍ (11)
Iaka’ia manjawab, “Ya Tuhan kami, Kita’ udah ngamatiatn’ kami dua’ kali man udah ngidupatn’ kami dua’ kali (uga’), lalu kami ngakoi’ dosa-dosa kami. Maka ada ke’ jalatn’ (bagi kami) nto’ kaluar (dari neraka)?” |
ذَٰلِكُم بِأَنَّهُ إِذَا دُعِيَ اللَّهُ وَحْدَهُ كَفَرْتُمْ ۖ وَإِن يُشْرَكْ بِهِ تُؤْمِنُوا ۚ فَالْحُكْمُ لِلَّهِ الْعَلِيِّ الْكَبِيرِ (12)
Nang demikian koa karana sasungguhnya kita’ ngingkari’ kamile dinyaru’ nto’ nyambah Allah ihan. Man kade’ Allah disakutuatn’, kita’ pucaya’. Maka kaputusatn’ (ampaikng’ nian) ialah ka’ Allah Nang Maha Tingi’, Mahaaya’ |
هُوَ الَّذِي يُرِيكُمْ آيَاتِهِ وَيُنَزِّلُ لَكُم مِّنَ السَّمَاءِ رِزْقًا ۚ وَمَا يَتَذَكَّرُ إِلَّا مَن يُنِيبُ (13)
Ia lah nang nele’atni’ tanda-tanda (kakuasaan)-Nya ka’ kao man nuruntatn’ rajaki dari langit nto’nyu. Man nana’ lain nang mandapat palajaran hanyalah urakng nang kambali (ka’ Allah) |
فَادْعُوا اللَّهَ مُخْلِصِينَ لَهُ الدِّينَ وَلَوْ كَرِهَ الْكَافِرُونَ (14)
Maka sambahlah Allah mang tulus ikhlas baragama ka’-Ia, meskipun urakng-urakng kafir nana’ nyukai’(nya) |
رَفِيعُ الدَّرَجَاتِ ذُو الْعَرْشِ يُلْقِي الرُّوحَ مِنْ أَمْرِهِ عَلَىٰ مَن يَشَاءُ مِنْ عِبَادِهِ لِيُنذِرَ يَوْمَ التَّلَاقِ (15)
(Ia lah) Nang Maha Tingi’ derajat-Nya, nang ngampu’i’ ‘Arsy, nang nuruntatn’ wahyu mang parentah-Nya ka’ sae nang Ia mao’i’ ka’ antara amba-amba-Nya, agar ngingatatn’ (talino) tantang ari patamuan (ari kiamat) |
يَوْمَ هُم بَارِزُونَ ۖ لَا يَخْفَىٰ عَلَى اللَّهِ مِنْهُمْ شَيْءٌ ۚ لِّمَنِ الْمُلْكُ الْيَوْمَ ۖ لِلَّهِ الْوَاحِدِ الْقَهَّارِ (16)
(ia koa) ka’ ari (waktu) iaka’ia kaluar (dari subur);nana’ sesuatu pun kaadaan iaka’ia nang tasambunyi’ ka’ sisi Allah. (Lalu Allah bafirman), “Ampu’ sae ke’ kerajaan ka’ ari nian?” Ampu’ Allah Nang Maha Esa, Maha Ngalahatn’ |
الْيَوْمَ تُجْزَىٰ كُلُّ نَفْسٍ بِمَا كَسَبَتْ ۚ لَا ظُلْمَ الْيَوْمَ ۚ إِنَّ اللَّهَ سَرِيعُ الْحِسَابِ (17)
Ka’ ari nian satiap jiwa dibare’ balasan sasuai mang ahe nang udah dikarajaatni’nya. Nana’ ada nang dirugiatn’ ka’ ari nian. Sungguh Allah miah capat paretongan-Nya |
وَأَنذِرْهُمْ يَوْمَ الْآزِفَةِ إِذِ الْقُلُوبُ لَدَى الْحَنَاجِرِ كَاظِمِينَ ۚ مَا لِلظَّالِمِينَ مِنْ حَمِيمٍ وَلَا شَفِيعٍ يُطَاعُ (18)
Man bare’lah iaka’ia paringatatn’ akan ari nang samakin samak (ari kiamat, iakoa) waktu ati nyasak sampe ka’ karongkongan karana nahani’ kasadihan. Nana’ ada seko’ pun ayukng’ nang satia bagi urakng nang zalim man nana’ ada seko’ panolong nang ditarima’ (patolongannya) |
يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ (19)
Ia ngatahui’ (paniaka’ koa) mata nang hianat.766 man ahe nang tasambunyi’ ka’ dalapm’ dada |
وَاللَّهُ يَقْضِي بِالْحَقِّ ۖ وَالَّذِينَ يَدْعُونَ مِن دُونِهِ لَا يَقْضُونَ بِشَيْءٍ ۗ إِنَّ اللَّهَ هُوَ السَّمِيعُ الْبَصِيرُ (20)
Man Allah mutusatn’ mang kabanaratn’. Samintara iaka’ia nang disambah salain-Nya nana’ mampu mutusatn’ mang suatu ahe pun. Sasungguhnya Allah, Ia lah Nang Maha Nangaratn’, Maha Nele’ |
۞ أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ كَانُوا مِن قَبْلِهِمْ ۚ كَانُوا هُمْ أَشَدَّ مِنْهُمْ قُوَّةً وَآثَارًا فِي الْأَرْضِ فَأَخَذَهُمُ اللَّهُ بِذُنُوبِهِمْ وَمَا كَانَ لَهُم مِّنَ اللَّهِ مِن وَاقٍ (21)
Man ahe ke’ iaka’ia nana’ ngadakan’ pajalan- an ka’ bumi, lalu nele’i’ ampahe kasudahan urakng-urakng nang sanape’ iaka’ia? Urakng- urakng koa labih hebat kakuatatn’nya dari pada iaka’ia man (labih manyak) eninggalan- peninggalan (paradaban) nya ka’ bumi, tapi Allah ngazab iaka’ia karana dosa-dosanya. Man nana’ akan ada suatu pun nang ngalinukngi’ iaka’ia dari (azab) Allah |
ذَٰلِكَ بِأَنَّهُمْ كَانَت تَّأْتِيهِمْ رُسُلُهُم بِالْبَيِّنَاتِ فَكَفَرُوا فَأَخَذَهُمُ اللَّهُ ۚ إِنَّهُ قَوِيٌّ شَدِيدُ الْعِقَابِ (22)
Nang demikian koa ialah karana sasungguhnya rasul-rasul udah atakng’ ka’ iaka’ia mang ngincakng’ bukti-bukti nang nyata.767 lalu iaka’ia ingkar; lalu Allah ngazab iaka’ia. Sungguh Ia Mahakuat, Mahakaras hukuman-Nya |
وَلَقَدْ أَرْسَلْنَا مُوسَىٰ بِآيَاتِنَا وَسُلْطَانٍ مُّبِينٍ (23)
Man sungguh, Kami udah ngutus Musa mang ngincakng’ ayat-ayat Kami man katarangan nang nyata |
إِلَىٰ فِرْعَوْنَ وَهَامَانَ وَقَارُونَ فَقَالُوا سَاحِرٌ كَذَّابٌ (24)
ka’ Fir’aun, Haman man Karun; lalu iaka’ia bakata, “(Musa) koa surakng pesihir man pangalok” |
فَلَمَّا جَاءَهُم بِالْحَقِّ مِنْ عِندِنَا قَالُوا اقْتُلُوا أَبْنَاءَ الَّذِينَ آمَنُوا مَعَهُ وَاسْتَحْيُوا نِسَاءَهُمْ ۚ وَمَا كَيْدُ الْكَافِرِينَ إِلَّا فِي ضَلَالٍ (25)
Maka waktu ia (Musa) atakng’ ka’ iaka’ia ngincakng’ kabanaratn’ dari Kami, iaka’ia bakata, “bunuhlah anak-anak laki-laki dari urakng-urakng nang baiman basama ia man biaratni’ idup nanbini-nanbini iaka’ia”. Namun tipu daya urakng-urakng kafir koa sia-sia belaka |
وَقَالَ فِرْعَوْنُ ذَرُونِي أَقْتُلْ مُوسَىٰ وَلْيَدْعُ رَبَّهُ ۖ إِنِّي أَخَافُ أَن يُبَدِّلَ دِينَكُمْ أَوْ أَن يُظْهِرَ فِي الْأَرْضِ الْفَسَادَ (26)
Man Fir’aun bakata (ka’ pembesar- pembesarnya), “Biar aku nang munuh Musa man suruh ia mohon ka’ Tuhannya. Sasungguhnya aku kawatir ia mao’ nukar agamanyu ato nimulatn’ karusakatn’ ka’ bumi” |
وَقَالَ مُوسَىٰ إِنِّي عُذْتُ بِرَبِّي وَرَبِّكُم مِّن كُلِّ مُتَكَبِّرٍ لَّا يُؤْمِنُ بِيَوْمِ الْحِسَابِ (27)
Man (Musa) bakata, “Sasungguhnya aku balinukng’ ka’ Tuhanku man Tuhannyu dari satiap urakng nang nyomongatn diri’ nang nana’ baiman ka’ ari pangetongan” |
وَقَالَ رَجُلٌ مُّؤْمِنٌ مِّنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَن يَقُولَ رَبِّيَ اللَّهُ وَقَدْ جَاءَكُم بِالْبَيِّنَاتِ مِن رَّبِّكُمْ ۖ وَإِن يَكُ كَاذِبًا فَعَلَيْهِ كَذِبُهُ ۖ وَإِن يَكُ صَادِقًا يُصِبْكُم بَعْضُ الَّذِي يَعِدُكُمْ ۖ إِنَّ اللَّهَ لَا يَهْدِي مَنْ هُوَ مُسْرِفٌ كَذَّابٌ (28)
Man seko’ nang baiman ka’ antara kaluarga Fir’aun nang nyosokatni’ iman nya bakata, “Ahe ke’ kao mao’ munuh surakng karana ia bakata, “Tuhanku ialah Allah”, padahal sungguh, ia udah atakng’ ka’ kao mang ngincakng’ bukti-bukti nang nyata dari Tuhannyu. Man kade’ ia surakng pangalok maka ia lah nang akan nanggung (dosa) aloknya koa; man kade’ ia surakng nang banar, pasti sabagian (bencana) nang diancamatnnya ka’ kao akan manimpanyu. Sasungguhnya Allah nana’ mare’ patunjuk ka’ urakng nang ngalampaui’ batas man pangalok |
يَا قَوْمِ لَكُمُ الْمُلْكُ الْيَوْمَ ظَاهِرِينَ فِي الْأَرْضِ فَمَن يَنصُرُنَا مِن بَأْسِ اللَّهِ إِن جَاءَنَا ۚ قَالَ فِرْعَوْنُ مَا أُرِيكُمْ إِلَّا مَا أَرَىٰ وَمَا أَهْدِيكُمْ إِلَّا سَبِيلَ الرَّشَادِ (29)
Wahai kaumku! “pada ari nian kerajaan ada ka’ kao manang bakuasa ka’ bumi, tapi sae nang nulukngi’ diri’ dari azab Allah kade’ (azab koa) nimpai’ diri’?” Fir’aun bakata, “ Aku hanya madahatn’ ka’ kao, ahe nang aku pandang baik; man aku hanya nonyokatn’ ka’ kao maraga nang batol” |
وَقَالَ الَّذِي آمَنَ يَا قَوْمِ إِنِّي أَخَافُ عَلَيْكُم مِّثْلَ يَوْمِ الْأَحْزَابِ (30)
Man urakng nang baiman koa bakata, “Wahai kaumku! Sasungguhnya aku kawatir kita’ akan ditimpa’ (bencana) lea ari kaancuratn’ golongan nang basakutu |
مِثْلَ دَأْبِ قَوْمِ نُوحٍ وَعَادٍ وَثَمُودَ وَالَّذِينَ مِن بَعْدِهِمْ ۚ وَمَا اللَّهُ يُرِيدُ ظُلْمًا لِّلْعِبَادِ (31)
(iakoa) lea kabinasaan kaum Nuh, ’Ad, Samud man urakng-urakng nang atakng’ salaka’ iaka’ia. Padahal Allah nana’ ngamao’i’ kazaliman ka’ amba-amba-Nya” |
وَيَا قَوْمِ إِنِّي أَخَافُ عَلَيْكُمْ يَوْمَ التَّنَادِ (32)
Man wahai kaumku! “Sasungguhnya aku banar-banar kawatir ka’ kita akan (siksa’an) ari saling basaru’i’ |
يَوْمَ تُوَلُّونَ مُدْبِرِينَ مَا لَكُم مِّنَ اللَّهِ مِنْ عَاصِمٍ ۗ وَمَن يُضْلِلِ اللَّهُ فَمَا لَهُ مِنْ هَادٍ (33)
(iakoa) ka’ ari (waktu) kita’ bapaling ka’ balakang (dari), nana’ ada surakng pun nang mampu nyalamatatn’ kita’ dari (azab) Allah. Man barang sae dibiaratn’ sasat oleh Allah, pasti nana’ ada sesuatu pun nang mampu mare’ patunjuk” |
وَلَقَدْ جَاءَكُمْ يُوسُفُ مِن قَبْلُ بِالْبَيِّنَاتِ فَمَا زِلْتُمْ فِي شَكٍّ مِّمَّا جَاءَكُم بِهِ ۖ حَتَّىٰ إِذَا هَلَكَ قُلْتُمْ لَن يَبْعَثَ اللَّهُ مِن بَعْدِهِ رَسُولًا ۚ كَذَٰلِكَ يُضِلُّ اللَّهُ مَنْ هُوَ مُسْرِفٌ مُّرْتَابٌ (34)
Man sungguh, sanape’ koa Yusuf udah atakng’ ka’ kita’ mang ngincakng’ bukti- bukti nang nyata, tapi kita’ senantiasa ngaraguatn’ ahe nang diincakng’nya, bahkan waktu ia wafat, kita bakata, “Allah ngirimpatn’ seko’ rasul pun salaka’ ia”. Demikianlah Allah ngabiaratn’ sasat urakng nang ngalampaui’ batas man ragu-ragu |
الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ ۖ كَبُرَ مَقْتًا عِندَ اللَّهِ وَعِندَ الَّذِينَ آمَنُوا ۚ كَذَٰلِكَ يَطْبَعُ اللَّهُ عَلَىٰ كُلِّ قَلْبِ مُتَكَبِّرٍ جَبَّارٍ (35)
(iakoa) urakng-urakng nang ngadebatatn’ ayat-ayat Allah tampa alasan nang sampe ka’ iaka’ia.769 Miah aya’ kaberakan’ (bagi iaka’ia) ka’ sisi Allah man urakng-urakng nang baiman. Demikianlah Allah nguncii’ ati satiap urakng nang sombong man balaku sawenang –wenang |
وَقَالَ فِرْعَوْنُ يَا هَامَانُ ابْنِ لِي صَرْحًا لَّعَلِّي أَبْلُغُ الْأَسْبَابَ (36)
Man Fir’aun bakata, “Wahai Haman! Buati’lah nto’ku sabuah bangunan nang tingi’ supaya aku sampe ka’ pintu-pintu |
أَسْبَابَ السَّمَاوَاتِ فَأَطَّلِعَ إِلَىٰ إِلَٰهِ مُوسَىٰ وَإِنِّي لَأَظُنُّهُ كَاذِبًا ۚ وَكَذَٰلِكَ زُيِّنَ لِفِرْعَوْنَ سُوءُ عَمَلِهِ وَصُدَّ عَنِ السَّبِيلِ ۚ وَمَا كَيْدُ فِرْعَوْنَ إِلَّا فِي تَبَابٍ (37)
(iakoa) pintu-pintu langit, supaya aku dapat nele’ Tuhannya Musa, tapi aku tatap mandangi’nya surakng pangalok”. Man demikianlah diijajiatn’ tarasa edo’ bagi Fir’aun pabuatatn’ buruknya koa, man ia tatutup dari jalatn’ (nang banar); man tipu daya Fir’aun koa nana’ lain hanyalah ngincakgn’ karugian |
وَقَالَ الَّذِي آمَنَ يَا قَوْمِ اتَّبِعُونِ أَهْدِكُمْ سَبِيلَ الرَّشَادِ (38)
Man urakng nang baiman koa bakata, “Wahai kaumku! Ikuti’lah aku, aku akan nunjukatn’ ka’ kita’ jalatn’ nang banar |
يَا قَوْمِ إِنَّمَا هَٰذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ (39)
Wahai kaumku! Sasungguhnya ka iduapatn’ dunia nian hanyalah kasanangan (samintara) man sungguh naherat koalah nangari nang kakal |
مَنْ عَمِلَ سَيِّئَةً فَلَا يُجْزَىٰ إِلَّا مِثْلَهَا ۖ وَمَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَأُولَٰئِكَ يَدْخُلُونَ الْجَنَّةَ يُرْزَقُونَ فِيهَا بِغَيْرِ حِسَابٍ (40)
Baranga sae ngarajaatn’ pabuatatn’ jahat, maka ia akan dibalas sebanding mang kajahatatn’ koa. Man barang sae ngaraja- atn’ kabakade’tn’, baik laki-laki maupun nanbini samintara ia dalapm’ kaadaan baiman, maka iaka’ia akan masok saruga, iaka’ia dibare’ rajaki ka’ dalapm’nya nana’ terhingga |
۞ وَيَا قَوْمِ مَا لِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ (41)
Man wahai kaumku! Ampaheke’nian, aku nyaru’ kita’ ka’ kasalamatatn’, tapi kita’ nyaru’ku ka’ neraka |
تَدْعُونَنِي لِأَكْفُرَ بِاللَّهِ وَأُشْرِكَ بِهِ مَا لَيْسَ لِي بِهِ عِلْمٌ وَأَنَا أَدْعُوكُمْ إِلَى الْعَزِيزِ الْغَفَّارِ (42)
(Di ahe) kita’ nyaru’ku agar kafir ka’ Allah man nyakutuatn’-Nya mang sesuatu nang aku nana’ mempunyai ilmun tantang koa, padahal aku nyaru’nyu (baiman) ka’ Nang Mahapakasa, Maha Pengampun |
لَا جَرَمَ أَنَّمَا تَدْعُونَنِي إِلَيْهِ لَيْسَ لَهُ دَعْوَةٌ فِي الدُّنْيَا وَلَا فِي الْآخِرَةِ وَأَنَّ مَرَدَّنَا إِلَى اللَّهِ وَأَنَّ الْمُسْرِفِينَ هُمْ أَصْحَابُ النَّارِ (43)
Sudah pasti bahwa’ ahe nang kita’ saru’atn’ aku ka’ ia buke’lah suatu saru’atn’ nang baguna baik ka’ dunia mao’pun ka’ naherat. Man sasungguhnya tampat kambali kita’ pasti ka’ Allah, man sasungguhnya urakng- urakng nang ngalampaui’ batas, iaka’ia koa akan menjadi penghuni neraka |
فَسَتَذْكُرُونَ مَا أَقُولُ لَكُمْ ۚ وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ (44)
Maka na’e kita’ akan ingat ka’ ahe nang kubatakatn’ ka’ kita’. Man aku nyarahatn’ urusatn’ ku ka’ Allah. Sungguh Allah Maha Nele’ akan amba-amba-Nya” |
فَوَقَاهُ اللَّهُ سَيِّئَاتِ مَا مَكَرُوا ۖ وَحَاقَ بِآلِ فِرْعَوْنَ سُوءُ الْعَذَابِ (45)
Maka Allah miharai’nya dari kejahatatn’ tipu daya iaka’ia, samintara Fir’aun mang kaum- nya dikapukng’ oleh azab nang miah buruk |
النَّارُ يُعْرَضُونَ عَلَيْهَا غُدُوًّا وَعَشِيًّا ۖ وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ (46)
Ka’ iaka’ia ditele’atn’ neraka, ka’ alapm’ man gumare’, man ka’ ari tajadinya kiamat. (Lalu ka’ mala’ekat diparentahatn’),“Masok- lah Fir’aun mam kaumnya ka’ dalapm’ azab nang miah karas!” |
وَإِذْ يَتَحَاجُّونَ فِي النَّارِ فَيَقُولُ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنتُم مُّغْنُونَ عَنَّا نَصِيبًا مِّنَ النَّارِ (47)
Man (ingatlah), waktu iaka’ia babantah- bantah ka’ dalapm’ neraka, maka urakng nang lamah bakata ka’ urakng-urakng nang nyombongkatn’ diri’, “Sasungguhnya kami duhuya ialah pangikut-pangikutnyu, maka dapat ke’ kao ngalapasatn’ sabagian (azab) api neraka nang manimpa’ kami?” |
قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ (48)
Urakng-urakng nang nyomgangkatn’ diri’ manjawab, “Sasungguhnya kita’ samua sama- sama dalapm’ neraka karana Allah udah natapatn’ kaputusatn’ antara hngincakng- amba-(Nya)” |
وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْمًا مِّنَ الْعَذَابِ (49)
Man urakng-urakng nang barada ka’ dalapm’ neraka bakata ka’ panjaga-panjaga neraka Jahanam, “Mohonatnlah ka’ Tuhan-nyu supaya Ia ngaringanatn azab atas kami saari ma’an” |
قَالُوا أَوَلَمْ تَكُ تَأْتِيكُمْ رُسُلُكُم بِالْبَيِّنَاتِ ۖ قَالُوا بَلَىٰ ۚ قَالُوا فَادْعُوا ۗ وَمَا دُعَاءُ الْكَافِرِينَ إِلَّا فِي ضَلَالٍ (50)
Maka (panjaga-panjaga Jahanam) bakata, “Ahe ke’ rasul-rasul nape’ atakng’ ka’ kita’ mang ngincakng’ bukti-bukti nang nyata?” Iaka’ia manjawab, “batol udah atakng’”. (panjaaga-panjaga Jahanam) bakata, “Bado’alah kao (babaro)” Namun do’a urakng-urakng kafir koa sia-sia belaka |
إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ (51)
Sasungguhnya Kami mao’ nulukng’ rasul- rasul Kami man urakng-urakng nang baiman dalapm’ kaidupatn’ dunia man ka’ ari tampilnya sigana saksi (ari kiamat) |
يَوْمَ لَا يَنفَعُ الظَّالِمِينَ مَعْذِرَتُهُمْ ۖ وَلَهُمُ اللَّعْنَةُ وَلَهُمْ سُوءُ الدَّارِ (52)
(iakoa) ari waktu pamintakan’ ma’af nana’ baguna bagi urakng-urakng zalim man iaka’ia mandapat laknat man tampat badiapm’ nang buruk |
وَلَقَدْ آتَيْنَا مُوسَى الْهُدَىٰ وَأَوْرَثْنَا بَنِي إِسْرَائِيلَ الْكِتَابَ (53)
man sungguh Kami udah marentatn’ patunjuk ka’ Musa; man ngawarisatn’ Kitab (Taurat) mka’ Bani Israil |
هُدًى وَذِكْرَىٰ لِأُولِي الْأَلْبَابِ (54)
nto’ manjadi patunjuk man paringatan bagi urakng-urakng nang bafikiran sehat |
فَاصْبِرْ إِنَّ وَعْدَ اللَّهِ حَقٌّ وَاسْتَغْفِرْ لِذَنبِكَ وَسَبِّحْ بِحَمْدِ رَبِّكَ بِالْعَشِيِّ وَالْإِبْكَارِ (55)
Maka basabarlah kao, sasungguhnya janji Allah koa banar, man mohonlah ampun nto’ dosanyu man batasbihlah palis mujii’ Tuhannyu ka’ waktu gumare’ man alapm’ |
إِنَّ الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ ۙ إِن فِي صُدُورِهِمْ إِلَّا كِبْرٌ مَّا هُم بِبَالِغِيهِ ۚ فَاسْتَعِذْ بِاللَّهِ ۖ إِنَّهُ هُوَ السَّمِيعُ الْبَصِيرُ (56)
Sasungguhnya urakng-urakng nang memper- debatatn ayat-ayat Allah tampa alasan man (bukti) nang sampe ka’ iaka’ia, nang ada dalapm’ dada iaka’ia hanyalah (keinginan akan) kebesaran nang nana’ akan iaka’ia capai, maka minta’lah palindungan ka’ Alllah. Sungguh Allah Maha Nangaratn’, Maha Nele’ |
لَخَلْقُ السَّمَاوَاتِ وَالْأَرْضِ أَكْبَرُ مِنْ خَلْقِ النَّاسِ وَلَٰكِنَّ أَكْثَرَ النَّاسِ لَا يَعْلَمُونَ (57)
Sungguh, penciptaan langit man bumi koa labih aya’ dari pada penciptaatn’ talino, akan tatapi kamanyakatn’ talino nana’ ngatahui’ |
وَمَا يَسْتَوِي الْأَعْمَىٰ وَالْبَصِيرُ وَالَّذِينَ آمَنُوا وَعَمِلُوا الصَّالِحَاتِ وَلَا الْمُسِيءُ ۚ قَلِيلًا مَّا تَتَذَكَّرُونَ (58)
Man nana’ sama uakng’ nang buta mang urakng nang nele’, man nana’ (sama) uga’ urakng-urakng nang baiman man ngarajaatn’ kabakade’tn’ mang urakng- urakng nang babuat kajahatatn’. Hanya sabebet sakali nang kita’ taap palajaran |
إِنَّ السَّاعَةَ لَآتِيَةٌ لَّا رَيْبَ فِيهَا وَلَٰكِنَّ أَكْثَرَ النَّاسِ لَا يُؤْمِنُونَ (59)
Sasungguhnya ari kiamat pasti akan atakng’, nana’ ada keraguan tantangnya, akan tatapi kamanyakatn’ talino nana’ baiman |
وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ (60)
Man Tuhannyu bafirman, “Bado’alah ka’- Aku, pasti akan Aku perkenan atn nto’nyu. Sasungguhnya urakng-urakng nang sombong nana’ mao’ nyambah-Ku akan masok neraka Jahanam dalapm’ keadaan hina dina” |
اللَّهُ الَّذِي جَعَلَ لَكُمُ اللَّيْلَ لِتَسْكُنُوا فِيهِ وَالنَّهَارَ مُبْصِرًا ۚ إِنَّ اللَّهَ لَذُو فَضْلٍ عَلَى النَّاسِ وَلَٰكِنَّ أَكْثَرَ النَّاسِ لَا يَشْكُرُونَ (61)
Allah lah nang nyajiatn’ malam nto’nyu supaya kao baistirahat ka’ ia;(man nyajiatn’) siakng’ tarang bandarang. Sungguh, Allah batol-batol ngampu’i’ karunia nang dilimpahatn’ ka’ talino, tapi kamanyakatn’ talino nana’ basukur |
ذَٰلِكُمُ اللَّهُ رَبُّكُمْ خَالِقُ كُلِّ شَيْءٍ لَّا إِلَٰهَ إِلَّا هُوَ ۖ فَأَنَّىٰ تُؤْفَكُونَ (62)
Demikianlah Allah, Tuhannyu, pencipta segala sesuatu, nana’ ada Tuhan selain Ia; maka ampahe ke’ kao dapat dipalingatn |
كَذَٰلِكَ يُؤْفَكُ الَّذِينَ كَانُوا بِآيَاتِ اللَّهِ يَجْحَدُونَ (63)
Demikianlah urakng-urakng nang selalu ngingkari’ ayat-ayat Allah dipalingatn |
اللَّهُ الَّذِي جَعَلَ لَكُمُ الْأَرْضَ قَرَارًا وَالسَّمَاءَ بِنَاءً وَصَوَّرَكُمْ فَأَحْسَنَ صُوَرَكُمْ وَرَزَقَكُم مِّنَ الطَّيِّبَاتِ ۚ ذَٰلِكُمُ اللَّهُ رَبُّكُمْ ۖ فَتَبَارَكَ اللَّهُ رَبُّ الْعَالَمِينَ (64)
Allah lah nang nyajiatn’ bumi nto’nyu sabage tampat badiapm’ man langit sabage atap man ngabantoki’nyu man ngaedo’i’ rupanyu serta mare’nyu rajaki nang baik- baik. Demikianlah Allah, Tuhannyu, Mahasuci Allah, Tuhan saluruh alam |
هُوَ الْحَيُّ لَا إِلَٰهَ إِلَّا هُوَ فَادْعُوهُ مُخْلِصِينَ لَهُ الدِّينَ ۗ الْحَمْدُ لِلَّهِ رَبِّ الْعَالَمِينَ (65)
Ia lah nang idup kakal, nana’ ada Tuhan selain Ia mang tulus ikhlas baagama ka’-Ia. Sagala puji bagi Allah Tuhan saluruh alam |
۞ قُلْ إِنِّي نُهِيتُ أَنْ أَعْبُدَ الَّذِينَ تَدْعُونَ مِن دُونِ اللَّهِ لَمَّا جَاءَنِيَ الْبَيِّنَاتُ مِن رَّبِّي وَأُمِرْتُ أَنْ أُسْلِمَ لِرَبِّ الْعَالَمِينَ (66)
Batakatn’lah (Muhammad), “Sungguh, aku di mai’an nyambah sambahan nang kita’ sambah selain Allah, setelah atakng’ ka’ aku katarangan-katarangan dari Tuhanku; man aku diparentahatn’ supaya basarah diri’ ka’ Tuhan saluruh alam” |
هُوَ الَّذِي خَلَقَكُم مِّن تُرَابٍ ثُمَّ مِن نُّطْفَةٍ ثُمَّ مِنْ عَلَقَةٍ ثُمَّ يُخْرِجُكُمْ طِفْلًا ثُمَّ لِتَبْلُغُوا أَشُدَّكُمْ ثُمَّ لِتَكُونُوا شُيُوخًا ۚ وَمِنكُم مَّن يُتَوَفَّىٰ مِن قَبْلُ ۖ وَلِتَبْلُغُوا أَجَلًا مُّسَمًّى وَلَعَلَّكُمْ تَعْقِلُونَ (67)
Ia lah nang nyiptaatn’ kao dari tanah, kamudian dari satetes mani, lalu dari sagumpal darah, kamudian kao dilahiratn’ sabage seko’ kamuda’, kamudian dimiaratn’ kao sampe dewasa, lalu manjaji tua. Tapi ka’ antara kita’ ada nang dimatiatn’ sanape’ koa. (Kami panjuati’ ampikoa) supaya kita’ sampe ka’ kurun waktu nang dinantuatn’, supaya kita’ ngarati |
هُوَ الَّذِي يُحْيِي وَيُمِيتُ ۖ فَإِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ (68)
Ia lah nang ngidupatn’ man ngamatiatn’. Maka kamile Ia mao’ natapatn’ suatu urusan, Ia hanya matakatn’ ka’ ia, “Jadilah!” Maka jadilah jukut koa |
أَلَمْ تَرَ إِلَى الَّذِينَ يُجَادِلُونَ فِي آيَاتِ اللَّهِ أَنَّىٰ يُصْرَفُونَ (69)
Ahe ke’ kita nana’ nele’i’ urakng-urakng nang (selalu) ngabantah ayat-ayat Allah? Ampahe iaka’ia dapat dipalingatn |
الَّذِينَ كَذَّبُوا بِالْكِتَابِ وَبِمَا أَرْسَلْنَا بِهِ رُسُلَنَا ۖ فَسَوْفَ يَعْلَمُونَ (70)
(Iakoa) urakng-urakng nang ngadustakan’ Kitab (Al-Quran) man wahyu nang diincakng’ rasul-rasul Kami nang udah Kami utus. Nae iaka’ia akan ngatahui’ |
إِذِ الْأَغْلَالُ فِي أَعْنَاقِهِمْ وَالسَّلَاسِلُ يُسْحَبُونَ (71)
Waktu belenggu man rante dipasang ka’ tage’ iaka’ia,sirata iaka’ia dinyeret |
فِي الْحَمِيمِ ثُمَّ فِي النَّارِ يُسْجَرُونَ (72)
ka’ dalapm’ ai’ nang miah angat,kemudian iaka’ia ditunu ka’ dalapm’ api |
ثُمَّ قِيلَ لَهُمْ أَيْنَ مَا كُنتُمْ تُشْرِكُونَ (73)
kemudian dibatakatn’ ka’ iaka’ia, mae ke’ bahala nang selalu kita sakutuatni’ |
مِن دُونِ اللَّهِ ۖ قَالُوا ضَلُّوا عَنَّا بَل لَّمْ نَكُن نَّدْعُو مِن قَبْلُ شَيْئًا ۚ كَذَٰلِكَ يُضِلُّ اللَّهُ الْكَافِرِينَ (74)
(nang kita sambah) selain Allah?” Iaka’ia manjawab, “ Iaka’ia udah ilang lanyap dari kami, bahkan kami de’e nana’ paranah nyambah sesuatu”. Ampikoa lah Allah ngabiaratn’ sasat urakng-urakng kafir |
ذَٰلِكُم بِمَا كُنتُمْ تَفْرَحُونَ فِي الْأَرْضِ بِغَيْرِ الْحَقِّ وَبِمَا كُنتُمْ تَمْرَحُونَ (75)
Nang demikian koa disebabatn karana kita basuka ria ka’ bumi (nana’) nangaratn’ kabanaratn’ man karana kita selalu basuka ria (dalapm kemaksiatan) |
ادْخُلُوا أَبْوَابَ جَهَنَّمَ خَالِدِينَ فِيهَا ۖ فَبِئْسَ مَثْوَى الْمُتَكَبِّرِينَ (76)
(Dibatakatn’ ka’ iaka’ia), Masoklah kita’ ka’ pintu-pintu neraka Jahanam, man kita’ kakal ka’ dalapm’ nya. Maka koalah saburuk-buruk tampat bagi urakng nang sombong” |
فَاصْبِرْ إِنَّ وَعْدَ اللَّهِ حَقٌّ ۚ فَإِمَّا نُرِيَنَّكَ بَعْضَ الَّذِي نَعِدُهُمْ أَوْ نَتَوَفَّيَنَّكَ فَإِلَيْنَا يُرْجَعُونَ (77)
Maka basabarlah kao (Muhammad), sabanarnya janji Allah koa banar. Meski Kami tele’atni’ ka’ kao sabagian seksa nang Kami ancamatn ka’ iaka’ia, ato pun Kami matiatn’ kao (sanape’ ajal manimpa iaka’ia), namun ka’ Kami lah iaka’ia dipulakngkatni’ |
وَلَقَدْ أَرْسَلْنَا رُسُلًا مِّن قَبْلِكَ مِنْهُم مَّن قَصَصْنَا عَلَيْكَ وَمِنْهُم مَّن لَّمْ نَقْصُصْ عَلَيْكَ ۗ وَمَا كَانَ لِرَسُولٍ أَن يَأْتِيَ بِآيَةٍ إِلَّا بِإِذْنِ اللَّهِ ۚ فَإِذَا جَاءَ أَمْرُ اللَّهِ قُضِيَ بِالْحَقِّ وَخَسِرَ هُنَالِكَ الْمُبْطِلُونَ (78)
Man sungguh Kami udah ngutus sangae rasul sanape’ kao (Muhammad), ka’ antara iaka’ia ada nang Kami curitakan’ ka’ kao man ka’ antaranya ada (uga’) nang nana’ Kami curitakan’ ka’ kao. Nana’ ada seko’ rasul ngincakng’ suatu mukjizat, kacoali saizin Allah. Maka kamile udah atakng’ parentah Allah,(nto’ samua pakara) rugilah urakng-urakng nang bapigakng’ ka’ nang batil |
اللَّهُ الَّذِي جَعَلَ لَكُمُ الْأَنْعَامَ لِتَرْكَبُوا مِنْهَا وَمِنْهَا تَأْكُلُونَ (79)
Allah lah nang nyajiatn’ binatang ternak nto’ nyu, sabagian nto’ kita’ tumpakngi’ man sabagian nto’ kita’ makatn’ |
وَلَكُمْ فِيهَا مَنَافِعُ وَلِتَبْلُغُوا عَلَيْهَا حَاجَةً فِي صُدُورِكُمْ وَعَلَيْهَا وَعَلَى الْفُلْكِ تُحْمَلُونَ (80)
Man nto’ kita’ (ada agi’) manfaat-manfaat nang lain ka’ (binatang ternak koa) man supaya kita’ mancapai suatu kapalaluan (tujuan) nang tasimpan dalapm’ atinyu (mang ngandarai’nya). Man mang ngandarai’ binatang-binatang koa, man ka’ atas kapal iaka’ia diangkut |
وَيُرِيكُمْ آيَاتِهِ فَأَيَّ آيَاتِ اللَّهِ تُنكِرُونَ (81)
Man Ia nele’atni’ tanda-tanda (kaaya’atn’- Nya) ka’ kao. Lalu tanda-tanda (ka aya’atn’) Allah nang mae nang kita’ ingkari’ |
أَفَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ ۚ كَانُوا أَكْثَرَ مِنْهُمْ وَأَشَدَّ قُوَّةً وَآثَارًا فِي الْأَرْضِ فَمَا أَغْنَىٰ عَنْهُم مَّا كَانُوا يَكْسِبُونَ (82)
Maka ahe ke’ iaka’ia nana’ ngadakan’ pajalanan ka’ bumi,lalu iaka’ia nele’atni’ ampahe kasudahan urakng-urakng nang sanape’ iaka’ia. Iaka’ia koa labih manyak man labih hebat kakuatannya serta (labih manyak) paninggalan-paninggalan paradaban ka’ bumi,770 maka ahe nang iaka’ia usahakan koa nana’ dapat nulukngi’ iaka’ia |
فَلَمَّا جَاءَتْهُمْ رُسُلُهُم بِالْبَيِّنَاتِ فَرِحُوا بِمَا عِندَهُم مِّنَ الْعِلْمِ وَحَاقَ بِهِم مَّا كَانُوا بِهِ يَسْتَهْزِئُونَ (83)
Maka waktu para rasul atakng’ ka’ iaka’ia mang ngincakng’ bukti-bukti nang nyata, iaka’ ia marasa karepoatn’ mang ilmu nang ada ka’ iaka’ia,771 man iaka’ia dikapukngi (azab) nang duhuya iaka’ia ngolo’- ngolo’i’nya |
فَلَمَّا رَأَوْا بَأْسَنَا قَالُوا آمَنَّا بِاللَّهِ وَحْدَهُ وَكَفَرْنَا بِمَا كُنَّا بِهِ مُشْرِكِينَ (84)
Maka waktu iaka’ia nele’ azab Kami, iaka’ia bakata, “Kami hanya baiman ka’ Allah ihan man kami ingkar ka’ sambahan- sambahan nang udah kami nyakutuatn’ mang Allah |
فَلَمْ يَكُ يَنفَعُهُمْ إِيمَانُهُمْ لَمَّا رَأَوْا بَأْسَنَا ۖ سُنَّتَ اللَّهِ الَّتِي قَدْ خَلَتْ فِي عِبَادِهِ ۖ وَخَسِرَ هُنَالِكَ الْكَافِرُونَ (85)
Maka iman iaka’ia waktu iaka’ia udah nele’ azab Kami nana’ baguna lagi’ bagi iaka’ia. Koalah (katantuan) Allah nang udah balaku terhadap amba-amba-Nya. Man waktu koa rugilah urakng-urakng kafir. A |
