ن ۚ وَالْقَلَمِ وَمَا يَسْطُرُونَ (1)
Nun. Demi pena (pen) mang ahe nang ia iaka’koa tulisatn |
مَا أَنتَ بِنِعْمَةِ رَبِّكَ بِمَجْنُونٍ (2)
Mang karunia Tuhannyu kao (Muhammad) buke’lah urakng gila |
وَإِنَّ لَكَ لَأَجْرًا غَيْرَ مَمْنُونٍ (3)
Man pasti kao namu pahala nang aya’, nang nana’ putus-putusnya |
وَإِنَّكَ لَعَلَىٰ خُلُقٍ عَظِيمٍ (4)
Man sasungguhnya kao banar-banar babudi pakarati nang luhur |
فَسَتُبْصِرُ وَيُبْصِرُونَ (5)
Maka na’e kao akan nele’ man ia iaka’koa (urakng-urakng kapir) pun akan nele’ |
بِأَييِّكُمُ الْمَفْتُونُ (6)
Sae diantara kita’ nang gila |
إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ (7)
Sungguh, Tuhannyu, Ia-lah Nang Maha Mangatahui’ sae nang sasat dari jalatnNya (maraga Nya), nang Ia-lah nang batol-batol mangatahui’ sae urakng-urakng nang namu patunjuk |
فَلَا تُطِعِ الْمُكَذِّبِينَ (8)
Maka amelah kao patuhi urakng-urakng nang nustakan (madah alok) ayat-ayat Allah |
وَدُّوا لَوْ تُدْهِنُ فَيُدْهِنُونَ (9)
Ia iaka’koa ngingintatn supaya kao basikap lunak maka ia iaka’koa pun basikap lunak (uga’) |
وَلَا تُطِعْ كُلَّ حَلَّافٍ مَّهِينٍ (10)
Mang amelah kao patuhi’ satiap urakng nang suka basumpah mang suka mangina |
هَمَّازٍ مَّشَّاءٍ بِنَمِيمٍ (11)
Suka mancela, nang iaka’koa, ka’ nyabaratn pitnah |
مَّنَّاعٍ لِّلْخَيْرِ مُعْتَدٍ أَثِيمٍ (12)
Nang malintakugi’ sagala nang baik, nang malapoi’ batas mang manyak badosa |
عُتُلٍّ بَعْدَ ذَٰلِكَ زَنِيمٍ (13)
Nang batabiat kasar, salain koa uga’ takanal kajahatatnnya |
أَن كَانَ ذَا مَالٍ وَبَنِينَ (14)
Karana ia kaya man manyak anak |
إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ (15)
Kade’ ayat-ayat Kami di bacakan ka’ ia, ia babakatakan “Nian koalah carita-carita urakng jaman are’” |
سَنَسِمُهُ عَلَى الْخُرْطُومِ (16)
Nae Ia akan Kami (Allah) bare’ tanda ka’ balalainya |
إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ (17)
Sungguh Kami udah nguji ia iaka’koa (urakng musyrik Makkah) ampahe uga’ Kami udah nguji ampu’ ampu’ kabau. Katika ia iaka’koa basumpah pasti akan mebeti’ (asil) nya bakalapm ari |
وَلَا يَسْتَثْنُونَ (18)
Tatapi ia iaka’koa nana’ ngucapatn “Insya Allah” (kade’ Allah nyaratakani’) |
فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ (19)
Lalu kabon koa di timpa’ bancana (nang atakng) dari Tuhannyu katika ia iaka’koa gi’ batiduratn |
فَأَصْبَحَتْ كَالصَّرِيمِ (20)
Maka jadilah kabon iaka’koa itapm (ratokng) ampahe malam nang galap gulita |
فَتَنَادَوْا مُصْبِحِينَ (21)
Lalu waktu bakalapm ari ia iaka’koa basaru’-saru’ |
أَنِ اغْدُوا عَلَىٰ حَرْثِكُمْ إِن كُنتُمْ صَارِمِينَ (22)
“Ampuslah ka’ kabonnyu kade’ kao mao’ mebet aselnya” |
فَانطَلَقُوا وَهُمْ يَتَخَافَتُونَ (23)
Maka ia iaka’koa pun barangkat sambel babisik-bisik |
أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ (24)
“pada ari nian ame sampe ada urakng masikin masok ka’ kabon nyu” |
وَغَدَوْا عَلَىٰ حَرْدٍ قَادِرِينَ (25)
Ampuslah ia iaka’koa bakalapm ari nang baniat ngalangia’ (urakng-urakng masikin) padahal ia iaka’koa mangkeh (ndongnya) |
فَلَمَّا رَأَوْهَا قَالُوا إِنَّا لَضَالُّونَ (26)
Maka katika ia iaka’koa nele’ kabon koa, ia babakatakan, “Sungguh, diri’ nian batol- batol urakng nang sasat |
بَلْ نَحْنُ مَحْرُومُونَ (27)
Bahkan diri’ nana’ namu ahe pun |
قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ (28)
Bakatalah saurakng nang batol bijak ka’ antaranya iaka’koa, “nana’ ke’ aku udah madahatnnya ka’ kita’, jahe kita’ nana’ batasbih (ka’ Tuhan diri’)” |
قَالُوا سُبْحَانَ رَبِّنَا إِنَّا كُنَّا ظَالِمِينَ (29)
Ia iaka’koa bakata, “Maha Baraseh Tuhan Kami, sungguh, kami nian urakng-urakng nang Jalim (jahat)” |
فَأَقْبَلَ بَعْضُهُمْ عَلَىٰ بَعْضٍ يَتَلَاوَمُونَ (30)
Lalu ia iaka’koa saling baradapatn man saling baberakan (nyalahatn) |
قَالُوا يَا وَيْلَنَا إِنَّا كُنَّا طَاغِينَ (31)
Ia iaka’koa bakata, “cilaka diri’, sasungguhnya diri’ urakng-urakng nang malampoi’ batas |
عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ (32)
Mudah-mudahatn Tuhan mare’atn gantinya ka’ diri’ mang (kabon) nang labih baik dari nang nian, sungguh, diri ngarapatn amponan dari Tuhan diri’” |
كَذَٰلِكَ الْعَذَابُ ۖ وَلَعَذَابُ الْآخِرَةِ أَكْبَرُ ۚ لَوْ كَانُوا يَعْلَمُونَ (33)
Macam ngkoalah ajap (ka’ dunia). Man sungguh, ajap naherat labih aya’ sakiranya ia iaka’koa nau’an |
إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ (34)
Sungguh, bagi urakng-urakng nang batakwa (di sadiakan) saruga nang panuh atnyamanan (atnikmatan ka’ sisi Tuhannya) |
أَفَنَجْعَلُ الْمُسْلِمِينَ كَالْمُجْرِمِينَ (35)
Ahe ke’ patut Kami (Allah) ngalakuatn urakng-urakng Islam koa ampahe urakng- urakng nang badosa (kapir) |
مَا لَكُمْ كَيْفَ تَحْكُمُونَ (36)
Jahe kita’ (babuat ampeatn)? Mpahe kita’ na’ap kaputusatn |
أَمْ لَكُمْ كِتَابٌ فِيهِ تَدْرُسُونَ (37)
Ato ahe ke’ kita’ ada ngampu kitab (nang dituruntatn Allah) nang kita’ palajari’ |
إِنَّ لَكُمْ فِيهِ لَمَا تَخَيَّرُونَ (38)
Sasungguhnya kita’ dapat milih ahe ma’an nang ada ka’ dalapmnya |
أَمْ لَكُمْ أَيْمَانٌ عَلَيْنَا بَالِغَةٌ إِلَىٰ يَوْمِ الْقِيَامَةِ ۙ إِنَّ لَكُمْ لَمَا تَحْكُمُونَ (39)
Ato ahe ke’ kita’ namu (janji-janji nang di pakuat mang) sumpah dari Kami (Allah), nang tatap balaku sampe dunia kiamat; bahoa’ kita’ bisa na’ap kaputusatn (sasuka kita’) |
سَلْهُمْ أَيُّهُم بِذَٰلِكَ زَعِيمٌ (40)
Tanya’anlah ka’ ia iaka’koa, “sae nang ka’ antaranya iaka’koa nang batanggong jawab taradap (kaputusatn nang di na’ap koa) |
أَمْ لَهُمْ شُرَكَاءُ فَلْيَأْتُوا بِشُرَكَائِهِمْ إِن كَانُوا صَادِقِينَ (41)
Ato ah eke’ ia iaka’koa ada basakutu- sakutu? Kade’ ampa koa handaklah ia iaka’koa ngatangkatn sakutu-sakutu nya kade’ ia iaka’koa urakng-urakng nang banar |
يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ (42)
(Ingatlah) ka’ ari katika batis ditaikatn850 nang iaka’koa di saru’ (di panggel) nto’ basujut; maka ia iaka’koa nana’ bamampuatn |
خَاشِعَةً أَبْصَارُهُمْ تَرْهَقُهُمْ ذِلَّةٌ ۖ وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ (43)
Panele’atnnya iaka’koa tagago’ ka’babah, di pandai’ kainakan. Sungguh, de’enya (ka’ dunia) ia iaka’koa udah di saru’ nto’ basujut waktu ia iaka’koa babasehatatn (tatapi ia iaka’koa bai’ (nana’ ngalakuatnnya) |
فَذَرْنِي وَمَن يُكَذِّبُ بِهَٰذَا الْحَدِيثِ ۖ سَنَسْتَدْرِجُهُم مِّنْ حَيْثُ لَا يَعْلَمُونَ (44)
Maka sarahatnlah ka’ Aku (urusatnnya) urakng-urakng nang nustakan (madah alok) pakatakan nian (Al-Quran). Nae’e akan Kami ukum ia iaka’koa baangsor-angsor dari arah nang nana’ nyata tu’atni’ |
وَأُمْلِي لَهُمْ ۚ إِنَّ كَيْدِي مَتِينٌ (45)
Man aku mare’ tanggang waktu ka’ ia iaka’ koa. Sungguh, rancana-Ku batol-batol taguh |
أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ (46)
Ato ke’ kao (Muhammad) minta’ imbalatn ka’ ia iaka’koa, sahingga ia iaka’koa di babeni’ mang utakng |
أَمْ عِندَهُمُ الْغَيْبُ فَهُمْ يَكْتُبُونَ (47)
Atoke’ ia iaka’koa nau’an nang gaib, lalu ia iaka’koa nulisatnnya |
فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَىٰ وَهُوَ مَكْظُومٌ (48)
Maka basabarlah kao (Muhammad) taradap katatapatn Tuhannyu, mang amelah kao ampahe (Yunus) urakng nang barada ka’ dalapm parut) ikatn katika ia bado’a mang ati nang sadih |
لَّوْلَا أَن تَدَارَكَهُ نِعْمَةٌ مِّن رَّبِّهِ لَنُبِذَ بِالْعَرَاءِ وَهُوَ مَذْمُومٌ (49)
Sakiranya ia nana’ sagara namu nikmat dari Tuhannya, pastilah ia di tabakatn ka’ tanah tandus (nana’ ba’ahe-ahe) dalapm ka’adakan tacela |
فَاجْتَبَاهُ رَبُّهُ فَجَعَلَهُ مِنَ الصَّالِحِينَ (50)
Lalu Tuhannya miliknya mang nyadiatnnya tamasok urakng nang saleh |
وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ (51)
Man sungguh, urakng-urakng kapir koa amper-amper ngalincuratn kao mang paniaka’ koa mata nya iaka’koa, katika ia iaka’koa nangara Al-Quran nang ia bakata, “ia (Muhammad) koa batol-batol urakng gila,” |
وَمَا هُوَ إِلَّا ذِكْرٌ لِّلْعَالَمِينَ (52)
Padahal Al-Quran koa nana’ lain hanyalah paringatatn bagi saluruh alam dunia. ayat |
